അസ്മി മൂന്നാം ഘട്ട അധ്യാപക പരിശീലനം ഇന്ന് ആരംഭിക്കും

ചേളാരി: അസോസിയേഷന്‍ ഓഫ് സമസ്ത മൈനോറിറ്റി ഇന്‍സ്റ്റിറ്റിയൂഷന്‍സ് (അസ്മി) നടത്തുന്ന മൂന്നാം ഘട്ട അധ്യാപക പരിശീലനം ഇന്ന് മുതല്‍ ജനുവരി 1 വരെ നാല് ദിവസങ്ങളിലായി നടക്കും. പ്രീ പ്രൈമറി അധ്യാപകര്‍ക്കുള്ള പരിശീലനം 5 സെന്ററുകളില്‍ നടക്കും. ആതവനാട് കാട്ടിലങ്ങാടി യതീംഖാന സ്‌കൂള്‍, കൊടുവള്ളി മദ്രസ്സ ബസാര്‍ ഹിദായ ഇംഗ്ലീഷ് സ്‌കൂള്‍ എന്നീ സെന്ററുകളില്‍ ഇന്നും തിരൂര്‍ക്കാട് അന്‍വാര്‍ ഇംഗ്ലീഷ് മീഡിയം സ്‌കൂളില്‍ 30നും, വെളിമുക്ക് ക്രസന്റ് റസിഡന്‍ഷ്യല്‍ ഹയര്‍ സെക്കന്‍ഡറി സ്‌കൂള്‍, കണ്ണൂര്‍ സിറ്റിയിലെ അല്‍ നൂര്‍ ഇംഗ്ലീഷ് സ്‌കൂള്‍ എന്നീ സെന്ററുകളില്‍ ജനവരി 1നു മാണ് പരിശീലനം നടക്കുക. പ്രൈമറി ടീച്ചേഴ്‌സ് ട്രെയിനിംഗ് 30 ന് കോഴിക്കോട് വരക്കല്‍ അല്‍ബിര്‍റ് ഓഡിറ്റോറിയത്തിലാണ് നടക്കുക. അസ്മി ട്രെയിനിംഗ് ഫാക്കല്‍റ്റിയില്‍പ്പെട്ട പികെ ഷാഹുല്‍ ഹമീദ് മാസ്റ്റര്‍ മേല്‍മുറി, റഷീദ് മാസ്റ്റര്‍ കമ്പളക്കാട്, അബ്ദു റഹീം ചുഴലി, ഖമറുദ്ദീന്‍ പരപ്പില്‍ എന്നിവര്‍ ക്ലാസ്സിന് നേതൃത്വം നല്‍കും. 9.30 മുതല്‍ 4 മണി വരെ നടക്കുന്ന പരിശീലനത്തില്‍ മുന്‍കൂട്ടി രജിസ്റ്റര്‍ ചെയ്ത അഞ്ഞൂറോളം അധ്യാപകര്‍ പങ്കെടുക്കും.
- Samasthalayam Chelari

അസ്മി പ്രിന്‍സിപ്പല്‍ മീറ്റ് 31ന്

ചേളാരി. അസോസിയേഷന്‍ ഓഫ് സമസ്ത മൈനോറിറ്റി ഇന്‍സ്റ്റിറ്റിയൂഷന്‍സ് ( അസ്മി) യുടെ കീഴിലുള്ള സ്ഥാപനങ്ങളിലെ പ്രിന്‍സിപ്പല്‍ മീറ്റ് ആഗസ്ത് 31 ചൊവ്വാഴ്ച നടക്കും. ''ഗ്ലീം 21'' എന്ന പേരില്‍ നടക്കുന്ന പരിപാടി രാവിലെ 10.30 ന് സമസ്ത ജനറല്‍ മാനേജര്‍ കെ മോയീന്‍ കുട്ടി മാസ്റ്റര്‍ ഉല്‍ഘാടനം ചെയ്യും. അസ്മി ജനറല്‍ സെക്രട്ടറി പി കെ മുഹമ്മദ് ഹാജി അധ്യക്ഷത വഹിക്കും. ആര്‍ട്ട് ഓഫ് ലീഡര്‍ എന്ന വിഷയം എസ് വി മുഹമ്മദലിയും ഫോര്‍ പാരന്റ് എന്ന വിഷയം കെ ടി അഷ്‌റഫും അവതരിപ്പിക്കും. അസ്മി വര്‍ക്കിംഗ് സെക്രട്ടറി റഹീം ചുഴലി, അക്കാദമിക് സമിതി കണ്‍വീനര്‍ ഷാഹുല്‍ ഹമീദ് മാസ്റ്റര്‍ മേല്‍മുറി, ട്രൈനിംഗ് ബോര്‍ഡ് കണ്‍ വീനര്‍ റശീദ് മാസ്റ്റര്‍ കമ്പളക്കാട്, ഇന്‍സ്‌പെക്ഷന്‍ സമിതി കണ്‍വീനര്‍ അഡ്വ നാസര്‍ കാളമ്പാറ, എക്‌സാം ബോര്‍ഡ് കണ്‍വീനര്‍ സയ്യിദ് അനീസ് ജിഫ്‌രി തങ്ങള്‍ പ്രിസം കണ്‍വീനര്‍ ശാഫി മാസ്റ്റര്‍ ആട്ടീരി, ഫെസ്റ്റ് കണ്‍വീനര്‍ മജീദ് പറവണ്ണ എന്നിവര്‍ വിവിധ ചര്‍ച്ചകള്‍ക്ക് നേതൃത്വം നല്‍കും. സയ്യിദ് കെ കെ എസ് തങ്ങള്‍ വെട്ടിച്ചിറ, പി വി മുഹമ്മദ് മൗലവി , അഡ്വ പി പി ആരിഫ്, നവാസ് ദാരിമി ഓമശ്ശേരി, സലീം എടക്കര, ഒ.കെ.എം കുട്ടി ഉമരി സംബന്ധിക്കും. കെ ജി വിഭാഗം ഓണ്‍ലൈനായും സ്‌കൂള്‍ വിഭാഗം ഓഫ് ലൈനായും നടക്കുന്ന മീറ്റില്‍ മുന്നൂറോളം സ്ഥാപന മേധാവികള്‍ പങ്കെടുക്കും.
- Samasthalayam Chelari

അസ്മി വിദ്യാലയങ്ങളില്‍ പെരുന്നാള്‍ വിശേഷങ്ങളുടെ അവതരണ മത്സരം

ചേളാരി: അസ്സോസിയേഷന്‍ ഓഫ് സമസ്ത മൈനോറിറ്റി ഇന്‍സ്റ്റിറ്റിയൂഷന്‍ (അസ്മി) അഫിലിയേറ്റഡ് വിദ്യാലയങ്ങളിലെ വിദ്യാര്‍ത്ഥികള്‍ക്കും അധ്യാപകര്‍ക്കും രക്ഷിതാക്കള്‍ക്കുമായി പെരുന്നാള്‍ വിശേഷങ്ങളുടെ അവതരണ മത്സരം 'ഈദിയ്യ: 2020 വാക്കും വരയും' സംഘടിപ്പിക്കുന്നു. മെയ് 21 മുതല്‍ ഒരാഴ്ച്ച നീണ്ടുനില്ക്കുന്ന ദേശീയ തല മത്സരത്തില്‍ അസ്മി കിഡ്‌സ്, സബ് ജൂനിയര്‍ (എല്‍ പി), ജൂനിയര്‍(എല്‍ പി), ജൂനിയര്‍ പ്ലസ് (യു. പി), സീനിയര്‍ (എച്ച്. എസ്.), സീനിയര്‍ പ്ലസ് (എച്ച്. എസ്. എസ്.) അധ്യാപകര്‍, രക്ഷിതാക്കള്‍ എന്നീ എട്ട് വിഭാഗങ്ങളായാണ് മത്സരം ക്രമീകരിച്ചിരിക്കുന്നത്. താന്‍ അനുഭവിച്ചതോ ഭാവനയില്‍ കാണുന്നതോ ആയ പെരുന്നാള്‍ വിശേഷങ്ങളാണ് മത്സരത്തിന്റെ പ്രമേയം.

പ്രിസം കേഡറ്റ് സംസ്ഥാന സ്കൂൾ ഹോബി ചലഞ്ച് മത്സരം നവംബര്‍ 3ന് ബാഫഖി യതീംഖാനയിൽ

ചേളാരി: അസോസിയേഷൻ ഒഫ് സമസ്ത മൈനോരിറ്റി ഇൻസ്റ്റിട്യൂഷൻസ് (അസ്മി) സ്ഥാപനങ്ങളിലെ പ്രിസം കേഡറ്റുകൾക്കായി സംഘടിപ്പിക്കുന്ന സംസ്ഥാന ഹോബി എക്സ്പോയും മത്സരവും നവംബര്‍ മൂന്നിന് വളവന്നൂർ ബാഫഖി യതീംഖാന സ്കൂളിൽ നടക്കും. കെ. ജി മുതൽ ഹയർ സെക്കണ്ടറി വരെ യൂനിറ്റ് തലങ്ങളിൽ നടത്തിയ പ്രിസം കേഡറ്റ് ഹോബി ചലഞ്ചിൽ വിജയികളായ ആദ്യ മൂന്ന് സ്ഥാനക്കാരാണ് സംസ്ഥാനതല മത്സരത്തിൽ പങ്കെടുക്കേണ്ടത്.

അസ്മി സ്കൂളുകളിലേക്കുള്ള 13 പാഠപുസ്തകൾ പ്രകാശനം ചെയ്തു

ചേളാരി: അസ്മി സ്കൂളുകളിലേക്കുള്ള 13 പാഠപുസ്തകൾ പാണക്കാട് സയ്യിദ് ഹൈദറലി ശിഹാബ് തങ്ങൾ പ്രകാശനം ചെയ്തു. അസ്മി സംസ്ഥാന പ്രസിഡന്റ് പാണക്കാട് അബ്ബാസലി ശിഹാബ് തങ്ങൾ അധ്യക്ഷനായി. പാണക്കാട് സ്വാദിഖലി ശിഹാബ് തങ്ങൾ, പാണക്കാട് ബഷീറലി ശിഹാബ് തങ്ങൾ, കെ. കെ. എസ് തങ്ങൾ, ഷാഹുൽ ഹമീദ് മാസ്റ്റർ മേൽമുറി,

ധാർമ്മിക മൂല്യങ്ങളടങ്ങിയ വിദ്യാഭ്യാസമാണ് വിദ്യാർത്ഥികളെ യഥാർത്ഥ മനുഷ്യരാക്കുക: എം.ടി. അബ്ദുല്ല മുസ്ലിയർ.

ചേളാരി: ധാർമ്മിക മൂല്യങ്ങളടങ്ങിയ വിദ്യാഭ്യാസമാണ് വിദ്യാർത്ഥിയെ യഥാർത്ഥ മനുഷ്യരാക്കുന്നതെന്നും ദൈവിക -വിശ്വ മാനവിക പുരോഗതിയും കാംക്ഷിച്ചുള്ള ആത്മാർത്ഥമായ ഇടപെടലാണ് വിദ്യാഭ്യാസ പ്രവർത്തകർക്ക് വേണ്ടതെന്നും സമസ്ത കേരള ഇസ്ലാം മത വിദ്യാഭ്യാസ ബോർഡ് ജനറൽ സെക്രട്ടറി എം.ടി. അബ്ദുല്ല മുസ്ലിയാർ പറഞ്ഞു.

വിദ്യാർഥികളിൽ വർദ്ധിച്ച് വരുന്ന തിന്മക്കതിരെ സ്കൂൾ അധികൃതർ ഉണർന്ന് പ്രവർത്തിക്കണം: അബ്ബാസലി തങ്ങൾ

തേഞ്ഞിപ്പാലം:വിദ്യാർഥികളിൽ വർദ്ധിച്ച് വരുന്ന തിന്മകൾക്കെതിരെ സ്കൂൾ അധികൃതർ ഉണർന്ന് പ്രവർത്തിക്കണമെന്ന് അസോസിയേഷൻ ഓഫ് സമസ്ത മൈനോറിറ്റി ഇൻസ്റ്റിറ്റ്യൂഷൻസ്( അസ്മി) സംസ്ഥാന പ്രസിഡൻറ് പാണക്കാട് അബ്ബാസലി ശിഹാബ് തങ്ങൾ പറഞ്ഞു. കോഹിനൂർ ലീ കാഞ്ചീസ് ഓഡിറ്റോറിയത്തിൽ വെച്ച് നടന്ന അസ്മി സ്കൂൾ

അസ്മി; പ്രിസം ഫ്രൈഡേ ഫ്രഷ്നസ്സ് ഉൽഘാടനം ചെയ്തു

അസ്മിയുടെ ധാർമ്മിക - സാംസ്കാരിക സംഘമായ പ്രിസം പദ്ധതിക്ക് കീഴിലുള്ള ഫ്രൈഡേ ഫ്രഷ് നസ്സ് പ്രോഗ്രാമിന്റെ സംസ്ഥാന ഉൽഘാടനം പാണക്കാട് സയ്യിദ് നിയാസലി ശിഹാബ് തങ്ങൾ ഉൽഘാടനം ചെയ്തു. വിദ്യാർത്ഥികൾ നേരിടുന്ന സാമൂഹ്യ വിപത്തിനെ ചെറുക്കാനും, മാനസിക സംഘർഷങ്ങളെ ലഘൂകരിക്കുന്നതിലും വിദ്യാർത്ഥികൾക്കിടയിലെ ഒരു

അസ്മി മേനേജ്മെൻറ് സോഫ്റ്റ് വെയർ ഉദ്ഘാടനം ചെയ്തു

അസ്മിയിൽ രജിസ്റ്റർ ചെയ്ത സ്ഥാപനങ്ങളുടെ വിശദവിവരങ്ങൾ ലഭ്യമാവാനും പ്രവർത്തനങ്ങൾ സുഗമമാക്കുന്നതിനും ഏകോപിപ്പിക്കുന്നതിനുമായി തയ്യാറാക്കിയിട്ടുള്ള സോഫ്റ്റ് വെയർ പാണക്കാട് സയ്യിദ്‌ സാദിഖലി ശിഹാബ് തങ്ങൾ ഉദ്ഘാടനം ചെയ്തു. ഇതോടെ അസ്മിയുടെ പ്രധാന പ്രവർത്തനങ്ങളായ വിവിധ പരിശീലനങ്ങൾ, സ്റ്റാർ ഹണ്ട്, പ്രിസം,

കുട്ടികള്‍ നന്മ കണ്ട് വളരട്ടെ: സയ്യിദ് ജിഫ്രി മുത്തുക്കോയ തങ്ങള്‍

കോഴിക്കോട്: പരോപകാര ചിന്തയും ധാര്‍മ്മികബോധവും ഉത്തരവാദിത്വ നിര്‍വ്വഹണ താത്പര്യവുമുള്ള ഉത്തമ പൗരന്മാരായി വളര്‍ന്നു വരേണ്ടവരാണ് കുട്ടികള്‍. പുരോഗമനപരമായ സാമൂഹിക ഇടപെടലുകള്‍ കുട്ടികളില്‍ നിന്നുണ്ടാവാന്‍ അവര്‍ നന്മ കണ്ട് വളരട്ടെ. അസോസിയേഷന്‍ ഓഫ് സമസ്ത മൈനോറിറ്റി ഇന്‍സ്റ്റ്റ്റിയൂഷന്‍സ് (അസ്മി)

പ്രിസം കേഡറ്റ് സയ്യിദ് ജിഫ്രി തങ്ങൾ തിങ്കളാഴ്ച നാടിന് സമര്‍പ്പിക്കും

ചേളാരി: വിദ്യാർത്ഥി കാലം തൊട്ടേ കുട്ടികളിൽ ഉത്തരവാദിത്ത ബോധവും നേതൃപാടവവും പരിശീലിപ്പിക്കാൻ സമസ്ത വിദ്യാഭ്യാസ ബോർഡിന് കീഴിലുള്ള സ്കൂളുകളിൽ തുടക്കം കുറിച്ച 'പ്യൂപ്പിൾസ് റെസ്പോൺസീവ് ഇനീസിയെഷൻ ഫോർ സ്‌കിൽസ് ആൻഡ് മൊറെയ്ൽസ് (പ്രിസം) കേഡറ്റ്' യുണിറ്റുകള്‍ സമസ്ത കേരള ജംഇയ്യത്തുല്‍ ഉലമാ സംസ്ഥാന

അസ്മി പ്രിസം കേഡറ്റ് സജ്ജമാവുന്നു

വിദ്യാർത്ഥികളിൽ ഉത്തരവാദിത്വവും നേതൃപാടവും പരിശീലിപ്പിക്കുക

ചേളാരി: വിദ്യാർത്ഥി കാലം തൊട്ടേ കുട്ടികളിൽ ഉത്തരവാദിത്ത ബോധവും നേതൃപാടവവും പരിശീലിപ്പിക്കാൻ സമസ്ത വിദ്യാഭ്യാസ ബോർഡിന് കീഴിലുള്ള സ്കൂളുകളിൽ *പ്യൂപ്പിൾസ് റെസ്പോൺസീവ് ഇനീസിയെഷൻ ഫോർ സ്‌കിൽസ് ആൻഡ് മൊറെയ്ൽസ് (പ്രിസം) കേഡറ്റ്* എന്ന പേരിൽ യുണിറ്റുകള്‍ രൂപവത്കരിക്കുന്നു. വെള്ള, വയലറ്റ്, ഇൻഡിഗോ, നീല, പച്ച, മഞ്ഞ, ഓറഞ്ചു, ചുകപ്പ്, കറുപ്പ് എന്നിങ്ങനെ ഒമ്പതു നിറങ്ങൾ യഥാക്രമം ധാർമ്മിക മൂല്യം, സാമൂഹികം, ദേശീയം, മാനസികാരോഗ്യം, പാരിസ്ഥിതികം, ക്ഷേമ കാര്യം, നേതൃപാടവം, ശാരീരികാരോഗ്യം, സർഗാത്മകം എന്നീ ഒമ്പതു പ്രവർത്തന മേഖലകളാക്കി തിരിച്ചുള്ള പരിശീലന - സന്നദ്ധ സേവന പ്രവർത്തനങ്ങളാണ് പ്രിസം കേഡറ്റിന് കീഴിൽ സംഘടിപ്പിക്കുക. ഓരോ വിദ്യാലയത്തിലും കെ.ജി, എൽ. പി, യു. പി, ഹൈ സ്‌കൂൾ എന്നീ നാല് തലങ്ങളിലായി വ്യത്യസ്ത യൂണിറ്റുകളിൽ ആൺകുട്ടികളും പെണ്കുട്ടികളുമടക്കം മുപ്പത്തിമൂന്നു വിദ്യാർത്ഥികളാണ് പ്രിസം കേഡറ്റുകളായി ഉണ്ടാകുക. സവിശേഷമായ യൂണിഫോമും ബാഡ്ജും ഗീതവും പതാകയും പ്രിസം കേഡറ്റുകൾക്കുണ്ടാകും.

ഇവരെ പരിശീലിപ്പിക്കുന്നതിനും പ്രവർത്തനങ്ങളെ കോർഡിനേറ്റു ചെയ്യുന്നതിനും പ്രത്യേകം ട്രെയിനിങ് ലഭിച്ച പ്രിസം മെൻറ്റർമാരും ഓരോ വിദ്യാലയത്തിലും ഉണ്ടാകും. വർഷത്തിൽ മൂന്നു മുതൽ അഞ്ചു ദിവസം വരെ നീണ്ടു നില്ക്കുന്ന യൂണിറ്റ് തല സഹവാസ ക്യാമ്പുകൾക്കു പുറമെ മേഖല, സംസ്ഥാന തല ക്യാമ്പുകളും ഉണ്ടാകും. പ്രവര്‍ത്തന മികവിന്റെ അടിസ്ഥാനത്തില്‍ തെരഞ്ഞെടുക്കപ്പെടുന്ന മികച്ച യൂണിറ്റ്, കേഡറ്റ്‌, മെന്റര്‍, പാരന്റ് എന്നിവർക്ക് പുരസ്കാരങ്ങൾ സമ്മാനിക്കും.
പ്രിസം കേഡറ്റ്‌ യൂണിറ്റ് രൂപീകരണ പ്രഖ്യാപനവും പ്രിസം കേഡറ്റിനായി രൂപ കൽപ്പന ചെയ്യപ്പെട്ട ലോഗോയുടെ പ്രകാശനവും അസ്മി ചെയര്‍മാന്‍ പാണക്കാട് സയ്യിദ് അബ്ബാസലി ശിഹാബ് തങ്ങൾ നിര്വഹിച്ചു. പി.വി മുഹമ്മദ് മൗലവി എടപ്പാൾ അധ്യക്ഷത വഹിച്ചു. ഹാജി. പി. കെ മുഹമ്മദ്, കെ. കെ. എസ് തങ്ങള്‍ വെട്ടിചിറ, ഒ. കെ. എം. കുട്ടി ഉമരി, റഹീം ചുഴലി, അഡ്വ. പി പി ആരിഫ്, അഡ്വ. നാസര്‍ കാളംപാറ, റഷീദ് കമ്പളകാട്, നവാസ് ഓമശ്ശേരി, സയ്യിദ് അനീസ് ജിഫ്രി തങ്ങൾ,പ്രൊഫ. കമറുദ്ദീന്‍ പരപ്പില്‍, ഷിയാസ് അഹമ്മദ് ഹുദവി, മജീദ് പറവണ്ണ, മുഹമ്മദ് അലി.എ എന്നിവര്‍ സംബന്ധിച്ചു.
- ASMI KERALA

പ്രിസം കേഡറ്റ്‌ ലോഗോ പ്രകാശനം ചെയ്തു

അസ്മി വിദ്യാഭ്യാസ സ്ഥാപനങ്ങളിലെ വിദ്യാര്‍ഥികളില്‍ ബഹുവിധ ബുദ്ധി വൈഭവവും സാമൂഹ്യ സേവന ബോധവും ധാര്‍മ്മിക മൂല്യ വിചാരവും പരിശീലിപ്പിക്കുന്നതിന്നായി രൂപീകരിച്ച പ്രിസം കേഡറ്റ്‌ (പ്യൂപ്പിൾസ് റെസ്പോണ്‍സിബിൾ ഇനീഷിയേടീവ്സ് ഫോര്‍ സ്കില്‍സ് & മൊറൈല്‍സ് പ്രിസം കേഡറ്റ്‌) ന്റെ ലോഗോ പ്രകാശനം പാണക്കാട് സയ്യിദ് അബ്ബാസലി ശിഹാബ് തങ്ങള്‍ നിര്‍വ്വഹിച്ചു. ഹാജി പി.കെ മുഹമ്മദ്‌ അധ്യക്ഷത വഹിച്ചു. കെ.കെ എസ് തങ്ങൾ വെട്ടിച്ചിറ,പി.വി മുഹമ്മദ് മൗലവി, ഒ കെ എം കുട്ടി ഉമരി, റഷീദ് കബ്ലക്കാട്, നവാസ് ഓമശ്ശേരി, അഡ്വ.ആരിഫ്, സലീം എടക്കര,അനീസ് ജിഫ്രി തങ്ങൾ, അഡ്വ. നാസർ കളംപാറ, മജീദ് പറവണ്ണ, ശിയാസ് ഹുദവി സംബന്ധിച്ചു. അബ്ദുറഹീം ചുഴലി സ്വാഗതവും, ഖമറുദ്ധീൻ പരപ്പിൽ നന്ദിയും പറഞ്ഞു.
- ASMI KERALA

അസ്മി സംസ്ഥാന പ്രിൻസിപ്പൽ മീറ്റ് സമാപിച്ചു

കാലാനുസൃത മാറ്റങ്ങൾ ഉൾകൊണ്ട് അക്കാദമികവും മൂല്യബോധവും സമന്വയിപ്പിച്ച് പാഠ്യ _ പാഠ്യാനുബന്ധ പ്രവർത്തനങ്ങൾക്ക് നേതൃത്വം നൽകി വിദ്യാഭ്യാസ മേഖലയെ പരിവർത്തിപ്പിക്കാൻ ആഹ്വാനം ചെയ്ത് അസ്മി സംസ്ഥാന പ്രിൻസിപ്പൽ മീറ്റ് സമാപിച്ചു. കോഴിക്കോട് ഹോട്ടൽ കിംഗ് ഫോർട്ടിൽ വെച്ച് നടന്ന മീറ്റ് സുപ്രഭാതം എക്സിക്യൂട്ടീവ് എഡിറ്റർ എ. സജീവൻ ഉദ്ഘാടനം ചെയ്തു. അസ്മി സംസ്ഥാന ജനറൽ സെക്രട്ടറി ഹാജി പി. കെ മുഹമ്മദ് അധ്യക്ഷനായി. സമസ്ത മാനേജർ കെ. മോയിൻകുട്ടി മാസ്റ്റർ മുഖ്യ പ്രഭാഷണം നടത്തി.'നേതൃത്വവും വ്യക്തിത്വവും', 'അസ്മി മാസ്റ്റർ പ്ലാൻ' എന്നീ വിഷയങ്ങളിൽ ടി. സലീം, റഹിം ചുഴലി ക്ലാസ്സിന്‌ നേതൃത്വം നൽകി. നവാസ് ഓമശ്ശേരി, മജീദ് പറവണ്ണ, ഷാഫി ആട്ടീരി, അബ്ദു റഹീം നഹ സംസാരിച്ചു. റഷീദ് കബ്ലക്കാട് സ്വാഗതവും അഡ്വ: നാസർ കാളമ്പാറ നന്ദിയും പറഞ്ഞു.
- Samasthalayam Chelari

സമസ്ത പരിഷ്‌കരിച്ച കെ.ജി പാഠപുസ്തകങ്ങള്‍ പ്രകാശനം ചെയ്തു

മലപ്പുറം: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന് കീഴില്‍ പ്രവര്‍ത്തിക്കുന്ന അസോസിയേഷന്‍ ഓഫ് സമസ്ത മൈനോറിറ്റി ഇന്‍സ്റ്റിറ്റിയൂഷന്‍സ് (അസ്മി)യുടെ പരിഷ്‌കരിച്ച കെ.ജി. പാഠപുസ്തകങ്ങളുടെ പ്രകാശനം പാണക്കാട് സയ്യിദ് ഹൈദരലി ശിഹാബ് തങ്ങള്‍ നിര്‍വ്വഹിച്ചു. പാണക്കാട് നടന്ന ചടങ്ങില്‍ സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ ആദ്യ പ്രതികള്‍ ഏറ്റുവാങ്ങി.
പാണക്കാട് സയ്യിദ് അബ്ബാസലി ശിഹാബ് തങ്ങള്‍, കെ.എം. അബ്ദുല്ല മാസ്റ്റര്‍ കൊട്ടപ്പുറം, കെ.കെ.എസ് തങ്ങള്‍ വെട്ടിച്ചിറ, കെ. മോയിന്‍കുട്ടി മാസ്റ്റര്‍, ഹാജി പി.കെ മുഹമ്മദ്, റഹീം ചുഴലി, കാടാമ്പുഴ മൂസ ഹാജി, പി.കെ ഷാഹുല്‍ഹമീദ് മാസ്റ്റര്‍, ഒ.കെ.എം കുട്ടി ഉമരി, അഡ്വ: പി.പി ആരിഫ്, മജീദ് പറവണ്ണ, പ്രൊഫ. ഖമറുദ്ദീന്‍ പരപ്പില്‍, ഷിയാസ് ഹുദവി എന്നിവര്‍ സംബന്ധിച്ചു.
- Samasthalayam Chelari

അസ്മി അധ്യാപകര്‍ക്കുള്ള ഒന്നാം ഘട്ട പരിശീലനം സമാപിച്ചു.

അസോസിയേഷന്‍ ഓഫ് സമസ്ത മൈനോരിറ്റി ഇന്‍സ്റ്റിട്യൂഷന്‍സ് (അസ്മി) സംഘടിപ്പിച്ച അടുത്ത അക്കാദമിക് വര്‍ഷത്തെ ഒരുക്കങ്ങളുടെ ഭാഗമായി അസ്മി സ്‌കൂള്‍ ടീച്ചര്‍മാര്‍ ക്കുള്ള ഒന്നാം ഘട്ട പരിശീലനം സമാപിച്ചു. കെ. ജി. എല്‍. പി ക്ലാസുകളിലേക്ക് വിവിധ ക്ലസ്റ്ററുകളായി ക്രസന്റ് സ്‌കൂള്‍ വെളിമുക്ക്, റിഡ്‌ജെസ് ഹോട്ടല്‍ കോട്ടക്കല്‍, എയര്‍ലൈന്‍സ് ഹോട്ടല്‍ മലപ്പുറം, ബാഫഖി സ്‌കൂള്‍ വളവന്നൂര്‍, മാള്‍ അസ്ലം പെരിന്തല്‍മണ്ണ, അസ്മ ടവര്‍ കോഴിക്കോട്, റോയല്‍ ഒമാര്‍സ് കണ്ണൂര്‍, നാഷണല്‍ സ്‌ക്കൂള്‍ ചെമ്മാട് എന്നിവിടങ്ങളിലാണ് പരിശീലനം നടന്നത്. അഞ്ഞൂറിലധികം അധ്യാപകര്‍ വിവിധ ക്ലസ്റ്ററുകളിലായി പരിശീലനം നേടി. അടുത്ത ഘട്ടം റമളാന് ശേഷം ക്ലാസ്‌റൂം മാനേജ്‌മെന്റ്, ധാര്‍മ്മികത എങ്ങനെ വളര്‍ത്താം എന്നീ വിഷയങ്ങള്‍ പരിശീലനം ഉണ്ടായിരിക്കും. റമീന ഷമീര്‍, ഡോ. .ബീന ഫിലിപ്പ് തുടങ്ങിയവര്‍ ക്ലാസ് നയിച്ചു. അസ്മി സംസ്ഥാന ജന.സെക്രട്ടറി ഹാജി പി.കെ മുഹമ്മദ് , അബ്ദുറഹീം ചുഴലി, റഷീദ് കബ്ലക്കാട്, നാസര്‍ കാളംപാറ, മജീദ് പറവണ്ണ, എ.മുഹമ്മദ് അലി എന്നിവര്‍ നേതൃത്വം നല്‍കി.
- Samasthalayam Chelari

സിവിൽ സർവ്വീസ് പരിശീലനം സ്കൂൾ തലം മുതൽ അരംഭിക്കണം: അബ്ബാസലി തങ്ങൾ

ചേളാരി: സിവിൽ സർവ്വീസ് രംഗത്തേക്കുള്ള പരിശീലനം സ്കൂൾ തലം മുതൽ അരംഭിക്കണമെന്ന് അസോസിയേഷൻ ഓഫ് സമസ്ത മൈനോറിറ്റി ഇൻസ്റ്റിറ്റ്യൂഷൻസ് (അസ്മി )സംസ്ഥാ പ്രസിഡൻറ് പാണക്കാട് സയ്യിദ് അബ്ബാസലി ശിഹാബ് തങ്ങൾ പറഞ്ഞു. വെളിമുക്ക് സി. പി കൺവൻഷൻ സെൻററിൽ വെച്ച് നടന്ന അസ്മി മാനേജ്മെൻറ് സംസ്ഥാന ശിൽപ്പശാല ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സിവിൽ സർവ്വീസ് രംഗത്ത് കേരളം കുതിക്കുകയാണ്. ഷാഹിദ് ഹസനി തിരുവള്ളൂർ എന്ന ഒരു മുസ്ല്യാർ സിവിൽ സർവ്വീസ് പരീക്ഷയിൽ ഉന്നത വിജയം നേടൽ വഴി കേരളക്കരയിൽ സമസ്ത തുടക്കം കുറിച്ച മത-ഭൗതിക സമന്വയ വിദ്യാഭ്യാസത്തിന് അംഗീകാരം വർദ്ധിപ്പിച്ചതായും തങ്ങൾ പറഞ്ഞു. അസ്മി സംസ്ഥാന ജന. സെക്രട്ടറി ഹാജി പി. കെ മുഹമ്മദ് അധ്യക്ഷനായി. ഡോ. സുബൈർ ഹുദവി ചേകന്നൂർ, റഹീം ചുഴലി, റഷീദ് കമ്പളക്കാട്, നവാസ് ദാരിമി ഓമശ്ശേരി, ഖമറുദ്ദീൻ പരപ്പിൽ, അനീസ് ജിഫ്രി തങ്ങൾ എന്നിവർ ശിൽപ്പശാലക്ക് നേതൃത്വം നൽകി. അസ്മി സംസ്ഥാന സെക്രട്ടറി ഒ. കെ. എം കുട്ടി ഉമരി സ്വാഗതവും മജീദ് പറവണ്ണ നന്ദിയും പറഞ്ഞു. ഫോട്ടോ:വെളിമുക്ക് സി. പി കൺവൻഷൻ സെൻററിൽ വെച്ച് നടന്ന അസ്മി മാനേജ്മെൻറ് സംസ്ഥാന ശിൽപ്പശാല പാണക്കാട് സയ്യിദ് അബ്ബാസലി ശിഹാബ് തങ്ങൾ ഉദ്ഘാടനം ചെയ്യുന്നു. 
- Samasthalayam Chelari

സ്കൂളുകൾ അടച്ചു പൂട്ടൽ ഭീഷണിക്കെതിരെ അസ്മി സമര പ്രഖ്യാപന കൺവൻഷൻ നാളെ (ശനി)

തേഞ്ഞിപ്പാലം: അംഗീകാരത്തിന്റെ കാരണം പറഞ്ഞ് ന്യൂന പക്ഷ സ്കൂളുകൾ അടച്ചു പൂട്ടാനുള്ള സർക്കാർ നീക്കത്തിനെതിരെ അസോസിയേഷൻ ഓഫ് സമസ് മൈനോറിറ്റി ഇൻസ്റ്റിറ്റ്യൂഷൻസ് (അസ്മി)യുടെ ആഭിമുഖ്യത്തിൽ സംഘടിപ്പിക്കുന്ന സമര പ്രഖ്യാപന കൺവൻഷൻ നാളെ (ശനി) രാവിലെ 9 മണിക്ക് കോഴിക്കോട് സമസ്ത ഓഡിറ്റോറിയത്തിൽ വെച്ച് നടക്കും. അന്താരാഷ്ട്ര നിലവാരമുള്ള വിദ്യാഭ്യാസം നൽകുന്നതിൽ അൺ എഴ്ഡഡ് സ്കൂളുകൾ നിർണ്ണായ പങ്ക് വഹിച്ചതായും അവകൾ അടച്ചു പൂട്ടുന്നതിന് പകരം സംരക്ഷിക്കേണ്ട ബാധ്യത സർക്കാറിനുണ്ടെന്നുമിരിക്കെ വിദ്യാർഥികളുടെയും ടീച്ചേഴ്സിന്റെയും ഭാവി അനിശ്ചിതത്തിലാക്കി സർക്കാർ സ്വീകരിക്കുന്ന ഈ നിലപാടിനെതിരെ വൈവിധ്യങ്ങളായ പ്രക്ഷോഭ പരിപാടികൾ വരും ദിവസങ്ങളിൽ അസ്മിയുടെ ആഭിമുഖ്യത്തിൽ നടക്കും. കേരള വിദ്യാഭ്യാസ നിയമം (കെ. ഇ. ആർ) നിർദ്ദേശിക്കുന്ന മുഴുവൻ മാനദണ്ഡങ്ങളും പാലിച്ച് മികച്ച നിലവാരത്തോടെ പ്രവർത്തിക്കുന്ന അനേകം സ്കൂളുകളാണ് അംഗീകാരത്തിനായി കാത്തിരിക്കുന്നത്. മികച്ച ഭൗതിക സൗകര്യങ്ങളോടെ പ്രവർത്തിക്കുന്നവയാണ് ഇവയിലധികവും. അംഗീകാരം ലഭിക്കുമെന്ന പ്രതീക്ഷയിൽ പ്രവർത്തിക്കുന്ന ഇത്തരം സ്കൂളുകൾക്ക് അംഗീകാരം നൽകുന്നതിന് പകരം എ. ഇ. ഒ മുഖേന അടച്ചുപൂട്ടാനുള്ള കത്ത് നൽകിയിരിക്കുകയാണ്. അസ്മിയുടെ കീഴിൽ രജിസ്റ്റർ ചെയ്ത സ്കൂൾ മാനേജ്മെൻറ് പ്രതിനിധികൾക്ക് പുറമെ അംഗീകാരമില്ലാത്ത മറ്റ് സ്കൂൾ മാനേജ്മെൻറ് പ്രതിനിധികളെയും സ്കൂൾ അസോസിയേഷൻ പ്രതിനിധികളെയും സമര പ്രഖ്യാപന കൺവൻഷനിൽ പ്രതീക്ഷിക്കുന്നു. 

പരിപാടി എം. കെ രാഘവൻ എം. പി ഉദ്ഘാടനം ചെയ്യും. അസ്മി സംസ്ഥാന പ്രസിഡണ്ട് പാണക്കാട് അബ്ബാസലി ശിഹാബ് തങ്ങൾ അധ്യക്ഷനാകും. സമസ്ത മാനേജർ കെ. മോയിൻകുട്ടി മാസ്റ്റർ, എസ്. കെ. എസ്. എസ്. എഫ് സംസ്ഥാന ജനറൽ സെക്രട്ടറി സത്താർ പന്തല്ലൂർ, ന്യൂന പക്ഷ സമിതി കൺവീനർ മുസ്തഫ മാസ്റ്റർ മുണ്ടുപാറ, അസ്മി സംസ്ഥാന ജന. സെക്രട്ടറി ഹാജി പി. കെ മുഹമ്മദ്, കെ. പി. എസ്. എ പ്രസിഡണ്ട് പി. പി യൂസുഫലി, കെ. കെ. എസ് തങ്ങൾ, പി. വി മുഹമ്മദ് മൗലവി, അബ്ദുസ്സലാം ഫൈസി ഒളവട്ടൂർ, റഹീം ചുഴലി, നവാസ് ഓമശ്ശേരി, റഷീദ് കമ്പളക്കാട്, സലീം എടക്കര, ഒ. കെ. എം കുട്ടി ഉമരി, അഡ്വ. പി. പി ആരിഫ് ഡോ. കെ. വി അലി അക്ബർ ഹുദവി, അഡ്വ. നാസർ കാളമ്പാറ, മജീദ് പറവണ എന്നിവർ സംബന്ധിക്കും. വിശദ വിവരങ്ങൾക്ക് ബന്ധപ്പെടേണ്ട നമ്പർ: 94473 35463. 
- Samasthalayam Chelari

ന്യൂന പക്ഷ സ്കൂളുകൾ അടച്ചു പൂട്ടാനുള്ള സർക്കാർ നീക്കത്തിനെതിരെ സമസ്ത പ്രക്ഷോഭത്തിലേക്ക്. അസ്മി സമര പ്രഖ്യാപന കൺവൻഷൻ 24 ന്

തേഞ്ഞിപ്പാലം: അംഗീകാരത്തിന്റെ കാരണം പറഞ്ഞ് ന്യൂന പക്ഷ സ്കൂളുകൾ അടച്ചു പൂട്ടാനുള്ള നീക്കത്തിനെതിരെ അസോസിയേഷൻ ഓഫ് സമസ്ത മൈനോറിറ്റി ഇൻസ്റ്റിറ്റ്യൂഷൻസ് (അസ്മി)യുടെ ആഭിമുഖ്യത്തിൽ സംഘടിപ്പിക്കുന്ന സമര പ്രഖ്യാപന കൺവൻഷൻ 24 ന് രാവിലെ 9 മണിക്ക് കോഴിക്കോട് സമസ്ത ഓഡിറ്റോറിയത്തിൽ വെച്ച് നടക്കും. വിദ്യാർഥികൾക്ക് മികച്ച വിദ്യാഭ്യാസം നൽകി ഉന്നത തസ്തികകളിലെത്തിക്കുന്നതിൽ അൺ എഴ്ഡഡ് സ്കൂളുകൾ നിർണ്ണായ പങ്ക് വഹിച്ചതായും അവകൾ അടച്ചു പൂട്ടുന്നതിന് പകരം സംരക്ഷിക്കേണ്ട ബാധ്യത സർക്കാറിനുണ്ടെന്നും ചേളാരി സമസ്താലയത്തിൽ വെച്ച് നടന്ന അസ്മി സെക്രട്ടറിയേറ്റ് കമ്മറ്റി അഭിപ്രായപ്പെട്ടു. കേരള വിദ്യാഭ്യാസ നിയമം (കെ. ഇ. ആർ) നിർദ്ദേശിക്കുന്ന മുഴുവൻ മാനദണ്ഡങ്ങളും പാലിച്ച് മികച്ച നിലവാരത്തോടെ പ്രവർത്തിക്കുന്ന അനേകം സ്കൂളുകളാണ് അംഗീകാരത്തിനായി കാത്തിരിക്കുന്നത്. മികച്ച ഭൗതിക സൗകര്യങ്ങളോടെ പ്രവർത്തിക്കുന്നവയാണ് ഇവയിലധികവും. അംഗീകാരം ലഭിക്കുമെന്ന പ്രതീക്ഷയിൽ പ്രവർത്തിക്കുന്ന ഇത്തരം സ്കൂളുകൾക്ക് അംഗീകാരം നൽകുന്നതിന് പകരം എ. ഇ. ഒ മുഖേന അടച്ചുപൂട്ടാനുള്ള കത്ത് നൽകി നിരാശരാക്കിയതായി അസ്മി യോഗം കുറ്റപ്പെടുത്തി. അസ്മിയുടെ കീഴിൽ രജിസ്റ്റർ ചെയ്ത സ്ഥാപന മേധാവികളും അംഗീകാരമില്ലാത്ത മറ്റ് സ്കൂൾ മേധാവികളും സമര പ്രഖ്യാപന കൺവൻഷനിൽ പങ്കെടുക്കണമെന്ന് യോഗം ആഹ്വാനം ചെയ്തു. യോഗത്തിൽ അസ്മി സംസ്ഥാന പ്രസിഡണ്ട് പാണക്കാട് അബ്ബാസലി ശിഹാബ് തങ്ങൾ അധ്യക്ഷനായി. സമസ്ത മാനേജർ കെ. മോയിൻകുട്ടി മാസ്റ്റർ മുഖ്യ പ്രഭാഷണം നടത്തി. കെ. കെ. എസ് തങ്ങൾ, പി. വി മുഹമ്മദ് മൗലവി, അബ്ദുസ്സലാം ഫൈസി ഒളവട്ടൂർ, നവാസ് ഓമശ്ശേരി, റഷീദ് കബളക്കാട്, സലീം എടക്കര, ഒ. കെ. എം കുട്ടി ഉമരി, അഡ്വ. പി. പി ആരിഫ് ഡോ. കെ. വി അലി അക്ബർ ഹുദവി, അഡ്വ. നാസർ കാളമ്പാറ, എൻ. പി ആലി ഹാജി, ഇസ്മാഈൽ മുസ്ല്യാർ കൊടക്, പി. സൈതലി മാസ്റ്റർ, പി. വി കുഞ്ഞിമരക്കാർ, മുഹമ്മദ് ഫൈസി അടിമാലി, മജീദ് പറവണ്ണ, കെ. എം കുട്ടി എടക്കുളം സംസാരിച്ചു. അസ്മി സംസ്ഥാന ജനറൽ സെക്രട്ടറിഹാജി പി. കെ മുഹമ്മദ സ്വാഗതവും വർക്കിംഗ് സെക്രട്ടറി റഹീം ചുഴലി നന്ദിയും പറഞ്ഞു. 
- Samasthalayam Chelari

ന്യൂനപക്ഷ സ്കൂളുകൾക്ക് അംഗീകാരം നൽകി പ്രവർത്തിക്കാൻ അനുവദിക്കണം: അസ്മി

കോഴിക്കോട്: അംഗീകാരത്തിന്റെ കാരണം പറഞ്ഞ് ന്യൂന പക്ഷ സ്കൂളുകൾ അടച്ചു പൂട്ടാനുള്ള നീക്കത്തിൽ നിന്നും സർക്കാർ പിൻമാറണമെന്ന് രാമനാട്ടുകര സ്പിന്നിംഗ് മിൽ ലേമോഷെ ഇൻ ഹോട്ടൽ ഓഡിറ്റോറിയത്തിൽ വെച്ച് നടന്ന അസ്മി മാനേജ്മെൻറ് പ്രിൻസിപ്പൽ വർക്ക്ഷോപ്പ് ആവശ്യപ്പെട്ടു. സർക്കാർ നിർദ്ദേശിക്കുന്ന മുഴുവൻ മാനദണ്ഡങ്ങളും പാലിച്ച് മികച്ച നിലവാരത്തോടെ പ്രവർത്തിക്കുന്ന അനേകം സ്കൂളുകളാണ് അംഗീകാരത്തിനായി കാത്തിരിക്കുന്നതെന്നും ഇവക്ക് ഉടൻ അംഗീകാരം നൽകുന്നതിന് വേണ്ട നടപടി സ്വീകരിക്കണമെന്നും യോഗം ആവശ്യപ്പെട്ടു. ഇതു സംബന്ധമായി 24 ന് രാവിലെ 9 മണി കോഴിക്കോട് സമസ്ത ഓഡിറ്റോറിയത്തിൽ വെച്ച് നടക്കുന്ന സമര പ്രഖ്യാപന കൺവൻഷനിൽ സമാനമനസ്കരായ എല്ലാ സ്കൂൾ പ്രതിനിധികളും പങ്കെടുക്കണമെന്നും കൺവൻഷൻ ആഹ്വാനം ചെയ്തു. എസ്. എം. എഫ് സംസ്ഥാന ജനറൽ സെക്രട്ടറി ഉമർ ഫൈസി മുക്കം ഉദ്ഘാടനം ചെയ്തു. അസ്മി സംസ്ഥാന വൈസ് പ്രസിഡണ്ട് പി. വി മുഹമ്മദ് മൗലവി അധ്യക്ഷനായി. ന്യൂനപക്ഷ വികസന ധനകാര്യ കോർപറേഷൻ ചെയർമാൻ പ്രഫസർ എ. പി അബ്ദുൽ വഹാബ് മുഖ്യാതിഥിയായിരുന്നു. എസ്. വൈ. എസ് സംസ്ഥാന വർക്കിംഗ് സെക്രട്ടറി അബ്ദുസ്സമദ് പൂക്കോട്ടൂർ, അസ്മി സംസ്ഥാന വൈസ് പ്രസിഡണ്ട് അബ്ദുസ്സലാം ഫൈസി ഒളവട്ടൂർ എന്നിവർ ക്ലാസിന് നേതൃത്വം നൽകി. സമസ്ത മാനേജർ കെ. മോയിൻകുട്ടി മാസ്റ്റർ മുഖ്യ പ്രഭാഷണം നടത്തി. ഹാജി പി. കെ മുഹമ്മദ്, എം. എ ചേളാരി, കെ. കെ. എസ് തങ്ങൾ, യു. ശാഫി ഹാജി, എൻ. പി ആലി ഹാജി, റഹീം ചുഴലി, സലിം എടക്കര, അഡ്വ. പി. പി ആരിഫ് , മജീദ് പറവണ്ണ സംസാരിച്ചു. റഷീദ് കമ്പളക്കാട് സ്വാഗതവും നവാസ് ഓമശ്ശേരി നന്ദിയും പറഞ്ഞു. 
Photo: അസ്മി മാനേജ്മെൻറ് പ്രിൻസിപ്പൽ വർക്ക് ഷോപ്പ് എസ്. എം. എഫ് സംസ്ഥാന ജനറൽ സെക്രട്ടറി ഉമർ ഫൈസി മുക്കം ഉദ്ഘാടനം ചെയ്യുന്നു. 
- Samasthalayam Chelari