Friday, February 23, 2018

യൂത്ത് ലീഗ് ദേശീയ നേതാക്കൾ ദാറുൽ ഹുദാ ബംഗാൾ കാമ്പസ് സന്ദർശിച്ചു

ഓരോ വിദ്യാർത്ഥിയും ഓരോ നവോഥാന നായകരാവുകയാണ് ബംഗാളിലെ മുസ്ലിം വിദ്യാർത്ഥികൾക്ക് ചെയ്യാനുള്ള കടമയെന്ന് മുസ്ലിം യൂത്ത് ലീഗ് നാഷണൽ ജന. സെക്രട്ടറി സി. കെ സുബൈർ. ദാറുൽ ഹുദാ ബംഗാൾ ക്യാമ്പസിൽ സംഘടിപ്പിച്ച സ്വീകരണ പരിപാടിയിൽ പങ്കെടുത്ത് സംസാരിക്കുകയായിരുന്നു അദ്ദേഹം. രണ്ടു ദിവസത്തെ ബംഗാൾ ജാർഖണ്ഡ് സന്ദർശനത്തിനിടയിൽ ക്യാംപ്‌സിലെത്തിതായിരുന്നു അദ്ദേഹം. പരിപാടിയിൽ യൂത്ത് ലീഗ് നാഷണൽ വൈസ് പ്രസിഡന്റ് അഡ്വക്കേറ്റ് ഫൈസൽ ബാബു മുഖ്യപ്രഭാഷണം നിർവഹിച്ചു. സിദ്ദിഖ് ഹുദവി, അഷ്റഫ് ഹുദവി, മിസ്ബാഹ് ശൈഖ്, തൈമുദ്ദിൻ ശൈഖ്, ശാകിർ ഹുദവി തുടങ്ങിയവർ സംബന്ധിച്ചു. 
- Darul Huda Islamic University

സ്കൂളുകൾ അടച്ചു പൂട്ടൽ ഭീഷണിക്കെതിരെ അസ്മി സമര പ്രഖ്യാപന കൺവൻഷൻ നാളെ (ശനി)

തേഞ്ഞിപ്പാലം: അംഗീകാരത്തിന്റെ കാരണം പറഞ്ഞ് ന്യൂന പക്ഷ സ്കൂളുകൾ അടച്ചു പൂട്ടാനുള്ള സർക്കാർ നീക്കത്തിനെതിരെ അസോസിയേഷൻ ഓഫ് സമസ് മൈനോറിറ്റി ഇൻസ്റ്റിറ്റ്യൂഷൻസ് (അസ്മി)യുടെ ആഭിമുഖ്യത്തിൽ സംഘടിപ്പിക്കുന്ന സമര പ്രഖ്യാപന കൺവൻഷൻ നാളെ (ശനി) രാവിലെ 9 മണിക്ക് കോഴിക്കോട് സമസ്ത ഓഡിറ്റോറിയത്തിൽ വെച്ച് നടക്കും. അന്താരാഷ്ട്ര നിലവാരമുള്ള വിദ്യാഭ്യാസം നൽകുന്നതിൽ അൺ എഴ്ഡഡ് സ്കൂളുകൾ നിർണ്ണായ പങ്ക് വഹിച്ചതായും അവകൾ അടച്ചു പൂട്ടുന്നതിന് പകരം സംരക്ഷിക്കേണ്ട ബാധ്യത സർക്കാറിനുണ്ടെന്നുമിരിക്കെ വിദ്യാർഥികളുടെയും ടീച്ചേഴ്സിന്റെയും ഭാവി അനിശ്ചിതത്തിലാക്കി സർക്കാർ സ്വീകരിക്കുന്ന ഈ നിലപാടിനെതിരെ വൈവിധ്യങ്ങളായ പ്രക്ഷോഭ പരിപാടികൾ വരും ദിവസങ്ങളിൽ അസ്മിയുടെ ആഭിമുഖ്യത്തിൽ നടക്കും. കേരള വിദ്യാഭ്യാസ നിയമം (കെ. ഇ. ആർ) നിർദ്ദേശിക്കുന്ന മുഴുവൻ മാനദണ്ഡങ്ങളും പാലിച്ച് മികച്ച നിലവാരത്തോടെ പ്രവർത്തിക്കുന്ന അനേകം സ്കൂളുകളാണ് അംഗീകാരത്തിനായി കാത്തിരിക്കുന്നത്. മികച്ച ഭൗതിക സൗകര്യങ്ങളോടെ പ്രവർത്തിക്കുന്നവയാണ് ഇവയിലധികവും. അംഗീകാരം ലഭിക്കുമെന്ന പ്രതീക്ഷയിൽ പ്രവർത്തിക്കുന്ന ഇത്തരം സ്കൂളുകൾക്ക് അംഗീകാരം നൽകുന്നതിന് പകരം എ. ഇ. ഒ മുഖേന അടച്ചുപൂട്ടാനുള്ള കത്ത് നൽകിയിരിക്കുകയാണ്. അസ്മിയുടെ കീഴിൽ രജിസ്റ്റർ ചെയ്ത സ്കൂൾ മാനേജ്മെൻറ് പ്രതിനിധികൾക്ക് പുറമെ അംഗീകാരമില്ലാത്ത മറ്റ് സ്കൂൾ മാനേജ്മെൻറ് പ്രതിനിധികളെയും സ്കൂൾ അസോസിയേഷൻ പ്രതിനിധികളെയും സമര പ്രഖ്യാപന കൺവൻഷനിൽ പ്രതീക്ഷിക്കുന്നു. 

പരിപാടി എം. കെ രാഘവൻ എം. പി ഉദ്ഘാടനം ചെയ്യും. അസ്മി സംസ്ഥാന പ്രസിഡണ്ട് പാണക്കാട് അബ്ബാസലി ശിഹാബ് തങ്ങൾ അധ്യക്ഷനാകും. സമസ്ത മാനേജർ കെ. മോയിൻകുട്ടി മാസ്റ്റർ, എസ്. കെ. എസ്. എസ്. എഫ് സംസ്ഥാന ജനറൽ സെക്രട്ടറി സത്താർ പന്തല്ലൂർ, ന്യൂന പക്ഷ സമിതി കൺവീനർ മുസ്തഫ മാസ്റ്റർ മുണ്ടുപാറ, അസ്മി സംസ്ഥാന ജന. സെക്രട്ടറി ഹാജി പി. കെ മുഹമ്മദ്, കെ. പി. എസ്. എ പ്രസിഡണ്ട് പി. പി യൂസുഫലി, കെ. കെ. എസ് തങ്ങൾ, പി. വി മുഹമ്മദ് മൗലവി, അബ്ദുസ്സലാം ഫൈസി ഒളവട്ടൂർ, റഹീം ചുഴലി, നവാസ് ഓമശ്ശേരി, റഷീദ് കമ്പളക്കാട്, സലീം എടക്കര, ഒ. കെ. എം കുട്ടി ഉമരി, അഡ്വ. പി. പി ആരിഫ് ഡോ. കെ. വി അലി അക്ബർ ഹുദവി, അഡ്വ. നാസർ കാളമ്പാറ, മജീദ് പറവണ എന്നിവർ സംബന്ധിക്കും. വിശദ വിവരങ്ങൾക്ക് ബന്ധപ്പെടേണ്ട നമ്പർ: 94473 35463. 
- Samasthalayam Chelari

SKSBV Silver Jubilee logo (png file for download)

മുകളില്‍ കൊടുത്ത SKSBV സില്‍വര്‍ ജൂബിലി ലോഗോ png ഫയല്‍ ഡൗണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക

SKSBV സില്‍വര്‍ ജൂബിലി അനുഗ്രഹ സഞ്ചാരം 25 ന് വരക്കലില്‍ നിന്ന് ആരംഭിക്കും

ചേളാരി: ''നന്മ കൊണ്ട് നാടൊരുക്കം വിദ്യ കൊണ്ട് കൂട് തീര്‍ക്കാം' എന്ന പ്രമേയത്തില്‍ എസ്. കെ. എസ്. ബി. വി സംസ്ഥാന കമ്മിറ്റി സംഘടിപ്പിക്കുന്ന സംസ്ഥാന പ്രസിഡണ്ട് പാണക്കാട് സയ്യിദ് അസീല്‍ അലി ശിഹാബ് തങ്ങളുടെ നേതൃത്വത്തില്‍ ഉള്ള അനുഗ്രഹ സഞ്ചാരം വരക്കല്‍ മഖാമില്‍ നിന്നും ആരംഭിക്കും. 25 ന് രാവിലെ 8. 30 ന് വരക്കല്‍ മഖാമില്‍ വെച്ചു സയ്യിദ് അസീല്‍ അലി ശിഹാബ് തങ്ങള്‍ക്ക് പതാക കൈമാറി സയ്യിദ് ഹംസ ബാഫഖി തങ്ങള്‍ യാത്ര ഉദ്ഘാടനം ചെയ്യും. വാഴക്കാട് കണ്ണിയത്ത് ഉസ്താദ് മഖാം, കുഞ്ഞാലി മുസ്ലിയാര്‍ മഖാം, ഉസ്താദ് അബൂബക്കര്‍ നിസാമി മഖാം, ശൈഖുനാ ബാവ ഉസ്താദ് മഖാം, ദാറുല്‍ഹുദ സൈനുല്‍ ഉലമ മഖാം, മമ്പുറം മഖാം, പി. പി ഉസ്താദ് മഖാം, അസ്ഹരി തങ്ങള്‍ മഖാം, കെ. വി ഉസ്താദ് മഖാം, ആനക്കര കോയക്കുട്ടി ഉസ്താദ് മഖാം, കുമരംപുത്തൂര്‍ ഉസ്താദ് മഖാം, നാട്ടിക ഉസ്താദ് മഖാം, കെ. ടി. മാനു ഉസ്താദ് മഖാം, കാളമ്പാടി മഖാം, പാണക്കാട് തുടങ്ങിയ സ്ഥലങ്ങളില്‍ പര്യടനം നടത്തുന്ന യാത്ര 7 മണിക്ക് പാണക്കാട് സമാപിക്കും. പാണക്കാട് സയ്യിദ് റാജിഅലി ശിഹാബ് തങ്ങള്‍, സംസ്ഥാന ജനറല്‍ സെക്രട്ടറി അഫ്‌സല്‍ രാമന്തളി, ട്രഷറര്‍ ഫുഅദ് വെള്ളിമാട്കുന്ന്, സയ്യിദ് സ്വദഖതുള്ള തങ്ങള്‍ അരിമ്പ്ര, റിസല്‍ ദര്‍ അലി ആലുവ, ശഫീഖ് മണ്ണഞ്ചേരി, അനസ് അലി ആമ്പല്ലൂര്‍, നാസിഫ് തൃശൂര്‍, മുനാഫര്‍ ഒറ്റപ്പാലം, മുബഷിര്‍ ചുങ്കത്ത്, അസ്‌ലഹ് മുതുവല്ലൂര്‍, റബീഉദ്ധീന്‍ വെന്നിയൂര്‍, മുബഷിര്‍ മേപ്പാടി, മുഹസിന്‍ ഓമശ്ശേരി, സജീര്‍ കണ്ണൂര്‍, സുഹൈല്‍ തടിക്കടവ്, യാസര്‍ അറഫാത്ത് ചെര്‍ക്കള, ആബിദലി കാസര്‍ഗോഡ്, അന്ശാദ് ബല്ലാകടപ്പുറം, ഫര്‍ഹാന്‍ കൊടക് തുടങ്ങിയവര്‍ സംബന്ധിക്കും. 
- Samastha Kerala Jam-iyyathul Muallimeen

സിപെറ്റ് മോറല്‍ സ്‌കൂള്‍; അപേക്ഷ ക്ഷണിക്കുന്നു

തിരൂരങ്ങാടി: ദാറുല്‍ഹുദാ ഇസ്‍ലാമിക് യൂനിവേഴ്‌സിറ്റി പൊതു വിദ്യാഭ്യാസ സംരംഭം സിപെറ്റിനു കീഴില്‍ ഹയര്‍സെക്കണ്ടറി വിദ്യാര്‍ഥിനികള്‍ക്ക് ഭൗതിക പഠനത്തോടൊപ്പം മതവിദ്യ കൂടി ലഭ്യമാക്കുക എന്ന ലക്ഷ്യത്തില്‍ നടന്നു കൊണ്ടിരിക്കുന്ന സര്‍ട്ടിഫിക്കറ്റ് ഇന്‍ മോറല്‍ സ്റ്റഡീസിന്‍റെ സ്റ്റഡി സെന്‍ററുകള്‍ക്കുള്ള അപേക്ഷ ക്ഷണിക്കുന്നു. അപേക്ഷിക്കേണ്ട അവസാന തിയ്യതി : 2018 ഏപ്രില്‍ 30. വിശദ വിവരങ്ങള്‍ക്ക് ദാറുല്‍ഹുദാ വെബ്‌സൈറ്റ് www.dhiu.in സന്ദര്‍ശിക്കുക. 
- Darul Huda Islamic University

Thursday, February 22, 2018

സ്ഥാപക ദിനത്തില്‍ ബഹ്‌റൈന്‍ SKSSF പ്രവര്‍ത്തകര്‍ ഹോസ്പിറ്റല്‍ സന്ദര്‍ശനം നടത്തി

ഹോസ്പിറ്റലില്‍ കഴിയുന്ന അഫ്സലിന് ആദ്യ ഘട്ടം 25, 000 രൂപ നല്‍കും 

മനാമ: എസ്. കെ. എസ്. എസ്. എഫ് സ്ഥാപക ദിനത്തോടനുബന്ധിച്ച് ബഹ്റൈനില്‍ എസ്. കെ. എസ്. എസ്. എഫ് പ്രവര്‍ത്തകര്‍ ഹോസ്പിറ്റല്‍ സന്ദര്‍ശനം സംഘടിപ്പിച്ചു. "കരുണയുടെ നോട്ടം കനിവിൻറ സന്ദേശം" എന്ന സന്ദേശമുയര്‍ത്തി നടത്തിയ ആശുപത്രി സന്ദര്‍ശനം പ്രധാനമായും സല്‍മാനിയ മെഡിക്കല്‍ സെന്‍റര്‍ കേന്ദ്രീകരിച്ചാണ് നടത്തിയത്. മനാമയില്‍ മോഷ്ടാക്കളുടെ അക്രമത്തില്‍ പരിക്കേറ്റ് സല്‍മാനിയ ആശുപത്രിയില്‍ കഴിയുന്ന അഫ്സല്‍ അടക്കമുള്ള നിരവധി രോഗികളെ സംഘം സന്ദര്‍ശിച്ചു. അഫ്സലിന് പ്രഥമ ഘട്ട സഹായമായി സംഘടനയുടെ സഹചാരി റിലീഫ് സെല്ലില്‍ നിന്നും 25000 രൂപ അനുവദിച്ചു. കൂടാതെ മറ്റു രോഗികളില്‍ നിന്നും അര്‍ഹരായവരെയെല്ലാം റിലീഫ് സെല്ലില്‍ ഉള്‍പ്പെടുത്തി വീല്‍ ചെയര്‍ അടക്കമുള്ള സംവിധാനങ്ങള്‍ നല്‍കാനുള്ള സന്നദ്ധതയും സംഘം ഹോസ്പിറ്റല്‍ അധികൃതരെ അറിയിച്ചു. ഓരോ രോഗിയെയും സന്ദര്‍ശിച്ച് ആശ്വാസം പകര്‍ന്നും പ്രാർത്ഥന നടത്തിയുമാണ് സംഘം മടങ്ങിയത്. സമസ്ത ബഹറൈൻ കോഡിനേറ്റർ റബീഹ് ഫൈസി അമ്പലക്കടവിന്‍റെ നേതൃത്വത്തിലായിരുന്നു ഹോസ്പിറ്റല്‍ സന്ദര്‍ശനം. ഭാരവാഹികളായ നവാസ് കുണ്ടറ, സജീർ പന്തക്കൽ, മുഹമ്മദ് മോനു, ജാഫർ കണ്ണൂര്‍ എന്നിവര്‍ക്കു പുറമെ മൗസൽ മൂപ്പൻ തിരൂര്‍, ആമിർ ഗുദൈബിയ, അഫ്സൽ ഗുദൈബിയ, മിദ്ഹാൻ ഗുദൈബിയ, അബ്ദുൽ സമദ് വയനാട്, ഖാലിദ് ഹാജി, ലത്വീഫ് തങ്ങൾ എന്നിവരടങ്ങുന്ന വിഖായ ടീം അംഗങ്ങളും കാരുണ്യ സന്ദര്‍ശനത്തില്‍ പങ്കാളികളായി. നേരത്തെ ഹോസ്പിറ്റല്‍ സന്ദര്‍ശനത്തിനു മുന്പ് സ്ഥാപക ദിനാചരണത്തിന് പ്രാരംഭം കുറിച്ച് സമസ്ത ബഹ്റൈന്‍ കേന്ദ്ര ആസ്ഥാനത്ത് നടന്ന ചടങ്ങിന് ജന. സെക്രട്ടറി മജീദ് ചോലക്കോട് നേതൃത്വം നല്‍കി. സമസ്ത ബഹ്റൈന്‍ പ്രസിഡന്‍റ് സയ്യിദ് ഫഖ്റുദ്ധീന്‍ കോയ തങ്ങള്‍ പതാകയുയര്‍ത്തി. സമസ്ത കേന്ദ്ര-ഏരിയാ ഭാരവാഹികളും പോഷക സംഘടനാ പ്രതിനിധികളും എസ്. കെ. എസ്. എസ്. എഫ് ഭാരവാഹികളും സംബന്ധിച്ചു. 
Photos: 1. സല്‍മാനിയ ഹോസ്പിറ്റലിലെത്തിയ എസ്. കെ. എസ്. എസ്. എഫ് ഭാരവാഹികള്‍ അഫ്സലിനെ സന്ദര്‍ശിച്ചപ്പോള്‍. 2. എസ്. കെ. എസ്. എസ്. എഫ് സ്ഥാപക ദിനത്തോടനുബന്ധിച്ച് മനാമയിലെ സമസ്ത ആസ്ഥാനത്ത് സംഘടിപ്പിച്ച ചടങ്ങില്‍ സമസ്ത ബഹ്റൈന്‍ പ്രസിഡന്‍റ് സയ്യിദ് ഫഖ്റുദ്ധീന്‍ കോയ തങ്ങള്‍ പതാക ഉയര്‍ത്തുന്നു. 
- samastha news

ദാറുല്‍ ഹുദാ "അല്‍ഫഖീഹ്‌" ഗ്രാന്റ്‌ ഫിനാലെ സമാപിച്ചു

ചെമ്മാട്‌: ദാറുല്‍ ഹുദാ ഇസ്‌ലാമിക്‌ യൂനിവേഴ്‌സിറ്റി ഫിഖ്‌ഹ്‌ ഡിപ്പാര്‍ട്ട്‌മെന്റ്‌ സംഘടിപ്പിച്ച മൂന്നാമത്‌ അല്‍ഫഖീഹ്‌ ക്വിസ്‌ റിയാലിറ്റി ഷോയുടെ ഗ്രാന്റ്‌ ഫിനാലെ സമാപിച്ചു. ഹനഫീ കര്‍മ്മശാസ്‌ത്ര സരണിയിലെ പ്രശസ്‌ത ഗ്രന്ഥമായ മുഖ്‌തസര്‍ അല്‍ ഖുദൂരിയെ അടിസ്ഥാനമാക്കി അഖിലേന്ത്യാ ഹനഫീ വിദ്യാര്‍ത്ഥികള്‍ക്കായി സംഘടിപ്പിച്ച അല്‍ഫഖീഹിന്റെ ഗ്രാന്റ്‌ ഫിനാലെ വാഴ്‌സിറ്റി ഓഡിറ്റോറിയത്തിലാണ്‌ നടത്തപ്പെട്ടത്‌. പതിനഞ്ച്‌ ടീമുകള്‍ പങ്കെടുത്ത പ്രാഥമിക റൗണ്ടില്‍ നിന്നും തിരഞ്ഞെടുക്കപ്പെട്ട ഏഴ്‌ ടീമുകളാണ്‌ ഫൈനല്‍ റൗണ്ടില്‍ മാറ്റുരച്ചത്‌. മത്സരത്തിന്‌ ദാറുല്‍ ഹുദാ മുന്‍ ലക്‌ചററും കര്‍ണ്ണാടക ശംസുല്‍ ഉലമാ അക്കാദമി പ്രിന്‍സിപ്പളുമായ ഉസ്‌താദ്‌ റഫീഖ്‌ അഹ്‌്‌മദ്‌ ഹുദവി കോലാര്‍ നേതൃത്വം നല്‍കി. മത്സരത്തില്‍ ദാറുല്‍ ഹുദാ ഉര്‍ദു വിഭാഗം പത്താം വര്‍ഷ വിദ്യാര്‍ത്ഥികളായ ആസാദ്‌ അലി (ബീഹാര്‍), മുശാഹിദ്‌ റസാ (ബീഹാര്‍), ആറാം വര്‍ഷ വിദ്യാര്‍ത്ഥികളായ ഫരീദ്‌ ഖാന്‍ (ആസാം), സാഹിദുല്‍ ഇസ്‌്‌ലാം (ആസാം), പത്താം വര്‍ഷ വിദ്യാര്‍ത്ഥികളായ അത്വ്‌ഹര്‍ റസാ (ബംഗാള്‍), ഇശ്‌തിയാഖ്‌ അഹ്‌്‌മദ്‌ (ബംഗാള്‍) എന്നിവര്‍ യഥാക്രമം ഒന്നും രണ്ടും മൂന്നും സ്ഥാനങ്ങള്‍ കരസ്ഥമാക്കി. വിജയികള്‍ക്കുള്ള അവാര്‍ഡ്‌ ദാനം ഫിഖ്‌ഹ്‌ ഡിപ്പാര്‍ട്ട്‌മെന്റ്‌ മേധാവി ഡോ. ജഅ്‌ഫര്‍ ഹുദവി കൊളത്തൂര്‍ നിര്‍വ്വഹിച്ചു. കെ. സി മുഹമ്മദ്‌ ബാഖവി, എം. കെ ജാബിറലി ഹുദവി, പി. കെ നാസര്‍ ഹുദവി കൈപ്പുറം, അമീര്‍ ഹുസൈന്‍ ഹുദവി, അഫ്‌റോസ്‌ അംജദി, ഇല്‍യാസ്‌ ഹുദവി കെ. ജി. എഫ്‌, ഇബ്രാഹീം ഹുദവി കര്‍ണ്ണാടക എന്നിവര്‍ ചടങ്ങില്‍ സംബന്ധിച്ചു. വിജയികള്‍ക്കുള്ള ക്യാഷ്‌ പ്രൈസ്‌ മാര്‍ച്ച്‌ നാലിന്‌ നടക്കുന്ന ഇസ്‌്‌ലാമിക്‌ ഫിനാന്‍സ്‌ സെമിനാറില്‍ വെച്ച്‌ നല്‍കുമെന്ന്‌ ഡിപ്പാര്‍ട്ട്‌മെന്റ്‌ ചെയര്‍മാന്‍ മുജീബ്‌ റഹ്‌്‌മാന്‍ അറിയിച്ചു. സെമിനാറിന്റെ രജിസ്‌ട്രേഷന്‌ www.dhiu.in എന്ന സൈറ്റ്‌ സന്ദര്‍ശിക്കുകയോ 7025767739 എന്ന നമ്പറില്‍ വാട്ട്‌സാപ്പ്‌ ചെയ്യുകയോ ചെയ്യുക. 
- Darul Huda Islamic University

യതീംഖാന രജിസ്‌ട്രേഷന്‍; സ്ഥാപന ഭാരവാഹികളുടെ യോഗം 28ന്

ചേളാരി: 1960ലെ ഓര്‍ഫനേജ് ആക്ട് അനുസരിച്ച് റജിസ്റ്റര്‍ ചെയ്ത് പ്രവര്‍ത്തിക്കുന്ന യതീംഖാനകള്‍ ജെ.ജെ. ആക്ട് -2015 പ്രകാരം വീണ്ടും റജിസ്റ്റര്‍ ചെയ്യണമെന്ന സംസ്ഥാന സര്‍ക്കാര്‍ ഉത്തരവിനെ ചോദ്യം ചെയ്ത് സമസ്ത സ്പ്രീംകോടതിയില്‍ ഫയല്‍ ചെയ്ത കേസില്‍ വാദം തുടരുന്ന സാഹചര്യത്തില്‍ വിഷയം ചര്‍ച്ച ചെയ്യുന്നതിന് സമസ്ത യതീംഖാന കോ ഓര്‍ഡിനേഷന്‍ കമ്മിറ്റിയുടെ ആഭിമുഖ്യത്തില്‍ ഫെബ്രു: 28 ന് ബുധനാഴ്ച ഉച്ചയ്ക്കു ശേഷം 2 മണിക്ക് സ്ഥാപന ഭാരവാഹികളുടെ യോഗം കോഴിക്കോട് സമസ്ത ഓഡിറ്റോറിയത്തില്‍ ചേരും. സമസ്ത നേതാക്കള്‍ക്കു പുറമെ പ്രമുഖ നിയമജ്ഞരും പങ്കെടുക്കും. ബന്ധപ്പെട്ട സ്ഥാപന ഭാരവാഹികള്‍ യോഗത്തില്‍ പങ്കെടുക്കണമെന്ന് പ്രസിഡണ്ട് സയ്യിദ് സാദിഖലി ശിഹാബ് തങ്ങളും ജനറല്‍ സെക്രട്ടറി കെ.ടി. കുഞ്ഞിമാന്‍ ഹാജിയും അറിയിച്ചു. കൂടുതല്‍ വിവരങ്ങള്‍ക്ക് ബന്ധപ്പെടുക. ഫോണ്‍: 9946888444. 
- Samasthalayam Chelari

സമസ്ത ആദര്‍ശ കാമ്പയിന്‍; ആലപ്പുഴയിലും മലപ്പുറത്തും കണ്ണൂരും കാസര്‍കോഡും മേഖലാ സംഗമങ്ങള്‍

ചേളാരി : സമസ്ത കേരള ജംഇയ്യത്തുല്‍ ഉലമാ ഏകോപന സമിതിയുടെ ആഭിമുഖ്യത്തില്‍ 2018 ജനുവരി മുതല്‍ മെയ് വരെ നടത്തുന്ന ആദര്‍ശ പ്രചാരണ കാമ്പയിന്റെ ഭാഗമായി ആലപ്പുഴയിലും മലപ്പുറത്തും കണ്ണൂരും കാസര്‍കോഡും മേഖലാ തല പ്രവര്‍ത്തക സംഗമങ്ങള്‍ നടക്കും. കന്യാകുമാരി, തിരുവനന്തപുരം, കൊല്ലം, പത്തനംതിട്ട, ഇടുക്കി, കോട്ടയം, ആലപ്പുഴ, എറണാക്കുളം ഉള്‍പെടുന്ന ദക്ഷിണ മേഖലാ സംഗമം ഏപ്രില്‍ 21 ന് ആലപ്പുഴയിലും മലപ്പുറം, ത്യശൂര്‍, പാലക്കാട്, നീലഗിരി ജില്ലകള്‍ ഉള്‍പെടുന്ന മധ്യമേഖലാ സംഗമം ഏപ്രില്‍ 18ന് മലപ്പുറത്തും കോഴിക്കോട്, വയനാട്, കുടക്, കണ്ണൂര്‍ ജില്ലകള്‍ ഉള്‍പെടുന്ന ഉത്തര മേഖലാ സംഗമം കണ്ണൂരിലും കാസര്‍കോഡ്, കര്‍ണാടക എന്നിവ ഉര്‍പ്പെടുന്ന ഇന്റര്‍ സോണ്‍ സംഗമം ഏപ്രില്‍ 17 ന് കാസര്‍കോഡും നടക്കും. സമസ്തയുടെയും പോഷക സംഘടനകളുടെയും ജില്ലാ, മണ്ഡലം, മേഖലാ, പഞ്ചായത്ത്, മഹല്ല് തല ഭാരവാഹികളാണ് പ്രവര്‍ത്തക സംഗമത്തില്‍ പങ്കെടുക്കുക. സമസ്ത കേരള ജംഇയ്യത്തുല്‍ ഉലമായുടെയും പോഷക സംഘടനകളുടെയും നേതാക്കള്‍ സംഗമത്തില്‍ സംബന്ധിക്കും. ആദര്‍ശ വിശുദ്ധിയോടെ 100-ാം വാര്‍ഷികത്തിനൊരുങ്ങുന്ന സമസ്ത കേരള ജംഇയ്യത്തുല്‍ ഉലമായുടെ പ്രവര്‍ത്തന പദ്ധതികള്‍ ചര്‍ച്ച ചെയ്യുന്നതിനും പരിശുദ്ദ അഹ്‌ലുസുന്നത്തി വല്‍ജമാഅത്തിന്റെ ആശയാദര്‍ശങ്ങള്‍ പ്രചരിപ്പുക്കുന്നതിന് പ്രവര്‍ത്തകരെ സജ്ജരാക്കാനും ലക്ഷ്യമാക്കിയാണ് പ്രവര്‍ത്തക സംഗമങ്ങള്‍ നടത്തുന്നത്. ആദര്‍ശ പ്രചാരണ കാമ്പയിന്റെ ഭാഗമായി സ്ഥാപന മേധാവികളുടെ കൂട്ടായ്മ, വിദ്യാര്‍ത്ഥി-പൂര്‍വ്വ വിദ്യാര്‍ത്ഥി, മീറ്റ് 200 മേഖലകളില്‍ സമ്മേളനങ്ങള്‍, മഹല്ല് തല കുടുംബസംഗമങ്ങള്‍, സിഡി പ്രഭാഷണം, പുസ്തക കിറ്റ് വിതരണം തുടങ്ങിയ പരിപാടികളും സംഘടിപ്പിക്കുന്നുണ്ട്. 
- Samasthalayam Chelari

ഹമീദലി ശിഹാബ് തങ്ങള്‍ക്ക്‌ സുന്നി ബാലവേദിയുടെ ആദരം

ചേളാരി: സമസ്ത കേരള സുന്നി ബാലവേദി സ്ഥാപക പ്രസിഡണ്ടും എസ്. കെ. എസ്. എസ്. എഫ് സംസ്ഥാന അദ്ധ്യക്ഷനുമായ പാണക്കാട് സയ്യിദ് ഹമീദലി ശിഹാബ് തങ്ങളെ സുന്നി ബാലവേദി സംസ്ഥാന കമ്മിറ്റി ആദരിക്കുന്നു. സമസ്ത കേരള സുന്നി ബാലവേദി സ്ഥാപക നേതാക്കളില്‍ പ്രമുഖരും ഒന്നര പതിറ്റാണ്ടിലേറെ സുന്നി ബാലവേദി അദ്ധ്യക്ഷനുമായ ഹമീദലി ശിഹാബ് തങ്ങളെ സംഘടന നടത്തി വരുന്ന സില്‍വര്‍ ജൂബിലി ആഘോഷത്തിന്റെ ഭാഗമായി സംഘടിപ്പിക്കുന്ന ''ഓര്‍മ്മയുടെ ഓളങ്ങളില്‍'' ഓര്‍മ്മ സംഗമത്തില്‍ വെച്ചാണ് ആദരിക്കുന്നത്. മുന്‍ സമസ്ത ഉപാദ്ധ്യക്ഷനും സുന്നി ബാലവേദി ശില്‍പ്പിയുമായ പാണക്കാട് സയ്യിദ് ഉമര്‍ അലി ശിഹാബ് തങ്ങളുടെ മകനും നിരവധി സ്ഥാപനങ്ങളുടെ മുഖ്യ ഭാരവാഹിയും മത സാമൂഹ്യ രംഗത്തെ നിറ സാന്നിദ്ധ്യവുമാണ് സയ്യിദ് ഹമീദലി ശിഹാബ് തങ്ങള്‍. 24 ന് ചേളാരി സമസ്ത ഓഡിറ്റോറിയത്തില്‍ നടക്കുന്ന ചടങ്ങില്‍ പാണക്കാട് സയ്യിദ് മുനവ്വര്‍ അലി ശിഹാബ് തങ്ങള്‍, പാണക്കാട് സയ്യിദ് മുഈന്‍ അലി ശിഹാബ് തങ്ങള്‍, പാണക്കാട് സയ്യിദ് അസീല്‍ അലി ശിഹാബ് തങ്ങള്‍, സമസ്ത കേരള ജംഇയ്യത്തുല്‍ ഉലമ ട്രഷറര്‍ സി. കെ. എം. സ്വാദിഖ് മുസ്ലിയാര്‍, ഡോ. ബഹാഉദ്ധീന്‍ മുഹമ്മദ് നദ്‌വി, എം. എ ഉസ്താദ് ചേളാരി, ഡോ. എന്‍. എ. എം അബ്ദുല്‍ ഖാദര്‍, കെ. മോയിന്‍കുട്ടി മാഷ്, ഇമ്പിച്ചി കോയ മുസ്ലിയാര്‍, സത്താര്‍ പന്തല്ലൂര്‍, കൊടക് അബ്ദുറഹ്മാന്‍ മുസ്ലിയാര്‍, അബ്ദുല്‍ ഖാദര്‍ ഖാസിമി, കെ. ടി ഹുസൈന്‍ കുട്ടി മുസ്ലിയാര്‍, മൊയ്ദീന്‍ മുസ്ലിയാര്‍ പുറങ്ങ്, അഫ്‌സല്‍ രാമന്തളി, ഷഫീഖ് മണ്ണഞ്ചേരി, ഫുആദ് വെള്ളിമാട്കുന്ന് തുടങ്ങിയ പ്രമുഖര്‍ സംബന്ധിക്കും. 
- Samastha Kerala Jam-iyyathul Muallimeen

SKSSF ഉളിയത്തടുക്ക് ക്ലസ്റ്റര്‍ മതപ്രഭാഷണവും മജ്‌ലിസുന്നൂറും സംഘടിപ്പിച്ചു

വിദ്യാനഗര്‍ : എസ് കെ എസ് എസ് എഫ് ഉളിയത്തടുക്ക് ക്ലസ്റ്റര്‍ കമ്മിറ്റി സംഘടിപ്പിച്ച ഹാഫിള് അഹ്മ്മദ് കബീര്‍ ബാഖവി കാഞ്ഞാറിന്റെ മതപ്രഭാഷണവും മജ ്ലിസുന്നൂര്‍ സദസ്സും സമാപിച്ചു. എസ് കെ എസ് എസ് എഫ് ജില്ലാ പ്രസിഡന്റ് താജുദ്ദീന്‍ ദാരിമി പടന്ന ഉദ്ഘാടനം ചെയ്തു. സ്വാഗത സംഘം ചെയര്‍മാന്‍ ഹാരിസ് ചൂരി അദ്ധ്യക്ഷത വഹിച്ചു. സയ്യിദ് എസ്. പി. എസ് മാഹിന്‍ നഗര്‍ പ്രാര്‍ത്ഥന നടത്തി. സയ്യിദ് മഹ്മൂദ് സ്വഫ് വാന്‍ തങ്ങള്‍ ഏഴിമല മജ് ലിസുന്നൂര്‍ സദസ്സിന് നേതൃത്വം നല്‍കി. എസ് കെ എസ് എസ് എഫ് സംസ്ഥാന സെക്രട്ടറിയായി തിരഞ്ഞെടുത്ത ഹാരിസ് ദാരിമി ബെദിരക്ക് ഹമീദ് ഹാജി ചൂരിയും സമസ്ഥാന സര്‍ഗലയത്തില്‍ വിജയിയായ അജ്മല്‍ ഫര്‍ഹാനിന്ന് ബഷീര്‍ വടകരയും ഉപഹാര സമര്‍പ്പണം നടത്തി. പി. എ ജലീല്‍ സ്വാഗതം പറഞ്ഞു. എസ്. വൈ. എസ് ജില്ലാ സെക്രട്ടറി യു. സഹദ് ഹാജി, മണ്ഡലം പ്രസിഡന്റ് ബദ്‌റുദ്ധീന്‍ ചെങ്കള, ജന. സെക്രട്ടറി എം. എ ഖലീല്‍, സയ്യിദ് പൂക്കോയ തങ്ങള്‍, ശറഫുദ്ധീന്‍ കുണിയ, ഇര്‍ഷാദ് ഹുദവി ബെദിര, ഫാറൂഖ് കൊല്ലംമ്പാടി, റഷീദ് മൗലവി അറന്തോട്, പി. എ അശ്‌റഫ്, സി. എ അബ്ദുല്ല കുഞ്ഞി, ഹമീദ് പറപ്പാടി, മുഹമ്മദ് കുഞ്ഞി ഹിദായത്ത് നഗര്‍, മുസ്തഫ പള്ളം, നിസാമുദ്ധീന്‍ ബേര്‍ക്ക, അബ്ദുല്ല മൗലവി പാണലം, എം. എസ് ഇബ്രാഹിം, ഹനീഫ് മൗലവി തുടങ്ങിയവര്‍ പ്രസംഗിച്ചു. 
- yakoob Niram

Wednesday, February 21, 2018

ന്യൂന പക്ഷ സ്കൂളുകൾ അടച്ചു പൂട്ടാനുള്ള സർക്കാർ നീക്കത്തിനെതിരെ സമസ്ത പ്രക്ഷോഭത്തിലേക്ക്. അസ്മി സമര പ്രഖ്യാപന കൺവൻഷൻ 24 ന്

തേഞ്ഞിപ്പാലം: അംഗീകാരത്തിന്റെ കാരണം പറഞ്ഞ് ന്യൂന പക്ഷ സ്കൂളുകൾ അടച്ചു പൂട്ടാനുള്ള നീക്കത്തിനെതിരെ അസോസിയേഷൻ ഓഫ് സമസ്ത മൈനോറിറ്റി ഇൻസ്റ്റിറ്റ്യൂഷൻസ് (അസ്മി)യുടെ ആഭിമുഖ്യത്തിൽ സംഘടിപ്പിക്കുന്ന സമര പ്രഖ്യാപന കൺവൻഷൻ 24 ന് രാവിലെ 9 മണിക്ക് കോഴിക്കോട് സമസ്ത ഓഡിറ്റോറിയത്തിൽ വെച്ച് നടക്കും. വിദ്യാർഥികൾക്ക് മികച്ച വിദ്യാഭ്യാസം നൽകി ഉന്നത തസ്തികകളിലെത്തിക്കുന്നതിൽ അൺ എഴ്ഡഡ് സ്കൂളുകൾ നിർണ്ണായ പങ്ക് വഹിച്ചതായും അവകൾ അടച്ചു പൂട്ടുന്നതിന് പകരം സംരക്ഷിക്കേണ്ട ബാധ്യത സർക്കാറിനുണ്ടെന്നും ചേളാരി സമസ്താലയത്തിൽ വെച്ച് നടന്ന അസ്മി സെക്രട്ടറിയേറ്റ് കമ്മറ്റി അഭിപ്രായപ്പെട്ടു. കേരള വിദ്യാഭ്യാസ നിയമം (കെ. ഇ. ആർ) നിർദ്ദേശിക്കുന്ന മുഴുവൻ മാനദണ്ഡങ്ങളും പാലിച്ച് മികച്ച നിലവാരത്തോടെ പ്രവർത്തിക്കുന്ന അനേകം സ്കൂളുകളാണ് അംഗീകാരത്തിനായി കാത്തിരിക്കുന്നത്. മികച്ച ഭൗതിക സൗകര്യങ്ങളോടെ പ്രവർത്തിക്കുന്നവയാണ് ഇവയിലധികവും. അംഗീകാരം ലഭിക്കുമെന്ന പ്രതീക്ഷയിൽ പ്രവർത്തിക്കുന്ന ഇത്തരം സ്കൂളുകൾക്ക് അംഗീകാരം നൽകുന്നതിന് പകരം എ. ഇ. ഒ മുഖേന അടച്ചുപൂട്ടാനുള്ള കത്ത് നൽകി നിരാശരാക്കിയതായി അസ്മി യോഗം കുറ്റപ്പെടുത്തി. അസ്മിയുടെ കീഴിൽ രജിസ്റ്റർ ചെയ്ത സ്ഥാപന മേധാവികളും അംഗീകാരമില്ലാത്ത മറ്റ് സ്കൂൾ മേധാവികളും സമര പ്രഖ്യാപന കൺവൻഷനിൽ പങ്കെടുക്കണമെന്ന് യോഗം ആഹ്വാനം ചെയ്തു. യോഗത്തിൽ അസ്മി സംസ്ഥാന പ്രസിഡണ്ട് പാണക്കാട് അബ്ബാസലി ശിഹാബ് തങ്ങൾ അധ്യക്ഷനായി. സമസ്ത മാനേജർ കെ. മോയിൻകുട്ടി മാസ്റ്റർ മുഖ്യ പ്രഭാഷണം നടത്തി. കെ. കെ. എസ് തങ്ങൾ, പി. വി മുഹമ്മദ് മൗലവി, അബ്ദുസ്സലാം ഫൈസി ഒളവട്ടൂർ, നവാസ് ഓമശ്ശേരി, റഷീദ് കബളക്കാട്, സലീം എടക്കര, ഒ. കെ. എം കുട്ടി ഉമരി, അഡ്വ. പി. പി ആരിഫ് ഡോ. കെ. വി അലി അക്ബർ ഹുദവി, അഡ്വ. നാസർ കാളമ്പാറ, എൻ. പി ആലി ഹാജി, ഇസ്മാഈൽ മുസ്ല്യാർ കൊടക്, പി. സൈതലി മാസ്റ്റർ, പി. വി കുഞ്ഞിമരക്കാർ, മുഹമ്മദ് ഫൈസി അടിമാലി, മജീദ് പറവണ്ണ, കെ. എം കുട്ടി എടക്കുളം സംസാരിച്ചു. അസ്മി സംസ്ഥാന ജനറൽ സെക്രട്ടറിഹാജി പി. കെ മുഹമ്മദ സ്വാഗതവും വർക്കിംഗ് സെക്രട്ടറി റഹീം ചുഴലി നന്ദിയും പറഞ്ഞു. 
- Samasthalayam Chelari

ബഹ്റൈന്‍ SKSSF റോഹിംഗ്യന്‍ ഫണ്ട് കൈമാറി

മനാമ: ഇന്ത്യയിലെ റോഹിംഗ്യന്‍ ജനതക്ക് വേണ്ടി എസ്. കെ. എസ്. എസ്. എഫ് ഡല്‍ഹി ചാപ്റ്ററിന്‍റെ നേതൃത്വത്തില്‍ നടക്കുന്ന സ്ഥിരം സഹായ പദ്ധതി പ്രവര്‍ത്തനങ്ങളിലേക്ക് ബഹ്റൈന്‍ എസ്. കെ. എസ്. എസ്. എഫ് ശേഖരിച്ച ഫണ്ട് സംസ്ഥാന കമ്മറ്റിക്ക് കൈമാറി. കഴിഞ്ഞ ദിവസം ചെമ്മാട് ദാറുല്‍ ഹുദ ഇസ്ലാമിക് യൂണിവേഴ്സിറ്റിയില്‍ നടന്ന "വിവിസേ" എന്ന എസ്. കെ. എസ്. എസ്. എഫ് ലീഡേഴ്സ് പാര്‍ലിമെന്‍റ് ചടങ്ങില്‍ വെച്ചാണ് ഫണ്ട് കൈമാറ്റം നടന്നത്. ഇന്ത്യയില്‍ റോഹിംഗ്യന്‍ അഭയാര്‍ത്ഥികള്‍ കൂടുതലുള്ള ഭാഗങ്ങളിലെല്ലാം അവര്‍ക്കാവശ്യമായ പ്രാഥമിക സൗകര്യം, ശുദ്ധജല വിതരണം എന്നിവക്കു പുറമെ വിധവാ പെണ്‍ഷന്‍, കുട്ടികളുടെ വിദ്യഭ്യാസ സൗകര്യം എന്നിവ ഒരുക്കാനും അവര്‍ക്കിടയില്‍ സ്ഥിരമായ കാരുണ്യപ്രവര്‍ത്തനങ്ങള്‍ നടത്താനും കഴിഞ്ഞ നവംബറില്‍ ബഹ്റൈനില്‍ നടന്ന എസ്. കെ. എസ്. എസ്. എഫ് ഗ്ലോബല്‍ മീറ്റിലാണ് തീരുമാനമായത്. 10 ലക്ഷം രൂപയാണ് ഇതിനായി എസ്. കെ. എസ്. എസ്. എഫ് സ്റ്റേറ്റ് കമ്മറ്റിയുടെ നേതൃത്വത്തില്‍ ശേഖരിക്കുന്നത്. ഇതിന്‍റെ ഭാഗമായി ബഹ്റൈനില്‍ നിന്നും എസ്. കെ. എസ്. എസ്. എഫ് ശേഖരിച്ച സംഖ്യയുടെ ചെക്ക് കഴിഞ്ഞ ദിവസം സംഘടനാ പ്രസിഡന്‍റ് അശ്റഫ് അന്‍വരി ചേലക്കര സമസ്ത പ്രസിഡന്‍റ് സയ്യിദ് മുഹമ്മദ് ജിഫ് രി മുത്തുകോയ തങ്ങള്‍ മുഖേനെ എസ്. കെ. എസ്. എസ്. എഫ് സ്റ്റേറ്റ് കമ്മറ്റിക്ക് സമര്‍പ്പിച്ചു. എസ്. കെ. എസ്. എസ്. എഫ് സംസ്ഥാന നേതാക്കള്‍ക്കു പുറമെ സമസ്ത ബഹ്റൈന്‍ പ്രസിഡന്‍റ് സയ്യിദ് ഫഖ്റുദ്ധീന്‍ കോയ തങ്ങള്‍, ട്രഷറര്‍ വി. കെ. കുഞ്ഞഹമ്മദ് ഹാജി എന്നിവരും ചടങ്ങില്‍ സംബന്ധിച്ചിരുന്നു. കൂടുതല്‍ വിവരങ്ങള്‍ക്ക്- +973-39533273 
Photo: ഇന്ത്യയിലെ റോഹിംഗ്യന്‍ ജനതക്ക് വേണ്ടി എസ്. കെ. എസ്. എസ്. എഫിന്‍റെ നേതൃത്വത്തില്‍ നടക്കുന്ന സ്ഥിരം സഹായ പദ്ധതിയിലേക്ക് ബഹ്റൈന്‍ എസ്. കെ. എസ്. എസ്. എഫ് ശേഖരിച്ച ഫണ്ട് പ്രസിഡന്‍റ് അശ്റഫ് അന്‍വരി ചേലക്കര സമസ്ത പ്രസിഡന്‍റ് ജിഫ്രി തങ്ങള്‍ക്ക് കൈമാറിയപ്പോള്‍ 
- samastha news

ഒറ്റ മാസം കൊണ്ട് മുപ്പതിലേറെ മാഗസിനുകള്‍; വിസ്മയം തീര്‍ത്ത് ദാറുല്‍ഹുദാ ബംഗാള്‍ വിദ്യാര്‍ത്ഥികള്‍

ബീര്‍ ഭൂം (വെസ്റ്റ് ബംഗാള്‍): ഒറ്റ മാസം കൊണ്ട് മുപ്പതിലേറെ കൈയെഴുത്ത് മാഗസിനുകള്‍ വ്യക്തിഗതമായി തയ്യാറാക്കി വിസ്മയം തീര്‍ത്തിരിക്കുകയാണ് ദാറുല്‍ഹുദാ ഇസ്‌ലാമിക്‌ സര്‍വകലാശാലയുടെ ബംഗാള്‍ കാമ്പസിലെ മൂന്നാം വര്‍ഷ വിദ്യാര്‍ത്ഥികള്‍. സാക്ഷര ജ്ഞാനം പോുമില്ലാത്ത ലോകത്തു നിന്നു എഴുത്തും വായനയും പരിചയപ്പെട്ടുതുടങ്ങി മൂന്നു വര്‍ഷം പിന്നിട്ടപ്പോഴേക്കും രചനാ രംഗത്ത് ചരിത്രം തീര്‍ത്തിരിക്കുകയാണ് ഈ വിദ്യാര്‍ത്ഥികള്‍. ബംഗാളി, ഉര്‍ദു, അറബിക്, ഇംഗ്ലീഷ് എന്നീ ഭാഷകളില്‍ കഥ, കവിത, ലേഖനങ്ങള്‍, ചിത്ര രചനകള്‍ എന്നിവ ഉള്‍പ്പെടുത്തിയാണ് ക്ലാസിലെ മുപ്പത്തിയാറു വിദ്യാര്‍ത്ഥികളും വ്യക്തിഗതമായി ഓരോ മാഗസിനുകള്‍ തയ്യാറാക്കിയത്. ക്ലാസ് അധ്യാപകന്റെ നേതൃത്വത്തില്‍ ഒരു മാസം നീണ്ട പ്രയത്‌നങ്ങള്‍ക്കൊടുവിലാണ് രചനകള്‍ വെളിച്ചം കണ്ടത്. രചനാ മേഖലയില്‍ ശ്രദ്ധേയ ചുവടുവെപ്പ് നടത്തിയ വിദ്യാര്‍ത്ഥികളെ അധ്യാപകരും വിദ്യാര്‍ത്ഥികളും ചേര്‍ന്നു അഭിനന്ദിച്ചു. ചടങ്ങ് ദാറുല്‍ഹുദാ ബംഗാള്‍ കാമ്പസ് ഡയറക്ടര്‍ ഇന്‍ ചാര്‍ജ് സിദ്ദീഖ് ഹുദവി ആനക്കര ഉദ്ഘാടനം ചെയ്തു. 
- Darul Huda Islamic University

Monday, February 19, 2018

ബഹുസ്വര സമൂഹത്തില്‍ ക്രിയാത്മക ഇടപെടല്‍ അനിവാര്യം: സ്വാദിഖലി ശിഹാബ് തങ്ങള്‍

ബഹുസ്വമരസമൂഹത്തില്‍ എല്ലാ വിഭാഗത്തെയും ഉള്‍ക്കൊള്ളിക്കുന്ന വിശാല മനസ്‌കതയും ക്രിയാത്മക ഇടപെടലുകളും അനിവാര്യമാണെന്ന് പാണക്കാട് സ്വാദിഖലി ശിഹാബ് തങ്ങള്‍ പറഞ്ഞു. എസ്. കെ. എസ്. എസ്. എഫ് അംഗത്വ കാംപയിന്റെ ഭാഗമായി ചെമ്മാട് ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റിയില്‍ സംഘടിപ്പിച്ച ത്രിദിന ലീഡേഴ്‌സ് പാര്‍ലിമെന്റ് സമാപനസംഗമത്തില്‍ സംസാരിക്കുകയായിരുന്നു അദ്ദേഹം. മതേതരത്വം രാഷ്ട്രീയ പാര്‍ട്ടികളുടെ സംഭാവന മാത്രമല്ലെന്നും എല്ലാവരും മതേതരവാദികളെന്നും വെങ്കയ്യനായിഡുവിനെ ആവര്‍ത്തിച്ചു പറഞ്ഞു പാണക്കാട് സയ്യിദ് സ്വാദിഖലി ശിഹാബ് തങ്ങള്‍. ബഹുസ്വരസമൂഹത്തില്‍ ഇടയാന്‍ എളുപ്പമാണെന്നും സര്‍വ്വസാമൂഹികമായി ജീവിക്കാന്‍ പഠിക്കണമെന്നും അതാണ് സമസ്തയുടെ പാരമ്പര്യമെന്നും തങ്ങള്‍ പറഞ്ഞു. മമ്പുറം തങ്ങളുടെ മതേതരത്വ മാതൃകയെയും ഇഖ്ബാലിനെയും അബ്ദുല്‍ കലാം ആസാദിനെയും എടുത്തിക്കാണിച്ചായിരുന്നു സഹവര്‍ത്തിത്വജീവിതത്തെ തങ്ങള്‍ അവതരിപ്പിച്ചത്. യൂണിറ്റ് തലം മുതല്‍ സംസ്ഥാനതലം വരെയുളള പ്രവര്‍ത്തകരുടെ സംഗമമാണ് നടന്നത്. സയ്യിദ് ഹമീദലി ശിഹാബ് തങ്ങള്‍ അധ്യക്ഷത വഹിച്ചു. സൈതലവി ഹാജി, യൂ ശാഫി ഹാജി, ഹംസ ഹാജി, സ്വലാഹുദ്ധീന്‍ ഫൈസി വെന്നിയൂര്‍, സി യൂസുഫ് ഫൈസി, ബശീര്‍ ഫൈസി ദേശമംഗലം എന്നിവര്‍ പങ്കെടുത്തു. പി. എം റഫീഖ് റഫീഖ് അഹ്മദ് തിരൂര്‍ നന്ദി പറഞ്ഞു. 
- skssf state council

ആദര്‍ശ രംഗത്ത് കര്‍മ്മസജ്ജരാവുക: ജിഫ് രി തങ്ങള്‍

ഹിദായ നഗര്‍(ചെമ്മാട്): സച്ചരിത പാരമ്പര്യത്തിന്റെ പിന്തുടര്‍ച്ചയാണ് സമസ്ത കേരളാ ജംഇയ്യത്തുല്‍ ഉലമായുടെ ആദര്‍ശ മാര്‍ഗമെന്നും, സുന്നത്ത് ജമാഅത്തിന്റെ ആദര്‍ശ പ്രചാരകരും സുന്നി വിരുദ്ധത ശബ്ദങ്ങളുടെ പ്രതിരോധ നിരയുമായി സംഘടനാ പ്രവര്‍ത്തനങ്ങള്‍ നിലകൊള്ളണമെന്നും സമസ്ത പ്രസിഡന്റ് സയ്യിദ് മുഹമ്മദ് ജിഫ് രി മുത്തുകോയ തങ്ങള്‍. എസ്‌കെഎസ്എസ്എഫ് സംസ്ഥാന ലീഡേഴ്‌സ് പാര്‍ലിമെന്റ് ഉദ്ഘാടനം ചെയ്യുകയായിരുന്നു തങ്ങള്‍. വിശുദ്ധ മാര്‍ഗത്തിന്റെ പ്രബോധനമാണ് മുന്‍ഗാമികള്‍ പഠിപ്പിച്ചുതന്ന മാര്‍ഗം. കര്‍മ്മ രംഗത്ത ഉദ്ദേശശുദ്ധിയും അച്ചടക്കവും പ്രധാനമാണ്. ഭൗതിക താത്പര്യമോ, ജനപ്രശംസയോ സംഘടനാ പ്രവര്‍ത്തനങ്ങളുടെ ലക്ഷ്യമാവരുത്. ഇത്തരത്തിലുള്ളവ പ്രതിഫല രഹിതമാണ്. ദൈവീക സാമീപ്യം മാത്രമായിരിക്കണം സേവനത്തിന്റെ അടിസ്ഥാനം. ഇതിനുവേണ്ടി നിലകൊള്ളുന്ന പ്രസ്ഥാനമാണ് സമസ്ത കേരളാ ജംഇയ്യത്തുല്‍ ഉലമാ. സച്ചരിതരായ മഹത്തുക്കള്‍ മുഖേന കൈമാറ്റം ചെയ്ത ഇസ്‌ലാമി്ക ശരീഅത്തിന്റെ തനത് മാര്‍ഗത്തില്‍ നിലകൊള്ളുകയാണ് സമസ്തയുടെ മാര്‍ഗം. മുന്‍ഗാമികള്‍ പഠിപ്പിച്ച ആദര്‍ശ, ആചാര, അനുഷ്ഠാനങ്ങളെ പിന്തുപടരുന്നതാണ് സംഘടനയുടെ മാര്‍ഗമെന്നും പൂര്‍വീക നേതാക്കളുടെ ചരിത്രത്തില്‍ നിന്നും പാഠങ്ങള്‍ ഉള്‍ക്കൊണ്ട് മുന്നേറണമെന്നും തങ്ങള്‍ ഉദ്‌ബോധിപ്പിച്ചു. 
- skssf state council

ആദര്‍ശ രംഗത്ത് കര്‍മ്മസജ്ജരാവുക: ജിഫ്‌രി തങ്ങള്‍

ആത്മീയാരോഗ്യമുളള ഉദ്ദേശശുദ്ധിയാണ് നേതൃത്വത്തിന്റെ സല്‍ഗുണമെന്ന് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍. സമസ്ത മുന്നോട്ട് വെക്കുന്ന ആദര്‍ശം മഹല്ല് തലത്തില്‍ വ്യാപിപ്പിക്കാന്‍ എസ്. കെ. എസ്. എസ്. എഫ് പ്രവര്‍ത്തകര്‍ കര്‍മരംഗത്തിറങ്ങണമെന്നും തങ്ങള്‍ ആവശ്യപ്പെട്ടു. എസ്. കെ. എസ്. എസ്. എഫ് അംഗത്വ കാംപയിന്റെ ഭാഗമായി ചെമ്മാട് ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റിയില്‍ സംഘടിപ്പിച്ച വി. വി. സേ ത്രിദിന ലീഡേഴ്‌സ് പാര്‍ലിമെന്റ് ഉദ്ഘാടനം ചെയ്തു സംസാരിക്കുകയായിരുന്നു. യൂണിറ്റ് തലം മുതല്‍ സംസ്ഥാനതലം വരെയുളള പ്രവര്‍ത്തകരാണ് സംബന്ധിച്ചത്. ഓണംപിള്ളി മുഹമ്മദ് ഫൈസി ആധ്യക്ഷം വഹിച്ചു. ഹാശിറലി ശിഹാബ് തങ്ങള്‍, സാബിഖലി ശിഹാബ് തങ്ങള്‍, യു. ശാഫി ഹാജി തുടങ്ങിയവര്‍ സംബന്ധിച്ചു. സയ്യിദ് ഫഖ്‌റുദ്ധീന്‍ തങ്ങള്‍ ബഹ്‌റൈന്‍, മുസ്തഫ മുണ്ടുപറമ്പ്, സത്താര്‍ പന്തലൂര്‍, അഷ്‌റഫ് കടക്കല്‍, എസ്. വി. മുഹമ്മദലി മാസ്റ്റര്‍ എന്നിവര്‍ വിഷയാവതരണം നടത്തി. വൈകീട്ട് നടന്ന സമാപന സെഷന്‍ പാണക്കാട് സയ്യിദ് സ്വാദിഖലി ശിഹാബ് തങ്ങള്‍ ഉദ്ഘാടനം ചെയ്തു. സയ്യിദ് ഹമീദലി ശിഹാബ് തങ്ങള്‍ അധ്യക്ഷത വഹിച്ചു. വൈകീട്ട് ഏഴിനു സ്റ്റേറ്റ് കൗണ്‍സിലേഴ്‌സ് ഗ്യാതറിംഗ് നടന്നു. 

ഇന്ന് രാവിലെ കൗസിലേഴ്‌സ് അസംബ്ലി നടക്കും. പുതിയ സംസ്ഥാന കൗസിലര്‍മാര്‍ പങ്കെടുക്കും. സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. സയ്യിദ് ഹമീദലി ശിഹാബ് തങ്ങള്‍ അധ്യക്ഷത വഹിക്കും. ലീഡേഴ്‌സ് ട്രൈനിംങിനു റഹീം ചുഴലി നേതൃത്വം നല്‍കും. ഉച്ചക്ക് ശേഷം ബാക്ക് ടു പാസ്റ്റ് സെഷന്‍ എസ്. വൈ. എസ്. സംസ്ഥാന ജനറല്‍ സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്യും. തുടര്‍ന്നു നടക്കുന്ന മിഷന്‍ 2020 സെഷനു ശാഹുല്‍ ഹമീദ് മേല്‍മുറി നേതൃത്വം നല്‍കും. പുതിയ സംസ്ഥാന ഭാരവാഹികളുടെ പ്രഖ്യാപനത്തോടെ വി.വി.സേ'18 സമാപിക്കും. 
- skssf state council

Sunday, February 18, 2018

ഉന്നമനം ബഹുസ്വര ഐക്യത്തിലൂടെ: SKSSF ദേശീയ സംഗമം

ഹിദായ നഗര്‍: മതസാമൂഹികതയുടെയും ബഹുസ്വരതയുടെയും ഐക്യത്തിലൂടെയാണ് സമുദായോന്നമനം സാധ്യമാവുകയെന്ന് എസ്. കെ. എസ്. എസ്. എഫ് ദേശീയ സംഗമം. ഭരണാഘടന അടിസ്ഥാനമാക്കി മതകീയ ശാക്തീകരണമാണ് ലക്ഷ്യം വെക്കുന്നതെന്നും ഇതര മത സമുദായ മൂല്യങ്ങള്‍ സ്‌നേഹത്തോടെ ഉള്‍കൊള്ളാന്‍ സാധിക്കുന്ന മതകീയ വിദ്യാഭ്യാസമുന്നേറ്റവുമാണ് ഉദ്ദേശിക്കുന്നതെന്നും സംഗമം അഭിപ്രായപ്പെട്ടു. എസ്. കെ. എസ്. എസ്. എഫ് ലീഡേഴ്‌സ് പാര്‍ലമെന്റ് വിവിസേ'18 ന്റെ ഭാഗമായി നടന്ന ദേശീയ സംഗമം ഹമീദലി ശിഹാബ് തങ്ങള്‍ ഉദ്ഘാടനം ചെയ്തു. സമസ്ത എന്ന വിഷയത്തില്‍ അസ്‌ലം ഫൈസി ബാംഗ്ലൂര്‍, എസ് കെ എസ് എസ് എഫ് മോഡല്‍ യൂണിറ്റിനെ കുറിച്ച് നൗഫല്‍ ഹുദവി മാംഗ്ലൂരുവും പ്രസന്റേഷന്‍ അവതരിപ്പിച്ചു. രാത്രി നടന്ന ഗ്രൂപ്പ് ഡിസ്‌കഷന്‍ ഡോ. സുബൈര്‍ ഹുദവി നേതൃത്വം നല്‍കി. മൗലാനാ മുസ്തഖീം ഫൈസി ബഗല്‍പ്പൂര്‍, മൗലാനാ സുഹൈല്‍ അംജദി ഉത്തര്‍ പ്രദേശ്. സി യൂസുഫ് ഫൈസി, കെ എം സൈതലവി ഹാജി, യൂ ശാഫി ഹാജി ഹംസ ഹാജി മൂന്നിയൂര്‍, കെപി ശംസുദ്ദീന്‍ ഹാജി, വി. ടി റഫീഖ് ഹുദവി, സിദ്ദീഖ് ഹാജി ചെറുമുക്ക്, അബ്ദുല്ല ഹാജി ഓമച്ചപ്പുഴ, ചെറീത് ഹാജി എന്നിവര്‍ പങ്കെടുത്തു. ചടങ്ങിന് ഡോ. ജാബിര്‍ ഹുദവി സ്വാഗതവും ഡോ. മജീദ് കൊടക്കാട് നന്ദിയും പറഞ്ഞു. 
- skssfleadersparliament

ലീഡേഴ്‌സ് പാര്‍ലമെന്റ്; SKSSF വിവിസേ'18 ന് തുടക്കമായി

ഹിദായ നഗര്‍: എസ്. കെ. എസ്. എസ്. എഫ് ത്രിദിന ലീഡേഴ്‌സ് പാര്‍ലമെന്റ് വിവിസേ 18 ന് തുടക്കമായി. ചെമ്മാട് ദാറുല്‍ഹുദാ ഇസ്‌ലാമിക് യൂണിവേഴ്‌സിറ്റിയില്‍ നടക്കുന്ന ത്രിദിന ലീഡേഴ്‌സ് പാര്‍ലമെന്റിന് ഇന്നലെ കാലത്ത് പത്തുമണിക്ക് നടന്ന പതാക ഉയര്‍ത്തലോടെ തുടക്കമായി. കോഴിക്കോട് ഖാളി സയ്യിദ് ജമലുല്ലൈല്‍ തങ്ങള്‍ പതാക ഉയര്‍ത്തി. 

ഇന്ന് 'സ്‌റ്റേറ്റ് ലീഡര്‍ഷിപ്പ് പാര്‍ലമെന്‍റ്' നടക്കും. സംസ്ഥാനത്തെ യൂണിറ്റുകളില്‍ നിന്നായി ഓണ്‍ലൈന്‍ മുഖേന രജിസ്റ്റര്‍ ചെയ്ത അയ്യായിരം പ്രതിനിതികള്‍ പങ്കെടുക്കും. പരിപാടിക്ക് തുടക്കം കുറിച്ച് കൊണ്ട് സമസ്ത മുശാവറ അംഗം മരക്കാര്‍ ഫൈസിയുടെ നേതൃത്വത്തില്‍ സിയാറത്ത് നടക്കും. സമസ്ത പ്രസിഡന്‍റ് സയ്യിദ മുഹമ്മദ് ജിഫ്രി മുത്തുക്കോയ തങ്ങള്‍ ഉദ്ഘാടനം ചെയ്യും. സയ്യിദ് ഫഖ്റുദ്ധീന് തങ്ങള്‍ ബഹ്‌റൈന്‍, അബ്ദുല്‍ ഹമീദ് ഫൈസി അമ്പലക്കടവ്, ഡോ. അഷ്‌റഫ് കടക്കല്‍, സത്താര്‍ പന്തല്ലൂര്‍, എസ് വി മുഹമ്മദ് മാസ്റ്റര്‍ എന്നിവര്‍ വിവിധ വിഷയങ്ങളില്‍ പ്രബന്ധം അവതരിപ്പിക്കും. വൈകീട്ട് നാലു മണിക്ക് സമാപന സെക്ഷനില്‍ പാണക്കാട് സയ്യിദ് സ്വാദിഖലി ശിഹാബ് തങ്ങള്‍ ഉദ്ഘാടനം ചെയ്യും. അബ്ദുസ്സമദ് പൂക്കോട്ടൂര്‍, ദാറുല്‍ സെക്രട്ടറി യൂ. ശാഫി ഹാജി എന്നിവര്‍ സംസാരിക്കും. രാത്രി കൗണ്‍സിലേഴ്‌സ് പാര്‍ലമെന്റ് നടക്കും. സമസ്ത മനേജര് കെ മോയിന്‍ കുട്ടി മാസ്റ്റര്‍ ഉദ്ഘാടനം ചെയ്യും. 

തിങ്കളാഴ്ച പുതുതായി തെരഞ്ഞെടുത്ത സംസ്ഥാന കൌണ്‍സിലര്‍മാാര്ക്ക് പരിശീലനം നല്‍കും. പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യുന്ന പരിപാടിയില്‍ റഹീം ചുഴലി, അഹ്മദ് വാഫി എന്നിവര്‍ ട്രൈനിംഗിന്‌ നേതൃത്വം കൊടുക്കും. ഉച്ചക്ക് ശേഷം നടക്കുന്ന അനുസ്മരണ സെക്ഷനില്‍ സംഘടനയുടെ മുന്‍കാല സാരഥികളായ എം എ പരീത്, എം പി കടുങ്ങല്ലൂര്‍ മുസ്തഫ മുണ്ടുപാറ, നാട്ടിക മുഹമ്മദലി, ഒ. കെ. എം കുട്ടി ഉമരി, സി. എച്ച് ത്വയ്യിബ് ഫൈസി, അബ്ദുറസാഖ് ബുസ്താനി, സലീം എടക്കര എന്നിവര്‍ പങ്കെടുക്കും.
- skssfleadersparliament

ഹാഫിള് അഹ്മ്മദ് കബീര്‍ ബാഖവിയുടെ പ്രഭാഷണം 20ന് ചെട്ടുംകുഴിയില്‍

കാസര്‍കോട് : എസ് കെ എസ് എസ് എഫ് ഉളിയത്തടുക്ക് ക്ലസ്റ്റര്‍ കമ്മിറ്റി സംഘടിപ്പിക്കുന്ന ഹാഫിള് അഹ്മ്മദ് കബീര്‍ ബാഖവി കാഞ്ഞാറിന്റെ മതപ്രഭാഷണവും മജ്‌ലിസുന്നൂര്‍ സദസ്സും 20ന് രാത്രി 7 മണിക്ക് ചെട്ടുംകുഴി ശംസുല്‍ ഉലമ നഗറില്‍ വെച്ച് നടക്കും. സയ്യിദ് മഹ്മൂദ് സ്വഫ്‌വാന്‍ തങ്ങള്‍ ഏഴിമല മജ്‌ലിസുന്നൂര്‍ സദസ്സിന് നേതൃത്വം നല്‍കും എസ് വൈ എസ് ജില്ലാ ജന സെക്രട്ടറി അബൂബക്കര്‍ സാലൂദ് നിസാമി, സെക്രട്ടറി യു സഹദ് ഹാജി, എസ് കെ എസ് എസ് എഫ് ജില്ലാ പ്രസിഡന്റ് താജുദ്ദീന്‍ ദാരിമി പടന്ന. ഇബ്രാഹീം ഫൈസി ജെഡിയാര്‍, ബദ്‌റുദ്ദീന്‍ ചെങ്കള, ഹാരിസ് ചൂരി, ഹമീദ് ഹാജി ചൂരി, എം. എ ജലീല്‍, ബഷീര്‍ വടകര, റഷീദ് മൗലവി, പി. എ ജലീല്‍, ഇര്‍ഷാദ് ഹുദവി, ലത്തീഫ് കൊല്ലംബാടി സംബന്ധിക്കും. 
- yakoob Niram

മുഹമ്മദ് ഹാജി എന്ന സൈമണ്‍ മാസ്റ്ററുടെ മൃതദേഹം മറവ് ചെയ്യാന്‍ നടപടി സ്വീകരിക്കണം: സമസ്ത ഏകോപന സമിതി

ചേളാരി: പരിശുദ്ധ ഇസ്‌ലാം സ്വീകരിച്ച കൊടുങ്ങല്ലൂര്‍ സൈമണ്‍ മാസ്റ്റര്‍ എന്ന മുഹമ്മദ് ഹാജിയുടെ മൃതദേഹം ഇസ്‌ലാം ശരീഅത്ത് പ്രകാരം മറവ് ചെയ്യാന്‍ അനുവദിക്കാത്ത കുടുംബത്തിന്റെ നിലപാട് ഖേദകരമാണെന്നും അദ്ദേഹത്തിന്റെ അഭിലാഷം മാനിച്ച് ജനാസ അടക്കം ചെയ്യാന്‍ ആവശ്യമായ നടപടി സംസ്ഥാന സര്‍ക്കാര്‍ സ്വീകരിക്കണമെന്നും ചേളാരി സമസ്താലയത്തില്‍ ചേര്‍ന്ന സമസ്ത കേരള ജംഇയ്യത്തുല്‍ ഉലമാ ഏകോപന സമിതി യോഗം ആവശ്യപ്പെട്ടു. മൃതശരീരത്തിന് നീതി ലഭിക്കാന്‍ മനുഷ്യാവകാശ സംഘടനകള്‍ ഇടപെടണമെന്നും യോഗം ആവശ്യപ്പെട്ടു. സമസ്ത ആദര്‍ശ പ്രചാരണ കാമ്പയിന്റെ ഭാഗമായുള്ള മേഖലതല പ്രവര്‍ത്തക സംഗമങ്ങള്‍ക്ക് യോഗം അന്തിമ രൂപം നല്‍കി. 

സമസ്ത കേരള ജംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുകോയ തങ്ങള്‍ അദ്ധ്യക്ഷനായി. സമസ്ത ഏകോപന സമിതി കണ്‍വീനര്‍ എം. ടി. അബ്ദുല്ല മുസ്‌ലിയാര്‍ സ്വാഗതം പറഞ്ഞു. സി. കെ. എം. സ്വാദിഖ് മുസ്‌ലിയാര്‍, പി. പി. ഉമര്‍ മുസ്‌ലിയാര്‍, സയ്യിദ് മുഹമ്മദ് കോയ തങ്ങള്‍ ജമലുല്ലൈലി, കെ. ഉമര്‍ ഫൈസി മുക്കം, അബ്ദുല്‍ഹമീദ് ഫൈസി അമ്പലക്കടവ്, അബ്ദുസ്സമദ് പൂക്കോട്ടൂര്‍, കെ. എം. അബ്ദുല്ല മാസ്റ്റര്‍ കൊട്ടപ്പുറം, പിണങ്ങോട് അബൂബക്കര്‍, നാസര്‍ ഫൈസി കൂടത്തായി, പി. എ. ജബ്ബാര്‍ ഹാജി, സത്താര്‍ പന്തല്ലൂര്‍ പ്രസംഗിച്ചു. സമസ്ത മാനേജര്‍ കെ. മോയിന്‍കുട്ടി മാസറ്റര്‍ നന്ദി പറഞ്ഞു. 
- Samasthalayam Chelari