മനാമ: ബാബരി മസ്ജിദ് തകര്ക്കപ്പെട്ടതിന്റെ 20 ആം വാര്ഷിക ദിനമായ ഇന്നലെ രാജ്യത്തിനകത്തും പുറത്തുമുള്ള വിശ്വാസികള് അമര്ഷം ഉള്ളിലൊതുക്കി പ്രാര്ത്ഥനയില് മുഴുകി.
ബാബരി മസ്ജിദ് തകര്ത്തതിന്റെ വാര്ഷികം പ്രാര്ത്ഥന ദിനമായി ആചരിക്കാനുള്ള സമസ്ത, എസ്.കെ. എസ്. എസ്. എഫ് നേതാക്കളുടെ ആഹ്വാനം മാനിച്ചാണ് കേരളത്തിനകത്തും പുറത്തും ഗള്ഫ് രാഷ്ട്രങ്ങളിലുമുള്ള വിശ്വാസികള് വിവിധ കേന്ദ്രങ്ങളില് പ്രാര്ത്ഥനാ ചടങ്ങുകള് ഒരുക്കിയത്.
എസ്.കെ. എസ്. എസ്. എഫ് കേന്ദ്ര ആസ്ഥാനമായ ഇസ്ലാമിക് സെന്ററില് നടന്ന പ്രാര്ത്ഥനാ ചടങ്ങിന് സംസ്ഥാന പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള് നേതൃത്വം നല്കി. ജനറല് സെക്രട്ടറി അഡ്വ. ഓണമ്പിള്ളി മുഹമ്മദ് ഫൈസിയും കേന്ദ്ര സംസ്ഥാന ഭാരവാഹികളും പങ്കെടുത്തു.
ഇന്ത്യക്കു പുറമെ യു.എ.ഇ, സൌദി, ഖത്തര്, ബഹ്റൈന്, കുവൈത്ത്, ഒമാന് എന്നീ ഗള്ഫു രാഷ്ടങ്ങളിലും പ്രാര്ത്ഥനാ ചടങ്ങുകള് നടന്നു.
ബഹ്റൈനിലെ മനാമ സമസ്താലയത്തില് നടന്ന പ്രാര്ത്ഥനാ ചടങ്ങിന് സയ്യിദ് ഫക്റുദ്ധീന് തങ്ങള് നേത്²ൃത്വം നല്കി. സമസ്ത കേരള സുന്നീജമാഅത്ത് ബഹ്റൈന് ഘടകത്തിനു കീഴില് മനാമക്കു പുറമെ ഹൂറ, ഗുദൈബിയ, സല്മാനിയ്യ, ഹിദ്ധ്, ജിദാലി, റഫ, ഹമദ്ടൌണ്, ദാറു ഖുലൈബ് തുടങ്ങിയ ഏരിയകളില് പ്രവര്ത്തിക്കുന്ന സമസ്ത ഏരിയാ കേന്ദ്രങ്ങളിലും പ്രാര്ത്ഥനാ ചടങ്ങുകള് നടന്നു
ന്യൂഡല്ഹി: ബാബരി മസ്ജിദ് തകര്ത്തത് ആസൂത്രിതമെന്ന് കോബ്ര പോസ്റ്റിന്റെ വെളിപ്പെടുത്തല്. മുന് പ്രധാനമന്ത്രി പിവി നരസിംഹറാവു, മുതിര്ന്ന ബിജെപി നേതാവ് എല്.കെ അദ്വാനി, മുന് യുപി മുഖ്യമന്ത്രി കല്ല്യാണ് സിങ്, ഉമാഭാരതി എന്നിവര്ക്ക് ഗൂഢാലോചന അറിയാമെന്നും കോബ്ര പോസ്റ്റ് വെളിപ്പെടുത്തുന്നു. ഓപ്പറേഷന് ജന്മഭൂമി എന്ന പേരില് കോബ്ര പോസ്റ്റ് നടത്തിയ ഒളിക്യാമറ അന്വേഷണത്തിലാണ് ഇക്കാര്യം വ്യക്തമായത്. 23 പേരുമായി നടത്തിയ അഭിമുഖത്തിലാണ് മുതിര്ന്ന നേതാക്കള്ക്ക് ഇക്കാര്യം അറിയാമായിരുന്നുവെന്ന നിര്ണ്ണായക വെളിപ്പെടുത്തല്. പുസ്തകം എഴുതുന്നതിന്റെ ഭാഗമായി അസോസിയേറ്റ് എഡിറ്റര് കെ ആശിഷാണ് 23 പേരെയും അഭിമുഖം നടത്തിയത്. അയോധ്യ, ഫൈസാബാദ്, ലഖ്നോ, ഖൊരാക്പൂര്, മധുര, മൊറാദാബ്ദ്, ജയ്പൂര്, ഔറംഗാബാദ്, മുംബൈ, ഗ്വാലിയാര് തുടങ്ങിയ പ്രദേശങ്ങള് സന്ദര്ശിച്ചാണ് ആശിഷ് അഭിമുഖം തയ്യാറാക്കിയത്. 
മലപ്പുറം: ബാബരി മസ്ജിദിന്റെ തകര്ച്ചക്ക് പതിറ്റാണ്ടുകള് പിന്നിട്ടിട്ടും പുനര്നിര്മാണത്തിന് തയ്യാറാകാത്ത ഭരണാധികാരികളുടെ ക്രൂരമായ നിലപാടില് വിശ്വാസികള് പ്രാര്ത്ഥനാ സദസ്സുകളിലൂടെ ഇന്ന് (വെള്ളി) പ്രതിഷേധിക്കും. ഇന്ന് പള്ളികളില് വെച്ച് സമാധാനത്തിന് വേണ്ടിയും നഷ്ടപ്പെട്ട മുസ്ലിം പള്ളി തിരിച്ച് കിട്ടാനും പ്രാര്ത്ഥന നടത്താന് സുന്നി യുവജന സംഘം നേതാക്കള് മഹല്ല് നേതൃത്വത്തോടും ഖത്വീബുമാരോടും ആഹ്വാനം ചെയ്തു. 
കോഴിക്കോട്: ബാബരി മസ്ജിദിന്റെ തകര്ച്ചയ്ക്ക് 20 വര്ഷം തികയുന്ന ഇന്ന് സംസ്ഥാനവ്യാപകമായി പ്രാര്ഥനാദിനം ആചരിക്കാന് എസ്.കെ.എസ്.എസ്.എഫ് സംസ്ഥാന പ്രസിഡന്റ് പാണക്കാട് അബ്ബാസലി ശിഹാബ് തങ്ങളും ജനറല് സെക്രട്ടറി ഓണംപിള്ളി മുഹമ്മദ് ഫൈസിയും പ്രവര്ത്തകരോട് അഭ്യര്ഥിച്ചു.
എന്നാല്, വര്ഗീയകലാപങ്ങള് ഉണ്ടാക്കി മുസ്ലിംകളെ വംശഹത്യ നടത്തുകയും നിരപരാധികളായ ആറായിരത്തോളം മുസ്ലിം യുവാക്കള് വിചാരണ പോലും ഇല്ലാതെ ജയിലില് കഴിയുകയുമാണ്. 
ഇന്ന് ഡിസംബര് 6. തോഡ്ദോ, തോഡ്ദോ (പൊളിച്ചോ, പൊളിച്ചോ) എന്ന് ആക്രോശിച്ച് വര്ഗ്ഗീയ രാക്ഷസര് ഇന്ത്യന് മതേതരത്വത്തിന്റെ നെറുകെയില് തൃശൂലം കുത്തിയിറക്കി രാജ്യത്തെ കളങ്കപ്പെടുത്തിയ കറുത്ത ദിനം.
