ദൈവപ്രീതി നേടാന്‍ ദാനം ചെയ്യുക

നോമ്പ് ഒരു ശുദ്ധീകരണ പ്രക്രിയയും നന്മയുടെ പരിശീലനവുമാണല്ലോ. ലുബ്ധത, സ്വാര്‍ത്ഥ ചിന്ത, അമിതമായ ധനക്കൊതി തുടങ്ങിയ ദൗര്‍ബല്യങ്ങളില്‍നിന്ന് അത് മനസ്സിനെ മോചിപ്പിച്ച് ഉദാരതയുടെയും ദാന ധര്‍മ്മത്തിന്റെയും ചിന്ത വളര്‍ത്തേണ്ടതുണ്ട്. ധനത്തിന്‍മേലുള്ള കെട്ടിപ്പിടുത്തമാണല്ലോ പലപ്പോഴും നമസ്‌കാരം പോലുള്ള ദൈവ കല്‍പനകള്‍ സമയത്തും മുറപോലെയും നിറവേറ്റുന്നതിന് തടസ്സമാകാറുള്ളത്. ധനത്തിന്റെ പേരില്‍ എത്രയാണ് അല്ലാഹുവിന്റെ നിരോധനങ്ങള്‍ മനുഷ്യന്‍ ലംഘിക്കുന്നത്. എന്നാല്‍ നോമ്പ് മറ്റെല്ലാ ദേഹേച്ഛകളില്‍നിന്നും മനുഷ്യനെ ശുദ്ധീകരിക്കുന്നതുപോലെ അടങ്ങാത്ത ധനക്കൊതിക്കും കടിഞ്ഞാണിടണം. നബി ഏറ്റവും കൂടുതല്‍ ദാനം ചെയ്തിരുന്നത് റമസാനിലായിരുന്നു. കാറ്റുപോലെ നാനാ ഭാഗത്തേക്കും പരക്കും വിധമുള്ള ദാനം.
ധനം മനുഷ്യന് അല്ലാഹു നല്‍കുന്ന മഹത്തായ ഒരനുഗ്രഹമാണ്. ദാനം ചെയ്താണ് അതിന് മനുഷ്യന്‍ നന്ദി കാണിക്കേണ്ടത്. ധനം ധാരാളമായി സമ്പാദിക്കുകയും അതില്‍നിന്ന് ഉദാരമായി ദാനം ചെയ്ത് അല്ലാഹുവിന്റെയടുത്തും സമ്പന്നനായി മാറുകയും ചെയ്യുന്ന മനുഷ്യന്‍ മഹാ ഭാഗ്യവാന്‍ തന്നെ. അവന് ദുന്‍യാവിലെയും ആഖിറത്തിലെയും രണ്ട് ജീവിതത്തിലെയും സൗഭാഗ്യങ്ങള്‍ ഒരുമിച്ച് കരസ്ഥമാക്കാന്‍ കഴിയുന്നു. മനുഷ്യന്‍ ദാനമായി നല്‍കുന്നത് ഒരു ധാന്യമണിപോലെയാണ്. അത് മുളച്ച് ഏഴ് കതിരുകള്‍ പൊങ്ങുന്നു. ഓരോ കതിരിലും നൂറുവീതം മണികള്‍. ദാനത്തിന്റെ പ്രതിഫലം ഇത്രയും സമ്പുഷ്ടമാണെന്ന് ഉണര്‍ത്തി അല്ലാഹു പറയുന്നു: അല്ലാഹു അവന്‍ ഉദ്ദേശിക്കുന്നവര്‍ക്ക് ഇരട്ടിക്കിരട്ടി നല്‍കും'. ദാനം മറ്റ് കര്‍മ്മങ്ങളെക്കാളെല്ലാം ഏറെ അതി വിശിഷ്ടമാണ്. അല്ലാഹുവിന് കൊടുത്ത കടം പോലെയാണത്. അവന്‍ അത് എത്രയോ ഇരട്ടിയാക്കിയാണ് തിരിച്ചു തരുന്നത്.

ഖുര്‍ആന്‍ യാഥാസ്ഥിതിക വായന; വാദം ശരിയല്ല : SMF

ചേളാരി : വിശുദ്ധ ഖുര്‍ആന്റെ യാഥാസ്ഥിതിക വായന അവസാനിപ്പിക്കണമെന്ന ദേശീയ ഖുര്‍ആന്‍ സെമിനാര്‍ അഭിപ്രായം മതപക്ഷമല്ലെന്ന് സുന്നി മഹല്ല് ഫെഡറേഷന്‍ സംസ്ഥാന സെക്രട്ടറി പിണങ്ങോട് അബൂബക്കര്‍ പ്രസ്താവിച്ചു. ഖുര്‍ആന്റെ യാഥാസ്ഥിതിക വായനയെന്നാല്‍ അര്‍ത്ഥവും വ്യാഖ്യാനവും അറിയാത്തവരും അറിയുന്നവരും പാരായണം ചെയ്യലാണ്. അര്‍ത്ഥം അറിഞ്ഞുള്ള പാരായണത്തിന് അധിക പ്രതികഫലം ഉണ്ടെന്നല്ലാതെ അര്‍ത്ഥമറിയാതെ പാരായണം പാടില്ലെന്ന തലത്തിലേക്ക് കാര്യങ്ങള്‍ എത്തിക്കുന്നത് ഗുരുതരമായ ഭവിഷ്യത്തുകള്‍ വരുത്തിവയ്കും. പൗരാണിക വ്യാഖ്യാനങ്ങളും രീതികളും നിരാകരിക്കുന്നത് അതിലേറെ ഗുരുതരമായ സംഭവങ്ങള്‍ക്ക് കളമൊരുക്കും. ഖുര്‍ആന്‍ അര്‍ത്ഥം അറിയണമെന്ന് ആഗ്രഹിക്കുന്നതും അതിന് പ്രോല്‍സാഹിപ്പിക്കുന്നതും ശ്രമിക്കുന്നതും സ്വാഗതാര്‍ഹമാണ്. എന്നാല്‍, വിശുദ്ധ ഖുര്‍ആനെ മുസ്‌ലിം പൊതുസമൂഹത്തില്‍ നിന്ന് പാടെ മാറ്റിനിര്‍ത്താന്‍ ഇടയാക്കുന്ന നിലപാടുകളിലേക്ക് വിരല്‍ചൂണ്ടുന്ന ഇത്തരം നവ-മത റിബലിസം നിരാകരിക്കുകതന്നെ വേണമെന്ന് അദ്ദേഹം ആവശ്യപ്പെട്ടു.
- Samasthalayam Chelari

മുസ്തഫ ഹുദവി ആക്കോടിന്റെ റമദാന്‍ പ്രഭാഷണം കുവൈത്തില്‍; ഒരുക്കങ്ങള്‍ പൂര്‍ത്തിയായി. പ്രഭാഷണം 17,18 തിയ്യതികളില്‍

കുവൈത്ത് സിറ്റി : 'വിശുദ്ധ റമദാന്‍; സുകൃതമൊരുക്കാം, സല്‍വൃത്തരാകാം' എന്ന പ്രമേയവുമായി കുവൈത്ത് ഇസ്‌ലാമിക് സെന്റര്‍ ആചരിച്ചു വരുന്ന റമദാന്‍ കാമ്പയിനിന്റെ ഭാഗമായി സംഘടിപ്പിക്കുന്ന യുവ പണ്ഡിതനും പ്രമുഖ പ്രഭാഷകനുമായ മുസ്തഫ ഹുദവി ആക്കോടിന്റെ റമദാന്‍ പ്രഭാഷണത്തിന്റെ ഒരുക്കങ്ങള്‍ പൂര്‍ത്തിയായതായി ഭാരവാഹികള്‍ അറിയിച്ചു. ജൂലൈ 17,18 തിയതികളില്‍ അബ്ബാസിയ സെന്‍ട്രല്‍ സ്‌കൂള്‍ ഓഡിറ്റോറിയത്തില്‍ നടക്കുന്ന പ്രഭാഷണ പരിപാടിയില്‍ കുവൈത്തിലെ സാമൂഹിക സാംസ്‌കാരിക രംഗത്തെ പ്രമുഖര്‍ സംബന്ധിക്കും. വ്യാഴം രാത്രി 9.30ന് മുസ്തഫ ദാരിമിയുടെ അദ്ധ്യക്ഷതയില്‍ സിദ്ധീഖ് ഫൈസി കണ്ണാടിപ്പറമ്പ് ഉദ്ഘാടനം ചെയ്യും, സുന്നി കൗണ്‍സില്‍ പ്രസിഡന്റ് കുഞ്ഞിമുഹമ്മദ് കുട്ടി ഫൈസി, കെ.എം.സി.സി. പ്രസിഡന്റ് ഷറഫുദ്ധീന്‍ കണ്ണേത്ത്, കെ.കെ.എം.എ പ്രസിഡന്റ് അബ്ദുല്‍ ഫത്താഹ് തയ്യില്‍ തുടങ്ങിയവര്‍ പ്രസംഗിക്കും. മുസ്തഫ ഹുദവി പ്രഭാഷണം നിര്‍വഹിക്കും. വെള്ളി രാത്രി 9.30ന് ശംസുദ്ധീന്‍ ഫൈസിയുടെ അദ്ധ്യക്ഷതയില്‍ സയ്യിദ് നാസര്‍ മശ്ഹൂര്‍ തങ്ങള്‍ ഉദ്ഘാടനം നിര്‍വഹിക്കും. കുവൈത്ത് കേരള ഇസ്‌ലാമിക് കൗണ്‍സില്‍ ജനറല്‍ സെക്രട്ടറി ഹംസ ബാഖവി പ്രസംഗിക്കും. തുടര്‍ന്ന് മുസ്തഫ ഹുദവി 'വിശുദ്ധ റമദാന്‍; സുകൃതമൊരുക്കാം, സല്‍വൃത്തരാകാം' എന്ന വിഷയത്തില്‍ പ്രഭാഷണം നടത്തും. തുടര്‍ന്ന് കഷ്ടതയനുഭവിക്കുന്ന ഫലസ്തീന്‍ ജനതക്കുവേണ്ടി പ്രത്യേക പ്രാര്‍ത്ഥനാ സദസ്സും സംഘടിപ്പിക്കും. പ്രഭാഷണം ശ്രവിക്കാന്‍ സ്ത്രീകള്‍ക്ക് പ്രത്യേകം സൗകര്യം ഉണ്ടായിരിക്കുന്നതാണ്. 
- kuwait islamic center

പെരിന്തല്‍മണ്ണ തഹ്ഫിളുല്‍ ഖുര്‍ആന്‍ കോളേജ് റമളാന്‍ പ്രഭാഷണം ആരംഭിച്ചു

ഹമീദലി ശിഹാബ് തങ്ങള്‍
ഉദ്ഘാടനം നിര്‍വ്വഹിക്കുന്നു
പെരിന്തല്‍മണ്ണ : SYS മണ്ഡലം കമ്മിറ്റിക്ക് കീഴില്‍ പ്രവര്‍ത്തിക്കുന്ന തഹ്ഫിളുല്‍ ഖുര്‍ആന്‍ കോളേജ് കമ്മിറ്റിയുടെ മൂന്നാമത് ചതുര്‍ദിന റമളാന്‍ പ്രഭാഷ ണം പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്തു. മനുഷ്യക്കുരുതിക്കിരയായ ഫലസ്തീന്‍ പോരാളികള്‍ക്ക് തങ്ങള്‍ പ്രതേ്യകം പ്രാര്‍ത്ഥന നടത്തി. എസ് വൈ എസ് ജില്ലാ വൈസ് പ്രസിഡന്റ് പി ടി അലി മുസ്ലിയാര്‍ അദ്ധ്യക്ഷത വഹിച്ചു. ജലീല്‍ റഹ്മാനി വാണിയന്നൂര്‍ മുഖ്യപ്രഭാഷണം നടത്തി. എ കെ സി എം തങ്ങള്‍, ഒ എം എസ് തങ്ങള്‍, എന്‍ അബ്ദുളള ഫൈസി, സി എം അബ്ദുള്ള, ടി ടി ശറഫുദ്ദീന്‍ ഹാജി, മറ്റത്തൂര്‍ ഉമ്മര്‍ ഹാജി, ശമീര്‍ ഫൈസി വലമ്പൂര്‍ എന്നിവര്‍ പ്രസംഗിച്ചു. സിദ്ധീഖ് ഫൈസി അമ്മിനിക്കാട് സ്വാഗതവും, പി എ അസീസ് പട്ടിക്കാട് നന്ദിയും പറഞ്ഞു.
- SIDHEEQUE FAIZEE AMMINIKKAD

ഫലസ്തീന്‍; ഇന്ത്യ ഗവണ്‍മെന്റ് ഇടപെടണം : സമസ്ത

കോഴിക്കോട് : എല്ലാ ലോക മര്യാദയും ലംഘിച്ചും ഇസ്രായീല്‍ ഫലസ്തീനികള്‍ക്കെതിരെ ആറുമാസമായി തുടരുന്ന മൃഗീയ ആക്രമണവും മനുഷ്യകുരുതിയും അവസാനിപ്പിക്കാന്‍ അന്താരാഷ്ട്ര തലത്തില്‍ ശക്തമായി ഇന്ത്യ ഇടപെടണമെന്ന് സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി ചെറുശ്ശേരി സൈനുദ്ദീന്‍ മുസ്ലിയാരും സമസ്ത ഇസ്ലാം മത വിദ്യാഭ്യാസ ബോര്‍ഡ് സെക്രട്ടറി കോട്ടുമല ടി.എം. ബാപ്പു മുസ്ലിയാരും ആവശ്യപ്പെട്ടു.
- QUAZI OF CALICUT

ഫലസ്തീനികള്‍ക്ക് വേണ്ടി ഇന്ന് (ചൊവ്വ) പ്രാര്‍ത്ഥനാ സദസ്സ്

കോഴിക്കോട് : സത്യത്തിന്റെ നിലനില്‍പ്പിന് വേണ്ടിയുള്ള പോരാട്ടത്തിന്റെ വിജയഗാഥ പറയുന്ന ബദര്‍ ദിനത്തില്‍ ഫലസ്തീന്‍ ജനതക്ക് വേണ്ടി ശാഖ തലത്തില്‍ ഇന്ന് (ചൊവ്വ) പ്രത്യേക പ്രാര്‍ത്ഥനാ സദസ്സുകള്‍ സംഘടിപ്പിക്കുന്നു. എസ്.കെ.എസ്.എസ്.എഫ് സംസ്ഥാന പ്രസിഡണ്ട്, പാണക്കാട് സയ്യിദ് അബ്ബാസലി ശിഹാബ് തങ്ങള്‍, ജന.സെക്രട്ടറി ഓണംപിള്ളി മുഹമ്മദ് ഫൈസിയും ആഹ്വാനം ചെയ്തു. ഫലസ്തീന്‍ ജനതയ്ക്കു നേരെ ഇസ്രായേല്‍ നടത്തുന്ന കിരാതമായ നരവേട്ട കണ്ടില്ലെന്ന് നടിക്കുകയാണ് ലോക രാഷ്ട്രങ്ങള്‍. ജനതയുടെ ഏറ്റവും വലിയ സുഹൃത്തായിരുന്ന യാസര്‍ അറഫാത്തിന്റെ നാട് ചോരക്കളമാവുന്നതിനെതിരെ മൗനം പാലിക്കുന്ന നമ്മുടെ രാജ്യത്തിന്റെ ഭരണാധികാരികളുടെ നിലപാട് അപഹാസ്യ പ്രതിഷേധാര്‍ഹമാണ് അവര്‍ അഭിപ്രായപ്പെട്ടു.
- SKSSF STATE COMMITTEE

സമസ്ത: പൊതുപരീക്ഷ: 93.87% വിജയം, റാങ്കുകള്‍ പെണ്‍കുട്ടികള്‍ തൂത്തുവാരി






കോഴിക്കോട് : സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് 2014 ജൂണ്‍ 7, 8 തിയ്യതികളില്‍ കേരളം, തമിഴ്‌നാട്, പോണ്ടിച്ചേരി, കര്‍ണ്ണാടക, മഹാരാഷ്ട്ര, ലക്ഷദ്വീപുകള്‍, അന്തമാന്‍, യു.എ.ഇ., ഒമാന്‍, ബഹ്‌റൈന്‍, മലേഷ്യ, സഊദി അറേബ്യ എന്നിവിടങ്ങളിലെ 9389 മദ്‌റസകളിലെ 5,7,10,+2 ക്ലാസുകളില്‍ നടത്തിയ പൊതുപരീക്ഷയില്‍ രജിസ്റ്റര്‍ ചെയ്ത 2,24,007 വിദ്യാര്‍ത്ഥികളില്‍ 2,16,379 പേര്‍ പരീക്ഷക്കിരുന്നതില്‍ 2,03,125 പേര്‍ വിജയിച്ചു (93.87%).
അഞ്ചാം തരത്തില്‍ മലപ്പുറം ജില്ലയിലെ ചെറുകര റെയ്ഞ്ച് പള്ളിപ്പടി ഹയാത്തുല്‍ ഇസ്‌ലാം മദ്‌റസ(അ.നമ്പര്‍: 5247)യിലെ (രജി. നമ്പര്‍: 74921) റിന്‍ഷാന D/o. ബശീര്‍ 500ല്‍ 494 മാര്‍ക്ക് നേടി ഒന്നാം റാങ്കും, പാലക്കാട് ജില്ലയിലെ വിളയൂര്‍ റെയ്ഞ്ച് വള്ളിയത്ത്കുളമ്പ് ഹയാത്തുല്‍ ഇസ്‌ലാം മദ്‌റസ (അ.നമ്പര്‍: 4240)യിലെ (രജി. നമ്പര്‍: 65802) ഫാത്തിമ നസ്വീഹ വി.ടി D/o. ഉമര്‍ ഫൈസി 500ല്‍ 493 മാര്‍ക്ക് നേടി രണ്ടാം റാങ്കും, കണ്ണൂര്‍ ജില്ലയിലെ പെരിങ്ങത്തൂര്‍ റെയ്ഞ്ച് പുത്തന്‍പള്ളി സിറാജുല്‍ ഇസ്‌ലാം മദ്‌റസ (അ.നമ്പര്‍: 27)യിലെ (രജി.നമ്പര്‍:23858) റസ്‌ലീന കെ D/o. അബ്ദുല്‍സലീം, വയനാട് ജില്ലയിലെ കമ്പളക്കാട് റെയ്ഞ്ച് കമ്പളക്കാട് മദ്‌റസത്തുല്‍ അന്‍സാരിയ്യ(അ.നമ്പര്‍: 248)യിലെ (രജി.നമ്പര്‍: 33699) ഫാത്തിമ റിനു കെ.വി. D/o. അബ്ദുന്നാസിര്‍, മലപ്പുറം ജില്ലയിലെ പുഴക്കാട്ടിരി റെയ്ഞ്ച് ചെരക്കാപറമ്പ് ഹയാത്തുല്‍ ഇസ്‌ലാം (അ.നമ്പര്‍: 2271)യിലെ (രജി.നമ്പര്‍: 74018) ഫാത്തിമ ഉമ്മുല്‍ഫള്‌ല സി D/o. ഹസൈനാര്‍, കോഴിക്കോട് ജില്ലയിലെ താമരശ്ശേരി റെയ്ഞ്ച് കൂടത്തായ് ദാറുല്‍ ഉലൂം മദ്‌റസ(അ.നമ്പര്‍: 850)യിലെ (രജി.നമ്പര്‍: 36113) അഫ്‌ന പി D/o. അബ്ദുല്‍ഖാദിര്‍, കണ്ണൂര്‍ ജില്ലയിലെ ഇരിക്കൂര്‍ റെയ്ഞ്ച് പെടയങ്കോട് അന്‍വാറുല്‍ ഇസ്‌ലാം മദ്‌റസ(അ.നമ്പര്‍: 3782)യിലെ (രജി.നമ്പര്‍: 19044) ജാസീറ കെ D/o. ഇസ്മാഈല്‍ എന്നിവര്‍ 500ല്‍ 491 മാര്‍ക്ക് നേടി മൂന്നാം റാങ്കും കരസ്ഥമാക്കി. അഞ്ചാം തരത്തില്‍ 3492 ഡിസ്റ്റിംങ്ഷനും, 16094 ഫസ്റ്റ് ക്ലാസും, 15305 സെക്കന്റ് ക്ലാസും, 66435 തേര്‍ഡ് ക്ലാസുമുള്‍പ്പെടെ 1,01,325 പേര്‍ വിജയിച്ചു (92.51%).
ഏഴാം തരത്തില്‍ മലപ്പുറം ജില്ലയിലെ പൂക്കോട്ടൂര്‍ റെയ്ഞ്ച് മുണ്ടിതൊടി ബാബുല്‍ ഉലൂം മദ്‌റസ(അ.നമ്പര്‍: 287)യിലെ (രജി. നമ്പര്‍: 37648) നസീബ കെ.പി. D/o. ഫൈസല്‍ 400ല്‍ 396 മാര്‍ക്ക് നേടി ഒന്നാം റാങ്കും, യു.എ.ഇ.യിലെ അബൂദാബി മദ്‌റസത്തുമാലിക് ബ്‌നു അനസ് മദ്‌റസ (അ.നമ്പര്‍: 6144)യിലെ (രജി. നമ്പര്‍: 84782) ശിഫ്‌ന എം.പി. D/o. മുഹമ്മദ് ബശീര്‍ 400ല്‍ 395 മാര്‍ക്ക് നേടി രണ്ടാം റാങ്കും, തിരുവനന്തപുരം ജില്ലയിലെ തിരുവനന്തപുരം റെയ്ഞ്ച് വഴിമുക്ക്  ഹിദായത്തുല്‍ ഇസ്‌ലാം മദ്‌റസ(അ.നമ്പര്‍:  2779)യിലെ (രജി. നമ്പര്‍: 84410) സമീറ എസ്.ആര്‍. D/o. സയ്യിദ് അലി, മലപ്പുറം ജില്ലയിലെ കൊടശ്ശേരി റെയ്ഞ്ച് എരഞ്ഞാംപൊയില്‍ മിസ്ബാഹുല്‍ ഉലൂം മദ്‌റസ (അ.നമ്പര്‍: 8285)യിലെ (രജി. നമ്പര്‍: 43283) ഫസ്‌ന വി.പി. D/o. സിദ്ദീഖ് എന്നിവര്‍ 400ല്‍ 394 മാര്‍ക്ക് നേടി മൂന്നാം റാങ്കും കരസ്ഥമാക്കി. ഏഴാം തരത്തില്‍ 4235 ഡിസ്റ്റിംങ്ഷനും, 18877 ഫസ്റ്റ് ക്ലാസും, 14652 സെക്കന്റ് ക്ലാസും, 40758 തേര്‍ഡ് ക്ലാസുമുള്‍പ്പെടെ 78522 പേര്‍ വിജയിച്ചു (95.49%).
പത്താം തരത്തില്‍ മലപ്പുറം ജില്ലയിലെ പുഴക്കാട്ടിരി റെയ്ഞ്ച് ചെരക്കാപറമ്പ്-കല്ലിങ്ങല്‍ മിഫ്താഹുല്‍ ഉലൂം മദ്‌റസ(അ.നമ്പര്‍: 3150)യിലെ  (രജി. നമ്പര്‍:17414) ശിഫാ ശെറിന്‍ സി.കെ. D/o. അബ്ദുല്‍മുനീര്‍ 400ല്‍ 391 മാര്‍ക്ക് നേടി ഒന്നാം റാങ്കും, മങ്കടപള്ളിപ്പുറം റെയ്ഞ്ച് മഠത്തുംപുറം അന്‍സ്വാറുല്‍ ഇസ്‌ലാം മദ്‌റസ (അ.നമ്പര്‍:1472)യിലെ (രജി.നമ്പര്‍:18557) ശിബ്‌ല പി.കെ. D/o. ഇബ്രാഹീം, പാലക്കാട് ജില്ലയിലെ പള്ളിപ്പുറം റെയ്ഞ്ച് ചെറുകുടങ്ങാട് ഖുദ്ദാമുല്‍ ഇസ്‌ലാം മദ്‌റസ (അ.നമ്പര്‍: 1763)യിലെ (രജി.നമ്പര്‍: 16254) റാഫിഅ വി.പി. D/o. മുഹമ്മദലി എന്നിവര്‍ 400ല്‍ 390 മാര്‍ക്ക് നേടി രണ്ടാം റാങ്കും, മലപ്പുറം ജില്ലയിലെ പരപ്പനങ്ങാടി റെയ്ഞ്ച് ചുഴലി മുര്‍ശിദുസ്സിബിയാന്‍ മദ്‌റസ (അ.നമ്പര്‍: 1157)യിലെ (രജി.നമ്പര്‍: 20181) മുര്‍ശിദ കെ.കെ. D/o. അബ്ദുല്‍മജീദ്, ഒമാനിലെ മസ്‌ക്കറ്റ്-തരീഫ് മിസ്ബാഹുല്‍അനാം മദ്‌റസ (അ.നമ്പര്‍: 9131)യിലെ (രജി.നമ്പര്‍: 24083) ഫാത്വിമ നിദ പി.കെ. D/o. മുനീര്‍ എന്നിവര്‍ 400ല്‍ 388 മാര്‍ക്ക് നേടി മൂന്നാം റാങ്കും കരസ്ഥമാക്കി. പത്താം തരത്തില്‍ 941 ഡിസ്റ്റിംങ്ഷനും, 4656 ഫസ്റ്റ് ക്ലാസും, 4012 സെക്കന്റ് ക്ലാസും, 12162 തേര്‍ഡ് ക്ലാസുമുള്‍പ്പെടെ 21771 പേര്‍ വിജയിച്ചു (94.67%).
പ്ലസ്ടു പരീക്ഷയില്‍ കോഴിക്കോട് ജില്ലയിലെ പന്നിയങ്കര റെയ്ഞ്ച് ചക്കുംകടവ് ഖുവ്വത്തുല്‍ ഇസ്‌ലാം മദ്‌റസ (അ.നമ്പര്‍: 1127)യിലെ (രജി. നമ്പര്‍: 747) ജുവൈരിയ്യ എന്‍.വി D/o. അബ്ദുസ്സലീം 400ല്‍ 386 മാര്‍ക്ക് നേടി ഒന്നാം റാങ്കും, കാസര്‍ഗോഡ് ജില്ലയിലെ തളങ്കര റെയ്ഞ്ച് ഹാശിം സ്ട്രീറ്റ് മദ്‌റസത്തുരിഫാഇയ്യ(അ.നമ്പര്‍: 4724)യിലെ (രജി. നമ്പര്‍: 80) നുഅ്മാനുല്‍ഹഖ് കെ.എ. S/o. അബൂബക്കര്‍ 400ല്‍ 382 മാര്‍ക്ക് നേടി രണ്ടാം റാങ്കും, കോഴിക്കോട് ജില്ലയിലെ പന്നിയങ്കര റെയ്ഞ്ച് ചക്കുംകടവ് ഖുവ്വത്തുല്‍ ഇസ്‌ലാം മദ്‌റസ (അ.നമ്പര്‍: 1127)യിലെ (രജി.നമ്പര്‍: 749) ഫാത്തിമ നിമിഷ എന്‍.വി. D/o. നാസര്‍, (രജി.നമ്പര്‍: 746) ജാസ്മിന്‍ എന്‍.വി. D/o. ജഅ്ഫര്‍ എന്നിവര്‍ 400ല്‍ 378 മാര്‍ക്ക് നേടി മൂന്നാം റാങ്കും കരസ്ഥമാക്കി. പ്ലസ്ടു ക്ലാസ്സില്‍ 59 ഡിസ്റ്റിംങ്ഷനും, 255 ഫസ്റ്റ് ക്ലാസും, 250 സെക്കന്റ് ക്ലാസും, 943 തേര്‍ഡ് ക്ലാസുമുള്‍പ്പെടെ 1507 പേര്‍ വിജയിച്ചു (93.14%).
ആകെ വിജയിച്ച 2,03,125 പേരില്‍ 8,726 പേര്‍ ഡിസ്റ്റിംഷനും, 39,882 പേര്‍ ഫസ്റ്റ് ക്ലാസും, 34,219 പേര്‍ സെക്കന്റ് ക്ലാസും, 1,20,298 പേര്‍ തേര്‍ഡ് ക്ലാസും കരസ്ഥമാക്കി. കേരളത്തില്‍ ഏറ്റവും കൂടുതല്‍ വിദ്യാര്‍ത്ഥികള്‍ പരീക്ഷയെഴുതിയ മലപ്പുറം ജില്ലയില്‍ 82,181 പേര്‍ വിജയം നേടി. ഏറ്റവും കുറച്ചു പരീക്ഷാര്‍ത്ഥികളെ പങ്കെടുപ്പിച്ച കോട്ടയം ജില്ലയില്‍ 199 പേര്‍ വിജയം വരിച്ചു. ഇന്ത്യയിലെ ഇതര ഭാഗങ്ങളില്‍ ഏറ്റവും കൂടുതല്‍ വിദ്യാര്‍ത്ഥികള്‍ പരീക്ഷയെഴുതിയ കര്‍ണ്ണാടകയിലെ ദക്ഷിണകന്നട ജില്ലയില്‍ 7,090 പേര്‍ വിജയിച്ചു. ഏറ്റവും കുറവു വിദ്യാര്‍ത്ഥികള്‍ പരീക്ഷക്കിരുന്ന ഹാസന്‍ ജില്ലയില്‍ 33 പേരും വിജയിച്ചു. വിദേശ രാഷ്ട്രങ്ങളില്‍ നിന്നും കൂടുതല്‍ വിദ്യാര്‍ത്ഥികളെ പരീക്ഷക്കിരുത്തിയ യു.എ.ഇ.യില്‍ 496 പേരും, കുറവ് വിദ്യാര്‍ത്ഥികള്‍ പരീക്ഷയെ നേരിട്ട മലേഷ്യയില്‍ നിന്ന് 14 പേരും വിജയിച്ചു.
ഒരു വിഷയത്തില്‍ മാത്രം പരാജയപ്പെട്ടവര്‍ക്ക് 128 ഡിവിഷന്‍ കേന്ദ്രങ്ങളില്‍ 2014 ഓഗസ്റ്റ് 17ന് ഞായറാഴ്ച രാവിലെ 11 മണിക്ക് നടക്കുന്ന ''സേ''പരീക്ഷക്കിരിക്കാവുന്നതാണ്. ഓഗസ്റ്റ് 12ന് മുമ്പ് 80രൂപ ഫീസടച്ചു സേപരീക്ഷക്ക് രജിസ്തര്‍ ചെയ്യണം. നിശ്ചിത ഫോറത്തിലാണ് അപേക്ഷിക്കേണ്ടത്. അപേക്ഷാഫോറം താഴെപറയുന്ന സമസ്ത വെബ്‌സൈറ്റുകളില്‍ നിന്ന് ലഭിക്കുന്നതാണ്.
മാര്‍ക്ക് ലിസ്റ്റ് 128 ഡിവിഷന്‍ കേന്ദ്രങ്ങളില്‍ ജൂലൈ 17 വ്യാഴാഴ്ച പകല്‍ 11മണിക്ക് വിതരണം ചെയ്യും. പുനര്‍മൂല്യനിര്‍ണയത്തിനുള്ള അപേക്ഷ 2014 ഓഗസ്റ്റ് 9 വരെ സ്വീകരിക്കും. ഫീസ് 80രൂപ. റാങ്ക് ജേതാക്കള്‍ക്കും, അവരുടെ അധ്യാപകര്‍ക്കും ക്യാഷ് അവാര്‍ഡുകള്‍ നല്‍കും. പ്ലസ്ടു ക്ലാസില്‍ ഒന്നാം റാങ്ക് ജേതാവിനും, അധ്യാപകനും, സ്ഥാപനത്തിനും പാണക്കാട് സയ്യിദ് ഉമര്‍ അലി ശിഹാബ് തങ്ങള്‍ സ്മാരക അവാര്‍ഡായ 5000 രൂപ വീതം നല്‍കും. പരീക്ഷാ ഫലം  www.samastha.info, www.result.samastha.info എന്നീ വെബ്‌സൈറ്റുകളില്‍ ലഭിക്കുമെന്ന് 
ചെറുശ്ശേരി സൈനുദ്ദീന്‍ മുസ്‌ലിയാര്‍, ചെയര്‍മാന്‍-സമസ്ത കേരള ഇസ്‌ലാം മത വിദ്യാഭ്യാസ പരീക്ഷാ ബോര്‍ഡ്
പി.കെ.പി. അബ്ദുസ്സലാം മുസ്‌ലിയാര്‍, പ്രസിഡന്റ്-സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ്
കോട്ടുമല ടി.എം. ബാപ്പു മുസ്‌ലിയാര്‍, ജനറല്‍ സെക്രട്ടറി-സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ്
ഡോ. എന്‍.എ.എം.അബ്ദുല്‍ഖാദിര്‍, സെക്രട്ടറി-സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ്
പിണങ്ങോട് അബൂബക്കര്‍, മാനേജര്‍-സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ്‌ 
- SKIMVBoardSamasthalayam Chelari

കാസര്‍ഗോഡ് ജില്ലാ SKSSF റമളാന്‍ പ്രഭാഷണം ജൂലൈ 20-24; പ്രമുഖര്‍ പ്രഭാഷണം നടത്തും

കാസര്‍ഗോഡ് : സ്വര്‍ഗ്ഗസരണിയിലേക്ക് നീതി സാരത്തോടെ എന്ന പ്രമേയത്തില്‍ SKSSF കാസര്‍ഗോഡ് ജില്ലാ കമ്മിറ്റി റമളാന്‍ കാമ്പിന്റെ ഭാഗമായി സംഘടിപ്പിക്കുന്ന റമളാന്‍ പ്രഭാഷണത്തിന്റെ രണ്ടാം ഘട്ട റമളാന്‍ പ്രഭാഷണം ജൂലൈ 20മുതല്‍ 24 ‌വരെ കാസര്‍ഗോഡ് പുതിയ ബസ് സ്റ്റാന്റ് പരിസരം ടി.കെ.എം. ബാവ മുസ് ലിയാര്‍ നഗറില്‍ നടക്കും. കേരള സംസ്ഥാനത്ത് അറിയപ്പെടുന്ന പ്രഭാഷകര്‍ പ്രഭാഷണം നടത്തും. ജൂലൈ 20 എസ്.വൈ.എസ് സംസ്ഥാന സെക്രട്ടറി അബ്ദുസമദ് പൂക്കോട്ടൂര്‍, 21കീച്ചേരി അബ്ദുല്‍ ഗഫൂര്‍ മൗലവി, 22 നിസാമുദ്ധീന്‍ മൗലവി കടയിക്കല്‍, 23 നൗഷാദ് ബാഖവി ചിറയിന്‍കീഴ്, 24 ഹാഫിള് കബീര്‍ ബാഖവി തുടങ്ങിയ പ്രമുഖര്‍ പ്രഭാഷണം നടത്തുമെന്ന് SKSSF കാസര്‍ഗോഡ് ജില്ലാ പ്രസിഡണ്ട് താജുദ്ദീന്‍ ദാരമി പടന്ന ജന.സെക്രട്ടറി ഹാരസ് ദാരിമി ബെദിര എന്നിവര്‍ അറിയിച്ചു.
- Secretary, SKSSF Kasaragod Distict Committee

പൊന്നാനി SKSSF ഇബാദ് ഇന്‍ഫോര്‍മേഷന്‍ സെന്ററിന്റെ ആഭിമുഖ്യത്തില്‍ പ്രഭാഷണ പ്രാര്‍ത്ഥനാ സദസ്സ് 21, 22 തിയ്യതികളില്‍

- RASIK CP Pni

ഫാസിസ്റ്റുകള്‍ നീതിയുടെവാതിലുകള്‍ കൊട്ടിയടച്ചുതുടങ്ങി : ഡോ. എം.കെ. മുനീര്‍

കോഴിക്കോട് : ഫാസിസ്റ്റുകള്‍ രാജ്യത്ത് അധികാരത്തില്‍ വന്നതോടെ നീതിയുടെ വാതിലുകള്‍ ഓരോന്നായി കൊട്ടിയടച്ചു തുടങ്ങിയതായി സംസ്ഥാന പഞ്ചായത്ത് നീതി വകുപ്പ് മന്ത്രി ഡോ. എം.കെ. മുനീര്‍ അഭിപ്രായപ്പെട്ടു. SKSSF സംസ്ഥാന കമ്മിറ്റി കോഴിക്കോട് സംഘടിപ്പിച്ച ഇഫ്താര്‍ സംഗമം ഉദ്ഘാടനം ചെയ്യുകയായിരുന്നു അദ്ദേഹം. പൌരന്റെ അവസാന അത്താണിയായ സുപ്രീംകോടതി പോലും വര്‍ഗ്ഗീയ വല്‍ക്കരണത്തിന്റെ പ്രാരംഭ പ്രവര്‍ത്തനങ്ങള്‍ ആരംഭിച്ചിരിക്കുന്നു. ഇനി പാഠപുസ്തകങ്ങള്‍ മുതല്‍ ഓരോ മേഖലയും ഇവരുടെ അജണ്ഡകളുമായി കടന്നുവരുമെന്ന് അദ്ദേഹം ആശങ്ക പ്രകടിപ്പിച്ചു.
പാണക്കാട് സയ്യിദ് ഹമീദലി ശിഹാബ് തങ്ങള്‍ അധ്യക്ഷനായിരുന്നു. കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ഇഫ്താര്‍ സന്ദേശം നല്‍കി. മുസ്തഫ മുണ്ടുപാറ, ഓണമ്പിള്ളി മുഹമ്മദ് ഫൈസി, എസ്.വി. മുഹമ്മദലി, നാസര്‍ ഫൈസി കൂടത്തായി, ജില്ലാ ഇന്‍ഫോര്‍മേഷന്‍ ഓഫീസര്‍ ഖാദര്‍ പാലാഴി, കെ. മോയിന്‍ കുട്ടി മാസ്റ്റര്‍, എം.പി. കടുംങ്ങല്ലൂര്‍, കെ.പി. കോയ, എഞ്ചി. മാമുക്കോയ ഹാജി, ഇബ്റാഹീം ഹാജി തിരുവള്ളൂര്‍ (മസ്കത്ത്), അലവിക്കുട്ടി ഫൈസി മുതുവല്ലൂര്‍ (അജ്മാന്‍), ലത്തീഫ് ഫൈസി തിരുവള്ളൂര്‍ (സലാല), തുടങ്ങിയ മത രാഷ്ട്രീയ മാധ്യമ മേഖലകളിലെ പ്രമുഖര്‍ സംബന്ധിച്ചു.
- SKSSF STATE COMMITTEE

ഗസയിലെ നൊമ്പരം; പ്രാര്‍ത്ഥിച്ചും പ്രതിഷേധിച്ചും ഹാദിയ നഗരി

കാഞ്ഞങ്ങാട് : പലസ്തീന്‍ ഗസയിലെ തുടരുന്ന രോദനവും ചിതറുന്ന ശരീരാവയവങ്ങളില്‍ നിന്നുതിരുന്ന ചോരതുള്ളികളും ലോക മാനവികതയെ നൊമ്പരിപ്പിച്ചുക്കൊണ്ടിരിക്കുമ്പോള്‍ പലസ്തീന്‍ ജനതക്ക് ഐക്യദാര്‍ഡ്യം പ്രഖ്യാപിച്ചും പ്രാര്‍ത്ഥിച്ചും കൂട്ടക്കുരുതിയില്‍ പ്രതിഷേധിച്ചുമുള്ള ഹാദിയ പ്രമേയാവതരണം ശ്രദ്ധേയമായി. ദാറുല്‍ ഹുദാ ഇസ്ലാമിക് യൂണിവേഴ്‌സിറ്റിയില്‍ നിന്ന് പഠനം പൂര്‍ത്തിയാക്കിയ ഹുദവി പണ്ഡിതരുടെ കൂട്ടായ്മ ഹുദവീസ് അസോസിയേഷന്‍ ഫോര്‍ ഡെവോറ്റഡ് ഇസ്ലാമിക് ആക്ടിവിറ്റീസ് (ഹാദിയ) മാണിക്കോത്ത് ഗ്രാന്റ് ഓഡിറ്റോറിയത്തില്‍ സംഘടിപ്പിക്കുന്ന ചതുര്‍ദിന റമളാന്‍ പ്രഭാഷണ പരമ്പരയിലെ രണ്ടാം ദിവസ വേദിയിലാണ് പ്രമേയം അവതരിപ്പിക്കപ്പെട്ടത്. ദുര്‍ബലരായ കൂട്ടികളും അബല സ്തീകളുമടക്കമുള്ള പലസ്തീന്‍ ജനതക്കെതിരെയുള്ള ജൂത സിയോണിസ്റ്റ് ലോബിയുടെ ഏകപക്ഷീയമായ ഉന്മൂലനമുറകള്‍ തുടരുമ്പോഴും ആഗോള സമൂഹവും ഐക്യ രാഷ്ട്ര സഭയും മൗനം പാലിക്കുന്നത് കൊടിയ അക്രമമാണെന്ന് പ്രമേയത്തില്‍ വിശദീകരിക്കപ്പെടുന്നു. കാഞ്ഞങ്ങാട് സംയുക്ത ജമാഅത്ത് ജനറല്‍ സെക്രട്ടറി ബഷീര്‍ വെള്ളിക്കോത്ത് പ്രമേയം അവതരിപ്പിച്ചു. സി. മുഹമ്മദ് കുഞ്ഞി അവതാരകനായിരുന്നു.
- MIC Chattanchal Kasaragod

നൂനത സാങ്കേതിക വിദ്യകളെ ക്കുറിച്ച് രക്ഷിതാക്കള്‍ ബോധവാന്മാരാകണം : പാണക്കാട് റശീദലി ശിഹാബ് തങ്ങള്‍

കാഞ്ഞങ്ങാട് : പുതിയ തലമുറയില്‍ വിവര സ്രോതസ്സുകളും സാങ്കേതിക വിദ്യകളും അനുദിനം പുരോഗമിച്ചുക്കൊണ്ടിരുക്കുന്നുവെങ്കിലും ധാര്‍മിക മൂല്യങ്ങളും സന്മാര്‍ഗ വിജ്ഞാനങ്ങളും ശോഷിച്ചുക്കൊണ്ടിരിക്കുകയാണ്. മാറിയ കാലത്തെ സ്വകാര്യതയില്‍ കുട്ടികള്‍ വഴിപിഴച്ചു പോവരുതെന്നും നൂതന സാങ്കേതിക വിദ്യകളെ ക്കുറിച്ച് രക്ഷിതാക്കളും ബോധവാന്മാരാകണമെന്നും പാണക്കാട് സയ്യിദ് റശീദലി ശിഹാബ് തങ്ങള്‍. ശഹ്‌റു റമളാന്‍ വിശുദ്ധിയുടെ വിളിയാളം എന്ന പ്രമേയത്തില്‍ ദാറുല്‍ ഹുദാ ഇസ്ലാമിക് യൂണിവേഴ്‌സിറ്റിയില്‍ നിന്ന് പഠനം പൂര്‍ത്തിയാക്കിയ ഹുദവി പണ്ഡിതരുടെ കൂട്ടായ്മ ഹുദവീസ് അസോസിയേഷന്‍ ഫോര്‍ ഡെവോറ്റഡ് ഇസ്ലാമിക് ആക്ടിവിറ്റീസ് (ഹാദിയ) മാണിക്കോത്ത് ഗ്രാന്റ് ഓഡിറ്റോറിയത്തില്‍ സംഘടിപ്പിക്കുന്ന ചതുര്‍ദിന റമളാന്‍ പ്രഭാഷണ പരമ്പരയിലെ രണ്ടാം ദിവസ വേദി  ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.  വിജ്ഞാനം സംസ്‌കാരവും സംസ്‌കൃതിയും വിളവെടുത്ത് തരും. അല്ലാത്ത പഠനങ്ങള്‍ വൃഥയാണ്. അജ്ഞത അധപതനത്തിന്റെ ഗര്‍ത്തങ്ങളിലേക്കാണ് തള്ളിവിടുന്നത്. ധര്‍മപാഠമോതാത്ത വിജ്ഞാനങ്ങള്‍ വിവരക്കേടുകളാണ്. പരിഷ്‌കൃത ലോകത്തെ വിവരങ്ങളില്‍ നിന്നുള്ള നെല്ലും പതിരും തിരിച്ചറിയാന്‍ ഏവരും തയ്യാറാകണമെന്നും അദ്ദേഹം കൂട്ടിച്ചേര്‍ത്തു.
- MIC Chattanchal Kasaragod

ഹാദിയ റമളാന്‍ പ്രഭാഷണം; ആത്മീയ ജ്ഞാനത്തില്‍ ധന്യരാവാന്‍ ആയിരങ്ങളൊഴുകി

രണ്ടാം ദിന പരിപാടി പാണക്കാട്
സയ്യിദ് റശീദലി ശിഹാബ് തങ്ങള്‍
ഉദ്ഘാടനം ചെയ്യുന്നു
കാഞ്ഞങ്ങാട് : ദാറുല്‍ ഹുദാ ഇസ്ലാമിക് യൂണിവേഴ്‌സിറ്റി പണ്ഡിത കൂട്ടായ്മ ഹാദിയ മാണിക്കോത്ത് ഗ്രാന്റ് ഓഡിറ്റോറിയത്തിലെ സി.എം ഉസ്താദ് നഗറില്‍ സംഘടിപ്പിക്കുന്ന ചതുര്‍ദിന പ്രഭാഷണവേദി ശ്രദ്ധേയമാവുന്നു. മഴയും കാറ്റും വക വെക്കാതെ ആയിരങ്ങളാണ് റമളാനിന്റെ ആത്മീയ ചൈതന്യമുള്‍ക്കൊണ്ട് നഗരിലേക്കൊഴുകിയത്. പവിത്ര മാസത്തിലെ ധന്യനിമിഷങ്ങളെ ജ്ഞാനര്‍ജനത്തിലും പ്രാര്‍ത്ഥനയിലും വിനിയോഗിക്കാന്‍ പ്രതികൂല കാലാവസ്ഥയെ പോലും അവഗണിച്ചുക്കൊണ്ടാണ് വിശ്വാസികള്‍ എത്തിയത്. തുടര്‍ച്ചയായ മൂന്നാം വര്‍ഷമാണ് ഹാദിയ റമളാന്‍ പ്രഭാഷണം സംഘടിപ്പിക്കുന്നത്. പ്രഭാഷണ പരമ്പരയിലെ രണ്ടാം ദിവസ പരിപാടി പാണക്കാട് സയ്യിദ് റശീദലി ശിഹാബ് തങ്ങള്‍ ഉദ്ഘാടനം ചെയ്തു. എസ്.വൈ.എസ് സംസ്ഥാന വൈസ് പ്രസിഡണ്ട് ഖത്തര്‍ ഇബ്രാഹിം ഹാജി കളനാട് അധ്യക്ഷത വഹിച്ചു.  സിംസാറുല്‍ ഹഖ് ഹുദവി അബൂദാബി മുഖ്യപ്രഭാഷണം നടത്തി. കാഞ്ഞങ്ങാട് സംയുക്ത ജമാഅത്ത് പ്രസിഡണ്ട് മെട്രോ മുഹമ്മദ് ഹാജി, സി. മുഹമ്മദ് കുഞ്ഞി, പി. മുഹമ്മദ് കുഞ്ഞി മാസ്റ്റര്‍, ബശീര്‍ വെള്ളിക്കോത്ത്, മുബാറക് ഹസൈനാര്‍ ഹാജി, സ്വാലിഹ് ഹാജി തൊട്ടി, ഹംസ മൗലവി ബദ് രിയ നഗര്‍, ടി. മൂസ ഹാജി തെരുവത്ത്, തായല്‍ അന്തുമായി ഹാജി, സോളാര്‍ കുഞ്ഞഹ്മദ് ഹാജി, ടി. പി അബ്ദുല്ല ഹാജി പള്ളിക്കര, മുഹമ്മദ് കുഞ്ഞി മാണിക്കോത്ത്, എം.എന്‍ മുഹമ്മദ് ഹാജി, എം.കെ അബൂബക്കര്‍ ഹാജി, സി.എം ഖാദര്‍ ഹാജി, മൊയ്തു മുട്ടുന്തല, അഹ്മദ് കിര്‍മാണി, അഹ്മദ് മിനാര്‍, അബ്ദുല്‍ റഹ്മാന്‍ പാറപ്പള്ളി, അബ്ദുല്‍ റഹ്മാന്‍ വണ്‍ഫോര്‍, സി.ടി അബ്ദുല്‍ ഖാദര്‍ ഹാജി, കെ. ബി കുട്ടി ഹാജി, തായല്‍ അബൂബക്കര്‍ ഹാജി, ഇബ്രാഹിം ഹാജി അടുക്കം, ഇര്‍ശാദ് തായല്‍, ജഅ്ഫര്‍ ഹുദവി കൊളത്തൂര്‍, റഫീഖ് ഹുദവി കാട്ടുമുണ്ട, അന്‍വര്‍ സാദാത്ത് ഹുദവി, സിദ്ധീഖ് നദ്‌വി ചേരൂര്‍, നൗഫല്‍ ഹുദവി കൊടുവള്ളി, ജാബിര്‍ ഹുദവി ചാനടുക്കം തുടങ്ങിയവര്‍ സംബന്ധിച്ചു.
- MIC Chattanchal Kasaragod

ബദര്‍ ദിനം നാളെ(ചൊവ്വ); വിശ്വാസി ലോകം ഇനി ബദര്‍ സ്‌മരണയിലേക്ക്‌..

ബദര്‍ പോരാട്ടം നടന്ന സ്ഥലം 
മലപ്പുറം: ഇസ്ലാമിക ചരിത്രത്തിലെ നാഴികകല്ലായി മാറിയ ബദര്‍ പോരാട്ട ദിനം നാളെ (റമസാന്‍ 17, ചൊവ്വ). വിശ്വാസി  ലോകം ഇനി ബദര്‍ സ്‌മരണകളിലേക്ക്‌.. നാടെങ്ങും ഇനി ബദര്‍ അനുസ്‌മരണങ്ങളും ബദരീങ്ങളുടെ പേരുകള്‍(അസ്‌മാഉല്‍ ബദര്‍) ചൊല്ലിയുള്ള പ്രത്യേക പ്രാര്‍ത്ഥനകളും മൌലിദ്‌ പാരായണങ്ങളുമുയരും. മലബാറിലെ പള്ളി മദ്രസ്സാ സ്ഥാപനങ്ങള്‍ കേന്ദ്രീകരിച്ച്‌ മൌലിദ്‌ പരിപാടികളും പ്രത്യേക നേര്‍ച്ചകളും അനുസ്‌മരണ പ്രാര്‍ത്ഥനാ ചടങ്ങുകളും ഇന്നുംനാളെയുമായി നടക്കും 
ബദരീങ്ങളുടെ പേരുകള്‍ ഉച്ചരിക്കുന്ന സ്ഥലത്ത്‌ അല്ലാഹുവിന്റെ പ്രത്യേക നിഅമത്തുകളും കാവലുമുണ്ടാകുമെന്നതിനാല്‍ സ്വന്തം വീടുകളിലും കച്ചവട സ്ഥാപനങ്ങളിലും ബദര്‍ദിന രാവായ ഇന്നും അടുത്ത ദിവസങ്ങളിലും ബദര്‍ മൌലിദ്‌ പാരായണവും പ്രത്യേക പ്രാര്‍ത്ഥനകളും നടക്കും. കേരളത്തിനു പുറമെ ഗള്‍ഫ്‌ നാടുകളിലും ഒരേ ദിവസം നോമ്പ്‌ ആരംഭിച്ചതിനാല്‍ ഗള്‍ഫ്‌ രാജ്യങ്ങളിലും നാളെ(തിങ്കള്‍)യാണ്‌ ബദര്‍ദിനം. 
കഴിഞ്ഞ വര്‍ഷങ്ങളില്‍ നിന്നും വ്യത്യസ്‌തമായി ഗസ്സ മുനമ്പില്‍ ഇസ്രാഈല്‍ തുടരുന്ന രൂക്ഷമായ ബോംബു വര്‍ഷങ്ങള്‍ക്കിടെയാണ്‌ ഇത്തവണ ബദ്‌ര്‍ ദിനം കടന്നെത്തിയിരിക്കുന്നത്‌. ഫലസ്ഥീനികള്‍ക്ക്‌ വേണ്ടി പ്രത്യേക പ്രാര്‍ത്ഥനാ ചടങ്ങുകള്‍ നടത്താന്‍ പാണക്കാട്‌ സയ്യിദ്‌ ഹൈദരലി ശിഹാബ്‌ തങ്ങളടക്കമുള്ള സമസ്‌ത നേതാക്കള്‍ നേരത്തെ ആഹ്വാനം ചെയ്‌തിട്ടുണ്ട്‌.

ബദര്‍ ദിനം; ബഹ്‌റൈനിലുടനീളം സമസ്തയുടെ ബദര്‍ ദിനാചരണങ്ങളും പ്രാര്‍ത്ഥനാ സംഗമങ്ങളും ഇന്ന്‌(തിങ്കള്‍)

മനാമ: റമസാന്‍ 17ലെ ബദ്‌ര്‍ പോരാട്ടം അയവിറക്കി ലോകമുസ്ലിംകള്‍ ക്കൊപ്പം ബഹ്‌റൈനിലും നാളെ(റമസാന്‍ 17, ചൊവ്വ) വൈവിധ്യമാർന്ന ബദര്‍ ദിന പരിപാടികൾ നടക്കുമെന്ന് ബന്ധപ്പെട്ടവർ അറിയിച്ചു. 
സമസ്‌തയുടെ ബഹ്‌റൈന്‍ ഘടകമായ സമസ്‌ത കേരള സുന്നി ജമാഅത്ത്‌ ബഹ്‌റൈന്‍ കേന്ദ്ര കമ്മറ്റിയുടെ കീഴിൽ ബഹ്‌റൈനിലുടനീളം പ്രവര്‍ത്തിക്കുന്ന വിവിധ ഏരിയാ കമ്മറ്റികളുടെ നേതൃത്വത്തിലാണ്‌ പ്രത്യേക ചടങ്ങുകളോടെ ദിനാചരണം സംഘടിപ്പിച്ചിരിക്കുന്നത്‌. 
വിവിധ ഏരിയകളില്‍ ഇന്ന്‌(തിങ്കള്‍) വൈകിട്ടു നടക്കുന്ന ഇഫ്‌താറുകളോടനുബന്ധിച്ചും തുടര്‍ന്നുള്ള നമസ്‌കാരങ്ങള്‍ക്കു ശേഷവും തറാവീഹിനു ശേഷവുമായാണ്‌ പരിപാടികള്‍ ആസൂത്രണം ചെയ്‌തിരിക്കുന്നത്‌.
മിക്ക ചടങ്ങുകളിലും സമസ്‌ത പ്രസിഡന്റും പ്രമുഖ പണ്‌ഢിതനും സയ്യിദുമായ ഫഖ്‌റുദ്ധീന്‍ കോയ തങ്ങള്‍ തേങ്ങാപട്ടണം സംബന്ധിക്കും.
വിശുദ്ധമാസത്തിന്റെ പുണ്ണ്യം നേടാനും മഹാന്മാരായ ബദര്‍ ശുഹദാക്കളെ കുറിച്ച്‌ കൂടുതല്‍ മനസ്സിലാക്കാനുമുള്ള ഈ അവസരം മുഴുവന്‍ വിശ്വാസികളും ഉപയോഗപ്പെടുത്തി പുണ്യം നേടണമെന്നും പ്രാര്‍ത്ഥനാ അനുസ്‌മരണ സദസ്സുകളക്കമുള്ള സമസ്‌തയുടെ മുഴുവന്‍ പരിപാടികളും വിജയിപ്പിക്കണമെന്നും നേതാക്കള്‍ അഭ്യര്‍ത്ഥിച്ചിട്ടുണ്ട്‌. വിശദവിവരങ്ങള്‍ക്ക്‌ 33987487 ല്‍ സമസ്ത വർകിംഗ് സെക്രട്ടറി കളത്തിൽ മുസ്തഫ ഹാജി യുമായി ബന്ധപ്പെടുക.

ലോക സാമ്പത്തിക പ്രശ്നങ്ങള്‍ക്ക് ശാശ്വത പരിഹാരം ഖുര്‍ആന്‍ മാത്രം : അബ്ദുല്‍ ഹമീദ് ഫൈസി അമ്പലക്കടവ്

ദുബൈ : മനുഷ്യ ജീവിതത്തിന്റെ നില നില്‍പ്പിനു വേണ്ടിയുള്ള സമ്പത്ത് ആധുനിക മനുഷ്യന്‍ അനാരോഗ്യകരമായ രീതിയില്‍ ക്രയ വിക്രയം ചെയ്യുകയാണെന്നും, അതിന്റെ അനന്തര ഫലമെന്നോണം ഇന്ന് ലോകം കടുത്ത സാമ്പത്തിക പ്രതിസന്ധി നേരിടുകയാണെന്നും, ഖുര്‍ആനിലൂടെ മാത്രമേ ഇതിനു ശാശ്വത പരിഹാരം ലഭിക്കുകയുള്ളുവെന്നും പ്രമുഖ വാഗ്മിയും എസ്. വൈ. എസ്. സ്റ്റേറ്റ് സെക്രട്ടറിയും സത്യധാര ചീഫ് എഡിറ്ററുമായ അബ്ദുല്‍ ഹമീദ് ഫൈസി അമ്പലക്കടവ് പറഞ്ഞു. ദുബൈ ഇന്റര്‍നാഷനല്‍ ഹോളി ഖുര്‍ആന്‍ അവാര്‍ഡ്‌ കമ്മിറ്റി സംഘടിപ്പിച്ച റമദാന്‍ പ്രഭാഷണത്തില്‍ ദുബൈ സുന്നി സെന്ററിനെ പ്രതിനിധീകരിച്ചു പ്രഭാഷണം നടത്തുകയായിരുന്നു അദ്ദേഹം. ദുബൈ സുന്നി സെന്റര് പ്രസിഡന്റ് സയ്യിദ് ഹാമിദ് കോയമ്മ തങ്ങളുടെ അധ്യക്ഷതയില്‍ ദുബൈ ഇന്റര്‍നാഷനല്‍ അവാര്‍ഡ്‌ കമ്മിറ്റി ചെയര്‍മാന്‍ ആരിഫ്‌ അബ്ദുല്‍ കരീം ജുല്‍ഫാര്‍ ഉദ്ഘാടനം ചെയ്തു. "ആത്മ സംസ്കരണത്തിന്റെ ഖുര്‍ആനിക പാഠം" എന്ന വിഷയത്തില്‍ മഹ്മൂന്‍ ഹുദവി വണ്ടൂര്‍ പ്രഭാഷണം നടത്തി. അലവിക്കുട്ടി ഹുദവി സുന്നി സെന്റര്‍ പ്രവര്‍ത്തനങ്ങളെ പരിചയപ്പെടുത്തി. പി. എ. ഇബ്രാഹിം ഹാജി, ഡോക്ടര്‍ ബഹാദ്ദീന്‍ നദ്‍വി കൂരിയാട്, ഇബ്രാഹിം എളേറ്റില്‍, അബ്ദുല്‍ ഗഫൂര്‍ അല്‍ ഖാസിമി, കെ. എ. റഹ്മാന്‍ ഫൈസി, ഇബ്രാഹിം മുറിച്ചാണ്ടി, യു. അബ്ദുറഹ്മാന്‍ മുസ്ലിയാര്‍, അഹ്മദ് തേര്‍ളായി, കുട്ടി ഹസ്സാന്‍ ദാരിമി, ഹംസ ഹാജി മുന്നിയൂര്‍ എന്നിവര്‍ സന്നിഹിതരായിരുന്നു. ഹാഫിള് ഹസം ഹംസ ഖിറാഅത്ത് നടത്തി. അബ്ദുസ്സലാം ബാഖവി സ്വാഗതവും, ഷൗക്കത്തലി ഹുദവി നന്ദിയും പറഞ്ഞു.
- Sharafudheen Perumalabad

ദാറുല്‍ ഹുദാ അഡ്മിഷന്‍; അപേക്ഷകള്‍ ജൂലൈ 18 വരെ സ്വീകരിക്കും

തിരൂരങ്ങാടി : ദാറുല്‍ ഹുദാ ഇസ്‌ലാമിക് യൂണിവേഴ്‌സിറ്റി സെക്കന്ററി ഇന്‍സ്റ്റിറ്റിയൂഷന്‍ പ്രവേശന പരീക്ഷക്കുള്ള അപേക്ഷകള്‍ ജൂലൈ 18 റംസാന്‍ (20) വെള്ളി വരെ സ്വീകരിക്കും. സമസ്തയുടെ അഞ്ചാം ക്ലാസ് പാസ്സായ ജൂലൈ പതിനേഴിന് പതിനൊന്നരവയസ്സ് കവിയാത്ത ആണ്‍കുട്ടികള്‍ക്കും പെണ്‍കുട്ടികള്‍ക്കും സെക്കന്ററി യിലേക്കും സമസ്തയുടെ മൂന്നാം ക്ലാസ് പൂര്‍ത്തിയാക്കിയ ഒമ്പത് വയസ്സ് കവിയാത്ത വിദ്യാര്‍ത്ഥികള്‍ക്ക് മമ്പുറം സയ്യിദ് അലവി മൗലദ്ദവീല ഹിഫ്‌ളുല്‍ ഖുര്‍ആന്‍ കോളേജിലേക്കും അപേക്ഷിക്കാം. അറബി, ഉര്‍ദു, ഇംഗ്ലീഷ് ഭാഷകളും പ്രസംഗ-തൂലികാ പാടവവും കംപ്യൂട്ടര്‍ പരിജ്ഞാനവും ഇസ്‌ലാമിക് വിഷയങ്ങളില്‍ വിവിധ ഡിപ്പാര്‍ട്ടുമെന്റുകളിലായി പി.ജി പഠനവുമടങ്ങുന്ന പന്ത്രണ്ടു വര്‍ഷത്തെ കോഴ്‌സാണ് ദാറുല്‍ഹുദാ വിഭാവനം ചെയ്യുന്നത്. ദാറുല്‍ ഹുദായിലും അഫിലിയേറ്റഡ് യു.ജി കോളേജുകളിലുമായി ആഗസ്ത് അഞ്ചിനു നടക്കുന്ന കോമണ്‍ അഡ്മിഷന്‍ ടെസ്റ്റിലൂടെ അപേക്ഷകര്‍ നല്‍കിയ ഓപ്ഷന്‍ പ്രകാരമാണ് പ്രവേശനം നല്‍കുക
അപേക്ഷാ ഫോറം, പ്രോസ്പക്ടസ് എന്നിവ 50 രൂപക്ക് ദാറുല്‍ ഹുദാ ഓഫീസില്‍ നിന്നോ അതതു അഫിലിയേറ്റഡ് സ്ഥാപനങ്ങളില്‍ നിന്നോ ലഭിക്കും. ദാറുല്‍ ഹുദായുടെ വെബ്‌സൈറ്റില്‍ നിന്നും ഡൗണ്‍ലോഡ് ചെയ്യാവുന്നതാണ്. വിശദ വിവരങ്ങള്‍ക്ക് 0494 2463155 എന്ന നമ്പറില്‍ ബന്ധപ്പെടുക.
- Darul Huda Islamic University

ഗസ്സയിലെ കൂട്ടക്കുരുതി: എക്യരാഷ്ട്രസഭ ഇടപെടണം-കോട്ടുമല ബാപ്പുമുസ്‌ലിയാര്‍

മണ്ണാര്‍ക്കാട് : ഫലസ്തീനിലെ ഗസ്സയില്‍ ഇസ്രാഈല്‍ നടത്തുന്ന കൂട്ടക്കുരുതി അവസാനിപ്പിക്കുന്നതിന് ഐക്യരാഷ്ട്രസഭ ഇടപെടണമെന്നും ഇസ്രാഈലിന്റെ ക്രൂരതക്കെതിരെ എല്ലാ മനുഷ്യ സ്‌നേഹികളും ഒറ്റക്കെട്ടായി പ്രതികരിക്കണമെന്നും സമസ്ത സെക്രട്ടറിയും സംസ്ഥാന ഹജ്ജ് കമ്മിറ്റി ചെയര്‍മാനുമായ കോട്ടുമല ടി.എം ബാപ്പുമുസ്‌ലിയാര്‍ ആവശ്യപ്പെട്ടു. എസ്.കെ.എസ്.എസ്.എഫ് സംസ്ഥാന കമ്മിറ്റി സംഘടിപ്പിച്ച പ്രമുഖ പ്രഭാഷകന്‍ നൗഷാദ് ബാഖവിയുടെ സംസ്ഥാനതല റമസാന്‍ പ്രഭാഷണത്തിന്റെ രണ്ടാം ദിനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സമസ്ത കേരള ജംഇയ്യത്തുല്‍ മുഅല്ലിമീന്‍ സംസ്ഥാന പ്രസിഡന്റ് സി.കെ.എം സ്വാദിഖ് മുസ്‌ലിയാരുടെ അധ്യക്ഷത വഹിച്ചു.കോഴിക്കോട് ഖാസി സയ്യിദ് നാസര്‍ ഹയ്യ് ശിഹാബ് തങ്ങള്‍ ദുആ മജ്‌ലിസിന് നേതൃത്വം നല്‍കി.
അഡ്വ. എന്‍ ഷംസുദ്ധീന്‍ എം എല്‍ എ, സി.പി ബാപ്പു മുസ്‌ലിയാര്‍, മുസ്തഫ അഷ്‌റഫി കക്കുപ്പടി, ഹബീബ് ഫൈസി കോട്ടോപ്പാടം, റഫീഖ് കുന്തിപ്പുഴ,ജാസ് അലി ഹാജി,ബഷീര്‍ അലനല്ലൂര്‍, കുടു അബ്ബാസ് ഹാജി, കുടു അലി ഹാജി, ബഷീര്‍ ഫാഇദ, ടി.എ സലാം മാസ്റ്റര്‍, വി.കെ അബൂബക്കര്‍, ടി അബ്ദുല്ല വാഴമ്പുറം, ടി ടി ഉസ്മാന്‍ ഫൈസി, മൊയ്തീന്‍ ഹാജി, മുഹമ്മദലി മാസ്റ്റര്‍, ടി. കെ സുബൈര്‍ മൗലവി, ആരിഫ് ചങ്ങലീരി, ശാഫി ഫൈസി കോല്‍പ്പാടം, റഹീം ഫൈസി അക്കിപ്പാടം,സുലൈമാന്‍ ഹാജി, അബു മാസ്റ്റര്‍, ഹമീദ് ഹാജി, ഹബീബ് ഹാജി പാലക്കാട് തുടങ്ങിയവര്‍ സംബന്ധിച്ചു.

കാസര്‍ഗോഡ് ജില്ലാ SKSSF ഒന്നാം ഘട്ട റമളാന്‍ പ്രഭാഷണം നാളെ സമാപ്പിക്കും

കാസര്‍ഗോഡ് : വിശുദ്ധ റമളാന്‍ മാസത്തെ ആത്മ ശുദ്ധീകരണത്തിനും ജീവിത സംസ്‌കരണത്തിനും വിനിയോഗിക്കണമെന്നും കുറ്റകരമായ വാക്കുകളും അസഭ്യങ്ങളും ഒഴിവാകാതെ നോമ്പിന്റെ പേരില്‍ അന്നപാനിയങ്ങള്‍ കഴിക്കാതെ നിന്നത് കൊണ്ട് കാര്യമില്ലെന്ന് ടി. കെ. പൂക്കോയ തങ്ങള്‍ ചന്തേര ഉദ്ബോധിപ്പിച്ചു. സ്വര്‍ഗ സരണിയിലേക്ക് നീതി സാരത്തോടെ എന്ന പ്രമേയത്തില്‍ SKSSF കാസര്‍ഗോഡ് ജില്ലാ കമ്മിറ്റി റമളാന്‍ കാമ്പിന്റെ ഭാഗമായി തൃക്കരിപ്പൂര്‍ ശുഹദാ നഗറില്‍ സംഘടിപ്പിക്കുന്ന ഒന്നാം ഘട്ട റമളാന്‍ പ്രഭാഷണത്തിന്റെ രണ്ടാം ദിവസത്തെ പ്രഭാഷണ പരിപാടിയില്‍ ഉല്‍ഘാടനം ചെയ്തു സംസാരിക്കുകയായിരുന്നു അദ്ധേഹം. SKSSF ജില്ലാ ട്രഷറര്‍ ഹാശിം ദാരിമി ദേലംപാടി അധ്യക്ഷത വഹിച്ചു ഹാരിസ് ഹസനി സ്വാഗതം പറഞ്ഞു. മുനീര്‍ ഹുദവി വിളയില്‍ ഫാത്തിമ എന്റെ കരളിന്റെ കഷ്ണമാണ് എന്ന വിഷയത്തില്‍ പ്രഭാഷണം നടത്തി. ഇബ്രാഹിം ഫൈസി ജെഡിയാര്‍, താജുദ്ദീന്‍ ദാരിമി പടന്ന, ഹാരിസ് ദാരിമി ബെദിര, റഷീദ് മൗലവി ചാലക്കുന്ന് നാഫിഅ് അസ്അദി, സൈനുദ്ദീന്‍ മാസ്റ്റര്‍, ഇര്‍ഷാദ് ഹുദവി ബെദിര, ഇബ്രഹീം, വി. പി. അഷ്‌റഫ് ഹാജി, അഷ്‌റഫ്, മജീദ് ഹാജി, തുടങ്ങിയവര്‍ സംബന്ധിച്ചു. ഇന്ന് സുന്നി യുവജന സംഘം സംസ്ഥാന വൈസ് പ്രസിഡണ്ട് ഖത്തര്‍ ഇബ്രാഹീം ഹാജി കളനാട് ഉല്‍ഘാടനം ചെയ്യും. സി. പി. മൊയ്തു മൗലവി അധ്യക്ഷത വഹിക്കും. ഫാത്തിമ എന്റെ കരളിന്റെ കഷ്ണമാണ് എന്ന വിഷയത്തില്‍ മുനീര്‍ ഹുദവി എറണാക്കുളം പ്രഭാഷണം നടത്തും.

മനാമയില്‍ ബദര്‍ അനുസ്‌മരണത്തോടൊപ്പം മജ്‌ലിസ്സുന്നൂര്‍ ആത്മീയ സദസ്സും ഇന്ന്‌(തിങ്കള്‍)

മനാമ: സമസ്‌ത കേരള സുന്നി ജമാഅത്ത്‌ ബഹ്‌റൈന്‍ കേന്ദ്ര കമ്മറ്റിക്കു കീഴില്‍ മനാമയില്‍ പ്രവര്‍ത്തിക്കുന്ന സമസ്‌ത മദ്‌റസാ ഹാളില്‍ ബദര്‍ ദിനത്തോടനുബന്ധിച്ച്‌ ഇന്ന്‌ രാത്രി നടക്കുന്ന അനുസ്‌മരണ മൌലിദ്‌ പാരായണ ചടങ്ങിനൊപ്പം ‘മജ്‌ലുസുന്നൂര്‍’ എന്ന പേരിലുള്ള ആത്മീയ സദസ്സും ഇന്ന്‌ നടക്കും.
പാണക്കാട്‌ സയ്യിദ്‌ ഹൈദരലി തങ്ങളുടെ ആഹ്വാനപ്രകാരം നടക്കുന്ന ഇന്ന്‌ (തിങ്കള്‍) രാത്രി തറാവീഹ്‌ നമസ്‌കാര ശേഷം ആരംഭിക്കുന്ന മജ്‌ലിസു ന്നൂര്‍ സദസ്സില്‍ സമസ്‌ത പ്രസിഡന്റ്‌ കൂടിയായ സയ്യിദ്‌ ഫഖ്‌റുദ്ധീന്‍ കോയ തങ്ങളടക്കമുള്ള പ്രമുഖ പണ്‌ഡിതരും സമസ്‌ത കേന്ദ്ര ഏരിയാ നേതാക്കളും സംബന്ധിക്കും. 
30 മിനിറ്റോളം നീണ്ടുനില്‍ക്കുന്ന ബദര്‍ ശുഹദാക്കളുടെ മദ്‌ഹ്‌ കീര്‍ത്തനങ്ങളും പദ്യ ഗദ്യ സമ്മിശ്രമായ പ്രാര്‍ത്ഥനകളും അടങ്ങുന്ന മജ്‌ലിസുന്നൂരില്‍ പ്രാര്‍ത്ഥനകള്‍ക്ക്‌ ഉത്തരം ലഭിക്കാന്‍ കാരണമായ അസ്‌മാഉ ബദര്‍ പ്രധാനമായും പരാമര്‍ശിക്കുന്നുണ്ട്‌. എന്നതാണ്‌ ഈ ചടങ്ങിനെ വ്യത്യസ്‌തമാക്കുന്നത്‌. നാട്ടിലും വിവിധ ഗള്‍ഫ്‌ രാജ്യങ്ങളിലും എസ്‌.വൈ.എസ്‌ കമ്മറ്റികള്‍ക്കു കീഴിലായി പ്രതിമാസം ഇത്‌ സംഘടിപ്പിക്കപ്പെടാറുണ്ടെങ്കിലും ബദര്‍ ദിനത്തോടനുബന്ധിച്ച്‌ ബഹ്‌റൈനില്‍ ഇത്‌ ആദ്യമായാണ്‌ നടക്കുന്നത്‌.