ഹജ്ജ് യാത്രയയപ്പ് നല്‍കി

കുവൈത്ത് സിറ്റി : കുവൈത്ത് ഇസ്ലാമിക് സെന്റര്‍ സിറ്റി മേഖല കമ്മറ്റിയുടെ ആഭിമുഖ്യത്തില്‍ ഈ വര്‍ഷം ഹജ്ജിനു പോകുന്ന കേന്ദ്ര സെക്രട്ടറി ഇഖ്ബാല്‍ മാവിലാടത്തിനു ഹജ്ജ് യാത്രയയപ്പുംസംഘടിപ്പിച്ചു. സിറ്റി സംഘം ഓഡിറ്റോറിയത്തില്‍ നടന്ന സംഗമം അശ്രഫ് ഫൈസിയുടെ അദ്ധ്യക്ഷതയില്‍ഉണ്ണീന്‍ കുട്ടി ദാരിമി ഉല്‍ഘാടനം ചെയ്തു. സമീര്‍ ചെട്ടിപ്പടി, അബ്ദുല്‍ ശുക്കൂര്‍ എടയാറ്റൂര്‍, തുടങ്ങിയവര്‍ ആശംസകള്‍ അര്‍പ്പിച്ചു. ഇഖ്ബാല്‍ മാവിലാടം മറുപടി പ്രസംഗം നടത്തി. അയൂബ് പുതുപ്പറംബ് സ്വാഗതവുംസാദിഖ് നന്ദിയും ആശംസിച്ചു.
- Abdul Razak

എസ്.കെ.എസ്.എസ്.എഫ് യുദ്ധവിരുദ്ധ റാലി ഇന്ന് (ശനി)

കോഴിക്കോട് : എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ ആഭിമുഖ്യത്തില്‍ ഇന്ന് (ശനി) കോഴിക്കോട് ഇസ്രയേല്‍ ഭീകരതക്കെതിരെ യുദ്ധവിരുദ്ധറാലി നടക്കും. വൈകീട്ട് 4 മണിക്ക് സ്റ്റേഡിയം കോര്‍ണറില്‍ നിന്നാരംഭിക്കുന്ന റാലി പാണക്കാട് സയ്യിദ്അബ്ബാസലി ശിഹാബ് തങ്ങള്‍ നയിക്കും. ഫലസ്തീനില്‍ നടത്തിയ നിഷ്ഠൂരമായ കൂട്ടക്കൊലയില്‍ പ്രതിഷേധിച്ചുകൊണ്ട് ഇസ്രായേല്‍ ഉല്‍പന്നങ്ങളുടെ ബഹിഷ്‌കരണ പ്രഖ്യാപനം റാലിയോടുനബന്ധിച്ച് നടക്കും. മതസാസ്‌കാരിക മേഖലയിലെ പ്രമുഖര്‍ പങ്കെടുക്കും.
- SKSSF STATE COMMITTEE

പശ്ചിമേഷ്യ; ലോകരാജ്യങ്ങള്‍ മൌനം വെടിയണം : സുന്നി ബാലവേദി

കരുനാഗപ്പള്ളി : പശ്ചിമേഷ്യയില്‍ സിയോണിസ്റ്റ് പിന്തുണയോടെ നടക്കുന്ന മനുഷ്യക്കുരുതി അവസാനിപ്പിക്കണമെന്ന് സുന്നി ബാലവേദി സംസ്ഥാന കമ്മിറ്റി അവശ്യപ്പെട്ടു. പിഞ്ചുകുഞ്ഞുങ്ങളടക്കമുള്ള നിരപരാധികള്‍ മരിച്ചുവീഴുമ്പോഴും ലോക രാജ്യങ്ങള്‍ അര്‍ത്ഥഗര്‍ഭ മൌനം പാലിക്കുന്നത് ലജ്ജാകരമാണ്. ഫലസ്തീന്‍ ജനതക്ക് ഐക്യദാര്‍ഢ്യം പ്രഖ്യാപിച്ച് ആഗസ്റ്റ് 10 ന് (ഞായര്‍) എല്ലാ ശാഖാ തലങ്ങളിലും പ്രാര്‍ത്ഥനാ സംഗമം സംഘടിപ്പിക്കാന്‍ സംസ്ഥാന കമ്മിറ്റി അഭ്യര്‍ത്ഥിച്ചു. സയ്യിദ് മുനവ്വറലി ശിഹാബ് തങ്ങള്‍ അധ്യക്ഷത വഹിച്ചു. മിദ്ലാജ് കിടങ്ങഴി, ശഫീഖ് മണ്ണഞ്ചേരി, ആശിഖ് ഇന്ത്യനൂര്‍, സൈഫുദ്ദീന്‍ ആലപ്പുഴ, സൈനുദ്ദീന്‍ ഒളവട്ടൂര്‍, ബാദുശ പള്ളിശ്ശേരിക്കല്‍ സംബന്ധിച്ചു.
- Samastha Kerala Jam-iyyathul Muallimeen

ഗസ്സ; ഇന്ത്യ നിലപാട് പുനഃപരിശോധിക്കുക : SKSSF വിഖായ

കോഴിക്കോട് : ഗസ്സയിലെ നിരപരാതികളും നിരായുധരുമായ ജനങ്ങള്‍ക്ക് നേരെ സര്‍വ്വ സജ്ജരായ ഇസ്രായേല്‍ നടത്തുന്ന നരയാട്ടിനെതിരെ മൌനം പാലിക്കുന്ന ഇന്ത്യയുടെ നിലപാട് പുനഃപരിശോധിക്കണമെന്ന് SKSSF വിഖായ സംസ്ഥാന സമിതി ആവശ്യപ്പെട്ടു. പിറന്ന മണ്ണില്‍ ജീവിക്കാനുള്ള ഫലസ്തീന്റെ ന്യായമായ അവകാശത്തെ ഇന്ത്യ എന്നും പിന്തുണച്ചിട്ടുണ്ട്. എന്നാല്‍ രാജ്യത്തിന്റെ സുരക്ഷയെ വരെ അപകടപ്പെടുത്തിക്കൊണ്ട് പ്രതിരോധ മഖലയില്‍ നേരിട്ടിടപഴകാന്‍ ഇസ്രായേലിന് അവസരം നല്‍കുന്ന വിധത്തിലുള്ള നീക്കങ്ങളാണ് ഇന്ന് ഗവണ്‍മെന്റിന്റെ ഭാഗത്ത് നിന്നും ഉണ്ടാകുന്നത്. ചേരിചേരാ പ്രസ്ഥാനമുള്‍പ്പെടെ ഇന്ത്യ ലോകത്തിന് കാഴ്ചവെച്ച മനുഷ്യത്വത്തിന്റെയും നന്മയുടെയും പാരമ്പര്യം ഉയര്‍ത്തിപ്പിടിക്കാന്‍ കേന്ദ്രസര്‍ക്കാര്‍ തയ്യാറാവണം. നിഷ്ഠൂരമായ ഇസ്രായേലിന്റെ വംശഹത്യയില്‍ ശക്തമായി പ്രതിഷേധിക്കാനും ഇസ്രായേലുമായുള്ള കയറ്റുമതി ഇറക്കുമതി ബന്ധങ്ങള്‍ വിച്ഛേദിക്കാനും സര്‍ക്കാര്‍ മുന്നോട്ടുവരണമെന്നും യോഗം അഭിപ്രായപ്പെട്ടു.
ആഗസ്റ്റ് 9ന് (ഇന്ന്) ക്വിറ്റ് ഇന്ത്യാ ദിനത്തില്‍ SKSSF സംസ്ഥാന കമ്മിറ്റി കോഴിക്കോട് വെച്ച് നടത്തുന്ന ഫലസ്തീന്‍ ഐക്യദാര്‍ഢ്യ യുദ്ധവിരുദ്ധ റാലി വിജയിപ്പിക്കുവാനും സ്വാതന്ത്ര്യ ദിന സായാഹ്നത്തില്‍ മേഖലാ തലത്തില്‍ ഫലസ്തീന്‍ ഐക്യദാര്‍ഢ്യ റാലിയും സ്വാതന്ത്ര്യ ദിന സംഗമവും നടത്തുവാനും തീരുമാനിച്ചു. യോഗത്തില്‍ ചെയര്‍മാന്‍ ഹബീബ് ഫൈസി കോട്ടോപ്പാടം അധ്യക്ഷത വഹിച്ചു. സംസ്ഥാന സെക്രട്ടറി റഫീഖ് അഹമ്മദ് തിരൂര്‍ ഉദ്ഘാടനം ചെയ്തു. സയ്യിദ് ഉമറുല്‍ ഫാറൂഖ് തങ്ങള്‍ കാസര്‍ഗോഡ്, ശിഹാബ് കുഴിഞ്ഞോളം, ഉമറലി ശിഹാബ് എടവണ്ണപ്പാറ, നിഷാദ് പട്ടാമ്പി, നിസാം ഓമശ്ശേരി, ഗഫൂര്‍ ഓമശ്ശേരി, സിറാജ് തൃശൂര്‍ തുടങ്ങിയവര്‍ സംസാരിച്ചു. സംസ്ഥാന ജനറല്‍ കണ്‍വീനര്‍ ജലീല്‍ ഫൈസി അരിമ്പ്ര സ്വാഗതവും സംസ്ഥാന വര്‍ക്കിംഗ് കണ്‍വീനര്‍ അബ്ദുസ്സലാം ഫറോക്ക് നന്ദിയും പറഞ്ഞു.
- SKSSF STATE COMMITTEE

യുദ്ധവിരുദ്ധ റാലി വിജയിപ്പിക്കുക : സമസ്ത

കോഴിക്കോട് : ഫലസ്തീനില്‍ ഇസ്രയേല്‍ ഭരണകൂടം തുടര്‍ന്ന് കൊണ്ടിരിക്കുന്ന നിഷ്ഠൂരമായ കൂട്ടക്കൊലക്കെതിരെ എസ്കെ എസ് എസ് എഫ് സംസ്ഥാന കമ്മറ്റി ഇന്ന് (ആഗസ്റ്റ് 9 ന് ശനിയാഴ്ച) കോഴിക്കോട് സംഘടിപ്പിക്കുന്ന യുദ്ധ വിരുദ്ധ റാലി വന്‍ വിജയമാക്കാന്‍ സമസ്ത കേരള ജമിയ്യത്തുല്‍ ഉലമ ആഹ്വാനം ചെയ്തു. അഭയാര്‍ഥി ക്യാമ്പുകളും ആശുപത്രികളും പോലും അക്രമിക്കുന്ന മനുഷ്യമനസാക്ഷിയെ ഞട്ടിപ്പിക്കുന്ന ഇത്തറം ചെയ്തികളെ ഒരു നിലയിലും നീതികരിക്കാന്‍ കഴിയില്ലെന്ന് പാണക്കാട് സയ്യിദ് ഹൈദര്‍ അലി ശിഹാബ് തങ്ങള്‍, ആനക്കര സി കോയക്കുട്ടി മുസ്ലിയാര്‍, ചെരുശ്ശേരി സൈനുദ്ധീന്‍ മുസ്ലിയാര്‍ എന്നിവര്‍ സംയുക്ത പ്രസ്ഥാവനയില്‍ പറഞ്ഞു. സമാനതകളില്ലാത്ത ഇത്തരം അകൃമങ്ങള്‍ക്ക് നേത്രത്വം നല്‍കുന്നവരെ പിടിച്ചു കെട്ടാന്‍ മനുഷ്യ ജീവന് വില കല്‍പ്പിക്കുന്ന ലോകത്തെ ഭരണ കൂടങ്ങള്‍ മുന്‍കയ്യെടുക്കണമെന്ന് അവര്‍ ആവശ്യപ്പെട്ടു.
ഇന്ന് വൈകുീട്ട് 4 മണിക്ക് കോഴിക്കോട് സ്റ്റേഡിയം കോര്‍ണറില്‍ നിന്ന് എസ് കെ എസ് എസ് എഫ് യുദ്ധ വിരുദ്ധ റാലി ആരംഭിക്കുമെന്ന് സംഘാടകര്‍ അറിയിച്ചു.
- SKSSF STATE COMMITTEE

സമസ്ത മദ്റസ മുഫത്തിശുമാർക്കുള്ള ത്രിദിന പരിശീലന പരിപാടി ഇന്നു മുതൽ ചേളാരിയില്‍

മലപ്പുറം: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ഇന്‍സ്‌പെക്ടറുടെ (മുഫത്തിശ്) വാര്‍ഷിക പരിശീലന പരിപാടി ഈ മാസം ഒന്‍പതു മുതല്‍ പതിനൊന്നു വരെ ചേളാരിയില്‍ നടക്കും. മൂന്നു ദിവസം നീണ്ടുനില്‍ക്കുന്ന പരിപാടിയില്‍ ഖുര്‍ആന്‍ പാരായണ വിദഗ്ധരായ ആറുപേരും അധ്യാപകപരിശീലകരായ അഞ്ചുപേരും 91 ഇന്‍സ്‌പെക്ടര്‍മാരും മൂന്ന് ഓര്‍ഗനൈസര്‍മാരും പങ്കെടുക്കും.  
 പരിഷ്‌കരിച്ച കരിക്കുലം, പുതിയ പാഠപുസ്തകം, മദ്‌റസാ ഭരണം, റിക്കാര്‍ഡുകള്‍ കൈകാര്യം ചെയ്യല്‍ തുടങ്ങിയ വിഷയക്രമത്തിലാണ് പരിശീലനം. ചെറുശ്ശേരി സൈനുദ്ദീന്‍ മുസ്‌ല്യാര്‍, പി.കെ.പി അബ്ദുസ്സലാം മുസ്‌ലിയാര്‍, കോട്ടുമല ടി.എം ബാപ്പു മുസ്‌ല്യാര്‍, പ്രൊഫ. കെ ആലിക്കുട്ടി മുസ്‌ല്യാര്‍, ഡോ. ബഹാഉദ്ദീന്‍ മുഹമ്മദ് നദ്‌വി, ഡോ. എന്‍.എ.എം അബ്ദുല്‍ഖാദര്‍, കൊട്ടപ്പുറം അബ്ദുല്ല മാസ്റ്റര്‍, പിണങ്ങോട് അബൂബക്കര്‍, കെ.പി അബ്ദുറഹ്മാന്‍ മുസ്‌ലിയാര്‍ എന്നിവര്‍ വിവിധ വിഷയങ്ങള്‍ അധികരിച്ച് ക്ലാസ് നയിക്കും.(സുപ്രഭാതം).

SKSSF MIC കാമ്പസ് യൂണിറ്റ് ബുര്‍ദ മജ്ലിസ് സംഘടിപ്പിച്ചു

കൈപമംഗലം : SKSSF എം.ഐ.സി. കാമ്പസ് യൂണിറ്റ് 5-ാം വാര്‍ഷികത്തിന്റെ ഭാഗമായി ബുര്‍ദ മജ്ലിസ് സംഘടിപ്പിച്ചു. ഫൈസല്‍ ബദരി ചാവക്കാട് ഉദ്ഘാടനം ചെയ്തു. മേഖലാ പ്രസിഡന്റ് ശിഹാബുദ്ദീന്‍ മാസ്റ്റര്‍ പൊന്മാനിക്കുടം, എം.എച്ച്. മുഹമ്മദ് ഹാഷിഫ്, സ്വാലിഹ് വാഫി പ്രാണിയാട് സംസാരിച്ചു.
- MH Hashif

ഫലസ്തീന്‍ ഐക്യദാര്‍ഢ്യ റാലിയും പ്രതിജ്ഞയും സംഘടിപ്പിച്ചു

സമസ്ത ഇസ്ലാമിക് സെന്റര്‍ പുത്തന്‍പള്ളി മഹല്ല് SYS ഉം SKSSF പുത്തന്‍പള്ളി യൂണിറ്റും സംയുക്തമായി പലസ്തീന്‍ ഐക്യദാര്‍ഢ്യ റാലി
- MH Hashif

ഏകദിന കാമ്പയിന്‍ സംഘടിപ്പിച്ചു

തൃക്കരിപ്പൂര്‍ : മെട്ടമ്മല്‍ നജാത്തുസ്വിബിയാന്‍ മദ്‌റസ  മാനേജ്‌മെന്റ് കമ്മിറ്റിയുടേയും സമസ്ത കേരള സുന്നി ബാലവേദിയുടേയും സംയുക്താഭിമുഖ്യത്തില്‍ 'മതം പഠിക്കൂ തമസ്സകറ്റൂ' എന്ന പ്രമേയത്തില്‍  ഏകദിന കാമ്പയിന്‍ സംഘടിപ്പിച്ചു. നവാഗതര്‍ക്ക്  ആദ്യാക്ഷരം കുറിച്ച് കൊണ്ട് പാണക്കാട് സയ്യിദ് ശഫീഖ് അലി ശിഹാബ് തങ്ങള്‍ ഉദ്ഘാടനം നിര്‍വഹിച്ചു. എസ്.കെ.എസ്.എസ്.എഫ്. മെട്ടമ്മല്‍ യൂണിറ്റും ഇഹ്‌സാന്‍ ചാരിറ്റബിള്‍ ഫോറവും സ്‌പോണ്‍സര്‍ ചെയ്ത പഠനോപകരണങ്ങള്‍ ജമാഅത്ത് പ്രസിഡെന്റ് സി.അബ്ദുള്‍ അസീസ് ഹാജി സെക്രട്ടറി എം.ടി.പി മുസ് തഫ എന്നിവര്‍ വിതരണം ചെയ്തു. മദ്‌റസ കണ്‍വീ നര്‍  എന്‍.കുഞ്ഞി മൊയ്തീന്‍ ഹാജി അധ്യക്ഷത വഹിച്ചു. എന്‍ മുഹമ്മദ് കുഞ്ഞി സാഹിബ് സി.ഇബ് റാഹീം സാഹിബ്,കെ.അബ്ദുല്ല ഹാജി തുടങ്ങിയവര്‍ സംസാരിച്ചു.സദര്‍ മുഅല്ലിം ഹാരിസ് ഹസനി മെട്ടമ്മല്‍ സ്വാഗതവും ഹാശിം ഹുദവി നന്ദിയും പറഞ്ഞു.
- HARIS AL HASANI Ac

ഒ.കെ. അര്‍മിയാഅ് ഉസ്താദ് അനുസ്മരണവും ദുആ മജ്ലിസും സംഘടിപ്പിച്ചു

ബാംഗ്ലൂര്‍ : മാറത്തഹള്ളി സബീലു റശാദ് മദ്റസയില്‍ സമസ്ത കേരള ജംഇയ്യത്തുല്‍ ഉലമ മുശാവറ അംഗം ഒ.കെ. അര്‍മിയാഅ് ഉസ്താദ് അനുസ്മരണവും ദുആ മജ്ലിസും സംഘടിപ്പിച്ചു. മുശ്താഖ് അഹ്മദ് ഹുദവി അനുസ്മരണ പ്രഭാഷണം നടത്തി. യാഖൂബ് അലി സ്വാഗതവും മുഹമ്മദ് ബിശ്റ് ഹുദവി നന്ദിയും പറഞ്ഞു.
- YAQOOB ALAVI

ഹജ്‌ജ് തീര്‍ഥാടകരുടെ ആദ്യ സംഘം ഈ മാസം 16 ന്‌ എത്തും

ജിദ്ദ ; ഈ വര്‍ഷത്തെ ഹജ്‌ജ് തീര്‍ഥാടകരുടെ ആദ്യ സംഘം ഈ മാസം 16 ന്‌ എത്തുമെന്ന്‌ ഹജ്‌ജ് മന്ത്രാലയ വ്യക്‌താവ്‌ ഹാത്തീം ഖാദി പറഞ്ഞു. ദക്ഷിണാഫ്രിക്കയില്‍ നിന്നുള്ള 50 പേരടങ്ങുന്ന സംഘമാണ്‌ ഇത്തവണ ഹജ്‌ജ് നിര്‍വഹിക്കാന്‍ പുണ്യ ഭൂമിയില്‍ എത്തുന്നത്‌.
തീര്‍ഥാടകരെ സ്വീകരിക്കുന്നതിനുള്ള എല്ലാ ഒരുക്കങ്ങളും പൂര്‍ത്തിയായിട്ടുണ്ട്‌ .ഉംറക്ക്‌ വിദേശങ്ങളില്‍ നിന്നുള്ള തീര്‍ഥാടകര്‍ സ്വദേശങ്ങളിലേക്ക്‌ തിരികെ പോകേണ്ട അവസാന ദിവസം ഓഗസ്‌റ്റ് 11 ആണ്‌. ഈ വര്‍ഷം വിദേശങ്ങളില്‍ നിന്ന്‌ ഉംറ നിര്‍വഹിക്കാന്‍ എത്തിയത്‌ 60 ലക്ഷം പേരാണ്‌.

‘ദക്ഷിണാഫ്രിക്കയെ ചെയ്ത പോലെ ഇസ്രയേലിനെയും ബഹിഷ്‌കരിച്ച് ഒറ്റപ്പടുത്തുകയാണിനി വേണ്ടത്’ പ്രഫസര്‍ രാമകൃഷ്ണന്‍ സംസാരിക്കുന്നു

ഡല്‍ഹി, ജവഹര്‍ലാല്‍ സര്‍വകലാശാലയിലെ സെന്റര്‍ ഫോര്‍ വെസ്റ്റ് ഏഷ്യന്‍ സ്റ്റഡീസ് മുന്‍ ചെയര്‍പേഴ്‌സനും ഇപ്പോള്‍ പ്രഫസറുമാണ് ഏ.കെ രാമകൃഷ്ണന്‍. അമേരിക്കയോടും ഇസ്രയേല്‍ ആധിപത്യത്തോടും വിമര്‍ശം തുടരുന്ന ഇന്‍ര്‍നാഷനല്‍ റിലേഷന് പഠനവിഭാഗത്തില്‍ അറിയപ്പെട്ട ഇന്ത്യന്‍ അക്കാദമിക്കുകളില്‍ ഒരാളാണ് അദ്ദേഹം. ഇസ്ലാം, പശ്ചിമേഷ്യ, വിമര്‍ശനസിദ്ധാന്തത്തിലൊക്കെ വിദഗ്ദനായ രാമകൃഷ്ണന്‍, ഇസ്രയേല്‍ ഗസയില്‍ നടത്തിക്കൊണ്ടിരിക്കുന്ന ക്രൂരഅതിക്രമങ്ങളെ ശക്തമായി അപലപിക്കുകയും വംശീയവിവേചനത്തിന്റെ പേരില്‍ അന്താരാഷ്ട്രസമൂഹം ദക്ഷിണാഫ്രിക്കയെ ബഹിഷ്‌കരിച്ച രീതിയില്‍ ഇസ്രയേലിനെയും പൂര്‍ണമായി ബഹിഷ്‌കരിക്കണമെന്ന ആഹ്വാനവും നടത്തുന്നു. ഇസ്‍ലാം ഓണ്‍വെബിനു വേണ്ടി അഭയ്കുമാറും സയ്യിദ് മുഹമ്മദ് റഖീബും നടത്തിയ സംഭാഷണത്തില്‍, ഇസ്രയേല്‍ കടന്നേറ്റത്തെ കുറിച്ചും ചൈന, ഇന്ത്യ, അറബ് ലോകമടക്കമുള്ള അന്താരാഷ്ട്ര സമൂഹം ഫലസ്ഥീന്‍ സ്വതന്ത്ര പ്രസ്ഥാനത്തോടൊപ്പം പൂര്‍ണ ഐക്യദാര്‍ഢ്യം കാണിക്കുന്നതിലുണ്ടായ പരാജയങ്ങളെ കുറിച്ചും സംസാരിക്കുന്നു.: ലേഖനത്തിന്റെ പൂർണ ഭാഗം വായിക്കാൻ www.islamonweb.net സന്ദർശിക്കുക 

കേരള ഇസ്ലാമിക്‌ ക്ലാസ്സ്‌ റൂം വൈജ്ഞാനിക വിരുന്ന്‌ 'ബുഷ്‌റാക്കുമുൽ യൌം' തുടരുന്നു..

കേരള ഇസ്ലാമിക്‌ ക്ലാസ്സ്‌ റൂം വിശുദ്ധ റമസാനു മുമ്പ്‌ ആരംഭിച്ച 'ബുഷ്‌റാക്കുമുൽ യൌം' എന്ന പേരിലുള്ള വൈജ്ഞാനിക വിരുന്ന്‌ വ്യത്യസ്‌ത പഠന പരമ്പരകളുമായി തുടരുന്നു:

'ബുഷ്‌റാക്കുമുൽ യൌം' മുന്‍ പ്രോഗ്രാമുകളുടെ റെക്കോര്‍ഡുകള്‍ കേള്‍ക്കാന്‍ 
ഇവിടെ Click ചെയ്യുക.

ഹജ്ജിന്റെ മറവില്‍ മനുഷ്യക്കടത്ത്; കേന്ദ്രസര്‍ക്കാര്‍ പറയുന്നത് വിശ്വസിക്കാനാവില്ല: ശൈഖുനാ കോട്ടുമല ടി എം ബാപ്പുമുസ്‌ല്യാര്‍

കോഴിക്കോട്: ഹജ്ജിന്റെ മറവില്‍ മനുഷ്യക്കടത്തെന്ന കേന്ദ്രസര്‍ക്കാര്‍ ആരോപണം വിശ്വസിക്കാന്‍ പറ്റില്ലെന്ന് കേരള ഹജ്ജ് കമ്മിറ്റി ചെയര്‍മാനും സമസ്ത സെക്രട്ടറി യുമായ  ശൈഖുനാ കോട്ടുമല ടി എം ബാപ്പുമുസ്‌ല്യാര്‍. ഹജ്ജിന്റെ മറവില്‍ മനുഷ്യക്കടത്തും ഹവാല ഇടപാടും നടക്കുന്നുവെന്ന് ആരോപിച്ച് കേന്ദ്രസര്‍ക്കാര്‍ സുപ്രീംകോടതിയെ സമീപിച്ചതുമായി ബന്ധപ്പെട്ട് സുപ്രഭാതം ഓണ്‍ലൈനിന് അനുവദിച്ച പ്രത്യേക അഭിമുഖത്തിലാണ് അദ്ദേഹം ഇപ്രകാരം പ്രതികരിച്ചത്.
ഹജ്ജ് കമ്മിറ്റി മുഖേനയോ സ്വകാര്യ ഓപറേറ്റര്‍മാരോ മുഖേനയോ ഇന്ത്യയില്‍ നിന്ന് പോകുന്ന ഹാജിമാര്‍ അവിടെ തങ്ങുന്നുണ്ട് എന്ന് പറയുന്നത് വിശ്വസിക്കാന്‍ കഴിയില്ല. സഊദി സര്‍ക്കാര്‍ കര്‍ശനമായ നിയമം നടപ്പാക്കുമ്പോള്‍, അങ്ങനെയുള്ള ഒരു കാര്യം ആര്‍ക്കും അവിടെ ചെയ്യാന്‍ സാധ്യമല്ല. എന്തിന്റെ പേരിലും സമുദായത്തെ അപകീര്‍ത്തിപ്പെടുത്തുന്ന പ്രവണത ആരുടെ ഭാഗത്ത് നിന്നുണ്ടായാലും അത് അംഗീകരിക്കാന്‍ സാധ്യമല്ലെന്നും കോട്ടുമല വ്യക്തമാക്കി.
യതീംഖാനയിലേക്ക് സുദ്ദേശത്തോടെ ഇതര സംസ്ഥാനങ്ങളില്‍ നിന്ന് കുട്ടികള്‍ വരുന്നതിനെ മനുഷ്യക്കടത്തായി ചിത്രീകരിച്ച് ഇവിടെ കോലാഹലം ഉണ്ടാക്കിയത് നമുക്കറിയാം. എന്നാല്‍ നിഷ്പക്ഷമായ അന്വേഷണം നടത്തിയ ഏജന്‍സികള്‍ തന്നെ അത് മനുഷ്യക്കടത്തല്ല എന്ന് സര്‍ക്കാറിന് റിപ്പോര്‍ട്ട് നല്കിയത് ആരും മറന്നു പോയിട്ടില്ലെന്നും അദ്ദേഹം ഓര്‍മ്മപ്പെടുത്തി.
ഇല്ലാത്ത ആരോപണങ്ങള്‍ ഉന്നയിച്ച് ഒരു സമുദായത്തെ അപകീര്‍ത്തിപ്പെടുത്താനുള്ള ശ്രമങ്ങളില്‍ നിന്ന് ഉത്തരവാദപ്പെട്ടവര്‍ പിന്മാറേണ്ടതാണെന്നും കോട്ടുമല ആവശ്യപ്പെട്ടു. അതു കൊണ്ട് തന്നെയാണ് സുപ്രീംകോടതി പോലും ഗവണ്‍മെന്റിന്റെ വാദം അംഗീകരിക്കാന്‍ തയ്യാറാകാതിരുന്നത്. രാജ്യത്തെ പ്രധാനമന്ത്രിമാരെല്ലാം തുടര്‍ന്നു വന്ന ഒരു രീതിയായിരുന്നു രാജ്യത്തെ പൗരന്മാര്‍ക്ക് പെരുന്നാള്‍ ആശംസകള്‍ നേരുക എന്നത്. എന്നാല്‍ നോമ്പുകാരനെ ശിവസേന എം പി നിര്‍ബന്ധിപ്പിച്ച് ചപ്പാത്തി തീറ്റിച്ചതും ഈദ് സന്ദേശം നല്കാതിരുന്ന മോദി സര്‍ക്കാറും ഹജ്ജിന്റെ കാര്യത്തിലുള്ള കള്ളപ്രചാരണവും നല്കുന്ന മുന്നറിയിപ്പുകളെ അവഗണിക്കാനാവില്ലെന്നും കോട്ടുമല ചൂണ്ടിക്കാട്ടി. (അവ സുപ്രഭാതം)

രാഷ്ട്ര പുനര്‍നിര്‍മാണത്തിന് മുസ്‌ലിംകള്‍ സജ്ജരായിരിക്കണമെന്ന് പാണക്കാട് സാദിഖലി ശിഹാബ് തങ്ങള്‍

തൃശൂര്‍: രാഷ്ട്ര പുനര്‍നിര്‍മ്മാണത്തിന് മുസ്‌ലിംകള്‍ സജ്ജരായിരിക്കണമെന്ന് പാണക്കാട് സാദിഖലി ശിഹാബ് തങ്ങള്‍ പറഞ്ഞു. 'നീതി ബോധത്തിന്‍റെ നിതാന്ത ജാഗ്രത' യെന്ന മുദ്രാവാക്യവുമായി 2015 ഫെബ്രുവരിയില്‍ തൃശൂരില്‍ നടക്കാനിരിക്കുന്ന എസ്‌കെഎസ്എസ്എഫ് സില്‍വര്‍ ജൂബിലി ആഘോഷങ്ങളുടെ ഭാഗമായ 'ഗ്രാന്‍ഡ് ഫിനാലെ'യുടെ സ്വാഗത സംഘം രൂപീകരണത്തിന്റെ ഉദ്ഘാടനം തൃശൂരില്‍ നിര്‍വ്വഹിക്കുകയായിരുന്നു അദ്ദേഹം.
സാമൂഹിക ജീര്‍ണ്ണതക്കെതിരെ നിതാന്ത ജാഗ്രത പുലര്‍ത്തേണ്ടതുണ്ടെന്നും സാംസ്‌ക്കാരിക വിശുദ്ധി നില നിര്‍ത്തേണ്ടത് വിശ്വാസി സമൂഹത്തിന്‍റെ കടമയാണെന്നും അദ്ദേഹം പറഞ്ഞു.തീവ്രവാദത്തിനും വര്‍ഗീയതക്കുമെതിരെ എന്നും മുന്നില്‍ നിന്ന പ്രസ്ഥാനമാണ് സമസ്ത.ഇസ്‌ലാം ഇന്ത്യയിലേക്ക് കടന്ന് വന്ന കൊടുങ്ങല്ലൂര്‍ ഉള്‍പ്പെടെ ചരിത്രപ്രാധാന്യവും സാംസ്‌ക്കാരിക സമ്പന്നവുമായ തൃശൂരാണ് സില്‍വര്‍ ജൂബിലി ആഘോഷങ്ങള്‍ക്കായി തിരഞ്ഞെടുത്തിരിക്കുന്നതെന്ന് എസ്‌കെഎസ്എസ്എഫ് സംസ്ഥാന ജനറല്‍ സെക്രട്ടറി ഓണമ്പിള്ളി മുഹമ്മദ് ഫൈസി പറഞ്ഞു.
സേവന രംഗത്തും വിദ്യാഭ്യാസ-സാംസ്‌ക്കാരിക രംഗത്തും നിസ്തുലമായ സംഭാവന കേരളത്തിന് നല്‍കിയ പ്രസ്ഥാനമെന്ന നിലയില്‍ എസ്‌കെഎസ്എസ്എഫ് എല്ലാവരാലും അംഗീകരിക്കപ്പെട്ടിട്ടുണ്ടെന്നും അദ്ദേഹം പറഞ്ഞു.സമസ്ത കേരള ജംഇയ്യത്തുല്‍ ഉലമ സംസ്ഥാന ഉപാദ്ധ്യക്ഷന്‍ ചെറുവാളൂര്‍ ഹൈദ്രോസ് മുസ്ല്യാര്‍ അദ്ധ്യത വഹിച്ചു, സംസ്ഥാന വര്‍ക്കിംഗ് സെക്രട്ടറി സത്താര്‍ പന്തല്ലൂര്‍ സമ്മേളന പ്രമേയ അവതരണം നടത്തി.(സുപ്രഭാതം)

ഊജംപാടി അക്രമം: പ്രതികള്‍ക്കെതിരെ വധശ്രമത്തിന് കേസെടുക്കണം: SYS

കാസര്‍കോട്: ഊജംപാടിയിലെ മദ്രസ പിടിച്ചെടുക്കുന്നതിന് വേണ്ടി അക്രമം നടത്തിയവരേയും അവരെ അതിന് വേണ്ടി ഏര്‍പ്പാടാക്കിയവരെയും നിയമത്തിന്റെ മുമ്പില്‍ കൊണ്ടു വരണമെന്ന് സുന്നി യുവജന സംഘം ജില്ലാ കമ്മിറ്റി ഭാരവാഹികളായ എം.എ. ഖാസിം മുസ്‌ലിയാര്‍, അബ്ബാസ് ഫൈസി പുത്തിഗെ, മെട്രോ മുഹമ്മദ് ഹാജി, ഖത്തര്‍ ഇബ്രാഹിം ഹാജി തുടങ്ങിയവര്‍ അധികൃതരോട് ആവശ്യപ്പെട്ടു.
തിരുശേഷിപ്പെന്ന പേരില്‍ വ്യാജമുടിയും പാനപാത്രവും കൊണ്ടുവന്ന് സമൂഹത്തില്‍ ഇളഭ്യരായവര്‍ നിലനില്‍പിന് വേണ്ടി ക്വട്ടേഷന്‍ സംഘങ്ങളെയും മറ്റും ഉപയോഗിച്ച് മഹല്ലുകളില്‍ സമാധാനാന്തരീക്ഷം തകര്‍ക്കുകയാണ് മാണിമൂല ഉള്‍പ്പെടെയുള്ള സ്ഥലങ്ങളില്‍ വിഘടിത വിഭാഗം അക്രമങ്ങള്‍ അഴിച്ചുവിടുകയും ജമാഅത്ത് ഭാരവാഹികളെ വധിക്കാന്‍ ശ്രമിക്കുകയുമുണ്ടായിട്ടുണ്ട്. നിയമപാലകരില്‍ ചിലര്‍ അക്രമികളെ സംരക്ഷിക്കുന്ന നിലപാടുകള്‍ സ്വീകരിക്കുന്നത് കാരണമാണ് ഇത്തരം സംഭവങ്ങള്‍ വീണ്ടും ആവര്‍ത്തിക്കാന്‍ കാരണമാകുന്നതെന്നും നേതാക്കള്‍ പ്രസ്താവിച്ചു.
അക്രമികളെ നിയമത്തിന്റെ മുമ്പില്‍ കൊണ്ടുവന്ന് നിയമം നടപ്പിലാക്കണമെന്നും അവര്‍ കൂട്ടിച്ചേര്‍ത്തു.

എസ്.കെ.എസ്.ബി.വി മതവിദ്യാഭ്യാസ കാമ്പയിന്‍ ജില്ലാതല ഉദ്ഘാടനം ഇന്ന്

മേലാറ്റൂര്‍: എസ്.കെ.എസ്.ബി.വി. സംസ്ഥാന വ്യാപകമായി നടത്തിവരുന്ന മതവിദ്യാഭ്യാസ കാമ്പയിനിന്റെ മലപ്പുറം ഈസ്റ്റ് ജില്ലാതല ഉദ്ഘാടനം ഇന്ന് രാവിലെ ഏഴു മണിക്ക് എടയാറ്റൂര്‍ ഹിദായത്തുല്‍ ഇസ്‌ലാം മദ്രസയില്‍ നടക്കും. സമസ്ത ജില്ലാ വാര്‍ക്കിങ് സെക്രട്ടറി പുത്തനഴി മൊയ്തീന്‍ ഫൈസി ഉദ്ഘാടനം ചെയ്യും.
മതവിദ്യാഭ്യാസത്തിന് പ്രാധാന്യം നഷ്ടപ്പെട്ട് കൊണ്ടിരിക്കുന്ന ഈ കാലഘട്ടത്തില്‍ വിദ്യാര്‍ത്ഥികളെ മതബോധത്തിലേക്ക് തിരിച്ചു കൊണ്ടുവരിക എന്ന ലക്ഷ്യത്തോടെയാണ് 'മതം പഠിക്കൂ തമസ്സകറ്റൂ' എന്ന പ്രമേയവുമായി എസ്.കെ.എസ്.ബി.വി. കാമ്പയിന്‍ ആചരിക്കുന്നത്.
വി. ഇഖ്ബാല്‍ ഹുദവി മുഖ്യപ്രഭാഷണം നടത്തും.
അബ്ദുകുട്ടി മുസ്‌ലിയാര്‍, ഉസ്മാന്‍ അന്‍വരി, വി. ത്വയ്യിബ് മാസ്റ്റര്‍, എ.പി. അബ്ദുസ്സലാം ഫൈസി, എസ്.ബി.വി. ജില്ലാ പ്രസിഡന്റ് സൈനുദ്ദീന്‍ ഒളവട്ടൂര്‍, ട്രഷറര്‍ ജുനൈദ് പ്രസംഗിക്കും.

സംസ്ഥാന ഹജ്ജ് കമ്മിറ്റി രണ്ടാം ഘട്ട ഹജ്ജ് ക്ലാസുകള്‍ 13 മുതല്‍

കാസര്‍കോട്: ജില്ലയില്‍ നിന്ന് ഈ വര്‍ഷം സംസ്ഥാന ഹജ്ജ് കമ്മിറ്റി മുഖേന തെരെഞ്ഞെടുക്കപ്പെട്ട ഹജ്ജാജിമാര്‍ക്കുള്ള രണ്ടാം ഘട്ട ക്ലാസുകള്‍ 13 മുതല്‍ ആരംഭിക്കും. വിവിധ മേഖലകളിലുള്ളവര്‍ക്ക് വിവിധ കേന്ദ്രങ്ങളിലാണ് ക്ലാസുകള്‍ നടക്കുക.
കാഞ്ഞങ്ങാട്, ഉദുമ, നീലേശ്വരം മേഖലകളിലെ ഹജ്ജാജിമാര്‍ക്ക് കാഞ്ഞങ്ങാട് യതീംഖാന ഹാളില്‍ നടക്കുന്ന ഉദ്ഘാടന സംഗമത്തില്‍ ക്ലാസ് നടക്കും. കാസര്‍കോട് മേഖലയിലുള്ളവര്‍ക്ക് ചെര്‍ക്കള ഖുവ്വത്തുല്‍ ഇസ്ലാം മദ്‌റസയില്‍ 14ന് രാവിലെ 9.30ന് തുടങ്ങും. മഞ്ചേശ്വരം മണ്ഡലത്തിലെ ക്ലാസ് 14ന് ഉച്ചക്ക് 2 മണിക്ക് ബന്തിയോട് ബദ്‌രിയ്യ ജുമാമസ്ജിദ് ഹാളിലും തൃക്കരിപ്പൂര്‍ മേഖലയിലുള്ളവര്‍ക്ക് 16ന് ഉച്ചയ്ക്ക് 1.30ന് തൃക്കരിപ്പൂര്‍ വടക്കെ കൊവ്വല്‍ മദ്രസാ ഹാളിലും നടക്കും.
ക്ലാസുകളില്‍ ഹജ്ജ് ഗൈഡ്, ഹാറ്റ് കാര്‍ഡ്, ബഗേജ് സ്റ്റിക്കര്‍ എന്നിവ വിതരണം ചെയ്യും. ഹജ്ജാജിമാര്‍ ക്ലാസുകള്‍ നടക്കുന്ന ദിവസം കൃത്യസമയത്ത് എത്തണമെന്ന് കാസര്‍കോട് ജില്ലാ ഹജ്ജ് ട്രെയ്‌നര്‍ പറഞ്ഞു.
ബന്ധപ്പടാവുന്ന നമ്പര്‍ താഴെ കൊടുക്കുന്നു.
കാസര്‍കോട് മേഖലയിലുള്ളവര്‍-9446111188, 9447731334, 9633644663
മഞ്ചേശ്വരം മേഖലയിലുള്ളവര്‍-9446411353
കാഞ്ഞങ്ങാട് മേഖലയിലുള്ളവര്‍-9846688088,9605035135
തൃക്കരിപ്പൂര്‍ മേഖലയിലുള്ളവര്‍-9447450102 (അവ.സുപ്രഭാതം)

ഫലസ്തീനും സയണിസവും

ഫലസ്തീന്‍ ഭൂപ്രദേശത്തിന്റെ സിംഹഭാഗവും ബ്രിട്ടന്റെയും അമേരിക്കയുടെയും സഹായത്താല്‍ പെരുമ്പാമ്പ് ആടിനെ വിഴുങ്ങും വിധം ഇസ്രാഈല്‍ ഘട്ടം ഘട്ടമായി വിഴുങ്ങുകയായിരുന്നു. യഹൂദമതത്തിന്റെ ഉത്ഭവം തൊട്ട് 1900 വരെയുള്ള കാലയളവില്‍ വാഗ്ദത്തഭൂമിയില്‍ ജൂതരാഷ്ട്രം സ്ഥാപിക്കണമെന്ന ആവശ്യം ഒരിക്കലും അവര്‍ ഉന്നയിച്ചിട്ടില്ല. വിദേശ നാടുകളില്‍ നിന്നും ജറുസലേമിലെത്തുന്ന തീര്‍ത്ഥാടകരുടെ എണ്ണം പോലും അത്യപൂര്‍വ്വമായിരുന്നു. യഹൂദര്‍ സിയോണ്‍ കുന്നുകളെ ലക്ഷ്യം വെച്ച് പ്രാര്‍ത്ഥിക്കുകയും പരസ്പരം കണ്ടുമുട്ടുമ്പോള്‍ 'അടുത്ത വര്‍ഷം ജറുസലേമില്‍' എന്ന ആപ്തവാക്യം ഉരുവിട്ട് ഹസ്തദാനം നടത്തുകയും ചെയ്യല്‍ പതിവായിരുന്നു. മതപരമായ വിശ്വാസത്തിനും ആചാരത്തിനുമപ്പുറം ഈ സ്ഥലനാമങ്ങള്‍ക്കും പദാവലികള്‍ക്കും രാഷ്ട്രീയമായ അര്‍ത്ഥങ്ങള്‍ ഒന്നുമില്ലായിരുന്നു.
യഹൂദരാഷ്ട്രം സ്ഥാപിക്കുന്നതിനായി സയണിസ്റ്റുകള്‍ ഫലസ്തീന്‍ തെരഞ്ഞെടുത്തത് ബഹുമുഖ ലക്ഷ്യത്തോടുകൂടിയായിരുന്നു. വാഗ്ദത്ത ഭൂമിയോടുള്ള ഇഷ്ടംകൊണ്ടല്ല; മറിച്ച് സാമ്പത്തികവും സാമ്രാജ്യത്വപരവുമായ താല്‍പര്യമായിരുന്നു പിന്നില്‍. 1935 ല്‍ ലോക സയണിസ്റ്റ് അധ്യക്ഷനായിരുന്ന നഹാം ഗോള്‍ഡ്മാന്റെ പ്രസ്താവന മേല്‍പറഞ്ഞ കാര്യം ശരിവെക്കുന്നതിനുള്ള ഒന്നാന്തരം തെളിവുകളാണ്. കാനഡയില്‍ നിന്നും ഫ്രഞ്ച് ഭാഷയില്‍ പ്രസിദ്ധീകരിച്ച നാഷണല്‍ എന്ന പ്രസിദ്ധീകരണത്തില്‍ വന്ന പ്രസ്താവന ഇങ്ങനെയായിരുന്നു. 'യഹൂദര്‍ക്ക് രാജ്യം സ്ഥാപിക്കുവാന്‍ ഉഗാണ്ടയിലോ മെഡഗാസ്‌ക്കറിലോ മറ്റോ സ്ഥലം കരസ്ഥമാക്കുക സാധ്യമായിരുന്നു. പക്ഷേ ഫലസ്തീനല്ലാതെ അവര്‍ക്ക് മറ്റൊരു നാടും ആവശ്യമില്ലായിരുന്നു. മത-ചരിത്ര പരിഗണനകള്‍ കൊണ്ടോ തൗറാത്തില്‍ ഫലസ്തീനെ കുറിച്ച് പരാമര്‍ശം ഉള്ളതുകൊണ്ടോ ആയിരുന്നില്ല ഇത്. പ്രസ്തുത യൂറോപിന്റെയും ഏഷ്യയുടെയും ആഫ്രിക്കയുടെയും ഇടക്കുള്ള പാതകളുടെ സംഗമസ്ഥാനവും ലോക രാഷ്ട്രീയത്തെ സ്വാധീനിക്കുവാനും ലോകാധിപത്യം നേടാനുമുതകുന്ന തന്ത്രപ്രധാനമായ പ്രദേശമാണ് ഫലസ്തീന്‍' എന്നതായിരുന്നു കാരണം.

സമസ്തയുടെ സ്ഥാപനങ്ങള്‍ കയ്യേറല്‍; ചാനല്‍ വാര്‍ത്ത ദുരുദ്ദേശപരം: അബ്ദുസ്സമദ് പൂക്കോട്ടൂര്‍

മലപ്പുറം: സമസ്തയുടെ സ്ഥാപനങ്ങള്‍ കയ്യേറാന്‍ ചിലര്‍ നടത്തുന്ന ശ്രമങ്ങള്‍ക്ക് മുസ്‌ലിം രാഷ്ടീയ സംഘടന കൂട്ട് നില്‍ക്കുന്നു എന്ന പേരില്‍ ഒരു ചാനലില്‍ വന്ന വാര്‍ത്ത ദുരുദ്ധേശപരമാണെന്ന് എസ്.വൈ.എസ് സംസ്ഥാന സെക്രട്ടറി അബ്ദുസ്സമദ് പൂക്കോട്ടൂര്‍. 
മലപ്പുറം ജില്ലയിലെ തച്ചണ്ണ പള്ളി,മദ്‌റസ തര്‍ക്കവുമായി ബന്ധപ്പെട്ട് ഒരു ചാനല്‍ പ്രധിനിധി തന്നെ സമീപിച്ചിരുന്നു. വ്യാജ കേശ പ്രശ്‌നത്തില്‍ ജനപിന്തുണ നഷ്ടമായ കാന്തപുരം വിഭാഗം സ്വന്തം അണികള്‍ക്ക് വീര്യം പകരുവാന്‍ സമസ്തയുടെ സ്ഥാപനങ്ങള്‍ കയ്യേറുകയെന്ന പഴയ തന്ത്രം വീണ്ടും പുറത്തിറക്കുകയാണെന്നും ഇതിന് പിന്തുണ നല്‍കുന്നത് കോണ്‍ഗ്രസ്സിലെ ഒരു ഗ്രൂപ്പാണെന്നും ഞാന്‍ പ്രതികരിച്ചിരുന്നു.
സ്വന്തം ഗ്രൂപ്പിന് ശക്തി കൂട്ടാന്‍ കാന്തപുരം വിഭാഗത്തെ ചില കോണ്‍ഗ്രസ് നേതാക്കളും, സമസ്തയുടെ സ്ഥാപനം പിടിച്ചെടുക്കാന്‍ അത്തരം നേതാക്കളെ കാന്തപുരവും ഉപയോഗപ്പെടുത്തി ഒത്തുകളി നടത്തുകയാണ്. ഇക്കാര്യം വ്യക്തമായി അഭിമുഖത്തില്‍ പരാമര്‍ശിച്ചിട്ടും, ഒരു രാഷ്ട്രീയപാര്‍ട്ടിയാണ് പ്രശ്‌നം വഷളാക്കിയതെന്ന് ഭാഗികമായി അവതരിപ്പിച്ച് മുസ്‌ലിംലീഗിനെ പ്രതിസ്ഥാനത്ത് നിര്‍ത്തിയാണ് ഞാന്‍ പ്രതികരിച്ചതെന്ന് വരുത്തിതീര്‍ക്കാന്‍ നടത്തിയ ശ്രമം തികച്ചും അസംബന്ധമാണ്.
അഭിമുഖം പൂര്‍ണമായി നല്‍കിയാല്‍ കള്ളക്കളി വെളിച്ചത്താവും. സമസ്തയുടെ സ്ഥാപന പ്രശ്‌നങ്ങളില്‍ മുസ്‌ലിം ലീഗ് എക്കാലത്തും നീതിപൂര്‍വമായ സമീപനമാണ് സ്വീകരിച്ച് വന്നിട്ടുള്ളത്. ലീഗിനേയും സമസ്തയുടെ അണികളേയും രണ്ടു തട്ടിലാക്കാന്‍ ശ്രമിക്കുന്നവര്‍ ആശവിതച്ച് നിരാശ കൊയ്യാന്‍ വിധിക്കപ്പെട്ടവരാണന്നും അദ്ധേഹം പറഞ്ഞു.