സ്‌കൂള്‍ സമയമാറ്റം; ശിപാര്‍ശ തള്ളണം: എസ്.എം.എഫ്

ചേളാരി: സ്‌കൂള്‍ സമയം രാവിലെ എട്ട് മണിക്ക് ആരംഭിക്കണമെന്ന ഖാദര്‍ കമ്മിറ്റിയുടെ ശിപാര്‍ശ സര്‍ക്കാര്‍ തള്ളിക്കളയണമെന്ന് സമസ്ത കേരള സുന്നീ മഹല്ല് ഫെഡറേഷന്‍ സംസ്ഥാന സെക്രട്ടറിയേറ്റ് യോഗം ആവശ്യപ്പെട്ടു. മദ്രസാ സംവിധാനത്തെ പ്രതികൂലമായി ബാധിക്കുന്ന ശിപാര്‍ശയാണിത്. വിദ്യാര്‍ത്ഥികളുടെ സ്‌കൂള്‍ പഠനത്തിന് വിഘാതമാവാത്ത വിധമാണ് കാലങ്ങളായി മദ്രസാ സമയം ക്രമീകരിക്കപ്പെട്ടിട്ടുള്ളത്. സമസ്തയുടെ പതിനായിരത്തിലധികം മദ്രസകളിലടക്കം ലക്ഷക്കണക്കിന് വിദ്യാര്‍ത്ഥികളാണ് അധ്യയനം നടത്തി വരുന്നത്. വളര്‍ന്ന് വരുന്ന തലമുറക്ക് മത ധാര്‍മികബോധവും, സാമൂഹികാവബോധവും രാജ്യസ്‌നേഹവും പകര്‍ന്ന് നല്‍കി ഉത്തമ പൗരന്‍മാരാക്കി വളര്‍ത്തിയെടുക്കുന്ന വലിയ ദൗത്യം നിര്‍വഹിക്കുന്ന മദ്രസകളെ ലക്ഷ്യം വെച്ചുള്ള നീക്കങ്ങള്‍ അംഗീകരിക്കാനാവില്ല. നേരത്തേ, പാഠ്യപദ്ധതി പരിഷ്‌കരണത്തിന്റെ ഭാഗമായി പാഠ്യപദ്ധതി ചട്ടക്കൂട് തയ്യാറാക്കാന്‍ സമൂഹചര്‍ച്ചക്ക് നല്‍കിയ രേഖയില്‍ വിദ്യാഭ്യാസ വകുപ്പ് തന്നെ ചര്‍ച്ചക്ക് വെച്ച ഈ വിഷയത്തില്‍ വിശ്വാസികളുടെ ആശങ്ക അകറ്റാന്‍ സര്‍ക്കാര്‍ തയ്യാറാകണമെന്നും യോഗം ആവശ്യപ്പെട്ടു.

സമൂഹത്തിന്റെ ധാര്‍മിക നിലവാരം തകര്‍ക്കുന്ന ജെന്റര്‍ ന്യൂട്രാലിറ്റിയെന്ന അപകടകരമായ ആശയത്തിനും വര്‍ധിച്ച് വരുന്ന ലഹരി ഉപഭോഗത്തിനുമെതിരെ മഹല്ലുകള്‍ കേന്ദ്രീകരിച്ച് കാമ്പയിന്‍ സംഘടിപ്പിക്കാന്‍ യോഗം തീരുമാനിച്ചു. ഇതിന്റെ ഭാഗമായുള്ള ആര്‍.പി ശില്‍പശാല ഒക്ടോബര്‍ 1 ശനിയാഴ്ച നടക്കും.

ഒഴിവുണ്ടായിരുന്ന സംസ്ഥാന ജോയിന്റ് സെക്രട്ടറി സ്ഥാനത്തേക്ക് വി.എ.സി കുട്ടി ഹാജി (പാലക്കാട്)യെ തെരഞ്ഞെടുത്തു. ദാറുല്‍ ഹുദാ ഇസ്ലാമിക് യൂണിവേഴ്‌സിറ്റിയില്‍ നടന്ന യോഗം സംസ്ഥാന ട്രഷറര്‍ പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്തു. പ്രസിഡന്റ് പ്രൊഫസര്‍ കെ.ആലിക്കുട്ടി മുസ്ലിയാര്‍ അധ്യക്ഷനായി. അബ്ദുസ്സമദ് പൂക്കോട്ടൂര്‍, സി.ടി.അബ്ദുള്‍ ഖാദര്‍ തൃക്കരിപ്പൂര്‍, ഹംസ ബിന്‍ ജമാല്‍ റംലി തൃശൂര്‍, അഞ്ചല്‍ ബദറുദ്ദീന്‍ കൊല്ലം, ആര്‍.വി.കുട്ടി ഹസന്‍ ദാരിമി, സലാം ഫൈസി മുക്കം, അബൂബക്കര്‍ ഫൈസി മലയമ്മ, നാസര്‍ ഫൈസി കൂടത്തായി, അബൂബക്കര്‍ മാസ്റ്റര്‍ നാട്ടുകല്‍, അബ്ദുല്‍ കരീം ഫൈസി തൊഴിയൂര്‍, അബ്ദുല്‍ കരീം എറണാകുളം, കെ.എ. ശരീഫ് കുട്ടി ഹാജി കോട്ടയം, മഹ്മൂദ് ഹാജി കാസറഗോഡ്, പി.ടി.മുഹമ്മദ് മാസ്റ്റര്‍ കണ്ണൂര്‍, ഹമീദ് മൗലവി കുടക്, ഒ.എം.ശരീഫ് ദാരിമി കോട്ടയം, ഇസ്മാഈല്‍ ഹുദവി ചെമ്മാട് തുടങ്ങിയവര്‍ ചര്‍ച്ചയില്‍ പങ്കെടുത്തു.

സംസ്ഥാന ജനറല്‍ സെക്രട്ടറി യു.മുഹമ്മദ് ശാഫി ഹാജി സ്വാഗതവും ചീഫ് ഓര്‍ഗനൈസര്‍ എ.കെ.ആലിപ്പറമ്പ് നന്ദിയും പറഞ്ഞു.
- SUNNI MAHALLU FEDERATION

എസ്. കെ. എസ്. എസ്. എഫ് മദീന പാഷന്‍ കാഞ്ഞങ്ങാട്ട്. സ്വാഗത സംഘം രൂപീകരിച്ചു

കാഞ്ഞങ്ങാട്: 'നീതി നീങ്ങുന്ന ലോകം, നീതി നിറഞ്ഞ തിരു നബി (സ)' എന്ന പ്രമേയത്തില്‍ എസ്. കെ. എസ്. എസ്. എഫ് സംസ്ഥാന കമ്മിറ്റി ആചരിക്കുന്ന റബീഅ് കാമ്പയിനിന്റെ ഭാഗമായി നടത്തപ്പെടുന്ന മദീന പാഷന്‍ (പ്രവാചക പ്രകീര്‍ത്തന സദസ്സ് ) സെപ്തംപര്‍ 28 ബുധനാഴ്ച്ച ഉച്ചയ്ക്ക് രണ്ട് മണി മുതല്‍ രാത്രി 10 വരെ കാഞ്ഞങ്ങാട് അതിഞ്ഞാലില്‍ നടക്കും.

പരിപാടിയുടെ വിജയത്തിന് വേണ്ടിയുള്ള സംഘാടക സമിതി രൂപീകരണ കണ്‍വെന്‍ഷന്‍ അതിഞ്ഞാല്‍ അന്‍സാറുല്‍ ഇസ്ലാം മദ്‌റസ ഓഡിറ്റോറിയത്തില്‍ നടന്നു. സംസ്ഥാന ഉപാധ്യക്ഷന്‍ താജുദ്ധീന്‍ ദാരിമി പടന്നയുടെ അദ്ധ്യക്ഷതയില്‍ സമസ്ത ജില്ലാ ഉപാധ്യക്ഷന്‍ എം മൊയ്തു മൗലവി പുഞ്ചാവി ഉദ്ഘാടനം ചെയ്തു. മുഹ്‌യുദ്ധീന്‍ കുട്ടി യമാനി വയനാട് സ്വാഗതം പറഞ്ഞു. സംസ്ഥാന വര്‍ക്കിംഗ് സെക്രട്ടറി അയ്യൂബ് മാസ്റ്റര്‍ മുട്ടില്‍, ജില്ലാ പ്രസിഡണ്ട് സുബൈര്‍ ദാരിമി പടന്ന, ട്രഷറര്‍ യൂനുസ് ഫൈസി കാക്കടവ്, വൈസ് പ്രസിഡണ്ട് സഈദ് അസ്അദി പുഞ്ചാവി, എസ് വൈ എസ് സംസ്ഥാന ഉപാദ്യക്ഷന്‍ സി കെ കെ മാണിയൂര്‍, ജില്ലാ ട്രഷറര്‍ മുബാറക് ഹസൈനാര്‍ ഹാജി, അതിഞ്ഞാല്‍ ജമാഅത്ത് മുദരിസ് ശറഫുദ്ധീന്‍ ബാഖവി, പ്രസിഡണ്ട് സി ഇബ്‌റാഹീം ഹാജി, സെക്രട്ടറി പാലാട്ട് ഹുസൈന്‍, ട്രഷറര്‍ തെരുവത്ത് മൂസ ഹാജി, ബശീര്‍ വെള്ളിക്കോത്ത്, നാസര്‍ മാസ്റ്റര്‍ കല്ലൂരാവി, പി ഇസ്മായില്‍ മൗലവി, സി മുഹമ്മദ് കുഞ്ഞി, കെ ബി കുട്ടി ഹാജി, എം കെ അബൂബക്കര്‍ ഹാജി, ഹബീബ് കൂളിക്കാട്, അബ്ദുള്ള ദാരിമി, റഹ്മാന്‍ മുട്ടുന്തല, പി പി അബ്ദുല്‍ റഹ്മാന്‍, ഖാലിദ് അറബിക്കടത്ത്, ബി മുഹമ്മദ്, റമീസ് മട്ടന്‍, റിയാസ് അതിഞ്ഞാല്‍, ബിപി ഫാറൂഖ്, പി എം ഫൈസല്‍, ശരീഫ് മാസ്റ്റര്‍ ബാവ നഗര്‍, അശ്‌റഫ് ദാരിമി കൊട്ടിലങ്ങാട്, ആരിഫ് അഹ്മദ് ഫൈസി, സിയാദ് പുഞ്ചാവി, സ്വദഖതുള്ള മൗലവി, ശരീഫ് മൗലവി, മിദ്‌ലാജ് കല്ലൂരാവി എന്നിവര്‍ സംബന്ധിച്ചു.

സംഘാടക സമിതി:
മുഖ്യ രക്ഷാധികാരി: സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍, പാണക്കാട് സയ്യിദ് ഹമീദലി ശിഹാബ് തങ്ങള്‍, യു എം അബ്ദുല്‍ റഹ്മാന്‍ മുസ്ലിയാര്‍, ത്വാഖ അഹ്മദ് മൗലവി, അബ്ദുല്‍ സലാം ദാരിമി ആലംപാടി, കെ ടി അബ്ദുള്ള മൗലവി. ചെയര്‍മാന്‍: കുറ്റിക്കോല്‍ അബൂബക്കര്‍, വര്‍ക്കിംഗ് ചെയര്‍മാന്‍: തെരുവത്ത് മൂസ ഹാജി, ജനറല്‍ കണ്‍വീനര്‍: താജുദ്ധീന്‍ ദാരിമി പടന്ന, വര്‍ക്കിംഗ് കണ്‍വീനര്‍: സഈദ് അസ്അദി പുഞ്ചാവി, ട്രഷറര്‍: സി കുഞ്ഞാമദ് ഹാജി പാലക്കി.

ഫൈനാന്‍സ് കമ്മിറ്റി: ചെയര്‍മാന്‍: സി കെ കെ മാണിയൂര്‍, കണ്‍വീനര്‍: കെ ബി കുട്ടി ഹാജി.

പ്രചരണ കമ്മിറ്റി: ചെയര്‍മാന്‍: സുബൈര്‍ ദാരിമി പടന്ന, കണ്‍വീനര്‍: നാസര്‍ മാസ്റ്റര്‍ കല്ലൂരാവി.

സ്വീകരണ കമ്മിറ്റി: ചെയര്‍മാന്‍: പി ഇസ്മായില്‍ മൗലവി, കണ്‍വീനര്‍: റഹ്മാന്‍ മുട്ടുന്തല.

സ്റ്റേജ് & ഡക്കറേഷന്‍: ചെയര്‍മാന്‍: ഖാലിദ് അറബിക്കാടത്ത്, കണ്‍വീനര്‍: സി എച്ച് റിയാസ്.

ഫുഡ് & അക്കമഡേഷന്‍: ചെയര്‍മാന്‍: ബി മുഹമ്മദ്, കണ്‍വീനര്‍: റമീസ് മട്ടന്‍.

വൊളണ്ടിയര്‍: ക്യാപ്റ്റന്‍: ലത്തീഫ് തൈക്കടപ്പുറം, വൈസ് ക്യാപ്റ്റന്‍: മുസ്തഫ കൂളിക്കാട്
എന്നിവരേയും തെരെഞ്ഞെടുത്തു

- SKSSF STATE COMMITTEE

ഡോ. ബഹാഉദ്ദീന്‍ മുഹമ്മദ് നദ്‌വി റഷ്യയിലേക്ക്

തിരൂരങ്ങാടി: സമസ്ത കേന്ദ്ര മുശാവറാംഗവും ദാറുല്‍ഹുദാ ഇസ്‍ലാമിക സര്‍വകലാശാലയുടെ വൈസ് ചാന്‍സലറുമായ ഡോ. ബഹാഉദ്ദീന്‍ മുഹമ്മദ് നദ്‌വി റഷ്യയിലേക്ക് യാത്രതിരിച്ചു.

റഷ്യയിലെ ബാഷ്‌കോര്‍ട്ടോസ്റ്റാന്‍ പ്രവിശ്യയുടെ തലസ്ഥാനമായ ഊഫയില്‍ നടക്കുന്ന പതിനാലാമത് രാജ്യാന്തര സമ്മേളനത്തില്‍ വിശിഷ്ടാതിഥിയായി അദ്ദേഹം പങ്കെടുക്കും.

ബാഷ്‌കോര്‍ട്ടോസ്റ്റാന്‍ റിപ്പബ്ലിക്കിന്റെ മതകാര്യ മേധവിയും ഗ്രാന്‍ഡ് മുഫ്തിയുമായ മുഹമ്മദ് ത്വല്‍അത്ത് താജുദ്ദീന്റെ പ്രത്യേക ക്ഷണപ്രകാരമാണ് ഡോ. നദ്‌വി സമ്മേളനത്തില്‍ പങ്കെടുക്കുന്നത്.

ഇബ്രാഹീമീ പാരമ്പര്യങ്ങളുടെ ആദര്‍ശങ്ങളും മൂല്യങ്ങളും: സന്ദേശ-സംവാദത്തിന്റെയും സഹകരണത്തിന്റെയും യോജിപ്പുകള്‍ എന്ന വിഷയത്തില്‍ നടക്കുന്ന രാജ്യാന്തര സെമിനാറില്‍ വിവിധ രാഷ്ട്രങ്ങളില്‍ നിന്നുള്ള മതപണ്ഡിതരും ചിന്തകരും സംബന്ധിക്കുന്നുണ്ട്.

ഗ്രാന്‍ഡ് മുഫ്തിയുടെ സ്ഥാനാരോഹണ പദവിയുടെ നാല്‍പതാം വാര്‍ഷികാഘോഷ പരിപാടികളിലും റഷ്യന്‍ ഇസ്്‌ലാമിക് സര്‍വകലാശാലയിലെ വിവിധ സൗധങ്ങളുടെ ഉദ്ഘാടന ചടങ്ങുകളിലും ബഹാഉദ്ദീന്‍ നദ്‌വി സംബന്ധിക്കും.
- Darul Huda Islamic University

എസ്.എം.എഫ് മോറല്‍ ഡിപ്ലോമ കോഴ്‌സ് ശില്‍പശാല സംഘടിപ്പിക്കുന്നു

ചേളാരി: സമസ്ത കേരള സുന്നീ മഹല്ല് ഫെഡറേഷന്‍ (എസ്.എം.എഫ്) സംസ്ഥാന കമ്മിറ്റിയുടെ കീഴില്‍ നടന്ന് വരുന്ന ഡിപ്ലോമ കോഴ്‌സ് ഇന്‍ മോറല്‍ ആന്റ് പ്രാക്ടിക്കല്‍ എഡ്യുക്കേഷന്‍ (സ്വദേശി ദര്‍സ്) അധ്യാപകര്‍ക്കും സംഘാടകര്‍ക്കും ശില്‍പശാലയും പരിശീലനവും സംഘടിപ്പിക്കാന്‍ അക്കാദമിക് കൗണ്‍സില്‍ യോഗം തീരുമാനിച്ചു. ഒക്ടോബര്‍ 25 ചൊവ്വാഴ്ച നടക്കുന്ന ശില്‍പശാലയില്‍ എസ്.എം.എഫ്, ജംഇയ്യത്തുല്‍ ഖുത്വബാ ജില്ലാ സെക്രട്ടറിമാര്‍, സ്വദേശി ദര്‍സ് ഉപസമിതിയുടെ ജില്ലാ കണ്‍വീനര്‍, നിലവില്‍ കോഴ്‌സ് നടന്ന് കൊണ്ടിരിക്കുന്ന മഹല്ലുകളുടെ ഭാരവാഹികള്‍, കോഴ്‌സിന് നേതൃത്വം നല്‍കുന്ന അധ്യാപകന്‍മാര്‍, എസ്.എം.എഫ് ജില്ലാ കോഡിനേറ്റര്‍മാര്‍ തുടങ്ങിയവരാണ് പങ്കെടുക്കേണ്ടത്.

കോഴിക്കോട് ജില്ലയിലെ കൊയിലാണ്ടി മാടാക്കരയില്‍ നടക്കുന്ന ശില്‍പശാലയുടെ ഉദ്ഘാടന സെഷനില്‍ കോഴ്‌സ് അക്കാദമിക് കൗണ്‍സില്‍ ചെയര്‍മാന്‍ കെ. ഉമര്‍ ഫൈസി മുക്കം, ജനറല്‍ കണ്‍വീനര്‍ ഡോ. ബഹാഉദ്ദീന്‍ മുഹമ്മദ് നദ്‌വി കൂരിയാട്, എസ്.എം.എഫ് സംസ്ഥാന ജനറല്‍ സെക്രട്ടറി യു. മുഹമ്മദ് ശാഫി ഹാജി ചെമ്മാട്, ജംഇയ്യത്തുല്‍ ഖുത്വബാ സംസ്ഥാന ജനറല്‍ സെക്രട്ടറി നാസര്‍ ഫൈസി കൂടത്തായി, വര്‍ക്കിങ് സെക്രട്ടറി ഹംസ റഹ്മാനി കൊണ്ടിപറമ്പ്, ചീഫ് ഓര്‍ഗനൈസര്‍ എ.കെ.ആലിപ്പറമ്പ് സംബന്ധിക്കും. ആസിഫ് ദാരിമി പുളിക്കല്‍, ഡോ. അബ്ദുല്‍ ഖയ്യൂം കടമ്പോട് ശില്‍പശാലക്ക് നേതൃത്വം നല്‍കും. ചേളാരി സമസ്താലയത്തില്‍ ചേര്‍ന്ന അക്കാദമിക് കൗണ്‍സില്‍ യോഗത്തില്‍ ഉമര്‍ ഫൈസി മുക്കം അധ്യക്ഷനായി. ഡോ. ബഹാഉദ്ദീന്‍ നദ്‌വി, യു. മുഹമ്മദ് ശാഫി ഹാജി, എ.കെ.ആലിപ്പറമ്പ്, ഒ.എം.ശരീഫ് ദാരിമി കോട്ടയം, പി.സി. ഉമര്‍ മൗലവി വയനാട്, ഇസ്മാഈല്‍ ഹുദവി ചെമ്മാട്, ഖാജാ ഹുസൈന്‍ ഉലൂമി പാലക്കാട്, യാസര്‍ ഹുദവി കാസറഗോഡ്, നൂറുദ്ദീന്‍ ഫൈസി കോഴിക്കോട് എന്നിവര്‍ ചര്‍ച്ചയില്‍ പങ്കെടുത്തു.
- SUNNI MAHALLU FEDERATION

പാഠ്യ പദ്ധതി കരട് രേഖ; ട്രെന്റ് ടേബിൽ ടോക്ക്

കേരള സർക്കാർ പുറത്തിറക്കിയ പുതിയ പാഠ്യപദ്ധതി കരട് രേഖയെ അടിസ്ഥാനപ്പെടുത്തിയുള്ള ട്രെന്റ് ടേബിൽ ടോക്ക് കോഴിക്കോട് വെച്ച് നടന്നു. എസ് കെ എസ് എസ് എഫ് വിദ്യാഭ്യാസ വിഭാഗമായ ട്രന്റ് സംസ്ഥാന സമിതിയാണ് ടേബിൾ ടോക് സംഘടിപ്പിച്ചത്. സമസ്ത മാനേജർ കെ. മോയിൻകുട്ടി മാസ്റ്റർ ടേബിൾ ടോക് ഉൽഘാടനം ചെയ്തു. എസ് കെ എസ് എസ് എഫ് ട്രെന്റ് സംസ്ഥാന കൺവീനർ ഡോ അബ്ദുൽ കയ്യും കടമ്പോട് മോഡറേറ്ററായി. പ്രൊഫ കെ പി അബൂബക്കർ സിദ്ധീഖ്, പ്രൊഫ. പികമറുദ്ധീൻ, വി. അബ്ദുൾ നാസിർ എന്നിവർ കരട്‌ രേഖ അവതരിപ്പിച്ചു. വളാഞ്ചേരി മർക്കസ് ബിഎഡ് കോളേജ് പ്രിൻസിപ്പാൾ ഡോ. ഫൈസൽ കുളത്തൂർ, സി കെ സി ടി മലപ്പുറം ജില്ലാ പ്രസിഡന്റ് പ്രൊഫ. ജാഫർ ഓടക്കൽ, കെ എച്ച് എസ് ടി യു സംസ്ഥാന സെക്രട്ടറി അബ്ദുൾ ജലീൽ പാണക്കാട്, കെ എസ് ടി യു സംസ്ഥാന ഓർഗനൈസിങ് സെക്രട്ടറി പി കെ അസീസ്, കെ യു ടി എ സംസ്ഥാന സെക്രട്ടറി ടി. അബ്ദുൾ റഷീദ്, കെ എ ടി എഫ് സംസ്ഥാന സമിതി അംഗം മൻസൂർ എം ചർച്ചക്ക് നേതൃത്വം നൽകി. ഡോ ഹസ്സൻ ശരീഫ് കെ പി, ഷിഹാബുദീൻ അലുങ്ങൽ, ഷാഫി മാസ്റ്റർ ആട്ടീരി, സലാം മലയമ്മ, റാഫി വയനാട്, കാമിൽ ചോലമാട്, ശുകൂർ കണ്ട കൈ, നിഷാദ് അടിമാലി, അംജദ് ആലപ്പുഴ, ഉസാം പള്ളങ്കോട് തുടങ്ങി വിവിധ സംഘടനാ പ്രതിനിധികൾ, മാധ്യമപ്രവർത്തകർ തുടങ്ങിയവർ ചർച്ചയിൽ പങ്കെടുത്തു. എസ് കെ എസ് എസ് എഫ് സംസ്ഥാന ജനറൽ സെക്രട്ടറി റഷീദ് ഫൈസി വെള്ളായിക്കോട് സമാപന സന്ദേശം നൽകി. ചർച്ചയിലെ നിർദ്ദേശങ്ങൾ സംസ്ഥാന സർക്കാറിന് സമർപ്പിക്കും.
- SKSSF STATE COMMITTEE

ലഹരി നിർമാർജനത്തിന് മഹല്ലുകൾ മുന്നിട്ടിറങ്ങണം: സുന്നീ മഹല്ല് ഫെഡറേഷൻ

ചേളാരി: ജനതയുടെ സാമൂഹികാരോഗ്യവും സാംസ്കാരിക ബോധവും പുതിയ തലമുറയുടെ ക്രിയാത്മകതയും ധാർമികതയും തകർക്കുന്ന ലഹരിയെന്ന മഹാവിപത്തിനെതിരെ മഹല്ലുജമാഅത്തുകളും സംഘടനാ പ്രവർത്തകരും അതീവ ജാഗ്രതയോടെ കർമരംഗത്തിറങ്ങണമെന്ന് സമസ്ത കേരള സുന്നീ മഹല്ല് ഫെഡറേഷൻ സംസ്ഥാന പ്രസിഡൻ്റ് പ്രൊഫ.കെ.ആലിക്കുട്ടി മുസ്ലിയാർ, ജനറൽ സെക്രട്ടറി യു.മുഹമ്മദ് ശാഫി ഹാജി ചെമ്മാട്, ട്രഷറർ സയ്യിദ് അബ്ബാസലി ശിഹാബ് തങ്ങൾ, വർക്കിങ് സെക്രട്ടറി അബ്ദുസ്സമദ് പൂക്കോട്ടൂർ എന്നിവർ ആഹ്വാനം ചെയ്തു. വ്യക്തി ജീവിതത്തിൻ്റെ അന്തസ്സും കുടുംബത്തിൻ്റെ ഭദ്രതയും സമൂഹത്തിൻ്റെ സ്വസ്ഥതയും ഇല്ലാതാക്കുന്ന ലഹരിയോടുള്ള അഡിക്ഷൻ അത്യന്തം അപകടകരമാം വിധം പുതിയ തലമുറയിൽ വർധിച്ച് വരികയാണ്. സാമൂഹിക പ്രതിബദ്ധതയുള്ള ആർക്കും ഈ അപകടം കണ്ടില്ലെന്ന് നടിക്കാനാവില്ല.

മഹല്ല് സ്ക്വാഡുകൾ രൂപീകരിച്ച് ഗൃഹ സന്ദർശനം നടത്തിയും വ്യക്തി സമ്പർക്കത്തിലൂടെയും ലഹരിയടക്കമുള്ള അപകടങ്ങളെക്കുറിച്ച് ബോധവൽകരിക്കാനും പ്രതിരോധ പ്രവർത്തനങ്ങൾ നടത്താനും സുന്നീ മഹല്ല് ഫെഡറേഷൻ വിവിധ കർമപദ്ധതികൾ തയ്യാറാക്കിയിട്ടുണ്ട്. സംഘടനയുടെ കീഴിലുള്ള എല്ലാ മഹല്ലുകളിലും ബഹുജന വിദ്യാർത്ഥി യുവജന സംഗമങ്ങൾ വെവ്വേറെ വിളിച്ച് ചേർക്കാനും തീരുമാനമായിട്ടുണ്ട്. ഖത്തീബുമാർ, മദ്രസ അധ്യാപകർ,മദ്രസ പൂർവ്വ വിദ്യാർത്ഥി സംഘടനകൾ, എസ്.കെ.എസ്.എസ്.എഫ് ,എസ്.വൈ.എസ് പോലെയുള്ള വിദ്യാർത്ഥി - യുവജന കൂട്ടായ്മകളുടെ സഹായത്തോടെ ഈ കർമപദ്ധതി മഹല്ലുകളിൽ നടപ്പിലാക്കണം. സർക്കാർ ഏജൻസികളും തദ്ദേശ സ്വയംഭരണ സ്ഥാപനങ്ങളും നടത്തുന്ന ലഹരി വിരുദ്ധ പ്രവർത്തനങ്ങൾക്ക് മഹല്ലുകൾ പിന്തുണ നൽകണം. ലഹരി നിർമാർജന പ്രവർത്തനങ്ങൾക്കെന്ന വ്യാജേന മഹല്ലുകളിൽ കടന്ന് കയറാൻ ശ്രമിക്കുന്ന ബാഹ്യശക്തികളെ തിരിച്ചറിയണമെന്നും ജെൻഡർ ന്യൂട്രാലിറ്റി നടപ്പിലാക്കാനും സമൂഹത്തിൽ ലൈംഗിക അരാജകത്വം സൃഷ്ടിക്കാനുമുള്ള ആസൂത്രിത ശ്രമങ്ങൾക്കെതിരെ സമസ്ത കേരള ജംഇയ്യത്തുൽ ഖുത്വബാ നടത്തുന്ന കാമ്പയിൻ വിജയിപ്പിക്കാൻ മഹല്ലുകമ്മിറ്റി അംഗങ്ങൾ മുൻകയ്യെടുക്കണമെന്നും നേതാക്കൾ അഭ്യർത്ഥിച്ചു.
- SUNNI MAHALLU FEDERATION

SKSSF ക്യാമ്പസ് യാത്ര ഓഗസ്റ്റ് 24 മുതല്‍. പതാക കൈമാറ്റം നാളെ (തിങ്കള്‍)

മലപ്പുറം :'ധൈഷണിക യൗവനം നൈതിക സംവേദനം' എന്ന പ്രമേയത്തില്‍ എസ്. കെ. എസ്. എസ്. എഫ് ക്യാമ്പസ് വിംഗ് സംസ്ഥാന സമിതി നടത്തുന്ന ക്യാമ്പസ് യാത്രയുടെ പതാക കൈമാറ്റം നാളെ (തിങ്കള്‍ ) നടക്കും. രാവിലെ 8 മണിക്ക് ചെമ്മാട് ദാറുല്‍ ഹുദാ കാമ്പസില്‍ വെച്ച് നടക്കുന്ന ചടങ്ങില്‍ സമസ്ത കേരള ജംഇയ്യത്തുല്‍ ഉലമ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ജാഥാ നായകന്‍ പാണക്കാട് സയ്യിദ് ഹമീദലി ശിഹാബ് തങ്ങള്‍ക്ക് പതാക കൈമാറും.

ചടങ്ങില്‍ സയ്യിദ് കെ കെ എസ് തങ്ങള്‍ വെട്ടിച്ചിറ, റശീദ് ഫൈസി വെള്ളയിക്കോട്, സയ്യിദ് ഫഖ്‌റുദ്ധീന്‍ തങ്ങള്‍ കണ്ണന്തളി, സത്താര്‍ പന്തലൂര്‍, ഹബീബ് ഫൈസി കോട്ടോപാടം, സയ്യിദ് ഹാശിര്‍ അലി ശിഹാബ് തങ്ങള്‍ പാണക്കാട്, അയ്യൂബ് മുട്ടില്‍, ബശീര്‍ അസ്അദി നമ്പ്രം, ആശിഖ് കുഴിപ്പുറം, ഒ. പി. എം അശ്‌റഫ് കുറ്റിക്കടവ്, അന്‍വര്‍ മുഹ്‌യുദ്ധീന്‍ ഹുദവി തൃശ്ശൂര്‍, ഇസ്മായില്‍ യമാനി മംഗലാപുരം, അനീസ് റഹ്മാന്‍ മണ്ണഞ്ചേരി, അബ്ദുല്‍ ഖാദര്‍ ഹുദവി പള്ളിക്കര, ത്വാഹ നെടുമങ്ങാട്, ഡോ കെ ടി ജാബിര്‍ ഹുദവി, ജലീല്‍ ഫൈസി അരിമ്പ്ര, അബ്ദുല്‍ ഖാദര്‍ ഫൈസി തലക്കശ്ശേരി, ശഹീര്‍ അന്‍വരി പുറങ്ങ്, ശമീര്‍ ഫൈസി ഒടമല, സി ടി അബ്ദുല്‍ ജലീല്‍ പട്ടര്‍കുളം, നാസിഹ് മുസ്‌ലിയാര്‍ ലക്ഷദ്വീപ്, സലീം റശാദി കൊളപ്പാടം, സയ്യിദ് മുബശ്ശിര്‍ തങ്ങള്‍ ജമലുല്ലൈലി, മുജീബ് റഹ്മാന്‍ അന്‍സ്വരി നീലഗിരി, നൗഷാദ് ഫൈസി എം കൊടക്, അബൂബക്കര്‍ യമാനി കണ്ണൂര്‍, സ്വാലിഹ് പി എം കുന്നം, നൂറുദ്ധീന്‍ ഫൈസി മുണ്ടുപാറ, മുഹ്‌യുദ്ധീന്‍ കുട്ടി യമാനി പന്തിപ്പോയില്‍, റിയാസ് റഹ്മാനി മംഗലാപുരം, അനീസ് ഫൈസി മാവണ്ടിയൂര്‍, താജുദ്ധീന്‍ ദാരിമി പടന്ന, മുഹമ്മദ് ഫൈസി കജ, ഫാറൂഖ് ഫൈസി മണിമൂളി, അലി വാണിമേല്‍, സയ്യിദ് അബ്ദു റഷീദലി ശിഹാബ് തങ്ങള്‍, സയ്യിദ് സാബിഖലി ശിഹാബ് തങ്ങള്‍, അബ്ദുല്‍ ഖാദര്‍ ഖാസിമി, അബ്ദുറഹീം മാസ്റ്റര്‍ ചുഴലി, മുഹമ്മദലി മാസ്റ്റര്‍, യുനുസ് ഫൈസി വെട്ടുപ്പാറ, ഇസ്ഹാഖ് ബാഖവി ചെമ്മാട് അന്‍വര്‍ ഹുസൈന്‍ ഹുദവി, സയ്യിദ്റാജിഹ് അലി ശിഹാബ് തങ്ങള്‍, ശാഫി വയനാട, ്‌സയ്യിദ് ഉനൈസ് തങ്ങള്‍ ജമലുലൈലി, ജസീബ് വെളിമുക്ക് എന്നിവര്‍ സംബന്ധിക്കും.

ഓഗസ്റ്റ് 24 ന് തിരുവനന്തപുരം കാര്യവട്ടം യൂണിവേഴ്‌സിറ്റി ക്യാമ്പസില്‍ വച്ച് ആരംഭിക്കുന്ന യാത്ര സെപ്റ്റംബര്‍ 24ന് മംഗലാപുരത്ത് സമാപിക്കും.
- SKSSF STATE COMMITTEE

ഏഴ് മദ്റസകള്‍ക്കുകൂടി അംഗീകാരം; സമസ്ത മദ്റസകളുടെ എണ്ണം 10521 ആയി

കോഴിക്കോട് :സമസ്ത കേരള ഇസ്ലാം മത വിദ്യാഭ്യാസ ബോര്‍ഡ് നിര്‍വ്വാഹക സമിതി യോഗം പുതുതായി ഏഴ് മദ്റസകള്‍ക്കുകൂടി അംഗീകാരം നല്‍കി. ഇതോട് കൂടി സമസ്ത മദ്റസകളുടെ എണ്ണം 10521 ആയി.

ഗ്ലോബല്‍ ഇംഗ്ലീഷ് മീഡിയം സ്കൂള്‍ മദ്റസ-മജീര്‍പ്പള്ള-വൊര്‍ക്കാടി, ശംസുല്‍ ഉലമാ മദ്റസ-ബട്ടിപ്പദവ്-മീഞ്ച (കാസര്‍ഗോഡ്), ഇസ്സത്തുല്‍ ഇസ്ലാം മദ്റസ - കടമ്പൂര്‍-തളിപ്പറമ്പ്, ഹിദായത്തുല്‍ ഇസ്ലാം ട്രെന്റ് അസ്മി മദ്റസ- മൗവ്വഞ്ചേരി (കണ്ണൂര്‍), ബൈത്തുല്‍ഹുദാ അസ്മി സ്കൂള്‍ മദ്റസ- അത്താണിക്കല്‍-വൈലത്തൂര്‍ (മലപ്പുറം), ഖാജാ മുഈനുദ്ദീന്‍ ചിശ്ത്തിയ്യ ബ്രാഞ്ച് മദ്റസ - മേക്കരം കുന്ന്-ആലുവ, സൈത്തൂന്‍ ഇസ്ലാമിക് സ്റ്റഡി സെന്റര്‍ -നോര്‍ത്ത് കുഞ്ഞാട്ടുകര-എടത്തല (എറണാകുളം) എന്നീ മദ്റസകള്‍ക്കാണ് പുതുതായി അംഗീകാരം നല്‍കിയത്.

സമസ്ത ലീഗല്‍ സെല്‍ ചെയര്‍മാനായി വാണിയമ്പലം കുഞ്ഞുമോന്‍ ഹാജിയെയും ജനറല്‍ കണ്‍വീനറായി ഇസ്മായില്‍കുഞ്ഞ് ഹാജി മാന്നാറിനെയും തെരഞ്ഞെടുത്തു. പ്രസിഡണ്ട് പി.കെ മൂസക്കുട്ടി ഹസ്രത്ത് അദ്ധ്യക്ഷനായി. ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ സ്വാഗതം പറഞ്ഞു. പ്രൊഫ. കെ.ആലിക്കുട്ടി മുസ്ലിയാര്‍, പി.പി ഉമ്മര്‍ മുസ്ലിയാര്‍ കൊയ്യോട്, കെ.ടി ഹംസ മുസ്‌ലിയാര്‍, കെ.ഉമര്‍ ഫൈസി മുക്കം, ഡോ.ബഹാഉദ്ദീന്‍ മുഹമ്മദ് നദ്‌വി കൂരിയാട്, എ.വി അബ്ദുറഹിമാന്‍ മുസ്ലിയാര്‍, വാക്കോട് എം.മൊയ്തീന്‍ കുട്ടി ഫൈസി, ഡോ.എന്‍.എ.എം അബ്ദുല്‍ഖാദിര്‍, എം.സി മായിന്‍ ഹാജി, അബ്ദുല്‍ഹമീദ് ഫൈസി അമ്പലക്കടവ്, അബ്ദുസ്സമദ് പൂക്കോട്ടൂര്‍, ഇ. മൊയ്തീന്‍ ഫൈസി പുത്തനഴി, ഇസ്മായില്‍ കുഞ്ഞു ഹാജി മാന്നാര്‍, എസ്. സഈദ് മുസ്ലിയാര്‍ വിഴിഞ്ഞം, എം. അബ്ദുറഹിമാന്‍ മുസ്‌ലിയാര്‍ കൊടക് ചര്‍ച്ചയില്‍ പങ്കെടുത്തു. ജനറല്‍ മാനേജര്‍ കെ. മോയിന്‍കുട്ടി മാസ്റ്റര്‍ നന്ദി പറഞ്ഞു.
- Samasthalayam Chelari

ഹാജിമാരെ സേവിച്ച് മിനയിൽ നിന്ന് ചാരിഥാർഥ്യത്തോടെ വിഖായ സംഘം മടങ്ങി, ഇനി മക്കയിൽ സജീവം

മക്ക: മക്കയിൽ ഹാജിമാരെ സേവിക്കുന്നതിൽ നിസ്‌തുല പങ്കു വഹിച്ച "വിഖായ" സന്നദ്ധ സേവക പ്രവർത്തകർ അല്ലാഹുവിന്റെ അതിഥികൾക്ക് വേണ്ടി സേവന നിരതരായ ചാരിതാർഥ്യത്തിൽ. ഹാജിമാർ മക്കയിൽ എത്തിയത് മുതൽ സജീവമായ വിഖായ സംഘം അവസാന ഹാജിയും മക്കയിൽ നിന്നും വിടപറയുന്നത് വരെ ഇവിടെ ഓരോ മേഖലയിലും രംഗത്തുണ്ടാകും. പുണ്യ നഗരികളിൽ എത്തിയ ഹാജിമാർക്ക് തങ്ങളുടേതായ സേവന മുദ്രകൾ നൽകിയാണ് വിഖായ മിനായിൽ നിന്നും പടിയിറങ്ങിയത്. തികച്ചും ആത്മാര്ഥതതയിലൂന്നിയ പ്രവർത്തനമാണ് മക്ക, മദീന, മിന, അറഫ എന്നിവിടങ്ങളിൽ സമസ്‌ത ഇസ്‌ലാമിക് സെന്റർ സഊദി നാഷണൽ കമ്മിറ്റിക്ക് കീഴിലുള്ള വിഖായ കർമ്മ സംഘം കാഴ്ച വെച്ചത്.

മദീനയിൽ ആദ്യ മലയാളി ഹാജിമാർ എത്തിയത് മുതൽ രംഗത്തിറങ്ങിയ വിഖായ, പിന്നീട് ഹാജിമാർ മക്കയിൽ എത്തിയതോടെ ഇവിടെയും സജീവമാകുകയായിരുന്നു. തുടർന്ന് ഹജ്ജ് ആരംഭിച്ച ദിവസം മുതൽ മിനയിലും അറഫാത്തിലും, മുസ്‌ദലിഫ, ജംറകളിലെ കല്ലേറ് നിർവ്വഹിക്കുന്ന സ്ഥലങ്ങൾ, മക്ക തുടങ്ങിയ സ്ഥലങ്ങളിലും സമസ്‌തക്ക് കീഴിലെ വിഖായ പ്രവർത്തകർ സ്ത്യുത്യർഹമായ സേവനങ്ങളാണ് നടത്തിയത്. ഹാജിമാർക്ക് കൈത്താങ്ങായി വിഖായ മിനയിൽ നടത്തുന്ന സേവനം ആരെയും ആശ്ചര്യപെടുത്തുന്നതായിരുന്നു. കത്തുന്ന വെയിലിൽ ഹാജിമാർക്ക് ആവശ്യമായ കാര്യങ്ങൾ ചെയ്‌തു കൊടുക്കുന്നതിൽ ഏറെ മുന്നിലായിരുന്നു. മിനയിൽ ഇന്ത്യൻ ഹാജിമാർക്കും പ്രത്യേകിച്ച് മലയാളി ഹാജിമാർക്കും താങ്ങും തണലുമായി നിരവധി വിഖായ വളണ്ടിയർ അംഗങ്ങളാണ് ഷിഫ്റ്റുകളിലായി സേവനത്തിലേർപ്പെട്ടിരുന്നത്. വഴി തെറ്റുന്ന ഹാജിമാരെ കണ്ടെത്തിയാൽ അവരുടെ ടെന്റുകളിലോ ലക്ഷ്യ സ്ഥാനങ്ങളിലോ എത്തിക്കുക, ശാരീരിക അവശത അനുഭവിക്കുന്നവർക്ക് കൈത്താങ്ങാകുക, വീൽ ചെയർ സഹായം നൽകുക, ആരോഗ്യ പ്രശ്‌നങ്ങൾ ഉള്ളവർക്ക് ആശുപത്രി സേവനം ഉൾപ്പെടെയുള്ളത് ഏർപ്പാടാക്കുക എന്നിങ്ങനെ എണ്ണിയാൽ ഒടുങ്ങാത്ത സേവനങ്ങളാണ് ഇവർ ഇവിടെ ഹാജിമാർക്കായി ചെയ്‌തു വന്നിരുന്നത്. കൂടത്തെ, മദീനയിൽ ചരിത്ര സ്ഥല സന്ദർശനങ്ങളുടെ സന്ദർശനം, ഭക്ഷണം, സിയാറത്ത് എന്നിവക്കും വിഖായ പ്രവർത്തകർ സഹായത്തിനായുണ്ടായിരുന്നു.

വഴിതെറ്റിയതോ ക്ഷീണിതരോ ആയ ഹാജിയെ കാണുമ്പോൾ ദേശമോ ഭാഷയോ വർണ്ണമോ നോക്കാതെ അവരുടെ ആവശ്യങ്ങൾ നിറവേറ്റാൻ കാണിക്കുന്ന മഹാ മസ്‌കതയാണ് മിനായിൽ ഹജ്ജ് വളണ്ടിയർ സംഘങ്ങളിൽ കാണാൻ കഴിയുന്നത്. വിഖായയെ കൂടാതെ, വിവിധ രാഷ്‌ട്രീയ പാർട്ടികളുടെയും സാമൂഹ്യ സംഘടനകളുടെയും നേതൃത്വത്തിലും ഹജ്ജ് സജീവമായിരുന്നു. മറ്റു രാജ്യക്കാരിൽ നിന്നും വ്യത്യസ്‌തമായി മലയാളികളുടെ ഈ കൂട്ടായ്‌മ തന്നെ ഏറെ പ്രശംസനീയമാണ്. തങ്ങളുടെ കർത്തവ്യം ആത്മാർത്ഥമായി ചെയ്യുമ്പോൾ ഓരോ ഹാജിയുടെയും മനം നിറഞ്ഞുള്ള പ്രാർത്ഥനകൾ മാത്രമാണ് ഇവർ പ്രതീക്ഷിക്കുന്നത്.

മിനായിൽ നിന്ന് വിഖായ പ്രവർത്തകർ ഇറങ്ങിയെങ്കിലും മക്കയിലും അസീസിയ, മസ്‌ജിദുൽ ഹറം പരിസരം എന്നിവിടങ്ങളിൽ ഇപ്പോഴും സജീവമാണ്. അവസാന ഹാജിയും ഇവിടെ നിന്ന് വിട പറയുന്നത് വരെയും സേവന രംഗത്ത് ഉണ്ടാകുമെന്ന് വിഖായ സമിതി അറിയിച്ചു. വിഖായ സഊദി ദേശീയ സമിതി ചെയർമാൻ ഫരീദ് ഐക്കരപ്പടി, കൺവീനർ ദിൽഷാദ് കാടാമ്പുഴ, മുനീർ ഫൈസി, മാനു തങ്ങൾ, ഉസ്മാൻ ദാരിമി, ജാബിർ നാദാപുരം, സലിം നിസാമി തുടങ്ങി നിരവധി വ്യക്തികളുടെ നേതൃത്വത്തിലാണ് സംഘം പ്രവർത്തിച്ചിരുന്നത്. എസ്‌ഐസി നാഷണൽ കമ്മിറ്റി പ്രസിഡന്റ് സയ്യിദ് ഉബൈദുല്ല തങ്ങൾ മിനായിൽ ഉപദേശ നിർദേശങ്ങളുമായി മുന്നിലുണ്ടായിരുന്നു.

സമസ്ത: വിഭാവനം ചെയ്യുന്ന ആശയാദര്‍ശങ്ങളില്‍ അടിയുറച്ച് നിലകൊള്ളാന്‍ സ്ഥാപനങ്ങള്‍ പ്രതിജ്ഞാബദ്ധം - സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍

ചേളാരി: സമസ്ത കേരള ജംഇയ്യത്തുല്‍ ഉലമാ വിഭാവനം ചെയ്യുന്ന പരിശുദ്ധ അഹ്‌ലുസ്സുന്നത്തി വല്‍ജമാഅത്തിന്റെ ആശയാദര്‍ശങ്ങളില്‍ അടിയുറച്ച് നില കൊള്ളാന്‍ സമസ്തയുമായി ബന്ധപ്പെട്ട സ്ഥാപനങ്ങള്‍ പ്രതിജ്ഞാബദ്ധമാണെന്ന് സമസ്ത കേരള ജംഇയ്യത്തുല്‍ ഉലമാ പ്രസിഡണ്ട് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ പറഞ്ഞു. സമസ്ത കേരള ജംഇയ്യത്തുല്‍ ഉലമായുടെ ആശയാദര്‍ശങ്ങളും ഉപദേശ നിര്‍ദ്ദേശങ്ങളും അംഗീകരിച്ച് പ്രവര്‍ത്തിക്കുന്ന സ്ഥാപന ഭാരവാഹികളുടെ രണ്ടാം ഘട്ട സംഗമം ചേളാരി മുഅല്ലിം ഓഡിറ്റോറിയത്തില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സ്ഥാപനങ്ങളുടെ നടത്തിപ്പ് സംബന്ധിച്ച് സമസ്ത കേരള ജംഇയ്യത്തുല്‍ ഉലമാ കേന്ദ്ര മുശാവറ പ്രത്യേകം പെരുമാറ്റ ചട്ടങ്ങള്‍ തയ്യാറാക്കിയിട്ടുണ്ട്. അത് പാലിക്കാന്‍ സ്ഥാപന ഭാരവാഹികള്‍ തയ്യാറാവണമെന്നും അദ്ദേഹം പറഞ്ഞു. ജനറല്‍ സെക്രട്ടറി പ്രൊഫ. കെ.ആലിക്കുട്ടി മുസ്‌ലിയാര്‍ അദ്ധ്യക്ഷനായി. സെക്രട്ടറി എം.ടി അബ്ദുല്ല മുസ്‌ലിയാര്‍ സ്വാഗതം പറഞ്ഞു. സമസ്ത കേരള ജംഇയ്യത്തുല്‍ ഉലമാ വൈസ് പ്രസിഡണ്ട് യു.എം അബ്ദുറഹിമാന്‍ മുസ്‌ലിയാര്‍, സെക്രട്ടറി പി.പി ഉമ്മര്‍ മുസ്‌ലിയാര്‍ കൊയ്യോട്, കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി, സമസ്ത കേരള ജംഇയ്യത്തുല്‍ ഉലമാ കേന്ദ്ര മുശാവറ അംഗങ്ങളായ എം.കെ മൊയ്തീന്‍കുട്ടി മുസ്‌ലിയാര്‍, വി. മൂസക്കോയ മുസ്‌ലിയാര്‍, കെ.ടി ഹംസ മുസ്‌ലിയാര്‍, എം.പി കുഞ്ഞി മുഹമ്മദ് മുസ്‌ലിയാര്‍, കെ.ഹൈദര്‍ ഫൈസി, ഡോ.ബഹാഉദ്ദീന്‍ മുഹമ്മദ് നദ്‌വി, കെ.ഉമര്‍ ഫൈസി മുക്കം, എ.വി അബ്ദുറഹിമാന്‍ മുസ്‌ലിയാര്‍, വാക്കോട് മൊയ്തീന്‍കുട്ടി ഫൈസി, ആദൃശ്ശേരി ഹംസക്കുട്ടി മുസ്‌ലിയാര്‍, എം.പി മുസ്തഫല്‍ ഫൈസി, കാടേരി മുഹമ്മദ് മുസ്‌ലിയാര്‍, ഇ.എസ് ഹസ്സന്‍ ഫൈസി, എം.എം അബ്ദുല്ല ഫൈസി സംബന്ധിച്ചു. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ മാനേജര്‍ കെ.മോയിന്‍കുട്ടി മാസ്റ്റര്‍ നന്ദിയും പറഞ്ഞു.
ഹുദവി, റഹ്മാനി, അന്‍വരി, റഹീമി, ജലാലി, അശ്അരി, അസ്‌ലമി, ഇര്‍ഫാനി, അശ്ശാഫി, ഹസനി എന്നീ ബിരുദം നല്‍കുന്ന സ്ഥാപനങ്ങളുടെയും അവയുടെ സഹ സ്ഥാപനങ്ങളുടെയും ഭാരവാഹികളാണ് സംഗമത്തില്‍ സംബന്ധിച്ചത്.
മൂന്നാം ഘട്ട സംഗമം 18 ലേക്ക് മാറ്റി

സമസ്ത കേരള ജംഇയ്യത്തുല്‍ ഉലമായുടെ ആശയാദര്‍ശങ്ങളും ഉപദേശ നിര്‍ദ്ദേശങ്ങളും അംഗീകരിച്ച് പ്രവര്‍ത്തിക്കുന്ന സ്ഥാപന ഭാരവാഹികളുടെ മൂന്നാം ഘട്ട സംഗമം 18 ലേക്ക് മാറ്റി. ജൂലായ് 13-ന് നിശ്ചയിച്ച സംഗമം അയ്യാമുത്തശ്‌രീഖ് കാരണമാണ് 13-ല്‍ നിന്ന് 18-ലേക്ക് മാറ്റിയത്.
- Samasthalayam Chelari

സമസ്ത ഗ്ലോബല്‍ സമിതി രൂപീകരിച്ചു

കോഴിക്കോട്: സമസ്ത കേരള ജംഇയ്യത്തുല്‍ ഉലമായുടെ ആശയാദര്‍ശങ്ങളും ഉപദേശ നിര്‍ദ്ദേശങ്ങളും അനുസരിച്ച് വിദേശങ്ങളില്‍ പ്രവര്‍ത്തിക്കുന്ന സംഘടനകളെ ഏകോപിച്ചു സമസ്ത ഇന്റര്‍ നാഷണല്‍ കൗണ്‍സില്‍ (എസ്.ഐ.സി) രൂപീകരിച്ചു. സമസ്ത കേരള ജംഇയ്യത്തുല്‍ ഉലമാ കേന്ദ്ര മുശാവറ യോഗത്തില്‍വെച്ചാണ് ഗ്ലോബല്‍ സമിതിയെയും ഭാരവാഹികളെയും പ്രഖ്യാപിച്ചത്. വ്യത്യസ്ഥ പേരുകളില്‍ സഊദി അറേബ്യയില്‍ പ്രവര്‍ത്തിച്ചു വന്നിരുന്ന സംഘടനകളെ ഏകോപിച്ച് 2018 നവംബര്‍ 23 ന് സമസ്ത ഇസ്‌ലാമിക് സെന്റര്‍ (എസ്.ഐ.സി) എന്ന പേരില്‍ സംഘടന രൂപീകരിച്ചിരുന്നു. സമസ്തയുടെ പതിമൂന്നാമത്തെ ഘടകമായി എസ്.ഐ.സിയെ അംഗീകരിച്ചിരുന്നു. വ്യത്യസ്ഥ രാജ്യങ്ങളില്‍ പ്രവര്‍ത്തിക്കുന്ന വിവിധ സംഘടനകളെ സഊദി മാതൃകയില്‍ ഏകോപിച്ച് സമസ്ത ഗ്ലോബല്‍ സമിതിക്ക് രൂപം നല്‍കണമെന്ന ആവശ്യം പരിഗണിച്ചാണ് സമസ്ത കേരള ജംഇയ്യത്തുല്‍ ഉലമാ കേന്ദ്ര മുശാവറ യോഗം സമസ്ത ഇന്റര്‍ നാഷണല്‍ കൗണ്‍സിലിന് രൂപം നല്‍കിയത്. സയ്യിദ് ഫക്രുദ്ദീന്‍ തങ്ങള്‍ ബഹ്‌റൈന്‍ (ചെയര്‍മാന്‍), സയ്യിദ് ഉബൈദുല്ല തങ്ങള്‍ മേലാറ്റൂര്‍ (സഊദി), ഡോ. സയ്യിദ് മൂസല്‍ ഖാസിം തങ്ങള്‍ (മലേഷ്യ), സയ്യിദ് പി.പി പൂക്കോയ തങ്ങള്‍ (അല്‍ഐന്‍), ശംസുദ്ധീന്‍ ഫൈസി മേലാറ്റൂര്‍ (കുവൈത്ത്), അന്‍വര്‍ ഹാജി തലശ്ശേരി (ഓമാന്‍), സൈനുല്‍ ആബിദീന്‍ സഫാരി (ഖത്തര്‍), സിംസാറുല്‍ഹഖ് ഹുദവി (യു.എ.ഇ) എന്നിവര്‍ രക്ഷാധികാരികളും, അബ്ദുസ്സലാം ബാഖവി ദുബൈ യു.എ.ഇ (പ്രസിഡണ്ട്), ഡോ. അബ്ദുറഹിമാന്‍ ഒളവട്ടൂര്‍ യു.എ.ഇ (വര്‍ക്കിംഗ് പ്രസിഡണ്ട്), കുഞ്ഞുമുഹമ്മദ് ഹാജി ബഹ്‌റൈന്‍, അബ്ദുല്‍ജലീല്‍ ഹാജി ഒറ്റപ്പാലം ദുബൈ, സയ്യിദ് റിയാസുദ്ദീന്‍ ജിഫ്‌രി തങ്ങള്‍ മലേഷ്യ, അബ്ദുല്‍അസീസ് വേങ്ങൂര്‍ ആസ്ട്രിയ, (വൈസ് പ്രസിഡണ്ട്), അലവിക്കുട്ടി ഒളവട്ടൂര്‍ സഊദി (ജനറല്‍ സെക്രട്ടറി), സയ്യിദ് ശുഹൈബ് തങ്ങള്‍ അജ്മാന്‍ (വര്‍ക്കിംഗ് സെക്രട്ടറി), അബ്ദുല്ലത്തീഫ് ഫൈസി തിരുവള്ളൂര്‍ സലാല, അബ്ദുറഹിമാന്‍ മൗലവി അറക്കല്‍ സഊദി, (സെക്രട്ടറി), ഇസ്ഹാഖ് ഹുദവി തുര്‍ക്കി, സി.കെ അനീസ് പന്നിക്കോട് ജര്‍മ്മനി (ഓര്‍ഗ.സെക്രട്ടറി), എ.വി അബൂബക്കര്‍ അല്‍ ഖാസിമി ഖത്തര്‍ (ട്രഷറര്‍), എന്നിവര്‍ ഭാരവാഹികളും, മുഹമ്മദ് ഹാരിസ് പഴയന്നൂര്‍ (സ്‌പെയിന്‍), ഡോ. മുഹമ്മദ് ജുവൈദ് (സിങ്കപ്പൂര്‍), നൗഷാദ് വൈലത്തൂര്‍, സ്വാലിഹ് അന്‍വര്‍ (മലേഷ്യ), അഹ്മദ് സാലിം മോളൂര്‍ (ബെല്‍ജിയം), മുഹമ്മദ് കോട്ടക്കല്‍ (ജര്‍മനി), ഇബ്‌റാഹീം ഓമശ്ശേരി, സൈദ് ഹാജി മൂന്നിയൂര്‍, ശാഫി ദാരിമി പുല്ലാര, മാഹിന്‍ വിഴിഞ്ഞം (സഊദി അറേബ്യ), ശിയാസ് സുല്‍ത്താന്‍, അലവിക്കുട്ടി ഫൈസി മുതുവല്ലൂര്‍, അബ്ദുല്‍റഊഫ് അഹ്‌സനി, അബ്ദുല്‍റസാഖ് വളാഞ്ചേരി (യു.എ.ഇ), ഇസ്മായില്‍ ഹുദവി (ഖത്തര്‍), ഷാജുദ്ദീന്‍ പത്തനംതിട്ട (ഒമാന്‍), അബ്ദുല്‍വാഹിദ് (ബഹ്‌റൈന്‍), അബ്ദുല്‍ഗഫൂര്‍ ഫൈസി, മുഹമ്മദലി പുതുപ്പറമ്പ് (കുവൈത്ത്) എന്നിവര്‍ എക്‌സിക്യൂട്ടീവ് അംഗങ്ങളും, സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ മാനേജര്‍ കെ. മോയിന്‍കുട്ടി മാസ്റ്റര്‍ കോ-ഓഡിനേറ്ററുമായ കമ്മിറ്റിയാണ് പ്രഖ്യാപിച്ചത്.

മലബാറിലെ പ്ലസ് വണ്‍ സീറ്റ് ക്ഷാമം; വേണ്ടത് ശാശ്വത പരിഹാരം. എസ്. കെ. എസ്. എസ്. എഫ് കലക്ടറേറ്റ് ധര്‍ണ നാളെ (വ്യാഴം)

കോഴിക്കോട്: എസ് എസ് എല്‍ സി പഠനം പൂര്‍ത്തിയാക്കുന്ന മലബാറിലെ വിദ്യാര്‍ത്ഥികള്‍ വര്‍ഷങ്ങളായി അനുഭവിക്കുന്ന പ്ലസ് വണ്‍ സീറ്റ് ക്ഷാമത്തിന് ശാശ്വത പരിഹാരം ഉണ്ടാക്കണമെന്ന് എസ്.കെ.എസ്.എസ്.എഫ് സംസ്ഥാന സെക്രട്ടറിയേറ്റ് ആവശ്യപ്പെട്ടു.ഓരോ വര്‍ഷവും ഇവ്വിഷയകമായി സമരങ്ങളും പ്രതിഷേധങ്ങളും ഉണ്ടാകുമ്പോള്‍ നിലവിലുള്ള ബാച്ചുകളില്‍ നാലോ അഞ്ചോ സീറ്റ് വര്‍ധിപ്പിച്ച് ഒഴിഞ്ഞു മാറുന്ന രീതി ഇനിയെങ്കിലും സര്‍ക്കാര്‍ അവസാനിപ്പിക്കണം. സ്‌കൂളുകളില്‍ ആവശ്യമായ പുതിയ ബാച്ചുകള്‍ അനുവദിക്കുക മാത്രമാണ് യഥാര്‍ത്ഥ പരിഹാരം. ഓരോ വര്‍ഷവും പരീക്ഷ എഴുതി വിജയിക്കുന്ന വിദ്യാര്‍ത്ഥികളുടെ എണ്ണത്തിന് ആനുപാതികമായി എല്ലാ ജില്ലകളിലും ഉപരിപഠന സൗകര്യം ഉണ്ടെന്ന് ഉറപ്പു വരുത്താന്‍ സര്‍ക്കാരിന് സാധിക്കണമെന്നും യോഗം ആവശ്യപ്പെട്ടു.പ്രസ്തുത ആവശ്യങ്ങളുന്നയിച്ച് മലബാറിലെ കലക്ടറേറ്റുകള്‍ക്ക് മുന്‍പില്‍ നാളെ (വ്യാഴം) രാവിലെ 10 മണിക്ക് എസ്.കെ.എസ്.എസ്.എഫ്. ധര്‍ണ്ണ നടത്തും. കാസര്‍കോഡ്, കണ്ണൂര്‍, വയനാട്, കോഴിക്കോട്, മലപ്പുറം, പാലക്കാട് ജില്ലകളിലാണ് ധര്‍ണ്ണ സംഘടിപ്പിക്കുക. പരിപാടിയുടെ വിജയത്തിനായി മുഴുവന്‍ പ്രവര്‍ത്തകരും രംഗത്തിറങ്ങണമെന്ന് സംസ്ഥാന പ്രസിഡന്റ് പാണക്കാട് സയ്യിദ് ഹമീദ് അലി ശിഹാബ് തങ്ങളും ജന.സെക്രട്ടറി റശീദ് ഫൈസി വെള്ളായിക്കോടും അഭ്യര്‍ത്ഥിച്ചു
- SKSSF STATE COMMITTEE

മാറ്റങ്ങളെ തിരിച്ചറിയുന്ന തലമുറയാവുക: ക്യാമ്പസ്‌ വിംഗ്‌

കൊല്ലം: പുതുതലമുറ, അനുനിമിഷം സംഭവിച്ചുകൊണ്ടിരിക്കുന്ന മാറ്റങ്ങൾ തിരിച്ചറിഞ്ഞ് സഞ്ചരിക്കണമെന്നും, സ്വയം ചിന്തിക്കാനും കാര്യങ്ങൾ വിലയിരുത്താനുമുള്ള ശേഷി നേടിയെടുക്കണമെന്നും എസ്‌.കെ.എസ്‌.എസ്‌.എഫ്‌ ക്യാമ്പസ്‌ വിംഗ്‌. സാമൂഹ്യ മാധ്യമങ്ങളുടെ അടിമത്വത്തിൽ നിന്നും മോചിതരായി, സൃഷ്ടിപരതയുടെ നവയുഗം നിർമ്മിക്കണമെന്നും ക്യാമ്പസ്‌ വിംഗ്‌ വിദ്യാർത്ഥികളോട്‌ ആഹ്വാനം ചെയ്തു.

ആഗസ്റ്റ് 26, 27, 28 ദിവസങ്ങളിലായി കോഴിക്കോട്‌ നടക്കുന്ന ക്യാമ്പസ് കാളിന്റെ മുന്നൊരുക്ക പ്രവർത്തനങ്ങളുടെ ആസൂത്രണത്തിനായി, മൈലാപൂര് എ.കെ.എം ഹയർ സെക്കന്ററി സ്കൂളിൽ നടന്ന "റീജുവനേറ്റ് സൗത്ത് സോൺ എക്സിക്യൂട്ടിവ് ക്യാമ്പ്" പാണക്കാട് സയ്യിദ് മുഈനലി ശിഹാബ് തങ്ങൾ ഉദ്ഘാടനം നിർവ്വഹിച്ചു. എസ്.കെ.എസ്.എസ്.എഫ്‌ സംസ്ഥാന വൈസ് പ്രസിഡന്റ് സത്താർ പന്തലൂർ, സാലിം ഫൈസി കൊളത്തൂർ, സംസ്ഥാന ഓർഗനൈസിംഗ് കമ്മിറ്റി അംഗം സമീർ തിരുവള്ളൂർ, നിസാമുദ്ധീൻ കോട്ടക്കൽ വിവിധ സെഷനുകൾക്ക് നേതൃത്വം നൽകി. എസ്.കെ.എസ്.എസ്.എഫ്‌ സംസ്ഥാന സെക്രട്ടറി റഷീദ് ഫൈസി വെള്ളായിക്കോട്‌ സമാപന ചടങ്ങ്‌ ഉദ്ഘാടനം ചെയ്തു. ക്യാമ്പസ് വിംഗ് ഇൻ ചാർജ് അലി മാസ്റ്റർ വാണിമേൽ,എസ്.കെ ജെ.എം ജില്ല ജനറൽ സെക്രട്ടറി ഷാജഹാൻ അമാനി, എസ്.വൈ.എസ് സംസ്ഥാന ഓർഗനൈസിംഗ് സെക്രട്ടറി അഹമ്മദ് ഉഖയിൽ, സംസ്ഥാന കോഡിനേറ്റർ സിറാജ് ഇരിങ്ങല്ലൂർ, എസ്.കെ.എസ്.എസ്.എഫ് കൊല്ലം ജില്ലാ പ്രസിഡന്റ് മുഹമ്മദ് അലി മുസ്‌ലിയാർ, ജന.സെക്രട്ടറി സലിം റഷാദി, സിറാജ് റശാദി, കബീർ കുറ്റിച്ചിറ, സുധീർ ഉലൂമി, ആസാദ് ഫൈസി, ശുഐബ് ഉലൂമി, സിറാജുദ്ദീൻ, നൗഷാദ്, നാസറുദ്ദീൻ, ശമ്മാസ് സൈനുദ്ധീൻ ഒളവട്ടൂർ, യാസീൻ കോട്ടക്കൽ, സമീർ കണിയാപുരം, ബിലാൽ ആരിക്കാടി, ഹസീബ് തൂത, അംജദ് പാഞ്ചീരി സംബന്ധിച്ചു.
- SKSSF STATE COMMITTEE

എസ്.എം.എഫ് സ്വദേശി ദര്‍സ് ശാക്തീകരണ കാമ്പയിന്‍ ആചരിക്കുന്നു

ചേളാരി: സമസ്ത കേരള സുന്നീ മഹല്ല് ഫെഡറേഷന്‍ സംസ്ഥാന കമ്മിറ്റി സ്വദേശി ദര്‍സുകള്‍ ജനകീയമാക്കുന്നതിനായി ശാക്തീകരണ കാമ്പയിന്‍ ആചരിക്കുന്നു. തഅദീബ് '22 എന്ന ശീര്‍ഷകത്തിലുള്ള ത്രൈമാസ കാമ്പയിനിന്റെ സംസ്ഥാനതല ഉല്‍ഘാടനം ജൂണ്‍ 25 ശനിയാഴ്ച കോഴിക്കോട് വരക്കല്‍ അല്‍ ബിര്‍റ് ഓഡിറ്റോറിയത്തില്‍ നടക്കും. സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ഉല്‍ഘാടനം ചെയ്യും. എസ്.എം.എഫ് സംസ്ഥാന പ്രസിഡന്റ് പ്രൊഫ.കെ.ആലിക്കുട്ടി മുസ്ലിയാര്‍ അധ്യക്ഷനാകും. പ്രമുഖര്‍ സംബന്ധിക്കും. കൗമാരപ്രായക്കാരായ ആണ്‍കുട്ടികള്‍ക്ക് പളളികള്‍ കേന്ദ്രീകരിച്ച് മത പഠനവും ധാര്‍മിക ബോധവും പ്രദാനം ചെയ്യുന്ന ത്രിവല്‍സര സര്‍ട്ടിഫിക്കറ്റ് കോഴ്‌സാണ് സ്വദേശി ദര്‍സ്. കൃത്യമായ കരിക്കുലവും വ്യവസ്ഥാപിതമായ പഠന രീതികളും പരിശീലനങ്ങളും കേന്ദ്രീകൃത പരീക്ഷകളും കോഴ്‌സിന്റെ ഭാഗമായി ഉണ്ടാവും. ഈ കോഴ്‌സ് കൂടുതല്‍ വിപുലവും ജനകീയവുമാക്കുന്നതിനായാണ് ത്രൈമാസ കാമ്പയിന്‍ സംഘടിപ്പിക്കുന്നത്. ജൂലൈ 20 നകം ജില്ലാ കണ്‍വെന്‍ഷനുകളും ഓഗസ്റ്റ് 10 ന് മുമ്പായി മേഖലാ മണ്ഡലം കണ്‍വെന്‍ഷനുകളും പൂര്‍ത്തിയാവും. ഓഗസ്റ്റ് അവസാനത്തില്‍ നടക്കുന്ന മഹല്ല് സംഗമങ്ങളിലൂടെ മുന്നൂറ് പഠന കേന്ദ്രങ്ങളിലായി മൂവ്വായിരത്തിലേറെ പഠിതാക്കളെ കോഴ്‌സിന്റെ ഭാഗമാക്കുകയാണ് കാമ്പയിനിന്റെ ലക്ഷ്യം.

ചേളാരി സമസ്താലയത്തില്‍ ചേര്‍ന്ന ആലോചനാ യോഗത്തില്‍ സ്വദേശി ദര്‍സ് സംസ്ഥാന സമിതി ചെയര്‍മാന്‍ ഉമര്‍ ഫൈസി മുക്കം അധ്യക്ഷനായി. ഹംസ റഹ്മാനി കൊണ്ടിപറമ്പ്, സലാം ഫൈസി മുക്കം, എ.കെ.ആലിപ്പറമ്പ്, ഒ.എം.ശരീഫ് ദാരിമി കോട്ടയം, ഇസ്മാഈല്‍ ഹുദവി ചെമ്മാട്, ഇ.ടി.എ.അസീസ് ദാരിമി കോഴിക്കോട്, പി.കെ.എം.സ്വാദിഖലി ഹുദവി വേങ്ങര, ഖാജാ ഹുസൈന്‍ ഉലൂമി പാലക്കാട് സംബന്ധിച്ചു.
- SUNNI MAHALLU FEDERATION

'നേര്‍ വായനയുടെ കാല്‍ നൂറ്റാണ്ട്'; സത്യധാര പ്രചാരണ കാമ്പയിന്‍ ആരംഭിച്ചു

കോഴിക്കോട്: എസ്. കെ എസ്. എസ്. എഫ് മുഖ പത്രമായ സത്യധാര പ്രചരണ കാമ്പയിന്റെ സംസ്ഥാനതല ഉദ്ഘാടനം പാണക്കാട് സയ്യിദ് സ്വാദിഖ് അലി ശിഹാബ് തങ്ങള്‍ വരിക്കാരനായി ചേര്‍ന്ന് ഉദ്ഘാടനം നിര്‍വഹിച്ചു. എസ്. കെ. എസ്. എസ്. എഫ് സംസ്ഥാന പ്രസിഡന്റ് പാണക്കാട് സയ്യിദ് ഹമീദ് അലി ശിഹാബ് തങ്ങള്‍ അധ്യക്ഷത വഹിച്ചു.

2022 ജൂണ്‍ 15 മുതല്‍ 2022 ജൂലൈ 15 വരെയാണ്‌ സത്യധാര പ്രചാരണ കാമ്പയിന്‍ നടക്കുന്നത്. കാമ്പയിന്റെ ഭാഗമായി സംസ്ഥാനതല ശില്‍പശാല ജൂണ്‍ 18 ന് കോഴിക്കോട് വെച്ച് നടക്കു൦. ജില്ലാതലങ്ങളിലും മേഖല തലങ്ങളിലും കാമ്പയിന്റെ ഭാഗമായി ശില്‍പശാലകള്‍ നടക്കു൦ . ജൂലൈ ഒന്നിന്‌ സത്യധാര സര്‍ക്കുലേഷന്‍ ഡേ ആചരിക്കും. പാണക്കാട് നടന്ന ചടങ്ങില്‍ ജനറൽ സെക്രട്ടറി റഷീദ് ഫൈസി വെള്ളായിക്കോട്, അബ്ദുറശീദ് ശിഹാബ് തങ്ങള്‍, ഫാറൂഖ് ഫൈസി മണിമൂളി, അനീസ് ഫൈസി മാവണ്ടിയൂര്‍, മുഹമ്മദലി മാസ്റ്റര്‍ പുളിക്കല്‍, മുഹമ്മദ് കുട്ടി മുസ്ലിയാര്‍ കുന്നുംപുറം, നൂറുദ്ധീന്‍ യമാനി കിഴിശ്ശേരി, ശറഫുദ്ധീന്‍ ഒമാന്‍, സൈനുദ്ധീന്‍ ഒളവട്ടൂര്‍, ശാക്കിര്‍ ഫൈസി പന്തലൂര്‍ എന്നിവര്‍ പങ്കെടുത്തു. കാമ്പയിന്‍ പ്രവര്‍ത്തനങ്ങള്‍ വിജയിപ്പിക്കാന്‍ നേതാക്കള്‍ ആഹ്വാനം ചെയതു.

സമസ്ത കേരള സുന്നി മഹല്ല് ഫെഡറേഷന് പുതിയ സാരഥികള്‍

ചേളാരി: സമസ്ത കേരള ജംഇയ്യത്തുല്‍ ഉലമയുടെ ആശയാദര്‍ശങ്ങള്‍ അംഗീകരിച്ച് പ്രവര്‍ത്തിക്കുന്ന മഹല്ല് ജമാഅത്തുകളുടെ കൂട്ടായ്മയായ സമസ്ത കേരള സുന്നീ മഹല്ല് ഫെഡറേഷന്റെ പുതിയ സംസ്ഥാന കമ്മിറ്റി നിലവില്‍ വന്നു. ചേളാരി മുഅല്ലിം ഓഡിറ്റോറിയത്തില്‍ ചേര്‍ന്ന സംസ്ഥാന കൗണ്‍സില്‍ മീറ്റാണ് പുതിയ ഭാരവാഹികളെ തെരഞ്ഞെടുത്തത്. സമസ്ത പ്രസിഡന്റ് സയ്യിദ് മുഹമ്മദ് ജിഫ്രി തങ്ങള്‍ യോഗം ഉദ്ഘാടനം ചെയ്തു. ജനറല്‍ സെക്രട്ടറി കെ.ആലിക്കുട്ടി മുസ്ലിയാര്‍ അധ്യക്ഷനായി.

സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍, സയ്യിദ് സ്വാദിഖലി ശിഹാബ് തങ്ങള്‍, എം.ടി.അബ്ദുല്ല മുസ്ലിയാര്‍, യു.എം.അബ്ദുറഹ്മാന്‍ മുസ്ലിയാര്‍ കാസറഗോഡ്, കെ.ടി.ഹംസ മുസ്ലിയാര്‍ വയനാട്, നെല്ലായ കുഞ്ഞിമുഹമ്മദ് മുസ്ലിയാര്‍ പാലക്കാട്, എസ്.കെ.ഹംസ ഹാജി കണ്ണൂര്‍ (ഉപദേശക സമിതി) പ്രൊഫ. കെ ആലിക്കുട്ടി മുസ്ലിയാര്‍ (പ്രസി.), സയ്യിദ് മുഹമ്മദ് കോയ തങ്ങള്‍ ജമലുല്ലൈല്‍, കോയ്യോട് ഉമര്‍ മുസ്ലിയാര്‍, ഡോ.ബഹാഉദ്ദീന്‍ മുഹമ്മദ് നദ്‌വി, ഉമര്‍ ഫൈസി മുക്കം, എം.സി.മായിന്‍ ഹാജി കോഴിക്കോട് (വൈ.പ്രസിഡന്റുമാര്‍), യു.മുഹമ്മദ് ശാഫി ഹാജി ചെമ്മാട് (ജന. സെക്ര), അബ്ദുസ്സമദ് പൂക്കോട്ടൂര്‍ (വര്‍.സെക്ര), ഹംസ ബിന്‍ ജമാല്‍ റംലി തൃശൂര്‍, സി.ടി.അബ്ദുള്‍ ഖാദര്‍ തൃക്കരിപ്പൂര്‍, പി.സി.ഇബ്രാഹിം ഹാജി വയനാട്, ബദറുദ്ദീന്‍ അഞ്ചല്‍ കൊല്ലം (സെക്രട്ടറിമാര്‍), സയ്യിദ് അബ്ബാസലി ശിഹാബ് തങ്ങള്‍ പാണക്കാട് (ട്രഷറര്‍) എന്നിവരാണ് ഭാരവാഹികള്‍.

ഭാരവാഹികള്‍ക്ക് പുറമേ നാസര്‍ ഫൈസി കൂടത്തായി, എം.എ.എച്ച്.മഹ്മൂദ് ഹാജി കാസറഗോഡ്, എ.കെ.അബ്ദുല്‍ ബാഖി കണ്ണൂര്‍, സലാം ഫൈസി മുക്കം, സി.എച്ച്. മുഹമ്മദ് ത്വയ്യിബ് ഫൈസി മലപ്പുറം, അബ്ദുല്‍ കരീം ഫൈസി പൈങ്കണ്ണിയൂര്‍, കുട്ടി ഹസന്‍ ദാരിമി കോഴിക്കോട്, അബൂബക്കര്‍ ഫൈസി മലയമ്മ, പ്രൊഫ. തോന്നക്കല്‍ ജമാല്‍ തിരുവനന്തപുരം, പി.ടി മുഹമ്മദ് മാസ്റ്റര്‍ കണ്ണൂര്‍ എന്നിവര്‍ സെക്രട്ടറിയേറ്റംഗങ്ങളാണ്.

മറ്റ് ജില്ലാ ജനറല്‍ സെക്രട്ടറിമാരും എസ്.എം.എഫ്. അക്കാദമിക് വിങ് വര്‍ക്കിങ് ചെയര്‍മാന്‍ എസ്.വി.മുഹമ്മദലി കണ്ണൂരും പ്രത്യേക ക്ഷണിതാക്കളായിരിക്കും.

വഖഫ് ബോര്‍ഡ് നിയമനവുമായി ബന്ധപ്പെട്ട് മുഖ്യമന്ത്രി വിളിച്ച് ചേര്‍ത്ത മത സംഘടനകളുടെ യോഗത്തിലുയര്‍ന്ന പൊതു വികാരം പരിഗണിച്ച് നിയമനം പി.എസ്.സിക്ക് വിടാനുള്ള നീക്കത്തില്‍ നിന്ന് പിന്തിരിയണമെന്നും വിഷയത്തില്‍ തീരുമാനമെടുക്കാതെ നീട്ടിക്കൊണ്ട് പോയി സമുദായത്തെ കബളിപ്പിക്കുന്നത് അവസാനിപ്പിക്കണമെന്നും സര്‍ക്കാറിനോട് യോഗം പ്രമേയത്തിലൂടെ ആവശ്യപ്പെട്ടു. മുസ്ലിം നാമധാരികളെ ഉപയോഗപ്പെടുത്തി യുക്തിവാദവും മതനിരാസവും മഹല്ലുകളിലും സമുദായ പ്ലാറ്റ്‌ഫോമുകളിലും ഒളിച്ച് കടത്താനുള്ള നവനാസ്തികവാദികളുടെ കുതന്ത്രങ്ങളെ തിരിച്ചറിഞ്ഞ് പ്രതിരോധിക്കാന്‍ മഹല്ല് ജമാഅത്തുകള്‍ ജാഗ്രത പാലിക്കണമെന്നും യോഗം ആഹ്വാനം ചെയ്തു.

വര്‍ക്കിങ് സെക്രട്ടറി അബ്ദുസ്സമദ് പൂക്കോട്ടൂര്‍ പ്രവര്‍ത്തന റിപ്പോര്‍ട്ടും വരവ് ചെലവ് കണക്കും സെക്രട്ടറി സി.ടി.അബ്ദുള്‍ ഖാദര്‍ തൃക്കരിപ്പൂര്‍ അക്കാദമിക് വിങ് റിപ്പോര്‍ട്ടും സമസ്ത കേരള ജംഇയ്യത്തുല്‍ ഖുത്വബാ ജനറല്‍ സെക്രട്ടറി നാസര്‍ ഫൈസി കൂടത്തായി സ്വദേശി ദര്‍സ് റിപ്പോര്‍ട്ടും അവതരിപ്പിച്ചു. പ്രീ മാരിറ്റല്‍ കോഴ്‌സ് ബ്രോഷര്‍ കെ.ആലിക്കുട്ടി മുസ്ലിയാര്‍ സയ്യിദ് ഹംസ ബാഫഖി തങ്ങള്‍ക്ക് നല്‍കി പ്രകാശനം ചെയ്തു.ജനറല്‍ സെക്രട്ടറി യു. മുഹമ്മദ് ശാഫി ഹാജി സ്വാഗതവും സംസ്ഥാന ഓര്‍ഗനൈസര്‍ എ.കെ ആലിപ്പറമ്പ് നന്ദിയും പറഞ്ഞു. കോയ്യോട് ഉമര്‍ മുസ്ലിയാര്‍, യു.എം.അബ്ദു റഹ്മാന്‍ മുസ്ലിയാര്‍, വാക്കോട് മൊയ്തീന്‍ കുട്ടി മുസ്ലിയാര്‍, ഉമര്‍ ഫൈസി മുക്കം,അബ്ദുറഹ്മാന്‍ കല്ലായി, എം.സി.മായിന്‍ ഹാജി, പുത്തനഴി മൊയ്തീന്‍ ഫൈസി, കെ.എ.റഹ്മാന്‍ ഫൈസി, ആര്‍.വി. കുട്ടിഹസന്‍ ദാരിമി, കെ.കെ.എസ്. തങ്ങള്‍ വെട്ടിച്ചിറ, സയ്യിദ് മുബശിര്‍ തങ്ങള്‍ ജമലുല്ലൈലി, എം.എ.ചേളാരി, കെ.മോയിന്‍കുട്ടി മാസ്റ്റര്‍ തുടങ്ങിയവര്‍ സംബന്ധിച്ചു.

സമസ്ത ഗ്ലോബല്‍ മീറ്റ് ശ്രദ്ധേയമായി

ദുബൈ: സമസ്ത കേരള ജംഇയ്യത്തുല്‍ ഉലമായുടെ ആശയാദര്‍ശങ്ങള്‍ അനുസരിച്ച് വിദേശങ്ങളില്‍ പ്രവര്‍ത്തിക്കുന്ന സംഘടന പ്രതിനിധികളുടെ ഓണ്‍ലൈന്‍ മീറ്റ് ശ്രദ്ധേയമായി. വിദേശ രാജ്യങ്ങളില്‍ വ്യത്യസ്ഥ പേരുകളില്‍ പ്രവര്‍ത്തിച്ചുവരുന്ന സംഘടനകളെ ഏകോപിപ്പിച്ച് സമസ്ത കേരള ജംഇയ്യത്തുല്‍ ഉലമാ കേന്ദ്രമുശാവറയുടെ അംഗീകാരത്തോടെ ഒറ്റ സംഘടനയാക്കി മാറ്റുന്നതിനുള്ള ശുപാര്‍ശ സമസ്ത മുശാവറക്കു മുമ്പാകെ സമര്‍പ്പിക്കാന്‍ യോഗം തീരുമാനിച്ചു. രൂപരേഖ തയ്യാറാക്കാന്‍ അബ്ദുസ്സലാം ബാഖവി ദുബൈ ചെയര്‍മാനും ഡോ. അബ്ദുറഹിമാന്‍ ഒളവട്ടൂര്‍ കണ്‍വീനറും കെ. മോയിന്‍കുട്ടി മാസ്റ്റര്‍, സയ്യിദ് ഉബൈദുല്ല തങ്ങള്‍ മേലാറ്റൂര്‍, അലവിക്കുട്ടി ഒളവട്ടൂര്‍ എന്നിവര്‍ അംഗങ്ങളായുള്ള സമിതി രൂപീകരിച്ചു.

സയ്യിദ് പി.പി. പൂക്കോയ തങ്ങള്‍ അല്‍ഐന്‍ പ്രാര്‍ത്ഥന നടത്തി. ഡോ. അബ്ദുറഹിമാന്‍ ഒളവട്ടൂര്‍ അദ്ധ്യക്ഷനായി. സമസ്ത കേരള ജംഇയ്യത്തുല്‍ ഉലമാ കേന്ദ്ര മുശാവറ മെമ്പര്‍ അബ്ദുസ്സലാം ബാഖവി (ദുബൈ) ഉല്‍ഘാടനവും സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ മാനേജര്‍ കെ. മോയിന്‍കുട്ടി മാസ്റ്റര്‍ മുഖ്യപ്രഭാഷണവും നടത്തി. സയ്യിദ് ഉബൈദുല്ല തങ്ങള്‍ അല്‍ ഹൈദ്രൂസി, അബ്ദുറഹിമാന്‍ അറക്കല്‍, ഷാഫി ദാരിമി പുല്ലാര (സഊദി), ജലീല്‍ ഹാജി ഒറ്റപ്പാലം, അബ്ദുറസാക് വളാഞ്ചേരി, അലവിക്കുട്ടി ഫൈസി മുതുവല്ലൂര്‍, ഹുസയിന്‍ ദാരിമി ദുബൈ (യു.എ.ഇ), അഹ്‌മദ് ഹാജി തലശ്ശേരി, അബ്ദുല്ലത്തീഫ് ഫൈസി തിരുവള്ളൂര്‍ (ഒമാന്‍), കുഞ്ഞുമുഹമ്മദാജി (ബഹ്‌റൈന്‍), ഡോ. സയ്യിദ് മൂസല്‍ കാസിം തങ്ങള്‍, സയ്യിദ് റിയാസുദ്ദീന്‍ തങ്ങള്‍, നൗഷാദ് വൈലത്തൂര്‍ (മലേഷ്യ), മൊയ്തീന്‍കുട്ടി കോട്ടക്കല്‍, ഇസ്മായില്‍ ഹുദവി, മൊയ്തീന്‍ കുട്ടി കള്ളിയത്ത് (യു.കെ.), അബ്ദുല്‍ അസീസ് വെങ്ങൂര്‍ (ആസ്ട്രിയ), മുഹമ്മദ് കോട്ടക്കല്‍, സി.കെ. അനീസ് (ജര്‍മനി), അഹ്‌മദ് സുലൈമാന്‍ മോളൂര്‍ (ബെല്‍ജിയം), മുഹമ്മദ് ഹാരിസ് പഴയന്നൂര്‍ (സ്‌പെയിന്‍) തുടങ്ങിയവര്‍ ചര്‍ച്ചയില്‍ പങ്കെടുത്തു. സഊദി എസ്.ഐ.സി. നാഷണല്‍ കമ്മിറ്റി ചെയര്‍മാന്‍ അലവിക്കുട്ടി ഒളവട്ടൂര്‍ സ്വാഗതവും സയ്യിദ് ശുഹൈബ് തങ്ങള്‍ അജ്മാന്‍ നന്ദിയും പറഞ്ഞു.
- Samasthalayam Chelari

'ചൂഷണമുക്ത ആത്മീയത സൗഹൃദത്തിന്റെ രാഷ്ട്രീയം'; തീവ്ര നിലപാടുകളെയും ആത്മീയ ചൂഷണങ്ങളെയും ചെറുത്ത് തോല്‍പിക്കുക: എസ്. കെ. എസ്. എസ്. എഫ്

കോഴിക്കോട്: ഫാസിസത്തിന് ശക്തി പകരാന്‍ മാത്രമേ തീവ്രവാദ ധാരകളുടെ പ്രവര്‍ത്തനങ്ങള്‍ ഉപകരിക്കുവെന്നും തീവ്ര നിലപാടുകള്‍ ഇസ്‌ലാമികമല്ലെന്നും സമസ്ത മുശാവറ മെമ്പര്‍ ഉമര്‍ ഫൈസി മുക്കം അഭിപ്രായപ്പെട്ടു. 'ചൂഷണ മുക്ത ആത്മീയത, സൗഹൃദത്തിന്റെ രാഷ്ട്രീയം' എന്ന പ്രമേയത്തില്‍ എസ്. കെ. എസ്. എസ്. എഫ് സംസ്ഥാന കമ്മിറ്റി നടത്തുന്ന ദ്വൈമാസ കാമ്പയിനിന്റെ ഭാഗമായി സംഘടിപ്പിച്ച സ്പീക്കേഴ്‌സ് ഡിബേറ്റ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഇസ്‌ലാമിനെ തന്മയത്തത്തോടെ സമര്‍പ്പിക്കാന്‍ നമുക്ക് കഴിയണം. സ്വപ്നം പറഞ്ഞും ഇല്ലാ കഥകള്‍ പ്രചരിപ്പിച്ചും മഹത്വവത്കരിക്കുന്നത് ഇസ്‌ലാമികമോ അഹ്‌ലുസുന്നയുടെ ധാരയോ അല്ല. അത്തരം കേന്ദ്രങ്ങളില്‍ നിന്നും വ്യക്തികളില്‍ നിന്നും വിട്ട് നില്‍ക്കാന്‍ സമൂഹം തയ്യാറാകണം.

സംസ്ഥാന ജനറല്‍ സെക്രട്ടറി റഷീദ് ഫൈസി വെള്ളായിക്കോട് അധ്യക്ഷനായി. സത്താര്‍ പന്തലൂര്‍, മുജ്തബ ഫൈസി ആനക്കര നേതൃത്വം നല്‍കി. സയ്യിദ് മുബശ്ശിര്‍ തങ്ങള്‍ ജമലുല്ലൈലി, നൂറുദ്ധീന്‍ ഫൈസി മുണ്ടുപാറ, ആര്‍. വി അബൂബക്കര്‍ യമാനി, അലി അക്ബര്‍ മുക്കം, ശഫീഖ് പന്നൂര്‍ സംസാരിച്ചു. സെക്രട്ടറി ഒ. പി അഷ്‌റഫ് കുറ്റിക്കടവ് സ്വാഗതവും അനീസ് ഫൈസി മാവണ്ടിയൂര്‍ നന്ദിയും പറഞ്ഞു

സമസ്ത കേരള ജംഇയ്യത്തുല്‍ മുഅല്ലിമീന്‍ 2022-23 വര്‍ഷത്തെ ഭാരവാഹികള്‍

ഡോ. ബഹാഉദ്ദീന്‍ മുഹമ്മദ് നദ്‌വി (പ്രസിഡണ്ട്)
വാക്കോട് മൊയ്തീന്‍കുട്ടി ഫൈസി (സെക്രട്ടറി)
കെ.കെ. ഇബ്‌റാഹീം മുസ്‌ലിയാര്‍ (ട്രഷറര്‍)

ചേളാരി: സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ 2022-23 വര്‍ഷത്തെ ഭാരവാഹികളായി ഡോ. ബഹാഉദ്ദീന്‍ മുഹമ്മദ് നദ്‌വി (പ്രസിഡണ്ട്), വാക്കോട് മൊയ്തീന്‍കുട്ടി ഫൈസി (ജനറല്‍ സെക്രട്ടറി), കെ.കെ. ഇബ്‌റാഹീം മുസ്‌ലിയാര്‍ എളേറ്റില്‍ (ട്രഷറര്‍) എന്നിവരെ തെരഞ്ഞെടുത്തു. പി.കെ. അബ്ദുല്‍ ഖാദര്‍ ഖാസിമി, മാണിയൂര്‍ അബ്ദുര്‍റഹ്മാന്‍ ഫൈസി കണ്ണൂര്‍ (വൈസ് പ്രസിഡണ്ടുമാര്‍), കൊടക് അബ്ദുറഹ്മാന്‍ മുസ്‌ലിയാര്‍, കെ.ടി. ഹുസൈന്‍ കുട്ടി മൗലവി പുളിയാട്ടുകുളം (ജോ. സെക്രട്ടറിമാര്‍), മൂസക്കുട്ടി ഹസ്‌റത്ത് (ക്ഷേമനിധി അഡൈ്വസര്‍), അബ്ദുസ്സ്വമദ് മുട്ടം കണ്ണൂര്‍ (ക്ഷേമനിധി ഡെപ്യുട്ടി ചെയര്‍മാന്‍), കൊടക് അബ്ദുറഹ്മാന്‍ മുസ്‌ലിയാര്‍ (പരീക്ഷാ ബോര്‍ഡ് ചെയര്‍മാന്‍) എന്നിവരാണ് മറ്റു ഭാരവാഹികള്‍.
ഡോ. ബഹാഉദ്ദീന്‍ മുഹമ്മദ് നദ്‌വിയുടെ അദ്ധ്യക്ഷതയില്‍ ചേര്‍ന്ന യോഗം സമസ്ത വിദ്യാഭ്യാസ ബോര്‍ഡ് പ്രസിഡണ്ട് മൗലാനാ മൂസക്കുട്ടി ഹസ്‌റത്ത് ഉദ്ഘാടനം ചെയ്തു. വാക്കോട് മൊയ്തീന്‍കുട്ടി ഫൈസി സ്വാഗതം പറഞ്ഞു. ഡോ. എന്‍.എ.എം. അബ്ദുല്‍ ഖാദിര്‍, എം.എ. ചേളാരി, കെ. മോയിന്‍കുട്ടി മാസ്റ്റര്‍, കൊടക് അബ്ദുറഹ്മാന്‍ മുസ്‌ലിയാര്‍, ശംസുദ്ദീന്‍ ദാരിമി ദക്ഷിണ കന്നഡ, എം.കെ. അയ്യൂബ് ഹസനി ബാംഗ്ലൂര്‍, മാണിയൂര്‍ അബ്ദുറഹ്മാന്‍ മുസ്‌ലിയാര്‍ കണ്ണൂര്‍, അബ്ദുസ്സ്വമദ് മുട്ടം, അശ്‌റഫ് ഫൈസി പനമരം, അബൂബക്കര്‍ ബാഖവി നീലഗിരി, കെ.കെ. ഇബ്‌റാഹീം മുസ്‌ലിയാര്‍, പി.ഹസൈനാര്‍ ഫൈസി കോഴിക്കോട്, ബി.എസ്.കെ. തങ്ങള്‍ എടവണ്ണപ്പാറ, സയ്യിദ് നിയാസലി ശിഹാബ് തങ്ങള്‍, കെ.ടി.ഹുസൈന്‍ കുട്ടി മൗലവി, സി. മുഹമ്മദലി ഫൈസി മണ്ണാര്‍ക്കാട്, ടി.കെ. മുഹമ്മദ് കുട്ടി ഫൈസി പട്ടാമ്പി, പി.കെ. അബ്ദുല്‍ ഖാദര്‍ ഖാസിമി, വി.എം. ഇല്യാസ് ഫൈസി തൃശൂര്‍, എം.യു. ഇസ്മാഈല്‍ ഫൈസി എറണാകുളം, കെ.എഛ്. അബ്ദുല്‍ കരീം മുസ്‌ലിയാര്‍ ഇടുക്കി, എ.അബ്ദുല്‍ ഖാദിര്‍ മുസ്‌ലിയാര്‍ കോട്ടയം, പി.എ. ശിഹാബുദ്ദീന്‍ മുസ്‌ലിയാര്‍ ആലപ്പുഴ, ശാജഹാന്‍ അമാനി കൊല്ലം സംസാരിച്ചു.

മത സൗഹാർദ്ധം തകർക്കുന്നത് മതം പഠിക്കാത്തവർ: ജിഫ്രി തങ്ങൾ

മംഗലാപുരത്ത് ആയിരങ്ങൾ പങ്കെടുത്ത സൗഹാർദ സമ്മേളനം

മാംഗലൂർ: മത സൗഹാർദ്ധം തകർക്കുന്നത് മതം പഠിക്കാത്തവരാണെന്ന് സമസ്ത കേരള ജംഇയ്യത്തുൽ ഉലമ അധ്യക്ഷൻ സയ്യിദ് മുഹമ്മദ് ജിഫ്രി മുത്തുക്കോയ തങ്ങൾ അഭിപ്രായപ്പെട്ടു. മംഗലാപുരം ടൗൺ ഹാളിൽ എസ് കെ എസ് എസ് എഫ് സംഘടിപ്പിച്ച സൗഹൃദ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മത തീവ്രവാദ ആശയങ്ങൾ രാജ്യത്തിന്റെ സ്വസ്ഥതയെയും വളർച്ചയെയും ബാധിക്കുന്നു. ഇന്ത്യയിലേക്ക് ഇസ്ലാം മതം കടന്നു വന്ന കാലത്ത് ഇവിടെ ഉണ്ടായിരുന്ന വാസ്തു ശൈലിയിൽ അന്നത്തെ ഹിന്ദുക്കളുടെ സഹകരണത്തോടെ നിർമിച്ച പള്ളികൾ ഇന്ന് വർഗീയ ശക്തികളുടെ കുപ്രചരണങ്ങൾക് ഇരയാകുന്നത് ദൗർഭാഗ്യകരമാണ്.

ഖുർആനിലെ ആശയങ്ങളെ തെറ്റായ രീതിയിൽ വ്യാഖ്യാനം നൽകപ്പെടുന്നു. ഏതെങ്കിലും നിഘണ്ടു നോക്കിയല്ല അതിനെ മനസ്സിലാക്കേണ്ടത്. കൊലയും മറ്റു ഹിംസാത്മക വിഷയങ്ങളിൽ ഖുർആനിലെ ആശയങ്ങൾക്ക് വിരുദ്ധമായ കാര്യങ്ങളാണ് ഇവിടെ പ്രചരിക്കപ്പെടുന്നു.

എല്ലാ മതങ്ങളും മനുഷ്യത്വത്തിന്റെയും സാമൂഹ്യ സേവനത്തിന്റയും ആശയങ്ങളെ യാണ്പഠിപ്പിക്കുന്നതെന്ന് തങ്ങൾ കൂട്ടിച്ചേര്‍ത്തു. ജനറൽസെക്രട്ടറി കെ എ റഷീദ് ഫൈസി വെള്ളായിക്കോട് അദ്ധ്യക്ഷത വഹിച്ചു. വിശിഷ്ടാതിഥികളായി ഡോ: ശ്രീ വിജയാനന്ത സ്വാമി. ഡോ: ശ്രീ ജയ ബസവാനന്ത സ്വാമി, ഫാതർ ക്ലിഫോഡ് ഫെർണാണ്ടിസ്, അഡ്വ: സുധീർ കുമാർ മറോളി, എക്സ് മിനിസ്റ്റർ രമണാ ത്രൈ, കെ പി സി സി സെക്രട്ടറി ഇനായത്തിലി, തുടങ്ങിയവർ പ്രഭാഷണം നടത്തി.

എസ് വൈ എസ് സംസ്ഥാന സെക്രട്ടറി അബദുൽ ഹമീദ് ഫൈസി അമ്പലക്കടവ്, സത്താർ പന്തലൂർ, എസ്.ബി മുഹമ്മദ് ദാരിമി അബദുൽ അസീസ് ദാരിമി വിവിധ വിഷയങ്ങൾ അവതരിപ്പിച്ചു. സയ്യിദ് ഫഖറുദ്ധീൻ തങ്ങൾ, സയ്യിദ് ഹാഷിറലി തങ്ങൾ, അയ്യൂബ് മാസ്റ്റർ, താജുദീൻ ദാരിമി പടന്ന, ആഷിഖ് കുഴിപ്പുറം, ജലീൽ മാസ്റ്റർ പട്ടർ കുളം, ഒ പി അഷ്റഫ് കുറ്റിക്കടവ്, ജലീൽ ഫൈസി അരിമ്പ്ര, ശമീർ ഫൈസി ഒടമല, അനീസ് ഫൈസി മാവണ്ടിയൂർ, ഫാറൂഖ് ഫൈസി മണിമൂളി, മുഹമ്മദ് ഫൈസി കജ, അനീസ് റഹ്മാൻ ആലപ്പുഴ, നൂറുദ്ധീൻ ഫൈസി, നൗഷാദ് ഫൈസി കൊടക്,, അമീർ തങ്ങൾ, ഖാസിം ദാരിമി,താജുദ്ധീൻ റഹ് മാനി ഹാരിസ് കൗസരി, സിദ്ധീഖ് ബൻഡ്വൽ, റഷീദ് റഹ് മാനി റഷീദ് ഹാജി, തുടങ്ങിയവർ പങ്കെടുത്തു. ഇബ്രാഹിം ബാഖവി പ്രാർത്ഥന നടത്തി അനീസ് കൗസരി സ്വാഗതവും ഇസ്മാഈൽ യമാനി നന്ദിയും പറഞ്ഞു.

മദ്‌റസാ ശാക്തീകരണം; റെയ്ഞ്ച് പാഠശാലകള്‍ക്ക് 151 മുദര്‍രിബുമാരെ സജ്ജരാക്കി

ചേളാരി: മദ്‌റസാ പഠനം കാലികമായ മാറ്റങ്ങള്‍ക്കും ഗുണാത്മകമായ പരിഷ്‌കരണങ്ങള്‍ക്കും വിധേയമാക്കുന്നതിന്റെ ഭാഗമായി സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ നടപ്പാക്കിയ തദ്‌രീബ് പദ്ധതിയുടെ മൂന്നാം ഘട്ടം റെയ്ഞ്ച് പാഠശാലകളിലൂടെ അധ്യാപക വിദ്യാര്‍ത്ഥികളിലെത്തിക്കുന്നതിന് നേതൃത്വം നല്‍കുന്നതിനായി 151 മുദര്‍രിബുമാരെ പ്രത്യേക കോച്ചിങ് ക്ലാസ് നല്‍കി സജ്ജരാക്കി.

ചേളാരി പാണമ്പ്ര ഇസ്സത്തുല്‍ ഇസ്‌ലാം മദ്‌റസാ ഹാളില്‍ നടത്തിയ ശില്‍പശാലയില്‍ ചെയര്‍മാന്‍ കെ. അബ്ദുല്ല മാസ്റ്റര്‍ കൊട്ടപ്പുറം അദ്ധ്യക്ഷം വഹിച്ചു. എസ്.കെ.ജെ.സി.സി. മാനേജര്‍ എം.എ. അബൂബക്ര്‍ മൗലവി ചേളാരി ഉദ്ഘാടനം ചെയ്തു. കൊടക് അബ്ദുറഹ്മാന്‍ മുസ്‌ലിയാര്‍, ശാഹുല്‍ ഹമീദ് മാസ്റ്റര്‍ മേല്‍മുറി, റഹീം ചുഴലി ക്ലാസുകള്‍ക്ക് നേതൃത്വം നല്‍കി. പി.ഹസൈനാര്‍ ഫൈസി, അബ്ദുല്ല ഫൈസി സംസാരിച്ചു. കണ്‍വീനര്‍ കെ.ടി.ഹുസൈന്‍ കുട്ടി മൗലവി സ്വാഗതവും ലീഡര്‍ ഇസ്മാഈല്‍ ഫൈസി വണ്ണപുരം നന്ദിയും പറഞ്ഞു.
- Samastha Kerala Jam-iyyathul Muallimeen

തഹ്‌സീനുല്‍ ഖിറാഅ: രണ്ടാം ഘട്ട പരിശീലനം ഇന്ന് (21-05-2022) മുതല്‍

ചേളാരി: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന് കീഴില്‍ 2019 മുതല്‍ നടപ്പാക്കി വരുന്ന തഹ്‌സീനുല്‍ ഖിറാഅ: പദ്ധതിയുടെ രണ്ടാം ഘട്ട പരിശീലനം ഇന്ന് മുതല്‍ 8 കേന്ദ്രങ്ങളില്‍ വെച്ച് നടക്കും. സംസ്ഥാന തല ഉദ്ഘാടനം കൊണ്ടോട്ടി ഖാസിയാരകം മഅ്ദനുല്‍ ഉലൂം ഹയര്‍ സെക്കണ്ടറി മദ്‌റസ ഓഡിറ്റോറിയത്തില്‍ രാവിലെ 10 മണിക്ക് സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ ഉദ്ഘാടനം ചെയ്യും. തഹ്‌സീനുല്‍ ഖിറാഅ: കണ്‍വീനര്‍ കെ.എം അബ്ദുല്ല മാസ്റ്റര്‍ കൊട്ടപ്പുറം അദ്ധ്യക്ഷനാകും. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ മാനേജര്‍ കെ.മോയിന്‍കുട്ടി മാസ്റ്റര്‍ മുഖ്യപ്രഭാഷണം നടത്തും. മുഫത്തിശുമാരായ എം.പി അലവി ഫൈസി, ഇ.കെ മുഹമ്മദ് മുസ്‌ലിയാര്‍, എസ്.കെ.ജെ.എം.സി.സി മലപ്പുറം ഈസ്റ്റ് ജില്ലാ പ്രസിഡണ്ട് സയ്യിദ് ബി.എസ്.കെ തങ്ങള്‍, സെക്രട്ടറി കെ.ടി ഹുസൈന്‍ കുട്ടി മൗലവി പ്രസംഗിക്കും. മുജവ്വിദ് കെ. മുഹമ്മദ് ഫൈസി ക്ലാസിന് നേതൃത്വം നല്‍കും. കൊണ്ടോട്ടിക്കു പുറമെ കോട്ടൂര്‍, കിഴിശ്ശേരി, ചോക്കാട്, കാവനൂര്‍, തളങ്കര, പുളിക്കല്‍, കൊടക്കാട് എന്നീ റെയ്ഞ്ച് കേന്ദ്രങ്ങളില്‍ വെച്ചും ഇന്ന് മുതല്‍ പരിശീലനം നടക്കും. ആദ്യദിനം മദ്‌റസ മാനേജിംഗ് കമ്മിറ്റി, റെയ്ഞ്ച് ജംഇയ്യത്തുല്‍ മുഅല്ലിമീന്‍ എന്നിവയുടെ ഭാരവാഹികള്‍ക്കും തുടര്‍ന്നുള്ള 5 ദിവസങ്ങളില്‍ മുഅല്ലിംകള്‍ക്കുമാണ് പരിശീലനം. പ്രഥമ ബാച്ചിനുള്ള പരിശീലനം 26-ന് സമാപിക്കും. മെയ് 28 മുതല്‍ തുടര്‍ന്നുള്ള ബാച്ചിന്റെ പരിശീലനം തുടങ്ങും.
- Samasthalayam Chelari

എസ് കെ എസ് എസ് എഫ് സഹചാരി റിലീഫ് സെല്‍ നിര്‍ദ്ധനരായ 723 കാന്‍സര്‍ രോഗികൾക്ക് സ്‌പെഷ്യല്‍ ധന സഹായംനല്‍കി

കോഴിക്കോട്: എസ് കെ എസ് എസ് എഫ് സംസ്ഥാന കമ്മിറ്റിയുടെ ആതുര സേവന വിഭാഗമായസഹചാരി റിലീഫ് സെല്ലില്‍ നിന്നും നിര്‍ദ്ധനരായകാന്‍സര്‍ രോഗികള്‍ക്ക് 29 ലക്ഷം ധന സഹായം നല്‍കി. സഹചാരി ഫണ്ട് ശേഖരണത്തിന്റെമുന്നോടിയായി സ്പഷ്യല്‍ധന സഹായത്തിനായി ഓണ്‍ ലൈന്‍ അപേക്ഷ ക്ഷണിച്ചിരന്നു. വെരിഫിക്കേഷന്‍ നടപടികള്‍ പൂര്‍ത്തിയാക്കിയ 723 രോഗികള്‍ക്കായി 29 ലക്ഷംരൂപയാണ് നൽകിയത്
- SKSSF STATE COMMITTEE

ബാബരിയുടെ ദുരനുഭവം ഗ്യാൻ വാപിയിലൂടെ ആവർത്തിക്കരുത്: എസ്. കെ. എസ്. എസ്. എഫ്

കോഴിക്കോട് : ആധുനിക ഇന്ത്യാചരിത്രത്തിലെ കറുത്ത അധ്യായമായി മാറിയ ബാബരി ധ്വംസനത്തെ അനുസ്മരിപ്പിക്കും വിധം പുതുതായി ഉയർന്നുവന്ന ഗ്യാൻ വാപി മസ്ജിദ് വിവാദം നീതിപൂർവകമായ ഇടപെടലുകളിലൂടെ അവസാനിപ്പിക്കണമെന്ന് എസ്. കെ. എസ്. എസ്. എഫ് സംസ്ഥാന കമ്മിറ്റി ആവശ്യപ്പെട്ടു. മതത്തിനും ആരാധനാലയങ്ങൾക്കും പൊതുസമൂഹത്തിലുള്ള വിശ്വാസ്യതയെയും ആദരവിനെയും രാഷ്ട്രീയ നേട്ടങ്ങൾക്ക് വേണ്ടി ചൂഷണം ചെയ്യുന്നതിന്റെ ഭാഗമാണ് ആവർത്തിക്കപ്പെടുന്ന ഇത്തരം വിവാദങ്ങൾ. നൂറ്റാണ്ടുകളായി ഒരു മതവിഭാഗം പരിപാലിച്ച് പോരുന്നതും ആരാധനകൾ നടത്തിവരുന്നതുമായ കേന്ദ്രങ്ങൾ സാമാന്യബുദ്ധിക്ക് യോജിക്കാനാകാത്ത നടപടികളിലൂടെ കൈയേറ്റം ചെയ്യാൻ ശ്രമിക്കുന്നത് രാജ്യത്ത് അവശേഷിക്കുന്ന ജനാധിപത്യ- മതേതര ബോധത്തെ പരിഹസിക്കുന്നതിനു തുല്യമാണ്. മതവിശ്വാസികൾക്കിടയിൽ വെറുപ്പും വിദ്വേഷവും വർദ്ധിപ്പിച്ച് മുതലെടുപ്പ് നടത്താൻ സംഘ്പരിവാർ നേതൃത്വത്തിൽ നടത്തുന്ന പുതിയ ശ്രമങ്ങളെ മുളയിലെ നുള്ളാൻ ദേശസ്നേഹികൾ കൈകോർക്കണം.

ബാബരി വിഷയത്തിൽ ഉണ്ടായതുപോലെ തെരഞ്ഞെടുപ്പ് രാഷ്ട്രീയത്തിൽ നേട്ടങ്ങൾ കൊയ്യുന്നതിനുവേണ്ടി ഇതിനെ ഒരു വിവാദമായി നിലനിർത്താനുളള സാധ്യതകൾ മുൻകൂട്ടി കണ്ടറിഞ്ഞ് നീതിപൂർവകമായി പ്രവർത്തിക്കാൻ മുഴുവൻ രാഷ്ട്രീയ - സാമൂഹിക പ്രസ്ഥാനങ്ങളും തയ്യാറാകണമെന്നും യോഗം ആവശ്യപ്പെട്ടു.

പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങൾ അദ്ധ്യക്ഷതവഹിച്ചു. സത്താർ പന്തലൂർ, സയ്യിദ് ഹാശിർ അലി ശിഹാബ് തങ്ങൾ പാണക്കാട്, താജു ദ്ധീൻ ദാരിമി പടന്ന, ഒ പി അഷ്‌റഫ്‌, അൻവർ മുഹ്‌യുദ്ധീൻ ഹുദവി, അനീസ് റഹ്മാൻ മണ്ണഞ്ചേരി, ത്വാഹ നെടുമങ്ങാട്, ഡോ. കെ ടി ജാബിർ ഹുദവി, ജലീൽ ഫൈസി അരിമ്പ്ര, അബ്ദുൽ ഖാദർ ഫൈസി തലക്കശ്ശെരി, മുജീബ് റഹ്മാൻ അൻസ്വരി, അബൂബക്കർ യമാനി, ശമീര്‍ ഫൈസി ഒടമല, സ്വാലിഹ് പി എം ഇടുക്കി, നാസിഹ് മുസ്ലിയാര്‍ ലക്ഷദ്വീപ്, നൂറുദ്ധീൻ ഫൈസി മുണ്ടുപാറ, അനീസ് ഫൈസി മാവണ്ടിയൂർ, അലി വാണിമേൽ, മുഹമ്മദ്‌ ഫൈസി കജ എന്നിവർ പങ്കെടുത്തു. ജനറൽ സെക്രട്ടറി റശീദ് ഫൈസി സ്വഗതവും ആഷിഖ് കുഴിപ്പുറം നന്ദിയും പറഞ്ഞു
- SKSSF STATE COMMITTEE

ഖതീബ് സംഗമം ജാമിഅയിൽ

പെരിന്തൽമണ്ണ: പാണക്കാട് സയ്യിദ് സാദിഖലി ശിഹാബ് തങ്ങൾ ഖാളിയായ മഹല്ലുകളിലെ ഖതീബുമാർക്കുള്ള പ്രത്യേക ശിൽപശാല പട്ടിക്കാട് ജാമിഅ: നൂരിയ്യ:യിൽ വെച്ച് നടക്കും. 2022 മെയ് 16 തിങ്കളാഴ്ച രാവിലെ 10 മണിക്ക് ജാമിഅ: ഓഡിറ്റോറിയത്തിൽ നടക്കുന്ന ശിൽപശാല സയ്യിദ് സാദിഖലി ശിഹാബ് തങ്ങളുടെ അധ്യക്ഷതയിൽ സമസ്ത കേരള ജംഇയ്യത്തുൽ ഉലമ ജനറൽ സെക്രട്ടറി പ്രൊഫ: കെ ആലിക്കുട്ടി മുസ്‌ലിയാർ ഉദ്ഘാടനം ചെയ്യും. എം ടി അബ്ദുല്ല മുസ്‌ലിയാർ ഹംസ ഫൈസി അൽ ഹൈതമി, ളിയാഉദ്ദീൻ ഫൈസി മേൽമുറി, സി കെ അബ്ദു റഹിമാൻ ഫൈസി, അബ്ദുൽ ഗഫൂർ അൻവരി, അബ്ദു റഹ്മാൻ ഫൈസി പാതിരമണ്ണ, അബൂബക്ർ ഖാസിമി ഖത്തർ ഹസൻ സഖാഫി പൂക്കോട്ടൂർ നേതൃത്വം നൽകും. മലപ്പുറം, കോഴിക്കോട്, പാലക്കാട്, തൃശൂർ ജില്ലകളിൽ നിന്നുള്ള ഖത്തീബുമാരാണ് പങ്കെടുക്കേണ്ടത്. മറ്റു ജില്ലകളിലുള്ളവർക്ക് പിന്നീട് നടക്കും.
- JAMIA NOORIYA PATTIKKAD

'ചൂഷണമുക്ത ആത്മീയത സൗഹൃദത്തിന്റെ രാഷ്ട്രീയം' എസ് കെ എസ് എസ് എഫ് ദ്വൈമാസ കാമ്പയിന്‍

കോഴിക്കോട്: യഥാര്‍ത്ഥ ആമ്മീയതയുടെയും സൗഹൃദ രാഷ്ട്രീയത്തിന്റെയും സന്ദേശങ്ങള്‍ പ്രചരിപ്പിക്കുന്നതിനായി എസ് കെ എസ് എസ് എഫ് ദ്വൈമാസ കാമ്പയിന്‍ നടത്താന്‍ തീരുമാനിച്ചു. കാമ്പയിന്റെ ഭാഗമായി ലീഡേഴ്‌സ് പാര്‍ലമെന്റ്, സ്പീക്കേഴ്‌സ് ഡിബേറ്റ്, സൗഹൃദ സമ്മേളനം, വീഡിയോ സന്ദേശം, ജില്ലാ കേന്ദ്രങ്ങളില്‍ പ്രതിരോധ നിര, പൊതുസമ്മേളനം, മേഖലകളില്‍ പദയാത്ര, നേതൃ സംഗമം, ക്ലസ്റ്ററുകളില്‍ പ്രമേയ പ്രഭാഷണം, യുണിറ്റുകളില്‍ കുടുംബ സംഗമം, ലഘുലേഖ വിതരണം തുടങ്ങിയ പരിപാടികള്‍ സംഘടിപ്പിക്കും. സംസ്ഥാനതല ഉല്‍ഘാടനം മേയ് 21 ന് മലപ്പുറം വെസ്റ്റ് ജില്ലയില്‍ അങ്ങാടിപ്പുറത്ത് വെച്ച് നടത്താനും തീരുമാനിച്ചു.

യോഗത്തില്‍ പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ അദ്ധ്യക്ഷത വഹിച്ചു. സയ്യിദ് ഫഖ്‌റുദ്ധീന്‍ തങ്ങള്‍ കണ്ണന്തളി, ഒ പി എം അശ്‌റഫ് കുറ്റിക്കടവ്, ഇസ്മായില്‍ യമാനി മംഗലാപുരം, അബ്ദുല്‍ ഖാദര്‍ ഹുദവി പള്ളിക്കര, ജലീല്‍ ഫൈസി അരിമ്പ്ര, സി ടി അബ്ദുല്‍ ജലീല്‍ പട്ടര്‍കുളം, അബൂബക്കര്‍ യമാനി കണ്ണൂര്‍, നൂറുദ്ധീന്‍ ഫൈസി മുണ്ടുപാറ, മുഹ്‌യുദ്ധീന്‍ കുട്ടി യമാനി പന്തിപ്പോയില്‍, അനീസ് ഫൈസി മാവണ്ടിയൂര്‍, മുഹമ്മദ് ഫൈസി കജ, ഫാറൂഖ് ഫൈസി മണിമൂളി, അലി വാണിമേല്‍ എന്നിവര്‍ സംസാരിച്ചു. ജനറല്‍ സെക്രട്ടറി റശീദ് ഫൈസി വെള്ളയിക്കോട് സ്വാഗതവും വര്‍ക്കിംഗ് സെക്രട്ടറി അയ്യൂബ് മുട്ടില്‍ നന്ദിയും പറഞ്ഞു.
- SKSSF STATE COMMITTEE

പി. സി ജോര്‍ജിന്റെ ജല്‍പ്പനങ്ങള്‍ തള്ളിക്കളയും: എസ് കെ എസ് എസ് എഫ്

കോഴിക്കോട്: വെറുപ്പിന്റെ വിഷം വിതറുന്ന പി. സി ജോര്‍ജിന്റെ ജല്‍പ്പനങ്ങള്‍ കേരളീയ സമൂഹം അവജ്ഞയോടെ തള്ളിക്കളയുമെന്ന് എസ് കെ എസ് എസ് എഫ് സംസ്ഥാന സെക്രട്ടറിയേറ്റ് അഭിപ്രായപ്പെട്ടു. എന്നാല്‍ തുടര്‍ച്ചയായുള്ള ഇദ്ദേഹത്തിന്റെ ഈ വിദ്വേഷ പ്രചാരണം സര്‍ക്കാര്‍ ഗൗരവത്തിലെടുക്കണം. ഒരു സമുദായത്തെ ലക്ഷ്യം വെച്ച് നടത്തുന്ന ഇത്തരം പ്രചാരണങ്ങള്‍ക്ക് പിന്നിലെ അജണ്ടകള്‍ കൂടി പുറത്ത് കൊണ്ടുവരാന്‍ സര്‍ക്കാര്‍ മുന്‍കയ്യെടുക്കണം. നാമമാത്രമായ നിയമ നടപടിയിലൂടെയല്ല ക്രിമിനല്‍ കേസെടുത്ത് പി. സി ജോര്‍ജിനെ ജയിലിലടക്കണമെന്നും യോഗം ആവശ്യപ്പെട്ടു.

പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ അദ്ധ്യക്ഷതവഹിച്ചു. സയ്യിദ് ഫഖ്‌റുദ്ധീന്‍ തങ്ങള്‍ കണ്ണന്തളി, സത്താര്‍ പന്തലൂര്‍, സയ്യിദ് ഹാശിര്‍ അലി ശിഹാബ് തങ്ങള്‍ പാണക്കാട്, ഹബീബ് ഫൈസി കോട്ടോപാടം, താജുദ്ധീന്‍ ദാരിമി പടന്ന, ബഷീര്‍ അസ്അദി നമ്പ്രം, ആശിഖ് കുഴിപ്പുറം, ഒ പി അഷ്‌റഫ്, അന്‍വര്‍ മുഹ്‌യുദ്ധീന്‍ ഹുദവി, ഇസ്മായില്‍ യമാനി, അനീസ് റഹ്മാന്‍ മണ്ണഞ്ചേരി, അബ്ദുല്‍ ഖാദര്‍ ഹുദവി, ത്വാഹ നെടുമങ്ങാട്, ഡോ. കെ ടി ജാബിര്‍ ഹുദവി, സലീം റഷാദി, സയ്യിദ് മുബശ്ശിര്‍ തങ്ങള്‍ ജമലു ല്ലൈലി, ജലീല്‍ ഫൈസി അരിമ്പ്ര, അബ്ദുല്‍ ഖാദര്‍ ഫൈസി തലക്കശ്ശെരി, മുജീബ് റഹ്മാന്‍ അന്‍സ്വരി, നൗഷാദ് ഫൈസി എം, ഷഹീര്‍ അന്‍വരി പുറങ്ങ്, അബൂബക്കര്‍ യമാനി, ശമീര്‍ ഫൈസി ഒടമല, സി. ടി ജലീല്‍ പട്ടര്‍കുളം, സ്വാലിഹ് പി എം ഇടുക്കി, നാസിഹ് മുസ്ലിയാര്‍ ലക്ഷദ്വീപ്, നൂറുദ്ധീന്‍ ഫൈസി മുണ്ടുപാറ, മുഹ്യുദ്ദീന്‍ കുട്ടി യമാനി വയനാട്, റിയാസ് റഹ്മാനി മംഗലാപുരം, അനീസ് ഫൈസി മാവണ്ടിയൂര്‍, ഫാറൂഖ് ഫൈസി മണിമൂളി, അലി വാണിമേല്‍, മുഹമ്മദ് ഫൈസി കജ എന്നിവര്‍ പങ്കെടുത്തു. ജനറല്‍ സെക്രട്ടറി റശീദ് ഫൈസി വെള്ളായിക്കോട് സ്വാഗതവും വര്‍ക്കിംഗ് സെക്രട്ടറി അയ്യൂബ് മുട്ടില്‍ നന്ദിയും പറഞ്ഞു.
- SKSSF STATE COMMITTEE

വിശുദ്ധ റമദാനില്‍ ആര്‍ജ്ജിച്ചെടുത്ത വിശുദ്ധി ജീവിതത്തിലുടനീളം കാത്തുസൂക്ഷിക്കുക: സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍

ചേളാരി: വിശുദ്ധ റമദാനില്‍ ആര്‍ജ്ജിച്ചെടുത്ത വിശുദ്ധി ജീവിതത്തിലുടനീളം കാത്തു സൂക്ഷിക്കണമെന്ന് സമസ്ത കേരള ജംഇയ്യത്തുല്‍ ഉലമാ പ്രസിഡണ്ട് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ പറഞ്ഞു. സമസ്ത ഗ്ലോബല്‍ കൗണ്‍സില്‍ സംഘടിപ്പിച്ച ഖത്മുല്‍ ഖുര്‍ആന്‍ പ്രാര്‍ത്ഥന സംഗമത്തിന് നേതൃത്വം നല്‍കി സംസാരിക്കുകയായിരുന്നു അദ്ദേഹം. സമസ്ത കേരള ജംഇയ്യത്തുല്‍ ഉലമായുടെയും പോഷക സംഘടനകളുടെയും പ്രവര്‍ത്തനങ്ങള്‍ കൂടുതല്‍ ശക്തി പ്രാപിച്ചുകൊണ്ടിരിക്കുകയാണ്. വിജ്ഞാന മേഖലയിലും സംസ്‌കരണ രംഗത്തും ശ്രദ്ധേയമായ സേവനങ്ങളാണ് സമസ്ത ചെയ്തു കൊണ്ടിരിക്കുന്നത്. സാത്വികരായ പണ്ഡിതരും അല്ലാഹുവിന്റെ ഔലിയാക്കളും ആരിഫീങ്ങളും സാദാത്തുക്കളും സ്ഥാപിച്ച മഹത്തായ പ്രസ്ഥാനമാണ് സമസ്ത. സമസ്തയുടെ പ്രവര്‍ത്തനങ്ങള്‍ ആഗോള തലത്തില്‍ ശക്തിപ്പെടുത്തുന്നതിന് ഒരു ഗ്ലോബല്‍ വേദി രൂപപ്പെടുത്തിവരുന്നുണ്ടെന്നും എല്ലാവരും അതില്‍ അണിനിരക്കണമെന്നും തങ്ങള്‍ ഉല്‍ബോധിപ്പിച്ചു.

വെര്‍ച്ച്വല്‍ പ്ലാറ്റ് ഫോമില്‍ സംഘടിപ്പിച്ച സംഗമത്തില്‍ സമസ്ത ഇസ്‌ലാമിക് സെന്റര്‍ സഊദി നാഷണല്‍ കമ്മിറ്റി പ്രസിഡണ്ട് സയ്യിദ് ഉബൈദുല്ല തങ്ങള്‍ അല്‍ ഹൈദ്രൂസി അദ്ധ്യക്ഷനായി. എസ്.കെ.എസ്.എസ്.എഫ് സംസ്ഥാന പ്രസിഡണ്ട് പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്തു. സമസ്ത കേന്ദ്ര മുശാവറ അംഗം അബ്ദുസ്സലാം ബാഖവി ദുബൈ, സയ്യിദ് മൂസല്‍ ഖാളിം തങ്ങള്‍ മലേഷ്യ, സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ മാനേജര്‍ കെ.മോയിന്‍കുട്ടി മാസ്റ്റര്‍, അബ്ദുസ്സലാം ഫൈസി ഒളവട്ടൂര്‍, പൂക്കോയ തങ്ങള്‍ ബാ അലവി, സയ്യിദ് ശുഹൈബ് തങ്ങള്‍, അബ്ദുറഹിമാന്‍ അറക്കല്‍, അബ്ദുല്ലത്തീഫ് ഫൈസി സലാല, യു.കെ ഇസ്മായില്‍ ഹുദവി, ഡോ. ജുവൈദ്, ഓമാനൂര്‍ അബ്ദുറഹിമാന്‍ മൗലവി, അബ്ദുല്‍ഗഫൂര്‍ ദാരിമി മുണ്ടക്കുളം, അബ്ദുല്‍റഷീദ് ബാഖവി എടപ്പാള്‍, യു.കെ ഇബ്‌റാഹീം ദമാം, ഉസ്മാന്‍ എടത്തില്‍ പ്രസംഗിച്ചു.

യു.എ.ഇ സുന്നി കൗണ്‍സില്‍ ജനറല്‍ സെക്രട്ടറി ഡോ. അബ്ദുറഹിമന്‍ ഒളവട്ടൂര്‍ സ്വാഗതവും സഊദി എസ്.ഐ.സി നാഷണല്‍ കമ്മിറ്റി ചെയര്‍മാന്‍ അലവിക്കുട്ടി ഒളവട്ടൂര്‍ നന്ദിയും പറഞ്ഞു. സഊദി അറേബ്യ, യു.എ.ഇ, ബഹ്‌റൈന്‍, ഖത്തര്‍, ഒമാന്‍, കുവൈത്ത്, തുര്‍ക്കി, യു.കെ, മലേഷ്യ, യു.എസ്.എ, സിങ്കപ്പൂര്‍, നൈജീരിയ തുടങ്ങിയ രാജ്യങ്ങളില്‍ നിന്ന് പ്രതിനിധികള്‍ പങ്കെടുത്തു.
- Samasthalayam Chelari

പള്ളിക്കൽ ബസാർ ജുമാ മസ്ജിദ് ഭരണം പിടിച്ചെടുക്കാനുള്ള കാന്തപുരം വിഭാഗത്തിൻ്റെ നീക്കം അപലപനീയം: എസ്. എം. എഫ്.

ചേളാരി: സമസ്ത അനുഭാവികളടങ്ങുന്ന കമ്മിറ്റിയുടെ നിയന്ത്രണത്തിലുള്ള പള്ളിക്കൽ ബസാർ പളളിയുടെ ഭരണം സി. പി. എമ്മിന്റെ ഒത്താശയോടെ വഖഫ് ബോർഡിൽ സ്വാധീനം ചെലുത്തി ജനാധിപത്യ വിരുദ്ധമായ രീതിയിൽ പിടിച്ചെടുക്കാനുള്ള വിഘടിത വിഭാഗത്തിന്റെ കുൽസിത ശ്രമം അപലപനീയമാണെന്ന് സമസ്ത കേരള സുന്നി മഹല്ലു ഫെഡറേഷൻ സംസ്ഥാന സെക്രട്ടറിമാർ സംയുക്ത പ്രസ്താവനയിൽ പറഞ്ഞു. മഹല്ലിൽ റസീവർ ഭരണം ഏർപ്പെടുത്തിയ വഖഫ് ബോർഡിൻ്റെ തീരുമാനം അന്യായവും ഹൈക്കോടതി വിധിക്ക് വിരുദ്ധവുമാണ്. ഹൈക്കോടതി വിധി പ്രകാരം ജനായത്ത രീതിയിൽ അധികാരത്തിൽ വന്ന കമ്മറ്റിയാണ് മഹല്ലിൽ ഭരണം നടത്തുന്നത്. ജനഹിതത്തെ അട്ടിമറിച്ചാണ് മഹല്ലിൽ വഖഫ് ബോർഡിൻ്റെ ഇടപെടൽ. പക്ഷപാതിയായ ഒരാളെത്തന്നെ റസീവറായി നിയമിച്ച വഖഫ് ബോർഡ് ആരെ പ്രീണിപ്പിക്കാനാണ് ശ്രമിക്കുന്നതെന്ന് വ്യക്തമാക്കണം.

തീരുമാനത്തിൽ നിന്ന് വഖഫ് ബോർഡ് എത്രയും വേഗം പിൻമാറണമെന്നും ഇല്ലെങ്കിൽ ശക്തമായ പ്രതിഷേധ പരിപാടിയുമായി മുന്നോട്ട് പോകുമെന്നും എസ്. എം. എഫ്. സംസ്ഥാന ജനറൽ സെക്രട്ടറി യു. മുഹമ്മദ് ശാഫി ഹാജി, വർകിങ് സെക്രട്ടറി അബ്ദുസ്സമദ് പൂക്കോട്ടൂർ, സെക്രട്ടറിമാരായ സി. ടി. അബ്ദുൾ ഖാദർ തൃക്കരിപ്പൂർ, ഹംസ ബിൻ ജമാൽ റംലി തൃശൂർ, വി എ. സി. കുട്ടി ഹാജി പാലക്കാട്, തോന്നക്കൽ ജമാൽ തിരുവനന്തപുരം എന്നിവർ പ്രസ്താവനയിൽ വ്യക്തമാക്കി.
- SUNNI MAHALLU FEDERATION

സയ്യിദ് ഹൈദരലി ശിഹാബ് തങ്ങൾ അനുസ്മരണ സെമിനാർ നാളെ

കോഴിക്കോട്: നേതൃ മഹിമയുടെ പൈതൃക വഴി' എന്ന പ്രമേയത്തിൽ എസ് കെ എസ് എസ് എഫ് സസ്ഥാന കമ്മറ്റി നടത്തുന്ന പാണക്കാട് സയ്യിദ് ഹൈദരലി ശിഹാബ് തങ്ങൾ അനുസ്മരണ സെമിനാറും ഇഫ്താർ വിരുന്നും നാളെ ബുധൻ (13 - 4 - 2022 ) വൈകുന്നേരം 4 മണിക്ക് പാണക്കാട് ഹാദിയ സെന്ററിൽ നടക്കും പാണക്കാട് സയ്യിദ് സ്വാദിഖലി ശിഹാബ് തങ്ങൾ സെമിനാർ ഉദ്ഘാടനം ചെയ്യും സയ്യിദ് അബ്ബാസലി തങ്ങൾ ശിഹാബ് തങ്ങൾ സയ്യിദ് ഹമീദലി ശിഹാബ് തങ്ങൾ സയ്യിദ് ബഷീറലി ശിഹാബ് തങ്ങൾ സയ്യിദ് മുനവ്വിറലി ശിഹാബ് തങ്ങൾ സയ്യിദ് മുഈനലി ശിഹാബ് തങ്ങൾസമസ്ത കേന്ദ്ര മുശാവറ മെമ്പർ ശൈഖുനാ കാടേരി മുഹമ്മദ് മുസ്ലിയാർ അഡ്വകറ്റ് കെ എൻ എ ഖാദർ മലപ്പുറം പ്രസ് ക്ലബ്ബ് പ്രസിഡന്റ് ശംസുദ്ധീൻ മുബാറക് ഡോ: കെ ടി എം ബഷീർ പനങ്ങാങ്ങര പ്രഭാഷണം നടത്തും.
- SKSSF STATE COMMITTEE

ലക്ഷദ്വീപിലെ സ്കൂൾ യൂനിഫോം ഉത്തരവ് പുനപ്പരിശോധിക്കണം: എസ് കെ എസ് എസ് എഫ്

കോഴിക്കോട്: ലക്ഷദ്വീപിൽ കേന്ദ്ര സർക്കാർ അടിച്ചേൽപ്പിക്കാൻ ശ്രമിക്കുന്ന സ്കൂൾ യൂനിഫോം ഉത്തരവ് പുനപ്പരിശോധിക്കണമെന്ന് എസ് കെ എസ് എസ് എഫ് സംസ്ഥാന സെക്രട്ടറിയേറ്റ് ആവശ്യപ്പെട്ടു. ഒരു പ്രദേശത്തെ ജനവികാരത്തെ പൂർണമായി അവഗണിച്ചാണ് കേന്ദ്ര സർക്കാർ വിവിധ പരിഷ്കാരങ്ങൾ ലക്ഷദ്വീപ് ജനതക്ക് മേൽ അടിച്ചേൽപ്പിക്കുന്നത്. ഒരു ജനതയെ സാംസ്കാരികമായി നശിപ്പിക്കാനും അവരുടെ സ്വാതന്ത്ര്യത്തേയും അവകാശങ്ങളേയും ഇല്ലായ്മ ചെയ്യാനുമാണ് സർക്കാർ ശ്രമിക്കുന്നത്. ഇതിനെതിരെ എല്ലാ വിഭാഗം ജനങ്ങളും രംഗത്തിറങ്ങണമെന്നും യോഗം അഭ്യർത്ഥിച്ചു.

പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങൾ അദ്ധ്യക്ഷതവഹിച്ചു. സയ്യിദ് ഫഖ്റുദ്ധീൻ തങ്ങൾ കണ്ണന്തളി, സത്താർ പന്തലൂർ, സയ്യിദ് ഹാശിർ അലി ശിഹാബ് തങ്ങൾ പാണക്കാട്, ഹബീബ് ഫൈസി കോട്ടോപാടം, താജു ദ്ധീൻ ദാരിമി പടന്ന, ബഷീർ അസ് അദി നമ്പ്രം, ആശിഖ് കുഴിപ്പുറം, ഒ പി അഷ്‌റഫ്‌, അൻവർ മുഹ്‌യുദ്ധീൻ ഹുദവി, ഇസ്മായിൽ യമാനി, അനീസ് റഹ്മാൻ മണ്ണഞ്ചേരി, അബ്ദുൽ ഖാദർ ഹുദവി, ത്വാഹ നെടുമങ്ങാട്, ഡോ. കെ ടി ജാബിർ ഹുദവി, സലീം റഷാദി, സയ്യിദ് മുബശ്ശിർ തങ്ങൾ ജമലു ല്ലൈലി, ജലീൽ ഫൈസി അരിമ്പ്ര, അബ്ദുൽ ഖാദർ ഫൈസി തലക്കശ്ശെരി, മുജീബ് റഹ്മാൻ അൻസ്വരി, നൗഷാദ് ഫൈസി എം, ഷഹീർ അൻവരി പുറങ്ങ്, അബൂബക്കർ യമാനി, ശമീര്‍ ഫൈസി ഒടമല, സി. ടി ജലീല്‍ പട്ടർകുളം, സ്വാലിഹ് പി എം ഇടുക്കി, നാസിഹ് മുസ്ലിയാര്‍ ലക്ഷദ്വീപ്, നൂറുദ്ധീൻ ഫൈസി മുണ്ടുപാറ, മുഹ്യുദ്ദീൻ കുട്ടി യമാനി വയനാട്, റിയാസ് റഹ്‌മാനി മംഗലാപുരം, അനീസ് ഫൈസി മാവണ്ടിയൂർ, ഫാറൂഖ്‌ ഫൈസി മണിമൂളി, അലി വാണിമേൽ, മുഹമ്മദ്‌ ഫൈസി കജ എന്നിവർ പങ്കെടുത്തു. ജനറൽ സെക്രട്ടറി റശീദ് ഫൈസി വെള്ളായിക്കോട് സ്വാഗതവും വർക്കിംഗ് സെക്രട്ടറി അയ്യൂബ് മുട്ടിൽ നന്ദിയും പറഞ്ഞു.
- SKSSF STATE COMMITTEE

ത്വലബ തർബിയ സംസ്ഥാന തല ഉദ്ഘാടനം നിർവഹിച്ചു

മലപ്പുറം : മതവിദ്യ നാളേക്ക് നന്മക്ക് എന്ന പ്രമേയത്തിൽ ഏപ്രിൽ പത്ത് മുതൽ മെയ് പത്ത് വരെ എസ്‌ കെ എസ്‌ എസ്‌ എഫ് ത്വലബാ വിങ് സംസ്ഥാന സമിതി സംഘടിപ്പിക്കുന്ന 'ത്വലബ തർബിയ' മതവിദ്യാഭ്യാസ കാമ്പയിനിന്റെ സംസ്ഥാനതല ഉദ്ഘാടനം പാണക്കാട് സയ്യിദ് മുനവ്വർ അലി ശിഹാബ് തങ്ങൾ നിർവഹിച്ചു.

തർബിയ ഡെ ആചരണം, അഡ്മിഷൻ സഹായങ്ങൾക്കായുള്ള ഹെൽപ്പ് ഡെസ്കുകൾ, ''വേ റ്റു പാരഡൈസ് എന്ന പേരിൽ സ്ഥാപനങ്ങളെ പരിചയപ്പെടുത്തുന്ന ഓറിയന്റേഷൻ ക്ലാസുകൾ, മഹല്ലുകൾ കേന്ദ്രീകരിച്ചുള്ള ബോധവത്കരണം, ലഘുലേഖ വിതരണം തുടങ്ങിയ പരിപാടികൾ കാമ്പയിനിന്റെ ഭാഗമായി നടത്തപ്പെടുന്നതാണ്. സെക്രട്ടറിയേറ്റ് ഇൻ ചാർജ് സയ്യിദ് ഹാശിറലി ശിഹാബ് തങ്ങൾ, സൈഫുൽ അമീൻ കിടങ്ങഴി, ഹാഫിള് ഇർഷാദ് ഉപ്പള, ഷഫീഖ് എടക്കനാട്, റാഫി മുവാറ്റുപുഴ, മുനവ്വിർ കല്ലൂരാവി, മുസ്തഫ മാണിയൂർ, സംജീദ് കാളാട്, മുസമ്മിൽ കരുനാഗപ്പള്ളി, ഫള്ലു റഹ്മാൻ തിരുവള്ളൂർ തുടങ്ങിയവർ പങ്കെടുത്തു.

ദാറുല്‍ഹുദാ റമദാന്‍ പ്രഭാഷണത്തിന് നാളെ തുടക്കം (13-04-22 ബുധന്‍)

ഹിദായ നഗര്‍: ദാറുല്‍ഹുദാ ഇസ്ലാമിക സര്‍വകലാശാലയില്‍ നടക്കുന്ന മുസ്ഥഫ ഹുദവി ആക്കോടിന്റെ റമദാന്‍ പ്രഭാഷണ പരമ്പരക്ക് നാളെ തുടക്കം. രാവിലെ 9.30 ന് സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുകോയ തങ്ങള്‍ ഉദ്ഘാടനം ചെയ്യും. ദാറുല്‍ഹുദാ സെക്രട്ടറി സി.എച്ച് ത്വയ്യിബ് ഫൈസി അധ്യക്ഷനാകും. വ്യാഴാഴ്ച സയ്യിദ് ഹമീദലി ശിഹാബ് തങ്ങളും 16 ന് ശനിയാഴ്ച സയ്യിദ് അബ്ബാസലി ശിഹാബ് തങ്ങളും പ്രഭാഷണ സദസ്സ് ഉദ്ഘാടനം ചെയ്യും. 17 ന് ഞായറാഴ്ച നടക്കുന്ന സമാപന പരിപാടി സ്വാദിഖലി ശിഹാബ് തങ്ങള്‍ ഉദ്ഘാടനം ചെയ്യും. ദാറുല്‍ഹുദാ വി.സി ഡോ. ബഹാഉദ്ദീന്‍ മുഹമ്മദ് നദ്വി അധ്യക്ഷനാകും.
- Darul Huda Islamic University

ജാമിഅഃ നൂരിയ്യഃ കുല്ലിയ്യതുല്‍ ഖുര്‍ആന്‍ സെക്കണ്ടറി പരീക്ഷ നാളെ (ബുധന്‍)

പട്ടിക്കാട്: ജാമിഅഃ നൂരിയ്യഃയുമായി അഫ്‌ലിയേറ്റ് ചെയ്തു പ്രവര്‍ത്തിക്കുന്ന കുല്ലിയ്യതുല്‍ ഖുര്‍ആന്‍ സെക്കണ്ടറി സ്ഥാപനങ്ങളിലേക്കുള്ള പ്രവേശന പരീക്ഷ നാളെ നടക്കും. ഖുര്‍ആന്‍ മനഃപാഠമാക്കുകയും സ്‌കൂള്‍ ഏഴാം തരം വിജയിക്കുകയും ചെയ്ത വിദ്യാര്‍ത്ഥികള്‍ക്കാണ് സെക്കണ്ടറി വിഭാഗത്തില്‍ പ്രവേശനം നല്‍കപ്പെടുന്നത്. ഖുര്‍ആന്‍ പഠനത്തിലും പാരായണത്തിലും ആഴമേറിയ പഠനത്തോടൊപ്പം ഭൗതിക വിദ്യാഭ്യാസവും നല്‍കുന്ന രീതിയിലാണ് സിലബസ് ക്രമീകരിച്ചിട്ടുള്ളത്. സയ്യിദ് മുഹമ്മദലി ശിഹാബ് തങ്ങള്‍ കോളേജ് പഴമള്ളൂര്‍, ദാറുത്തഖ് വ അക്കാദമി ഈങ്ങാപുഴ എന്നിവയാണ് പരീക്ഷാ കേന്ദ്രങ്ങള്‍ അപേക്ഷ നല്‍കിയ വിദ്യാര്‍ത്ഥികള്‍ നിശ്ചിത രേഖകള്‍ സിഹിതം 10 മണിക്കു മുമ്പായി പരീക്ഷാ സെന്ററില്‍ എത്തിച്ചേരേണ്ടതാണ്. നിലവില്‍ അപേക്ഷ സമര്‍പ്പിച്ചിട്ടില്ലാത്തവര്‍ക്ക് സ്‌പോട്ട് രജിസ്‌ട്രേഷന്‍ സൗകര്യം സെന്ററുകളില്‍ ഉണ്ടായിരിക്കുന്നതാണ്. എസ്.എസ്.എല്‍.സി വിജയിച്ച ഹയര്‍ സെക്കണ്ടറി വിദ്യാര്‍ത്ഥികളുടെ പ്രവേശന പരീക്ഷ മെയ് 15 നായിരിക്കും.
- JAMIA NOORIYA PATTIKKAD

ദാറുല്‍ഹുദാ റമദാന്‍ പ്രഭാഷണം 13 മുതല്‍

ജിഫ്രി മുത്തുകോയ തങ്ങള്‍ ഉദ്ഘാടനം ചെയ്യും

ഹിദായ നഗര്‍: ദാറുല്‍ഹുദാ ഇസ്്‌ലാമിക സര്‍വകലാശാലയില്‍ നടക്കുന്ന മുസ്ഥഫ ഹുദവി ആക്കോടിന്റെ റമദാന്‍ പ്രഭാഷണ പരമ്പര ഏപ്രില്‍ 13 ന് ബുധനാഴ്ച ആരംഭിക്കും. രാവിലെ 9.30 ന് സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുകോയ തങ്ങള്‍ ഉദ്ഘാടനം ചെയ്യും. കോഴിക്കോട് ഖാദി സയ്യിദ് മുഹമ്മദ് കോയ തങ്ങള്‍ ജമലുല്ലൈല്‍ അധ്യക്ഷനാകും. 14 ന് വ്യാഴാഴ്ച സയ്യിദ് ഹമീദലി ശിഹാബ് തങ്ങളും 16 ന് ശനിയാഴ്ച സയ്യിദ് അബ്ബാസലി ശിഹാബ് തങ്ങളും പ്രഭാഷണ സദസ്സ് ഉദ്ഘാടനം ചെയ്യും. 17 ന് ഞായറാഴ്ച നടക്കുന്ന സമാപന പരിപാടി സ്വാദിഖലി ശിഹാബ് തങ്ങള്‍ ഉദ്ഘാടനം ചെയ്യും. ദാറുല്‍ഹുദാ വി.സി ഡോ. ബഹാഉദ്ദീന്‍ മുഹമ്മദ് നദ്‌വി അധ്യക്ഷനാകും.
- Darul Huda Islamic University

SKSSF സഹചാരി ഫണ്ട് ശേഖരണം ഇന്ന് (വെള്ളി)

കോഴിക്കോട്: ആതുര സേവന രംഗത്ത് ഒന്നരപതിറ്റാണ്ടിലേറെക്കാലമായി സുതാര്യവും വ്യവസ്ഥാപിതവുമായി സേവനം ചെയ്യുന്ന എസ് കെ എസ് എസ് എഫ് സംസ്ഥാന കമ്മിറ്റിയുടെ സഹചാരി റിലീഫ് സെല്ലിലേക്കുള്ള ഫണ്ട് ശേഖരണം റമളാൻ ആദ്യത്തെ വെള്ളി ( ഇന്ന്) നടക്കുന്നതാണ്. മസ്ജിദുകളിലും വീടുകളിലും കേന്ദീകരിച്ചു നടത്തുന്ന ഫണ്ട് ശേഖരണം വിജയിപ്പിക്കാൻ മുഴുവൻ പ്രവർത്തകരും രംഗത്തിറങ്ങണമെന്ന് സംസ്ഥാന പ്രസിഡന്റ് സയ്യിദ് ഹമീദലി ശിഹാബ് തങ്ങളും ജനറൽ സെക്രട്ടറി റഷീദ് ഫൈസി വെളളായിക്കോടും അഭ്യർത്ഥിച്ചു.
- SKSSF STATE COMMITTEE

S.K.S.S.F ത്വലബ വിങിന് പുതിയ നേതൃത്വം

കോഴിക്കോട്: എസ്. കെ. എസ്. എസ് എഫ് ത്വലബ വിങ് സംസ്ഥാന ഭാരവാഹികളായി ചെയർമാൻ സൈഫുൽ അമീൻ കിടങ്ങഴി വൈസ് ചെയര്‍മാൻ റാഫി മൂവാറ്റുപുഴ, മുനവ്വിർ കല്ലൂരാവി, മുസ്തഫ മാണിയൂർ ജനറൽ കൺവീനർ ഹാഫിള് ഇർഷാദ് ഉപ്പള വർക്കിങ് കൺവീനർ ഷഫീഖ് എടക്കനാട് ജോയിന്റ് കൺവീനർ സംജീദ് കാളാട്, ഫള്ലു റഹ്‌മാൻ തിരുവള്ളൂർ, അബ്ദുല്ല മുസമ്മിൽ സമിതി അംഗങ്ങൾ, സയ്യിദ് ഹമീദ് നാസിഹ് തങ്ങൾ പടന്നക്കാട്, സയ്യിദ് ഉമറുൽ ഫാറൂഖ് തങ്ങൾ അൽ ബുഖാരി മംഗലാപുരം, സയ്യിദ് ഉവൈസ് തങ്ങൾ ജമലുല്ലൈലി, സയ്യിദ് സഹദ് തങ്ങൾ പരപ്പനങ്ങാടി, ഹാഫിള് ഹുസൈൻ അലി വർക്കല, അനസ് തൃക്കരിപ്പൂർ, യൂസുഫ് സവാദ് ദക്ഷിണ കണ്ണട ഈസ്റ്റ്, അറഫാസ് അയ്യൂബ് ലക്ഷദ്വീപ്, അസ്‌ലം കൊടക്, ജിൽഷാദ് നീലഗിരി, അഫ്സൽ പനമരം, ഇഖ്ബാൽ കോട്ടയം, ഹാഷിം വെൻമനാട്, അൻഫാൽ തൊടുപ്പുഴ, ഹസീബ് വല്ലപ്പുഴ, മുഹമ്മദ് ഷാഫി പതിയാങ്കര, അമീൻ പുതിയങ്ങാടി, ഷാക്കിർ മണ്ണാറമ്പ, അമീർ രാമന്തളി, മൻസൂർ വല്ലപ്പുഴ, ഹാഫിള് അബ്ദുൽ വാഹിദ് വൈലത്തൂർ, അബ്ദുൽ ഹസീബ് വളരാട്, ഇസ്ഹാഖ് പട്ടാമ്പി, ആസിഫ് പാക്കണ, ആസിഫ് പഴമള്ളൂർ, അഷ്റഫ് വട്ടക്കൂൽ, ഫാഇസ് തറയിട്ടാൽ, മുർഷിദ് നാട്ടുകൽ, ഷഫീഖ് റഹ്മാൻ കൊടിഞ്ഞി എന്നിവരെ തിരഞ്ഞെടുത്തു.
- SKSSF STATE COMMITTEE

SKSSF മെഡിക്കല്‍ വിംഗ് – 'MEEM' പുതിയ സമിതി നിലവില്‍ വന്നു

കോഴിക്കോട്: ആരോഗ്യ മേഖലയിലെ സേവന പ്രവര്‍ത്തനങ്ങള്‍ക്ക് നേതൃത്വം നല്‍കുന്നതിനും വൈദ്യശാസ്ത്ര രംഗത്തെ വിദ്യാഭ്യാസ പദ്ധതികള്‍ ആസൂത്രണം ചെയ്യുന്നതിനുമായി എസ് കെ എസ് എസ് എഫ് സംസ്ഥാന കമ്മിറ്റി രൂപീകരിച്ച മെഡിക്കല്‍ വിംഗിന് പുതിയ സംസ്ഥാന സമിതി നിലവില്‍ വന്നു. മെഡിക്കല്‍ എമിനെന്‍സ് ഫോര്‍ എത്തിക്കല്‍ മൂവ്‌മെന്റ് (MEEM) എന്നാണ് വിംഗ് അറിയപ്പെടുക. വൈദ്യ ശാസ്ത്രത്തിലെ വിവിധ ചികിത്സ മേഖലകളിലെ വിദഗ്ധര്‍ ഉള്‍ക്കൊള്ളുന്ന വിംഗ് വിഖായ യുടെയും സഹചാരിയുടെയും പ്രവര്‍ത്തനങ്ങള്‍ക്ക് ആവശ്യമായ പദ്ധതികള്‍ക്ക് കൂടി നേതൃത്വം നല്‍കും.

ഡോ. അഷ്‌റഫ് വാഴക്കാട് (മലപ്പുറം ഈസ്റ്റ്) ചെയര്‍മാനം ഡോ. അബ്ദുല്‍ കബീര്‍ പി. ടി (കണ്ണൂര്‍) ജനറല്‍ കണ്‍വീനറുമാണ്. മറ്റു ഭാരവാഹികളായി ഡോ. ഇ. എം ശിഹാബുദ്ദീന്‍ (മലപ്പുറം ഈസ്റ്റ്), ഡോ. നസീഫ് (മലപ്പുറം വെസ്റ്റ്), ഡോ. സയ്യിദ് മിഖ്ദാദ് (ദ. കന്നഡ ഈസ്റ്റ), ഡോ. ഉവൈസ് (കണ്ണൂര്‍), ഡോ. ഹൈദര്‍ഃ(ദ. കന്നഡ വെസ്റ്റ്), (വൈസ് ചെയര്‍മാന്‍), ഡോ. ഉമറുല്‍ ഫാറൂഖ് (പാലക്കാട്), ഡോ. സാബിത്ത് മേത്തര്‍, (ആലപ്പുഴ), ഡോ. അസ്മില്‍ (മലപ്പുറം ഈസ്റ്റ്), ഡോ. ശാഖിര്‍ (കോഴിക്കോട്), ഡോ. നസീര്‍ അഹമ്മദ് (ദ. കന്നഡ ഈസ്റ്റ) (ജോ. കണ്‍വീനര്‍മാര്‍), ഡോ. ഫൈസല്‍ വി. പി (കോഴിക്കോട്) എന്നിവരേയും തെരെഞ്ഞെടുത്തു. റിസര്‍ച്ച് ടീം അംഗങ്ങളായി ഡോ. നാട്ടിക മുഹമ്മദലി, ഡോ. ബിശ്‌റുള്‍ ഹാഫി, ഡോ. അമീറലി എന്നിവരേയും തെരെഞ്ഞെടുത്തു
- SKSSF STATE COMMITTEE

ഇഫ്ത്താര്‍ ടെന്റ് ഉദ്ഘാടനം ചെയ്തു

കോഴിക്കോട്: എസ്.കെ.എസ്.എസ്.എഫ് സംസ്ഥാന കമ്മിറ്റി യുടെ കീഴില്‍ പ്രവര്‍ത്തിക്കുന്ന കോഴിക്കോട് മെഡിക്കല്‍ കോളേജ് സഹചാരി സെന്ററിന്റെ നേതൃത്വത്തില്‍ ആശുപത്രിയിലെത്തുന്ന രോഗികള്‍ക്കും ആശ്രിതര്‍ക്കും വഴിയാത്രക്കാര്‍ക്കും നോമ്പുതുറക്കുന്ന വിഭവങ്ങളൊരുക്കി ഇഫ്താര്‍ ടെന്റ് പ്രവര്‍ത്തനമാരംഭിച്ചു. മെഡിക്കല്‍ കോളജ് ആംബുലന്‍സ് സ്റ്റാന്റിന് എതിര്‍ വശത്തായി സഹചാരി സെന്ററിലാണ് ഇഫ്താര്‍ ടെന്റ് ആരംഭിച്ചത്. എസ്.കെ.എസ്.എസ്.എഫ് സംസ്ഥാന ജനറല്‍ സെക്രട്ടറി റഷീദ് ഫൈസി വെള്ളായിക്കോട് ഉദ്ഘാടനം ചെയ്തു. ടി.പി സുബൈര്‍ മാസ്റ്റര്‍ കുറ്റിക്കാട്ടൂര്‍ അധ്യക്ഷനായി. ഒ.പി.അഷറഫ് മൗലവി മുഖ്യ പ്രഭാഷണം നടത്തി. കെ.മരക്കാര്‍ ഹാജി, സലാം ഫറോക്ക്, അലി അക്ബര്‍ മുക്കം, നിസാം ഓമശ്ശേരി, റഫീഖ് പെരിങ്ങളം, ജലീല്‍ മാസ്റ്റര്‍ നരിക്കുനി, സിറാജ് പന്തീരാങ്കാവ്, ഗഫൂര്‍ ഓമശ്ശേരി,മുഹമ്മദ് കുറ്റിക്കാട്ടൂര്‍,റാഫി യമാനി ,സുഹൈല്‍ കാരന്തൂര്‍,അസ്‌ലം മായനാട് സംസാരിച്ചു.

സഹചാരി ഫണ്ട് ശേഖരണം വിജയിപ്പിക്കുക: ജംഇയ്യത്തുല്‍ ഖുത്തബാഅ്

കോഴിക്കോട്: ആതുര സേവന രംഗത്ത് പതിനായിരക്കണക്കിന് പാവപ്പെട്ട രോഗികള്‍ക്ക് ആശ്വാസമായി മാറിയ എസ് കെ എസ് എസ് എഫ് സംസ്ഥാന കമ്മിറ്റിയുടെ സഹചാരി റിലീഫ് സെല്ലിലേക്കുള്ള ഏപ്രില്‍ 8 ന് വെള്ളിയാഴ്ച നടക്കുന്ന ഫണ്ട് ശേഖരണം വിജയിപ്പിക്കണമെന്ന് ജംഇയ്യത്തുല്‍ ഖുത്വബാഅ് സംസ്ഥാന നേതാക്കള്‍ ആഹ്വാനം ചെയ്തു. അടുത്ത വെള്ളിയാഴ്ച പള്ളികളില്‍ വെച്ച് പൊതു ജനങ്ങളെ ബോധവല്‍കരിച്ച് ഈ മഹത്തായജീവ കാരുണ്യ പ്രവര്‍ത്തനങ്ങള്‍ വിജയിപ്പിക്കാന്‍ എല്ലാ ഖത്തീബുമാരും രംഗത്തിറങ്ങണമെന്ന് സംസ്ഥാന പ്രസിഡന്റ് ഉമര്‍ മുസ്‌ലിയാര്‍ കൊയ്യോടും ജനറല്‍ സെക്രട്ടറി നാസര്‍ ഫൈസി കൂടത്തായിയും അഭ്യര്‍ത്ഥിച്ചു.
- SKSSF STATE COMMITTEE

SKSSF സഹചാരി ഫണ്ട് ശേഖരണം ഒരുക്കങ്ങള്‍ പൂര്‍ത്തിയായി

കോഴിക്കോട്: കരുണയുടെ നോട്ടം കനിവിന്റെ സന്ദേശം എന്ന പ്രമേയവുമായി എസ് കെ എസ് എസ് എഫ് സംസ്ഥാന കമ്മറ്റിയുടെ ആതുര സേവന വിഭാഗമായ സഹചാരി റിലീഫ് സെല്‍ വര്‍ഷം തോറും റമളാനിലെ ആദ്യത്തെ വെള്ളിയാഴ്ച നടത്തി വരാറുളള സഹചാരി ഫണ്ട് ശേഖരണത്തിനുള്ള ഒരുക്കങ്ങള്‍ പൂര്‍ത്തിയായി. കണ്ണൂര്‍, മലപ്പുറം, ആലപ്പുഴ എന്നീ കേന്ദ്രങ്ങളില്‍ സംസ്ഥാന നേതാക്കളുടെ നേതൃത്വത്തില്‍ നടന്ന ലീഡേഴ്‌സ് കണ്‍വെന്‍ഷനുകളില്‍ ജില്ലാ ഭാരവാഹികളും സഹചാരി സെക്രട്ടറി, വിംഗ് ചെയര്‍മാന്‍, കണ്‍വീനര്‍ന്മാരും പങ്കെടുത്തു. ജില്ല മേഖല തലങ്ങളിലും സ്‌പെഷ്യല്‍ ക്യാമ്പുകള്‍ നടത്തി. സര്‍ക്കുലറുകളും മഹല്ല്, യൂണിറ്റ് കമ്മിറ്റികള്‍ക്കുള്ള കത്തും ലഘുലേഖയും വിതരണം ചെയതു. ഫണ്ട് ശേഖരണത്തിന്റെ ജില്ലാ മേഖല തല ഉല്‍ഘാടനം നടന്നു വരികയാണ്. ഏപ്രില്‍ 8 ന് വെള്ളിയാഴ്ച യൂണിറ്റുകളില്‍ പള്ളികളും വീടുകളും കേന്ദ്രികരിച്ചുളള ഫണ്ട് ശേഖരണത്തിന് തുടക്കം കുറിക്കും. ഏപ്രില്‍ 23 ന് മുമ്പായി ശേഖരിച്ച ഫണ്ടുകള്‍ ഓഫീസില്‍ സ്വീകരിക്കുന്നതാണ്.

കഴിഞ്ഞ പതിനാറ് വര്‍ഷമായി പതിനായിരക്കണക്കിന് പാവപ്പെട്ട രോഗികള്‍ക്ക് ആശ്വാസം നല്‍കിയ ഈ മഹത്തായ പദ്ധതിയിലേക്കുള്ള ഫണ്ട് ശേഖരണം വിജയിപ്പിക്കാന്‍ മുഴുവന്‍ പ്രവര്‍ത്തകരും രംഗത്തിറങ്ങണമെന്ന് നേതാക്കള്‍ ആഹ്വാനം ചെയതു. പാണക്കാട് സയ്യിദ് ഹമീദലി ശിഹാബ് തങ്ങള്‍ അധ്യക്ഷത വഹിച്ചു. സയ്യിദ് ഫഖ്‌റുദ്ധീന്‍ തങ്ങള്‍ കണ്ണന്തളി, സത്താര്‍ പന്തലൂര്‍, സയ്യിദ് ഹാശിര്‍ അലി ശിഹാബ് തങ്ങള്‍ പാണക്കാട്, ബശീര്‍ അസ്അദി നമ്പ്രം, ആശിഖ് കുഴിപ്പുറം, ഒ പി എം അശ്‌റഫ് കുറ്റിക്കടവ്, അന്‍വര്‍ മുഹ്‌യുദ്ധീന്‍ ഹുദവി തൃശ്ശൂര്‍, ഇസ്മായില്‍ യമാനി മംഗലാപുരം, അനീസ് റഹ്മാന്‍ മണ്ണഞ്ചേരി, ജലീല്‍ ഫൈസി അരിമ്പ്ര, അബ്ദുല്‍ ഖാദര്‍ ഫൈസി തലക്കശ്ശേരി, ശഹീര്‍ അന്‍വരി പുറങ്ങ്, ശമീര്‍ ഫൈസി ഒടമല, സി ടി അബ്ദുല്‍ ജലീല്‍ പട്ടര്‍കുളം, സലീം റശാദി കൊളപ്പാടം, സയ്യിദ് മുബശ്ശിര്‍ തങ്ങള്‍ ജമലുല്ലൈലി, നൂറുദ്ധീന്‍ ഫൈസി മുണ്ടുപാറ, അനീസ് ഫൈസി മാവണ്ടിയൂര്‍, മുഹമ്മദ് ഫൈസി കജ, ഫാറൂഖ് ഫൈസി മണിമൂളി, അലി വാണിമേല്‍ എന്നിവര്‍ സംസാരിച്ചു. ജനറല്‍ സെക്രട്ടറി റശീദ് ഫൈസി വെള്ളായിക്കോട് സ്വാഗതവും വര്‍ക്കിംഗ് സെക്രട്ടറി അയ്യൂബ് മുട്ടില്‍ നന്ദിയും പറഞ്ഞു.
- SKSSF STATE COMMITTEE

സഹചാരി ഫണ്ട് ശേഖരണം വിജയിപ്പിക്കുക: സമസ്ത

കോഴിക്കോട്: എസ് കെ എസ് എസ് എഫ് സംസ്ഥാന കമ്മിറ്റിയുടെ ആതുരസേവന വിഭാഗമായ സഹചാരി റിലീഫ് സെല്ലിലേക്കുള്ള ഫണ്ട് ശേഖരണം വിജയിപ്പിക്കാൻ സമസ്ത കേരള ജംഇയ്യത്തുൽ ഉലമ ആഹ്വാനം ചെയ്തു. ഒന്നരപ്പതിറ്റാണ്ട് കാലമായി നിരവധി രോഗികൾക്ക് ധനസഹായം നൽകാൻ സഹചാരിയിലൂടെ കഴിഞ്ഞിട്ടുണ്ട്. നിർധന രോഗികളെ സഹായിക്കുന്ന ഈ പദ്ധതിയിലേക്ക് അടുത്ത വെള്ളിയാഴ്ച നടക്കുന്ന ഫണ്ട് ശേഖരണം വിജയിപ്പിക്കാൻ മഹല്ല് ഭാരവാഹികളും ഖാസി, ഖത്വീബുമാരും സംഘടന പ്രവർത്തകരും രംഗത്തിറങ്ങണമെന്ന് പ്രസിഡൻ്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങളും ജനറൽ സെക്രട്ടറി പ്രൊഫ.കെ ആലിക്കുട്ടി മുസ് ലിയാരും അഭ്യർത്ഥിച്ചു.
- SKSSF STATE COMMITTEE

ആത്മ സംസ്കരണത്തിലൂടെ മതവിശുദ്ധി കാത്തുസൂക്ഷിക്കുക: പാണക്കാട് സയ്യിദ് ഹമീദലി തങ്ങൾ

എറണാകുളം: ആത്മ സംസ്കരണത്തിലൂടെ മതവിശുദ്ധി കാത്തുസൂക്ഷിക്കമെന്ന് പാണക്കാട് സയ്യിദ് ഹമീദലി ശിഹാബ് തങ്ങൾ. 'സത്യം, സമർപ്പണം, സാക്ഷാത് കാരം' എന്ന പ്രമേയത്തിൽ എസ്. കെ. എസ്. എസ്. എഫ് സംഘടിപ്പിക്കുന്ന റമളാൻ കാമ്പയിന്റെ സംസ്ഥാന തല ഉദ്ഘാടനം നിർവഹിച്ചു സംസാരിക്കുകയായിരുന്നു അദ്ദേഹം. രാജ്യത്തിന്റെ മതേതരത്വ മൂല്യങ്ങൾ വർഗീയ ഫാസിസ്റ്റ് ശക്തികളാൽ ലംഘിക്കപ്പെടുന്ന കാലത്ത് മതവിശ്വാസത്തെയും രാജ്യത്തിന്റെ മതേതര മൂല്യങ്ങളെയും ഒരുപോലെ ചേർത്ത് പിടിക്കണമെന്ന് അദ്ദേഹം കൂട്ടിച്ചേർത്തു.

കളമശ്ശേരി ഇല്ലിക്കൽ ഹാളിൽ നടന്ന ചടങ്ങിൽ സയ്യിദ് ഫക്രുദീൻ തങ്ങൾ കണ്ണന്തളി അദ്ധ്യക്ഷത വഹിച്ചു. ഷാഫി ഫൈസി ഓടക്കാലി പ്രാർത്ഥന നിർവഹിച്ചു. കാലടി ശ്രീ ശങ്കരാചാര്യ സർവ്വകലാശാല മുൻ വി. സി ഡോ. എം. സി ദിലീപ് കുമാർ മുഖ്യാതിഥിയായി. അൻവർ മൂഹിയുദ്ധീൻ ഹുദവി ആലുവ പ്രമേയേ പ്രഭാഷണം നടത്തി. റഷീദ് ഫൈസി വെള്ളായിക്കോട് കാമ്പയിൻ വിശദീകരണം നടത്തി.

എ. എം പരീത് സാഹിബ്, എൻ. കെ മുഹമ്മദ് ഫൈസി, കബീർ മുട്ടം, ടി. എ ബഷീർ, സിയാദ് ചെമ്പറക്കി, നിയാസ് മുണ്ടമ്പാലം, അജാസ് കങ്ങരപ്പടി, ഷിയാസ് മരോട്ടിക്കൽ, ഫൈസൽ കങ്ങരപ്പടി എന്നിവർ സംബന്ധിച്ചു. അബ്ദുൽ ഖാദിർ ഹുദവി സ്വാഗതവും അയ്യൂബ് മാസ്റ്റർ മുട്ടിൽ നന്ദിയും പറഞ്ഞു. ശാഖാ - മേഖല - ജില്ലാ തലങ്ങളിലായി സഹചാരി ഫണ്ട് ശേഖരണം, ഫിഖ്ഹ് ക്ലാസ്, ഖുർആൻ പാഠശാല, ഇഅത്തികാഫ് ജൽസ, തർബ്ബിയത്ത് ക്യാമ്പും ഇഫ്ത്താർ വിരുന്നും, ഓൺലൈൻ ഖുർആൻ വിജ്ഞാന പരീക്ഷ, ഇഫ്ത്താർ ടെന്റ്, പെരുന്നാളൊരുമ, ബദറൊളി എന്നീ പരിപാടികൾ ക്യാമ്പയിന്റെ ഭാഗമായി നടക്കുന്നു.

ആത്മീയ സദസ്സുകളിൽ വിശുദ്ധി കാത്തു സൂക്ഷിക്കണം: S K S S F

കോഴിക്കോട്: വിശ്വാസികളെ ഒരുമിച്ച് ചേർത്ത് നടത്തുന്ന ആത്മീയ സദസ്സുകളിൽ മത നിയമങ്ങൾ പാലിക്കാൻ ബന്ധപ്പെട്ടവർ ശ്രദ്ധിക്കണമെന്ന് എസ് കെ എസ് എസ് എഫ് സംസ്ഥാന സെക്രട്ടറിയേറ്റ് യോഗം ആവശ്യപ്പെട്ടു. വിവിധങ്ങളായ പ്രശ്നങ്ങൾക്ക് പരിഹാരം തേടിയാണ് നിഷ്കളങ്കരായ വിശ്വാസി സമൂഹം ആത്മീയ സദസ്സുകളിലെത്തുന്നത്. അത്തരം വേദികളും അവിടുത്തെ ഉപദേശങ്ങളും ഇസ് ലാമിക മര്യാദകൾ പൂർണമായും പാലിക്കുകയും മാതൃകാപരവുമായിരിക്കണം. ഇതിന് വിഘാതം സൃഷ്ടിക്കുന്ന സദസ്സുകളിൽ നിന്നു സമുദായം വിട്ടുനില്ക്കണം. സംഘടനാ പ്രവർത്തകരും ഇക്കാര്യം പ്രത്യേകം ശ്രദ്ധിക്കണമെന്നും യോഗം ആവശ്യപ്പെട്ടു. സമൂഹത്തിൽ ഉണ്ടാകുന്ന ഇത്തരം വിഷയങ്ങളിൽ സമസ്ത കേരള ജംഇയ്യത്തുൽ ഉലമ എടുക്കുന്ന അന്തിമ തീരുമാനം വരുന്നത് വരെ ഇക്കാര്യങ്ങൾ ശ്രദ്ധിക്കണം.

ഇവ്വിഷയകമായി കാമ്പയിൻ നടത്താൻ സംസ്ഥാന സെക്രട്ടറിയേറ്റ് യോഗം തീരുമാനിച്ചു. പ്രസിഡൻ്റ് പാണക്കാട് സയ്യിദ് ഹമീദലി ശിഹാബ് അധ്യക്ഷത വഹിച്ചു.
- SKSSF STATE COMMITTEE

സത്യം സമര്‍പ്പണം സാക്ഷാത്കാരം; SKSSF റമളാന്‍ കാമ്പയിന്‍ സംസ്ഥാന ഉദ്ഘാടനം എപ്രില്‍ 1 ന്

കോഴിക്കൊട്: സത്യം സമര്‍പ്പണം സാക്ഷാത്കാരം എന്ന പ്രമേയത്തില്‍ എസ് കെ എസ് എസ് എഫ് സംസ്ഥാന കമ്മിറ്റി നടത്തുന്ന റമളാന്‍ കാമ്പയിന്റെ സംസ്ഥാന തല ഉദ്ഘാടനം ഏപ്രില്‍ ഒന്നി ന് കളമശ്ശേരിയില്‍ വെച്ച് നടക്കും സംസ്ഥാന പ്രസിഡന്റ് സയ്യിദ് ഹമീദലി തങ്ങൾ ഉൽഘാടനം ചെയ്യും ഹൈബി ഈഡൻ എം പി മുഖ്യാഥിതിയായിരിക്കും. അൻവർ മുഹ്യ യിദ്ധീൻ ഹുദവി പ്രമേയ പ്രഭാഷണം നടത്തും സയ്യിദ് ഫഖ്റു ദ്ധീൻ തങ്ങൾ സമാപന പ്രാർത്ഥനക്ക് നേതൃത്വം നൽകും. ഐബി ഉസ്മാന്‍ ഫൈസി, ഇ എസ് ഹസന്‍ ഫൈസി, എ എം പരീത്, ശംസുദ്ദീന്‍ ഫൈസി, എന്‍ കെ മുഹമ്മദ് ഫൈസി, ഇസ്മായില്‍ ഫൈസി വണ്ണപ്പുറം, ഷാഫി ഫൈസി ഓടക്കാലി, ബക്കര്‍ ഹാജി പെരിങ്ങാല, സിയാദ് ചെമ്പറക്കി, സവാദ് കളമശ്ശേരി, തുടങ്ങിയവര്‍ പങ്കെടുക്കും. കാമ്പയിന്റെ ഭാഗമായി തത്വഹീര്‍, ഫിഖ്ഹ് ക്ലാസ്സ്, ഖുര്‍ആന്‍ പാഠശാല, ഇ അ്തിഖാഫ് ജില്‍സ, ഓണ്‍ലൈന്‍ ഖുര്‍ആന്‍ വിഞ്ജാന പരീക്ഷ, തര്‍ബിയ ക്യാമ്പ്, ഇഫ്താര്‍ വിരുന്ന്, ബദറൊളി, സഹചാരി ഫണ്ട് ശേഖരണം, പെരന്നാളൊരുമ എന്നിവ ജില്ലാ, മേഖല, ക്ലസ്റ്റര്‍, ശാഖ തലങ്ങളില്‍ നടക്കും
- SKSSF STATE COMMITTEE

ആത്മീയ ചൂഷണം; സമുദായം വിട്ടുനില്‍ക്കുക: ജംഇയ്യത്തുല്‍ മുഅല്ലിമീന്‍

ചേളാരി: ആരാധനയുടെയും ആത്മീയ സദസ്സുകളുടെയും മറവില്‍ സാമ്പത്തിക ചൂഷണം നടത്തുകയും സമുദായ അംഗങ്ങള്‍ക്കിടയില്‍ ആള്‍ദൈവ സങ്കല്‍പങ്ങള്‍ സൃഷ്ടിക്കുകയും ചെയ്യുന്ന അഭിനവ ആത്മീയ ചൂഷകരെ സമുദായം തിരിച്ചറിയണമെന്നും ആത്മീയ സദസ്സെന്ന പേരില്‍ ഇത്തരം ആളുകള്‍ സംഘടിപ്പിക്കുന്ന സദസ്സുകളില്‍നിന്ന് സമൂഹം വീട്ടുനില്‍ക്കണമെന്നും സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ നിര്‍വ്വാഹക സമിതി യോഗം ആവശ്യപ്പെട്ടു.

സംസ്ഥാന പ്രസിഡണ്ട് ഡോ. ബഹാഉദ്ദീന്‍ മുഹമ്മദ് നദ്‌വി അദ്ധ്യക്ഷം വഹിച്ചു. സെക്രട്ടറി കൊടക് അബ്ദുര്‍റഹ്മാന്‍ മുസ്‌ലിയാര്‍ സ്വാഗതം പറഞ്ഞു. ഡോ. എന്‍.എ.എം. അബ്ദുല്‍ ഖാദിര്‍, കെ.കെ. ഇബ്‌റാഹീം മുസ്‌ലിയാര്‍ കോഴിക്കോട്, അബ്ദുല്ല മാസ്റ്റര്‍ കൊട്ടപ്പുറം, പി.കെ. അബ്ദുല്‍ ഖാദിര്‍ അല്‍ ഖാസിമി വെന്നിയൂര്‍, കെ.ടി. ഹുസൈന്‍കുട്ടി മൗലവി, എം.എ.ചേളാരി, ബി.കെ.എസ്. തങ്ങള്‍ എടവണ്ണപ്പാറ, പി.ഹസൈനാര്‍ ഫൈസി ഫറോക്ക്, മാണിയൂര്‍ അബ്ദുറഹ്മാന്‍ ഫൈസി കണ്ണൂര്‍, എ.അശ്‌റഫ് ഫൈസി പനമരം, സി.മുഹമ്മദലി ഫൈസി പാലക്കാട്, ടി.കെ. മുഹമ്മദ്കുട്ടി ഫൈസി പട്ടാമ്പി, എം.കെ. അയ്യൂബ് ഹസനി ബാംഗ്ലൂര്‍, അബ്ദുല്‍ ലത്വീഫ് ദാരിമി ചിക്മഗളുരു, എം.യു.ഇസ്മാഈല്‍ ഫൈസി എറണാകുളം, പി.എ. ശിഹാബുദ്ദീന്‍ മുസ്‌ലിയാര്‍ ആലപ്പുഴ, എ.അബ്ദുല്‍ ഖാദിര്‍ മുസ്‌ലിയാര്‍ കോട്ടയം, കെ.എഛ്. അബ്ദുല്‍ കരീം മൗലവി ഇടുക്കി, ശാജഹാന്‍ അമാനി കൊല്ലം, അശ്‌റഫ് ബാഖവി തിരുവനന്തപുരം, മുഹമ്മദ് ഹംസ സമദാനി കന്യാകുമാരി സംസാരിച്ചു.
- Samastha Kerala Jam-iyyathul Muallimeen

ട്രെന്റ് പ്രീസ്‌കൂള്‍ അല്‍ ഫാത്തിഹ മത്സരം സമാപിച്ചു

കോഴിക്കോട് : എസ് കെ എസ് എസ് എഫ് സംസ്ഥാന കമ്മിറ്റി യുടെ കീഴില്‍ പ്രവര്‍ത്തിച്ചുവരുന്ന ട്രെന്റ പ്രീസ്‌കൂള്‍ വിദ്യാര്‍ത്ഥികളുടെ സംസ്ഥാനതല അല്‍ ഫാത്തിമ മത്സരം സയ്യിദ് അബ്ബാസ് അലി ശിഹാബ് തങ്ങള്‍ ഉദ്ഘാടനം നിര്‍വ്വഹിച്ചു. ട്രെന്റ് പ്രീസ്‌കൂള്‍ ചെയര്‍മാന്‍ ശാഹുല്‍ ഹമീദ് മാസ്റ്റര്‍ മേല്‍മുറി അധ്യക്ഷത വഹിച്ചു.

രണ്ട് വിഭാഗമായി നടന്ന മത്സരത്തില്‍ എല്‍ കെ ജി വിഭാഗം ഒന്നാം സ്ഥാനം ഫാത്തിമ ഫൈഹ പി ഇ (നിബ്രാസ് ട്രെന്റ് പ്രീസ്‌കൂള്‍ പുല്ലിപറമ്പ്), രണ്ടാം സ്ഥാനം മുഹമ്മദ് ഉനൈസ് സി കെ (ഇഖ്‌റഅ ട്രെന്റ് പ്രീസ്‌കൂള്‍ കുറ്റിക്കടവ്), മൂന്നാം സ്ഥാനം ഫൈഹ പി (ദാറുല്‍ ഹസനാത്ത് ട്രെന്റ് പ്രീസ്‌കൂള്‍ കണ്ണാടി പറമ്പ്). യു കെ ജി വിഭാഗം ഒന്നാം സ്ഥാനം നജ ഫാത്തിമ (നൂറുല്‍ ഹിദായ ട്രെന്റ് പ്രീസ്‌കൂള്‍ ഫാറൂഖ് കോളേജ്), രണ്ടാം സ്ഥാനം നൈല ഫാത്തിമ (ഇഖ്‌റഅ ട്രെന്റ് പ്രീസ്‌കൂള്‍ കുറ്റിക്കടവ്), മൂന്നാം സ്ഥാനം ലയാല്‍ കെ പി (മിസ്ബാഹുല്‍ ഇസ്‌ലാം ട്രെന്റ് പ്രീസ്‌കൂള്‍ കാപ്പ്).

വിജയികള്‍ക്ക് സമ്മാനദാനം തങ്ങള്‍ നിര്‍വഹിച്ചു. ട്രെന്‍ഡ് പ്രീ സ്‌കൂള്‍ രക്ഷിതാക്കള്‍ക്ക് വേണ്ടി സംഘടിപ്പിച്ച അല്‍ഫിഖ്‌റ സംസ്ഥാനതല മത്സരവിജയികള്‍ക്കും റിപ്പബ്ലിക് ഡേ യോട് അനുബന്ധിച്ച് സ്‌കൈ ബുക്‌സ് ന്റെ സഹകരണത്തോടുകൂടി സംഘടിപ്പിച്ച ഫ്‌ലാഗ് മേക്കിങ് മത്സര വിജയികള്‍ക്കുള്ള സമ്മാന വിതരണവും നടത്തി. ഡോ. അബ്ദുല്‍ മജീദ് മാസ്റ്റര്‍ കൊടക്കാട്, ഡോ അബ്ദുല്‍ ഖയ്യൂമ് കടമ്പോട്, ആര്‍ വി അബൂബക്കര്‍ യമാനി, അഷ്‌റഫ് മലയില്‍, സ്‌കൈ ബുക്‌സ് സ്റ്റേറ്റ് ഹെഡ് ആദര്‍ശ് തുടങ്ങിയവര്‍ സംസാരിച്ചു.
- SKSSF STATE COMMITTEE

SKSSF മനീഷ സംസ്ഥാന സമിതി

കോഴിക്കോട്: എസ് കെ എസ് എസ് എഫ് സംസ്ഥാന കമ്മിറ്റിയുടെ സാംസ്‌കാരിക വിഭാഗമായമനീഷ സംസ്ഥാനസമിതിക്ക് 2022-24 വര്‍ഷത്തേക്കുള്ള ഭാരവാഹികള്‍ നിലവില്‍ വന്നു. കെ എം ഇസ്സുദ്ധീന്‍ പൊതുവാച്ചേരി ചെയര്‍മാനായും, മുഹമ്മദ് ജൗഹര്‍ കാവനൂര്‍ ജനറല്‍ കണ്‍വീനറുമാണ്. സയ്യിദ് മുബശ്ശിര്‍ തങ്ങള്‍ ജമലുല്ലൈലി (സെക്രട്ടറിയേറ്റ് ഇന്‍ ചാര്‍ജ്). സമിതി അംഗങ്ങളായി മുഹമ്മദ് ഫാരിസ് പി യു, ശുഹൈബുല്‍ ഹൈത്തമി വാരാമ്പറ്റ, മുനീര്‍ ഹുദവി വിളയില്‍, ആബ്ബാസ് റഹ്മാനി മാവൂര്‍, ഡോ. ഹാരിസ് ഹുദവി കുറ്റിപ്പുറം, റഷീദ് അസ്‌ലമി പാനൂര്‍, സ്വാദിഖ് ഫൈസി താനൂര്‍, ഹര്‍ഷാദ് ഹുദവി കുറക്കോട് എന്നിവരേയും തെരെഞ്ഞെടുത്തു.
- SKSSF STATE COMMITTEE

SKSSF ഇസ്തിഖാമ ക്ക് പുതിയ നേതൃത്വം

കോഴിക്കോട്: എസ് കെ എസ് എസ് എഫ് ആദര്‍ശ വിഭാഗമായ ഇസ്തിഖാമക്ക് പുതിയ സമിതി നിലവില്‍ വന്നു. ചെയര്‍മാനായി അമീര്‍ ഹുസൈന്‍ ഹുദവി ചെമ്മാടിനേയും, ജനറല്‍ കണ്‍വീനറായി ജസീല്‍ കമാലി ഫൈസി അരക്കുപറമ്പിനെയും തെരെഞ്ഞെടുത്തു. അബ്ദുല്‍ ഖാദര്‍ ഫൈസി തലക്കശ്ശേരി (സെക്രട്ടറിയേറ്റ് ഇന്‍ ചാര്‍ജ് ), അന്‍വര്‍ കമാലി ഫൈസി നാട്ടുകല്ല്, നവാസ് ശരീഫ് ഹുദവി ചേലേമ്പ്ര (വൈസ് ചെയർമാൻ മാർ ), മുജ്തബ ഫൈസി ആനക്കര (വർക്കിംഗ് കൺവീനർ ), ആസിഫ് ഫൈസി പതാക്കര, അജ്മല്‍ കമാലി ഫൈസി കൊട്ടോപ്പാടം ( ജോ. കണ്‍ വീനര്‍മാര്‍ ), മെമ്പര്‍മാരായി നസീര്‍ അസ്ഹരി, ഖാസിം ദാരിമി, അബ്ദുല്‍ ജബ്ബാര്‍ ഫൈസി, അനസ് ഫൈസി, നിയാസ് മദനി, യുസുഫ് ദരിമി, ശിയാസലി വാഫി, അന്‍വര്‍ സ്വാദിഖ് ഫൈസി കാഞ്ഞിരപ്പുഴ, റശീദ് ഫൈസി പൊറോറ, ഹബീബ് ദരിമി, അബ്ദു സലാം ഫൈസി എടപ്പലം, അബൂതാഹിര്‍ ഫൈസി മാനന്തവാടി, ബഷീര്‍ ഹുദവി കാടാമ്പുഴ, അബൂബക്കര്‍ ഫൈസി മുടിക്കോട്, മുബശ്ശിര്‍ ഫൈസി മാവണ്ടിയൂര്‍ എന്നിവരേയും തെരെഞ്ഞെടുത്തു.
- SKSSF STATE COMMITTEE

ട്രന്റ് ടീം ഡ്രൈവ് 27 ന്

എസ് കെ എസ് എസ് എഫ് ട്രന്റിന്റെ സംഘടനാ ശാക്തീകരണത്തിന്റെ ഭാഗമായുള്ള ടീം ഡ്രൈവ് സമ്പൂർണ്ണ നേതൃ പരിശീലന ക്യാമ്പ് മാർച്ച് 27ഞായറാഴ്ച രാവിലെ മുതൽ കോഴിക്കോട് കിംഗ് ഫോർട്ട് ഹോട്ടലിൽ ആരംഭിക്കും. എസ് കെ എസ് എസ് എഫ് സംസ്ഥാന പ്രസിഡന്റ് സയ്യിദ് ഹമീദലി ശിഹാബ് തങ്ങൾ ഉൽഘാടനം ചെയ്യും. മുൻ സംസ്ഥാന ജനറൽ സെക്രട്ടറിമാരായ ഷാഹുൽ ഹമീദ് മേൽമുറി, എസ് വി മുഹമ്മദലി, വൈസ് പ്രസിഡന്റ് സത്താർ പന്തലൂർ, ജനറൽ സെക്രട്ടറി റഷീദ് ഫൈസി വെള്ളായിക്കോട്, വർക്കിംഗ്‌ സെക്രട്ടറി അയ്യൂബ് മുട്ടിൽ തുടങ്ങിയവർ പ്രസംഗിക്കും.

മുൻ സംസ്ഥാന ചെയർമാൻമാരായ ഡോ.സുലൈമാൻ നീറാട്, റഹീം ചുഴലി, റഷീദ് കൊടിയൂറ, ഇന്റർനാഷണൽ ഫെലോ അലി കെ. വയനാട്, ഡോ. മജീദ് കൊടക്കാട്, ശംസുദ്ധീൻ ഒഴുകൂർ, റഷീദ് കമ്പളക്കാട് തുടങ്ങിയവർ ചർച്ചകൾക്ക് നേതൃത്വം നൽകും. ജില്ലാ ട്രെന്റ് ഇൻചാർജ്ജ് സെക്രട്ടറി, ചെയർമാൻ, കൺവീനർ, കഴിഞ്ഞ സംസ്ഥാന സമിതി അംഗങ്ങൾ, സംസ്ഥാന ഉപസമിതി ചെയർമാൻമാർ എന്നിവർ പങ്കെടുക്കും.

അടുത്ത രണ്ട് വർഷത്തേക്കുള്ള ട്രെന്റിന്റെ പ്രവർത്തന രൂപരേഖയുടെ കരട് പുറത്തിറക്കും.
- SKSSF STATE COMMITTEE

സ്വാദിഖലി ശിഹാബ് തങ്ങള്‍ ദാറുല്‍ഹുദാ ചാന്‍സലര്‍

തിരൂരങ്ങാടി: ദാറുല്‍ഹുദാ ഇസ്‌ലാമിക സര്‍വകലാശാലയുടെ പുതിയ ചാന്‍സലറും മാനേജിങ് കമ്മിറ്റി പ്രസിഡന്റുമായി പാണക്കാട് സയ്യിദ് സ്വാദിഖലി ശിഹാബ് തങ്ങളെ തെരഞ്ഞെടുത്തു. കഴിഞ്ഞ ദിവസം നടന്ന മാനേജിങ് കമ്മിറ്റി യോഗത്തിലാണ് ഹൈദരലി ശിഹാബ് തങ്ങളുടെ വിയോഗം മൂലം ഒഴിവു വന്ന സര്‍കലാശാലാ ചാന്‍സലര്‍, മാനേജിങ് കമ്മിറ്റി പ്രസിഡന്റ് എന്നീ പദവികളിലേക്ക് സ്വാദിഖലി ശിഹാബ് തങ്ങളെ ഐകകണ്‌ഠേന തെരഞ്ഞെടുത്തത്.

കേരളത്തിനകത്തും പുറത്തുമായി 28 അഫിലിയേറ്റഡ് സ്ഥാപനങ്ങള്‍, 4 ഓഫ് കാമ്പസുകള്‍, 60 സ്റ്റഡീ സെന്ററുകള്‍, 12000-ലത്തികം വിദ്യാര്‍ത്ഥികള്‍, 500 ലധികം അധ്യാപകര്‍, 2602 ഹുദവികള്‍ എന്നിവയടങ്ങുന്ന ദാറുല്‍ഹുദാ ഇസ്‌ലാമിക സര്‍വകലാശാലാ സംവിധാനങ്ങള്‍ ഇനി സ്വാദിഖലി ശിഹാബ് തങ്ങള്‍ മുന്നോട്ടു നയിക്കും. എം.എം ബശീര്‍ മുസ്‌ലിയാര്‍ (1983-1987), സി.എച്ച് ഐദറൂസ് മുസ് ലിയാര്‍ (1987-1994), സയ്യിദ് ഉമറലി ശിഹാബ് തങ്ങള്‍ (1994-2008), സയ്യിദ് ഹൈദരലി ശിഹാബ് തങ്ങള്‍ (2008-2022) എന്നിവരായിരുന്നു ദാറുല്‍ഹുദായുടെ മുന്‍കാല പ്രസിഡന്റുമാര്‍.

2009-ല്‍ ഇസ്‌ലാമിക സര്‍വകലാശാലയായി അപ്‌ഗ്രേഡ് ചെയ്തപ്പോള്‍ പ്രഥമ ചാന്‍സലറായി ചുമതലയേറ്റ ഹൈദരലി ശിഹാബ് തങ്ങള്‍ അന്ത്യം വരെ വാഴ്‌സിറ്റിയുടെ ചാന്‍സലറും മാനേജിങ് കമ്മിറ്റി പ്രസിഡന്റുമായിരുന്നു.

ദാറുല്‍ഹുദായുടെ നാഷണല്‍ പ്രൊജക്ട് ചെയര്‍മാനായി സയ്യിദ് മുനവ്വറലി ശിഹാബ് തങ്ങള്‍, പൊതുവിദ്യാഭ്യാസ സംരംഭമായ സെന്റര്‍ ഫോര്‍ പബ്ലിക് എജ്യുക്കേഷന്‍ ആന്‍ഡ് ട്രെയ്‌നിങ് ഡയറക്ടറായി സയ്യിദ് റശീദലി ശിഹാബ് തങ്ങള്‍, ദാറുല്‍ഹുദാ പുംഗനൂര്‍ കാമ്പസ് ചെയര്‍മാനായി സയ്യിദ് ഹമീദലി ശിഹാബ് തങ്ങള്‍, ഹാദിയക്കു കീഴില്‍ ബീഹാറിലെ കിഷന്‍ഗഞ്ചിലുള്ള ഖുര്‍ത്വുബ ഇന്‍സ്റ്റിറ്റൂട്ട് ഡയറക്ടറായി സയ്യിദ് അബ്ബാസലി ശിഹാബ് തങ്ങള്‍ എന്നിവരാണ് ദാറുല്‍ഹുദായുടെ വിവിധ സംവിധാനങ്ങള്‍ക്ക് നിലവില്‍ നേതൃത്വം നല്‍കുന്നത്.

മാനേജിങ് കമ്മിറ്റി യോഗം വൈസ് ചാന്‍സലര്‍ ഡോ. ബഹാഉദ്ദീന്‍ മുഹമ്മദ് നദ്‌വി ഉദ്ഘാടനം ചെയ്തു. വൈസ് പ്രസിഡന്റ് സയ്യിദ് മുഹമ്മദ് കോയ തങ്ങള്‍ ജമലുല്ലൈല്‍ അധ്യക്ഷനായി. ജന.സെക്രട്ടറി യു.ശാഫി ഹാജി ചെമ്മാട്, ട്രഷറര്‍ കെ.എം സൈദലവി ഹാജി കോട്ടക്കല്‍, സെക്രട്ടറിമാരായ ഡോ.യു.വി.കെ മുഹമ്മദ്, സി.എച്ച് ത്വയ്യിബ് ഫൈസി, മറ്റു കമ്മിറ്റി അംഗങ്ങള്‍ എന്നിവര്‍ സംബന്ധിച്ചു.
- Darul Huda Islamic University

സത്യധാര സര്‍ക്കുലേഷന്‍ വിംഗ് സംസ്ഥാന ഭാരവാഹികളെ തെരഞ്ഞെടുത്തു

കോഴിക്കോട്: എസ്.കെ.എസ്.എസ്.എഫ് മുഖപത്രമായ സത്യധാര ദ്വൈവാരികക്ക് സര്‍ക്കുലേഷന്‍ വിംഗ് നിലവില്‍ വന്നു. ചെയര്‍മാനായി ശമീര്‍ ഫൈസി കോട്ടോപാടം (പാലക്കാട് ജില്ല), കണ്‍വീനറായി മുഹമ്മദ് കുട്ടി കുന്നുംപുറം (മലപ്പുറം വെസ്റ്റ്) സെക്രട്ടറിയേറ്റ് ഇന്‍ചാര്‍ജ് താജുദ്ദിന്‍ ദാരിമി പടന്ന എന്നിവരെ തെരഞ്ഞെടുത്തു. സമിതി അംഗങ്ങളായി നൂറുദ്ധിന്‍ യമാനി (മലപ്പുറം ഈസ്റ്റ്), അനീസ് വെള്ളിയാലില്‍ (കോഴിക്കോട്), അബ്ദുല്ല ഫൈസി മാണിയൂര്‍ (കണ്ണൂര്‍), കബീര്‍ ഫൈസി (കാസര്‍ഗോഡ്), അന്‍സിഫ് വാഫി (കോട്ടയം), നിസാം കണ്ടത്തില്‍ (കൊല്ലം), അഷ്‌റഫ് ഫൈസി (എറണാകുളം), നജീബ് റഹ്മാനി (തിരുവനന്തപുരം), സത്താര്‍ ദാരിമി (തൃശൂര്‍), കബീര്‍ അന്‍വരി (പാലക്കാട്) സുഹൈല്‍ കൂട്ടുങ്ങല്‍ (ആലപ്പുഴ), മുസ്തഫ വെണ്ണിയോട് (വയനാട്), ബഷീര്‍ ബാഖവി വി.പി.എം (ഇടുക്കി), മുഹമ്മദ് യാസീന്‍ ഫൈസി (ലക്ഷദ്വീപ്), ശുഐബ് നിസാമി (നീലഗിരി) എന്നിവരും തെരഞ്ഞെടുക്കപ്പെട്ടു.

1997 ആഗസ്റ്റ് 2 ശനിയാഴ്ച്ച പാണക്കാട് സയ്യിദ് മുഹമ്മദലി ശിഹാബ് തങ്ങള്‍ പ്രശസ്ത സാഹിത്യകാരന്‍ യു.എ ഖാദറിനു നല്‍കി പ്രകാശനം ചെയ്ത സത്യധാര, മാസികയായിട്ടായിരുന്നു തുടക്കം. പില്‍ക്കാലത്ത് ദ്വൈവാരികയായി മാറി. സമകാലിക വിഷയങ്ങളില്‍ സമയോചിതമായി ഇടപെടുന്ന സത്യധാര സംഘടനയുടെ നിലപാടുകള്‍, അഭിമുഖങ്ങള്‍, വിവിധ വിശേഷാല്‍ പതിപ്പുകള്‍, പുതിയ എഴുതുകര്‍ക്ക് എഴുത്തസരങ്ങള്‍, ടാലന്റ് ടെസ്റ്റ്, പ്രബന്ധം, കവിതാ രചന, ക്വിസ്സ് മല്‍സരങ്ങള്‍, സത്യധാര സര്‍ക്കുലേഷന്‍ കാമ്പയിന്‍ തുടങ്ങി മറ്റു വിവിധ പദ്ധതികള്‍ സത്യധാര വിംഗ് നടത്തി വരുന്നു.
- SKSSF STATE COMMITTEE

SKSSF സൗത്ത് കേരള എക്സിക്യൂട്ടീവ് ക്യാമ്പ് നടത്തി

ആലപ്പുഴ: എസ്. കെ. എസ്. എസ്. എഫ് സംസ്ഥാന കമ്മിറ്റിയുടെ ആഭിമുഖ്യത്തിൽ ആലപ്പുഴ ശംസുൽ ഉലമ സ്മാരക സൗധത്തിൽ വെച്ച് സൗത്ത് സോൺ എക്സിക്യൂട്ടീവ് ക്യാമ്പ് സംഘടിപ്പിച്ചു. സെയ്യിദ് അബ്ദുല്ല ദാരിമി അൽ ഐദറൂസി അധ്യക്ഷത വഹിച്ചു. എസ്. കെ. ജെ. എം ആലപ്പുഴ ജില്ല പ്രസിഡന്റ് പി. എ. ശിഹാബുദ്ദീൻ മുസ്‌ലിയാർ ഉദ്ഘാടനം ചെയ്തു. സംസ്ഥാന ജന. സെക്രട്ടറി റശീദ് ഫൈസി വെള്ളായിക്കോട് സൗത്ത് കേരള എംപവറിംഗ് പ്രോജക്ട് അവതരിപ്പിച്ചു. ഗ്രൂപ്പ് ചർച്ചകൾക്ക് ഉവൈസ് ഫൈസി ആലപ്പുഴ, ഡോ: ശരീഫ് നിസാമി തിരുവനന്തപുരം , ജലീൽ പുക്കുറ്റി കോട്ടയം എന്നിവർ നേതൃത്വം നൽകി.

തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലെ പ്രധാന ഭാരവാഹികളും സഹചാരി ഭാരവാഹികളും പ്രതിനിധികളായി പങ്കെടുത്തു. ഓർഗനൈസിംഗ് സെക്രട്ടറി അബ്ദുൾ ഖാദർ ഹുദവി സെക്രട്ടറിയേറ്റ് അംഗം സ്വാലിഹ് ഇടുക്കി തുടങ്ങിയവർ സംസാരിച്ചു. അബ്ദുൾ സലീം റശാദി സ്വാഗതവും അനീസ് റഹ്‌മാൻ മണ്ണഞ്ചേരി നന്ദിയും രേഖപ്പെടുത്തി.
- SKSSF STATE COMMITTEE

ജാമിഅക്കു കീഴില്‍ കുല്ലിയ്യത്തുല്‍ ഖുര്‍ആന്‍; ഹിഫ്‌ള് പൂര്‍ത്തിയാക്കിയവര്‍ക്ക് ഉപരി പഠനത്തിന് അവസരം

പട്ടിക്കാട്: ഹിഫ്‌ള് പഠനം പൂര്‍ത്തിയാക്കിയവര്‍ക്ക് ജാമിഅഃ നൂരിയ്യയുമായി അഫ്‌ലിയേറ്റ് ചെയ്ത് പ്രവര്‍ത്തിക്കുന്ന കുല്ലിയ്യത്തുല്‍ ഖുര്‍ആന്‍ സ്ഥാപനങ്ങള്‍ക്ക് ഈ അധ്യയന വര്‍ഷത്തോടെ തുടക്കമാവുമെന്ന് ശൈഖുല്‍ ജാമിഅഃ കെ. ആലിക്കുട്ടി മുസ്്‌ലിയാര്‍ അറിയിച്ചു. ഖുര്‍ആന്‍ പാരായണ നിയമങ്ങള്‍, വിവിധ ഖിറാഅത്തുകളുടെ ഇജാസത്തുകള്‍ നല്‍കുന്നതോടൊപ്പം ദൃഢമായ മനഃപ്പാഠ ശേഷി ഉണ്ടാവുന്നതിനാവശ്യമായ ആവര്‍ത്തന പാരായണം മറ്റു പരിശീലനങ്ങള്‍ ഉള്‍ക്കൊള്ളുന്നതാണ് കരിക്കുലം.

അന്താരാഷ്ട്ര ഖുര്‍ആന്‍ മത്സര വേദികളിലേക്ക് വിദ്യാര്‍ത്ഥികളെ സജ്ജരാക്കുക, ഖുര്‍ആന്‍ പഠന രംഗത്തെ അന്താരാഷ്ട്ര അക്കാദമിക് സഹകരണങ്ങള്‍ ഉറപ്പു വരുത്തുക എന്നിവയും പദ്ധതിക്ക് കീഴിലുണ്ടാവും. ഹൈസ്‌കൂള്‍ പഠനം മുതല്‍ ഡിഗ്രി പഠനം വരെ നല്‍കുന്ന സെക്കണ്ടറി വിഭാഗത്തിന് ഏട്ടു വര്‍ഷവും എസ് എസ് എല്‍ സി കഴിഞ്ഞവര്‍ക്ക് പ്രവേശനം നല്‍കുന്ന സീനിയര്‍ സെക്കണ്ടറി വിഭാഗത്തിന് ഏഴു വര്‍ഷവുമാണ് പഠന കാലാവധി.

യൂജി തലത്തില്‍ ഖുര്‍ആന്‍ നിദാന ശാസ്ത്രം, ഖുര്‍ആന്‍ വ്യാഖ്യാന ശാസ്ത്രം, ഖുര്‍ആന്‍ ലിപികളും അനുബന്ധ പഠനങ്ങളും, മുതശാബിഹാത്തുല്‍ ഖുര്‍ആന്‍ എന്നിവയോടൊപ്പം പാരമ്പര്യ മത വിഷയങ്ങളും ബഹുഭാഷാ പാണ്ഡിത്യവും വിഭാവനം ചെയ്യുന്നതാണ് സിലബസ്. ഖുര്‍ആന്‍ പഠനത്തിനും ബഹുഭാഷ പരിജ്ഞാനത്തിനും സ്മാര്‍ട്ട് ക്ലാസ്‌റൂം, ലൈബ്രറി തുടങ്ങിയ അടിസ്ഥാന സാങ്കേതിക സൗകര്യങ്ങള്‍ പ്രാഥമികമായി ഒരുക്കിയ സ്ഥാപനങ്ങള്‍ക്കാണ് അംഗീകാരം നല്‍കിയിട്ടുള്ളത്.

യോഗത്തില്‍ ശൈഖുല്‍ ജാമിഅഃ കെ. ആലിക്കുട്ടി മുസ്‌ലിയാര്‍, ഇബ്‌റാഹീം ഫൈസി തിരൂര്‍ക്കാട്, ളിയാഉദ്ദീന്‍ ഫൈസി മേല്‍മുറി, ഹംസ റഹ്‌മാനി കൊണ്ടിപ്പറമ്പ്, ടി.എച്ച് ദാരിമി, ഹാഫിള് അബ്ദുല്ല ഫൈസി, ഹാഫിള് ഇബ്‌റാഹീം ഫൈസി, മുജ്തബ ഫൈസി, ഹാഫിള് സല്‍മാന്‍ ഫൈസി സംബന്ധിച്ചു.
- JAMIA NOORIYA PATTIKKAD

SKSSF ഇബാദിന് പുതിയ നേതൃത്വം; പാണക്കാട് സയ്യിദ് അബ്ബാസ് അലി ശിഹാബ് തങ്ങള്‍ ചെയര്‍മാന്‍

കോഴിക്കോട്: എസ്. കെ എസ്. എസ്. എഫ് സംസ്ഥാന കമ്മിറ്റിയുടെ ദഅ്‌വ വിഭാഗമായ ഇബാദിന് 2022-24 വര്‍ ഷത്തേക്കുള്ള പുതിയ സംസ്ഥാന സമിതി നിലവില്‍ വന്നു. പാണക്കാട് സയ്യിദ് അബ്ബാസ് അലി ശിഹാബ് തങ്ങളാണ് ചെയര്‍മാന്‍. റഫീഖ് ചൈന്നൈ ഇരുമ്പുചോല മലപ്പുറം വെസ്റ്റ് ആണ് ജനറല്‍ കണ്‍വീനര്‍. വൈസ് ചെയര്‍മാനായി ബഷീര്‍ ഫൈസി മാണിയൂര്‍ (കണ്ണൂര്‍) തെരഞ്ഞെടുക്കപ്പെട്ടു. സമിതി മെമ്പര്‍മാരായി ജാബിര്‍ മന്നാനി (തിരുവനന്തപുരം), ഷാനവാസ് ബാഖവി (കൊല്ലം), ഹാഫിസ് ഉനൈസ് ഖാസിമി (കോട്ടയം), ഷാനവാസ് വാഫി (ഇടുക്കി), നൗഫല്‍ വാഫി ആറാട്ടുപുഴ (ആലപ്പുഴ), സിയാദ് ഫൈസി (എറണാകുളം), സിദ്ധീഖ് ഫൈസി (തൃശ്ശൂര്‍), നിസാബുദ്ധീന്‍ ഫൈസി (പാലക്കാട്), ശിഹാബ് ഫൈസി (മലപ്പുറം വെസ്റ്റ്), സാജിഹു ശമീര്‍ അസ്ഹരി (മലപ്പുറം ഈസ്റ്റ് ), യഹ്‌യ വെള്ളയില്‍ (കോഴിക്കോട്), അബ്ദുല്‍ കരീം ഫൈസി (കണ്ണൂര്‍), ഷാജഹാന്‍ വാഫി (വയനാട്), അബ്ദുല്ല റഹ്മാനി (കാസര്‍ഗോഡ്), സിദ്ധീഖ് ഫൈസി ദക്ഷിണ (കന്നട ഈസ്റ്റ്), ഹബീബ് മുസ്ലിയാര്‍ (ദക്ഷിണ കന്നട വെസ്റ്റ്), സലീം ഫൈസി (നീലഗിരി), അബ്ദു റഊഫ് ഫൈസി (ലക്ഷദ്വീപ്), ഹനീഫ ഫൈസി (കൊടക്) എന്നിവരേയും തെരഞ്ഞെടുത്തു.

സ്വയം സംസ്‌കരിക്കുകയും മറ്റുള്ളവരെ സംസ്‌കരിക്കാനാവശ്യമായ പ്രവര്‍ത്തനവുമാണ് ഇബാദിന്റെ ലക്ഷ്യം. വര്‍ഷത്തിലൊരിക്കല്‍ സംസ്ഥാന തലത്തില്‍ നടത്തിവരുന്ന കേരള തസ്‌കിയത്ത് കോണ്‍ഫറന്‍സും വിവിധ പ്രായക്കാര്‍ക്കനുയോജ്യമായ രീതിയില്‍ ക്രമീകരിച്ച പ്രായാധിഷ്ഠിത ദഅവാ രീതിയും, ദൈവിക ചിന്തയിലേക്ക് ജനങ്ങളെ അടുപ്പിക്കുന്നതിന് പ്രത്യേകം പരിശീലനം സിദ്ധിച്ച ദാഇമാരും, മഹല്ലുകള്‍ കേന്ദ്രീകരിച്ച് ഖാഫിലയായി നിര്‍വഹിക്കുന്ന സംസ്‌കരണ പ്രവര്‍ത്തനവും ഇബാദിന്റെ പദ്ധതികളാണ്.

ലഹരി ബാധിച്ചവരെ ജീവിതത്തിലേക്ക് തിരിച്ചുകൊണ്ടുവരാന്‍ വേണ്ടി കുറ്റിപ്പുറം ആസ്ഥാനമായി പ്രവര്‍ത്തിക്കുന്ന വെല്‍നെസ്സ് ഇന്‍സ്റ്റിറ്റ്യൂട്ടും വളണ്ടിയര്‍മാരും, യുക്തി വാദത്തിലേക്കും മതനിരാസത്തിലേക്കും നയിക്കുന്ന ചിന്തകളില്‍ നിന്ന് യുവതലമുറയെ യഥാര്‍ത്ഥ വിശ്വാസത്തിന്റെ പന്ഥാവിലേക്ക് കൊണ്ടുവരാനും ദീനിന്റെ ശരിയായ വശം കൃത്യമായി പറയാനും പ്രവര്‍ത്തിക്കുന്ന റൈറ്റ് സ്വല്യൂഷനും ഇബാദിന്റെ പദ്ധതികളില്‍ പെടുന്നു.
- SKSSF STATE COMMITTEE

ഫൈസാബാദ് ഒരുങ്ങി. ജാമിഅഃ സമ്മേളനം ഇന്ന് (ഞായര്‍) ആരംഭിക്കും

പെരിന്തല്‍മണ്ണ : ജാമിഅഃ നൂരിയ്യഃ അറബിയ്യഃ 59-ാം വാര്‍ഷിക 57-ാം സനദ് ദാന സമ്മേളനത്തിന് ഫെസാബാദ് പി.എം.എസ്.എ പൂക്കോയ തങ്ങള്‍ നഗരി ഒരുങ്ങി. ഇന്ന് വൈകിട്ട് 4.30ന് സിയാറത്തോടെ സമ്മേളനത്തിന് തുടക്കമാവും. കേരളത്തിലെ ഇസ്‌ലാമിക പ്രബോധന നവോന്ഥാന പ്രവര്‍ത്തനങ്ങള്‍ക്ക് കഴിഞ്ഞ ആറ് പതിറ്റാണ്ടായി നായകത്വം വഹിച്ചു കൊണ്ടിരിക്കുന്ന ജാമിഅഃ നൂരിയ്യയുടെ സന്തതികള്‍ ലേകത്തിന്റെ വിവിധ പ്രദേശങ്ങളില്‍ ദഅ്‌വാ പ്രവര്‍ത്തനങ്ങള്‍ നടത്തി വരുന്നു. ഈ വര്‍ഷം സനദ് നല്‍കപ്പെടുന്ന 339 യുവ പണ്ഡിതരടക്കം 7867 ഫൈസിമാരാണ് ഇതിനകം പഠനം പൂര്‍ത്തിയാക്കി ഫൈസി ബിരുദം നേടിയിട്ടുള്ളത്. വൈകിട്ട് 5 മണിക്ക് പാണക്കാട് സയ്യിദ് സാദിഖലി ശിഹാബ് തങ്ങള്‍ പതാക ഉയര്‍ത്തും.

നാളെ (തിങ്കള്‍) രാവിലെ 9.30ന് കമ്മറ്റി യോഗവും 11 മണിക്ക് ജനറല്‍ ബോഡിയും നടക്കും. ഉച്ചക്ക് 2 മണിക്ക് സനദ് വാങ്ങുന്ന യുവ പണ്ഡിതന്‍മാര്‍ക്കുള്ള സ്ഥാന വസ്ത്രം വിതരണം ചെയ്യും. സമാപന പൊതു സമ്മേളനം വൈകിട്ട് അഞ്ച് മണിക്ക് ആരംഭിക്കും. സയ്യിദ് സാദിഖലി ശിഹാബ് തങ്ങളുടെ അധ്യക്ഷതയില്‍ സമസ്ത പ്രസിഡണ്ട് സയ്യിദ് ജിഫ് രി മുത്തുക്കോയ തങ്ങള്‍ ഉദ്ഘാടനം ചെയ്യും. സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാർ സനദ് ദാനവും എം.ടി അബ്ദുല്ല മുസ്‌ലിയാർ മുഖ്യ പ്രഭാഷണവും നിര്‍വ്വഹിക്കും. പി.കെ കുഞ്ഞാലിക്കുട്ടി, അബ്ദുസ്സമദ് സ്വമദാനി പ്രസംഗിക്കും. പൊതു പ്രവര്‍ത്തന രംഗത്ത് അഞ്ച് പതിറ്റാണ്ട് പിന്നിട്ട സയ്യിദ് ഹൈദരലി ശിഹാബ് തങ്ങളെ യു.എ.ഇ സുന്നി കൗണ്‍സില്‍ ആദരിക്കും. അല്‍ മുനീര്‍ പ്രകാശനവും നടക്കും. ശേഷം നടക്കുന്ന മജ്‌ലിസുന്നൂർ വാര്‍ഷിക സംഗമത്തിന് സുന്നി യുവജന സംഘം സംസ്ഥാന ജനറല്‍ സെക്രട്ടറി സയ്യിദ് മുഹമ്മദ് കോയ ജമലുല്ലൈലി തങ്ങള്‍ ആമുഖ പ്രഭാഷണം നടത്തും. മാണിയൂര്‍ അഹ് മദ് മൗലവി, ഏലംകുളം ബാപ്പു മുസ്‌ലിയാർ ഉല്‍ബോധനം നടത്തും.
- JAMIA NOORIYA PATTIKKAD

SKSBV ജല സംരക്ഷണ ക്യാമ്പയിന് തുടക്കംകുറിച്ചു

പാണക്കാട്: 'കരുതി വെക്കാം ജീവന്റെ തുള്ളികള്‍ നാളെക്കായി' എന്ന പ്രമേയത്തില്‍ ഈ മാസം 5 മുതല്‍ മെയ് 30 വരെ സമസ്ത കേരള സുന്നി ബാലവേദി യുടെ ആഭിമുഖ്യത്തില്‍ നടത്തുന്ന ജല സംരക്ഷണ ക്യാമ്പയിനിന്റെ സംസ്ഥാനതല ഉദ്ഘാടനം പാണക്കാട് യൂണിറ്റില്‍ എസ്.കെ.എസ്.എസ്.എഫ്. സംസ്ഥാന പ്രസിഡണ്ട് പാണക്കാട് സയ്യിദ് ഹമീദലി ശിഹാബ് തങ്ങള്‍ നിര്‍വഹിച്ചു. ക്യാമ്പയിന്‍ ഭാഗമായി യൂണിറ്റ്, റെയ്ഞ്ച്, മേഖല, ജില്ല കമ്മിറ്റികളുടെ ആഭിമുഖ്യത്തില്‍ തണ്ണീര്‍ പന്തല്‍, പറവകള്‍ക്കൊരു നീര്‍കുടം, കൊളാഷ് നിര്‍മ്മാണം, പോസ്റ്റര്‍ പ്രദര്‍ശനം, ഉല്‍ബോധനം തുടങ്ങിയവ നടക്കും.

ചടങ്ങില്‍ സംസ്ഥാന ചെയര്‍മാന്‍ ഹസൈനാര്‍ ഫൈസി അധ്യക്ഷത വഹിച്ചു. ട്രഷറര്‍ ജസീബ് മുട്ടിച്ചിറ സ്വാഗതം പറഞ്ഞു. മിയാസലി തങ്ങള്‍ പാണക്കാട്, ദില്‍ഷാദ് ഫറോക്ക്, ഷമീല്‍ പള്ളിക്കൂടം, ഷമീര്‍ പാണ്ടികശാല, മുസമ്മില്‍ കൊളപ്പുറം, റിഷാദ് ചുഴലി, നാഫിഅ, ഏലംകുളം, സ്വാലിഹ് അഹ്‌സനി പാണക്കാട്, മുഫ്‌ലിഹ് അരിമ്പ്ര, മസ്ഹബ് മലപ്പുറം, റഷീക് മഞ്ചേരി, ഇര്‍ഫാന്‍ കരിപ്പൂര്‍, ഹാദി പാണക്കാട് സംസാരിച്ചു.
- Samastha Kerala Jam-iyyathul Muallimeen

SKSSF മനസ്സൊരുക്കം ശാഖാ തല കാമ്പയിന് ഉജ്ജല തുടക്കം

പുത്തനാശയങ്ങളോടുള്ള സമീപനം പ്രസക്തം: ജിഫ്രി തങ്ങൾ

കൊണ്ടോട്ടി : മതത്തിൽ പുത്തനാശയങ്ങളുമായി കടന്ന് വരുന്നവരോട് അകലം പാലിക്കണമെന്ന സമസ്ത സ്ഥാപക കാലം മുതൽ നിലനിർത്തി വരുന്ന സമീപനം എന്നും പ്രസക്തമാണെന്ന് സയ്യിദ് മുഹമ്മദ് ജിഫ്രി മുത്തുക്കോയ തങ്ങൾ അഭിപ്രായപ്പെട്ടു. സംഘടനാ ശാക്തീകരണവും സാംസ്കാരിക ഉന്നതിയും ലക്ഷ്യമാക്കി എസ്.കെ.എസ്.എസ്.എഫ് സംസ്ഥാന കമ്മിറ്റി ആചരിക്കുന്ന മനസ്സൊരുക്കം ദൈവാര കാംപയിൻ്റെ സംസ്ഥാന തല ഉദ്ഘാടനം നീറാട് അൽ ഗസ്സാലി ഹെറിറ്റേജിൽ നിർവ്വഹിച്ച് സംസാരിക്കുകയായിരന്നു അദ്ദേഹം. മതവിശ്വാസത്തെ പൂർണമായി ഉൾക്കൊണ്ട് ജീവിക്കുന്ന പുതു തലമുറയെ വാർത്തെടുക്കാൻ ശ്രദ്ധിക്കണമെന്നും നിസ്വാർത്ഥ സേവകർക്കായിരിക്കും അന്തിമ വിജയമെന്നും അദ്ധേഹം ഉദ്ബോധിപ്പിച്ചു.

സംസ്ഥാന പ്രസിഡൻ്റ് സയ്യിദ് ഹമീദലി ശിഹാബ് തങ്ങൾ അധ്യക്ഷനായി സത്താർ പന്തലൂർ, സലാം ഫൈസി ഒളവട്ടൂർ വിഷയാവതരണം നടത്തി. മോയിൻ കുട്ടി മാസ്റ്റർ, സയ്യിദ് ഫക്രുദ്ധീൻ തങ്ങൾ, റഷീദ് ഫൈസി വെള്ളായിക്കോട്, സയ്യിദ് ഹാഷിറലി ശിഹാബ് തങ്ങൾ സയ്യിദ് മുബഷീർ ജമലുല്ലൈലി തങ്ങൾ, അയ്യൂബ് മാസ്റ്റർ മുട്ടിൽ, അലവി കുട്ടി ഹാജി ഒ.പി അഷ്റഫ് കുറ്റിക്കടവ്, സയ്യിദ് നിയാസലി ശിഹാബ് തങ്ങൾ, സി.ടി ജലീൽ മാസ്റ്റർ, അനീസ് ഫൈസി, കെ .ടി ജാബിർ ഹുദവി, ജലീൽ ഫൈസി അരിമ്പ്ര, അബൂബക്കർ യമാനി, യൂനുസ് ഫൈസി സംസാരിച്ചു.
- SKSSF STATE COMMITTEE

ജാമിഅ നൂരിയ്യ അറബിയ്യഃയുടെ ലോഗോ പ്രകാശനം ചെയ്തു

പെരിന്തൽമണ്ണ : പട്ടിക്കാട് ജാമിഅ നൂരിയ്യ അറബിയ്യഃക്ക് വേണ്ടി തയ്യാറാക്കിയ പുതിയ ലോഗോയുടെ പ്രകാശന കർമ്മം ശൈഖുൽ ജാമിഅ കെ.ആലിക്കുട്ടി മുസ്‌ലിയാരുടെ അധ്യക്ഷതയിൽ ജാമിഅ ജന:സെക്രട്ടറി പാണക്കാട് സയ്യിദ് സ്വാദിഖലി ശിഹാബ് തങ്ങൾ നിർവ്വഹിച്ചു. ശിയാസ് അഹ്മദ് ഹുദവി പാലത്തിങ്ങലാണ് അന്താരാഷ്ട്ര നിലവാരമുള്ള ലോഗോ രൂപകല്പന ചെയ്തത്.

ചടങ്ങിൽ ജാമിഅ സെക്രട്ടറി കെ.ഇബ്രാഹീം ഫൈസി തിരൂർക്കാട്, ളിയാഉദ്ദീൻ ഫൈസി മേൽമുറി, സുലൈമാൻ ഫൈസി ചുങ്കത്തറ, ഒ.ടി.മുസ്തഫ ഫൈസി, മുഹമ്മദലി ശിഹാബ് ഫൈസി, ഉമർ ഫൈസി മുടിക്കോട്, എ.ടി മുഹമ്മദലി ഹാജി, മുജ്തബ ഫൈസി ആനക്കര, ഹാഫിള് സൽമാൻ ഫൈസി, നാസർ ഫൈസി വയനാട്, ഉസ്മാന്‍ ഫൈസി അരിപ്ര പങ്കെടുത്തു.

ദാറുല്‍ഹുദാ ആസാം കാമ്പസിലെ ഗ്രാന്‍ഡ് മസ്ജിദ് തുറന്നു

പ്രതിസന്ധികളെ ധൈര്യപൂര്‍വം പ്രതിരോധിക്കേണ്ടവരാണ് പണ്ഡിതര്‍: സ്വാദിഖലി ശിഹാബ് തങ്ങള്‍

ബാര്‍പേട്ട (ആസാം): ദാറുല്‍ഹുദാ ഇസ്്‌ലാമിക സര്‍വകലാശാലയുടെ ആസാം ഓഫ് കാമ്പസില്‍ നിര്‍മാണം പൂര്‍ത്തിയായ ഗ്രാന്‍ഡ് മസ്ജിദ് പാണക്കാട് സയ്യിദ് സ്വാദിഖലി ശിഹാബ് തങ്ങള്‍ നമസ്‌കാരത്തിനായി തുറന്നു നല്‍കി.

ഏതു കാലത്തെ പ്രതിസന്ധികളെയും ധൈര്യപൂര്‍വം പ്രതിരോധിക്കേണ്ടവരും അതിജയിക്കേണ്ടവരുമാണ് പണ്ഡിതരെന്ന് സ്വാദിഖലി ശിഹാബ് തങ്ങള്‍ പറഞ്ഞു. കേരളം ആര്‍ജിച്ചെടുത്ത വിദ്യാഭ്യാസ-സാംസ്‌കാരിക ചൈതന്യം ദേശവ്യാപകമായും അന്താരാഷ്ട്രതലത്തിലും പ്രസരിപ്പിക്കാനുള്ള ദാറുല്‍ഹുദായുടെ ദൗത്യം ശ്രമകരമാണെന്നും ചരിത്രത്തോടൊപ്പം സഞ്ചരിക്കുക മാത്രമല്ല; ചരിത്രം സൃഷ്ടിക്കുക കൂടി പണ്ഡിതര്‍ ചെയ്യേണ്ടതുണ്ടെന്നും തങ്ങള്‍ അഭിപ്രായപ്പെട്ടു. ഇന്ത്യന്‍ ന്യൂനപക്ഷങ്ങളുടെ പരിതാപകരമായ അവസ്ഥക്കു പരിഹാരം വിദ്യാഭ്യാസ മുന്നേറ്റം മാത്രമാണെന്നും തങ്ങള്‍ പറഞ്ഞു.

ആസാമിലെ മതപണ്ഡിത നേതാക്കളും ജനപ്രതിനിധികളും പ്രദേശവാസികളും അടക്കം നൂറുക്കണക്കിന് ആളുകള്‍ ഗ്രാന്‍ഡ് മസ്ജിദിന്റെ് ഉദ്ഘാടന പരിപാടിയില്‍ സംബന്ധിക്കാന്‍ കാമ്പസിലെത്തിയിരുന്നു. 10130 ചതുരശ്ര അടി വിസ്തൃതിയില്‍ ഇരുനിലകളിലായി പണിത വിശാലമായ പള്ളിയില്‍ ഒരേ സമയം ആയിരം പേര്‍ക്ക് പ്രര്‍ത്ഥന നടത്താന്‍ സൗകര്യമുണ്ട്.

ദാറുല്‍ഹുദാ വൈസ് ചാന്‍സലര്‍ ഡോ. ബഹാഉദ്ദീന്‍ മുഹമ്മദ് നദ്‌വി അധ്യക്ഷനായി. ബാര്‍പേട്ട മണ്ഡലം എം.പി അബ്ദുല്‍ ഖാലക്, എം.എല്‍.എമാരായ ജാകിര്‍ ഹുസ്സൈന്‍ സിക്ദര്‍, അഷ്‌റഫുല്‍ ഹുസ്സൈന്‍, സിദ്ദീഖ് അഹ്മദ്, ആസാം കോട്ടണ്‍ യൂനിവേഴ്‌സിറ്റിയിലെ അറബിക് വിഭാഗം തലവന്‍ ഡോ. ഫസലുര്‍റഹ്മാന്‍, ഗുവാഹത്തി യൂനിവേഴ്‌സിറ്റി അറബി വിഭാഗം തലവന്‍ ഡോ. മിസാജുര്‍റഹ്മാന്‍ താലൂക്ദാര്‍, ദാറുല്‍ഹുദാ ജന.സെക്രട്ടറി യു.ശാഫി ഹാജി ചെമ്മാട്, ആസാം ഓഫ് കാമ്പസ് പ്രിന്‍സിപ്പാള്‍ സയ്യിദ് മുഈനുദ്ദീന്‍ ഹുദവി വല്ലപ്പുഴ, അബൂബക്കര്‍ ഹാജി മൂസാംകണ്ടി, അബ്ദുര്‍റശീദ് ഹാജി മൂസാംകണ്ടി, മുഫ്തി സുലൈമാന്‍ ഖാസിമി, മുഫ്തി ആലിമുദ്ദീന്‍ ഖാന്‍, അക്കാസ് അലി സാഹിബ്, ഡോ. സുബൈര്‍ ഹുദവി ചേകന്നൂര്‍, സി.ടി അബ്ദുല്‍ ഖാദര്‍ തൃക്കരിപ്പൂര്‍, ദിലേര്‍ഖാന്‍, ജാസിം ഓമച്ചപ്പുഴ, ബാവ ഹാജി പാണമ്പ്ര, ബശീര്‍ ഹാജി ഓമച്ചപ്പുഴ, നാസര്‍ വെള്ളില, വി.പി കോയ ഹാജി ഉള്ളണം, ഫൈസല്‍ അങ്ങാടിപ്പുറം തുടങ്ങിയ ദാറുല്‍ഹുദാ - ഹാദിയാ പ്രതിനിധികള്‍ സംബന്ധിച്ചു.
- Darul Huda Islamic University

ജാമിഅഃ സമ്മേളനം; മജ്‌ലിസുന്നൂര്‍ വാര്‍ഷികം 2022 മാര്‍ച്ച് 7 ന്

പെരിന്തല്‍മണ്ണ: പട്ടിക്കാട് ജാമിഅഃ നൂരിയ്യഃ അറബിയ്യയുടെ 59-ാം വാര്‍ഷിക 57-ാം സനദ്ദാന സമ്മേളനത്തോടനുബന്ധിച്ച് നടക്കുന്ന മജ്‌ലിസുന്നൂര്‍ വാര്‍ഷിക സംഗമം മാര്‍ച്ച് ഏഴിന് വൈകിട്ട് 7 മണിക്ക് നടക്കും. പാണക്കാട് സയ്യിദ് ഹൈദരലി ശിഹാബ് തങ്ങളുടെ നിര്‍ദ്ദേശ പ്രകാരം സംസ്ഥാനത്തും പുറത്തുമായി നടക്കുന്ന അയ്യായിരിത്തിലേറെ മജ്്‌ലിസുന്നൂര്‍ സദസ്സുകളുടെ വാര്‍ഷിക സംഗമമാണ് ജാമിഅയില്‍ നടക്കുക. സമസ്തയിലെ മുതിര്‍ന്ന പണ്ഡിതന്മാര്‍, പ്രമുഖ സാദാത്തുകള്‍, സൂഫിവര്യമാര്‍, മജ്‌ലിസുന്നൂര്‍ അമീറുമാര്‍ പരിപാടിക്ക് നേതൃത്വം നല്‍കും. മജ്‌ലിസുന്നൂര്‍ സദസ്സുകളുടെ പത്താം വാര്‍ഷികമാണ് ഈ വര്‍ഷം നടക്കുന്നത്.
- JAMIA NOORIYA PATTIKKAD

സമസ്ത പ്രവാസി സെല്‍ 100 പേര്‍ക്ക് ജീവനോപാധികള്‍ക്ക് സഹായം നല്‍കും

കോഴിക്കോട് : സമസ്ത കേരള ജംഇയ്യത്തുല്‍ ഉലമാ 100-ാം വാര്‍ഷികത്തിന്റെ ഭാഗമായി ദുരിതമനുഭവിക്കുന്ന 100 പേര്‍ക്ക് ജീവനോപാധികള്‍ക്കുള്ള സഹായം നല്‍കും. സമസ്ത പ്രവാസി സെല്‍ സംസ്ഥാന സമ്മേളനം 2023 ഡിസംബറില്‍ നടത്തും. സമസ്ത പ്രവാസി സെല്‍ സംസ്ഥാന മീറ്റില്‍ സമസ്ത കേരള ജംഇയ്യത്തുല്‍ ഉലമാ പ്രസിഡണ്ട് സയ്യിദ് മുഹമ്മദ് ജിഫ്രി മുത്തുക്കോയ തങ്ങളാണ് പ്രഖ്യാപനം നടത്തിയത്.

കാളാവ് സൈതലവി മുസ്ലിയാരുടെ നിര്യാണം മൂലം ഒഴിവുവന്ന കണ്‍വീനര്‍ സ്ഥാനത്തേക്ക് മാന്നാര്‍ ഇസ്മാഈല്‍ കുഞ്ഞു ഹാജിയെ തെരെഞ്ഞെടുത്തു. പ്രസിഡണ്ട് ആദൃശ്ശേരി ഹംസ കുട്ടി മുസ്ലിയാര്‍ അദ്ധ്യക്ഷനായി. സമസ്ത കേരള ജംഇയ്യത്തുല്‍ ഉലമാ ജനറല്‍ സെക്രട്ടറി പ്രൊഫ. കെ ആലിക്കുട്ടി മുസ്ലിയാര്‍ മുഖ്യ പ്രഭാഷണം നടത്തി.

സയ്യിദ് അബ്ദുല്ലക്കോയ തങ്ങള്‍, സമസ്ത കേരള വിദ്യാഭ്യാസ ബോര്‍ഡ് ജനറല്‍ മാനേജര്‍ കെ മോയിന്‍കുട്ടി മാസ്റ്റര്‍, ഇബ്രാഹീം ഫൈസി തിരൂര്‍ക്കാട്, സിദ്ദീഖ് നദ്‌വി ചേറൂര്‍, ഇസ്മാഈല്‍ കുഞ്ഞു ഹാജി മാന്നാര്‍, കെ അബൂബക്കര്‍ ഫൈസി ചെങ്ങമനാട്, മുസ്ഥഫ ബാഖവി കോഴിക്കോട് എന്നിവര്‍ പ്രസംഗിച്ചു. വിവിധ വിഷയങ്ങളില്‍ അബ്ദുസ്സലാം ഫൈസി ഒളവട്ടൂര്‍, റാശിദ് ഗസ്സാലി വയനാട്, പ്രവാസി ക്ഷേമനിധി മെമ്പര്‍ രാഗേഷ് എന്നിവര്‍ ക്ലാസെടുത്തു. സമസ്ത പ്രവാസി സെല്‍ വര്‍ക്കിംങ് കണ്‍വീനര്‍ ഹംസ ഹാജി മൂന്നിയൂര്‍ സ്വാഗതവും മജീദ് പത്തപ്പിരിയം നന്ദിയും പറഞ്ഞു.
- SAMASTHA PRAVASI CELL

എട്ട് മദ്റസകള്‍ക്കുകൂടി അംഗീകാരം; സമസ്ത മദ്റസകളുടെ എണ്ണം 10459 ആയി

കോഴിക്കോട് :സമസ്ത കേരള ഇസ്ലാം മത വിദ്യാഭ്യാസ ബോര്‍ഡ് നിര്‍വ്വാഹക സമിതി യോഗം പുതുതായി എട്ട് മദ്റസകള്‍ക്കുകൂടി അംഗീകാരം നല്‍കി. ഇതോട് കൂടി സമസ്ത മദ്റസകളുടെ എണ്ണം 10459 ആയി.

ഹയാത്തുല്‍ ഇസ്ലാം മദ്റസ ഹാമിദാബാദ്, ഹയാത്തുല്‍ ഇസ്ലാം മദ്റസ അനിലകട്ടെ, നുസ്റത്തുല്‍ ഇസ്ലാം മദ്റസ രാജത്ത്റ ഗുരി (ദക്ഷിണകന്നട), സിറാജുല്‍ഹുദാ മദ്റസ കാട്ടിപ്പള്ളം, ഇര്‍ശാദുല്‍ ഇസ്ലാം അഴീക്കല്‍ ബ്രാഞ്ച് എടച്ചാക്കൈ-അഴീക്കല്‍, ഇര്‍ശാദുല്‍ ഇസ്ലാം കൊക്കാകടവ് ബ്രാഞ്ച് കൊക്കാകടവ് (കാസര്‍ഗോഡ്), മോഡേണ്‍ സെക്കണ്ടറി സ്കൂള്‍ കാഞ്ഞിരങ്ങാട് (കണ്ണൂര്‍), ജെംസ് പബ്ലിക് സ്കൂള്‍ കൂരിയാട് (മലപ്പുറം) എന്നീ മദ്‌റസകള്‍ക്കാണ് പുതുതായി അംഗീകാരം നല്‍കിയത്.

പ്രസിഡണ്ട് പി.കെ മൂസക്കുട്ടി ഹസ്രത്ത് അദ്ധ്യക്ഷനായി. ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ സ്വാഗതം പറഞ്ഞു. സമസ്ത കേരള ജംഇയ്യത്തുല്‍ ഉലമാ പ്രസിഡണ്ട് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്തു. പ്രൊഫ. കെ.ആലിക്കുട്ടി മുസ്ലിയാര്‍, പി.പി ഉമ്മര്‍ മുസ്ലിയാര്‍ കൊയ്യോട്, സയ്യിദ് സ്വാദിഖലി ശിഹാബ് തങ്ങള്‍ പാണക്കാട്, കെ.ടി ഹംസ മുസ്‌ലിയാര്‍, കെ.ഉമര്‍ ഫൈസി മുക്കം, ഡോ.ബഹാഉദ്ദീന്‍ മുഹമ്മദ് നദ്‌വി കൂരിയാട്, വാക്കോട് എം.മൊയ്തീന്‍ കുട്ടി ഫൈസി, ഡോ.എന്‍.എ.എം അബ്ദുല്‍ഖാദിര്‍, കെ.എം അബ്ദുല്ല മാസ്റ്റര്‍ കൊട്ടപ്പുറം, അബ്ദുല്‍ഹമീദ് ഫൈസി അമ്പലക്കടവ്, അബ്ദുസ്സമദ് പൂക്കോട്ടൂര്‍, ഇ. മൊയ്തീന്‍ ഫൈസി പുത്തനഴി, ഇസ്മായില്‍ കുഞ്ഞു ഹാജി മാന്നാര്‍, എസ്. സഈദ് മുസ്ലിയാര്‍ വിഴിഞ്ഞം, എം. അബ്ദുറഹിമാന്‍ മുസ്‌ലിയാര്‍ കൊടക് പ്രസംഗിച്ചു. ജനറല്‍ മാനേജര്‍ കെ. മോയിന്‍കുട്ടി മാസ്റ്റര്‍ നന്ദി പറഞ്ഞു.
- Samasthalayam Chelari

സമസ്ത പ്രവാസി സെല്‍ സംസ്ഥാന ലീഡേഴ് മീറ്റ് ഇന്ന്

കോഴിക്കോട് : സമസ്ത പ്രവാസി സെല്‍ സംസ്ഥാന ലീഡേഴ്‌സ് മീറ്റ് ഇന്ന് (15-02-2022) രാവിലെ 10.30ന് കോഴിക്കോട് സമസ്ത ഓഡിറ്റോറിയത്തില്‍ നടക്കും. സമസ്ത കേരള ജംഇയ്യത്തുല്‍ ഉലമാ പ്രസിഡണ്ട് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ഉദ്ഘാടനം ചെയ്യും. സമസ്ത പ്രവാസി സെല്‍ സംസ്ഥാന പ്രസിഡണ്ട് ആദൃര്‍ശ്ശേരി ഹംസ കുട്ടി മുസ്ലിയാര്‍ അദ്ധ്യക്ഷനാകും. അബ്ദുസ്സലാം ഫൈസി ഒളവട്ടൂര്‍, (ജീവിതം നാട്ടിലും മറുനാട്ടിലും) റാശിദ് ഗസ്സാലി വയനാട് (ധനകാര്യ മാനേജ്‌മെന്റ്) എന്നിവര്‍ വിഷയം അവതരിപ്പിക്കും. കെ മോയിന്‍ കുട്ടി മാസ്റ്റര്‍, സിദ്ദീഖ് നദ്‌വി ചേറൂര്‍, അബൂബക്കര്‍ ഫൈസി ചെങ്ങമനാട്, ഇസ്മാഈല്‍ കുഞ്ഞുഹാജി മാന്നാര്‍ തുടങ്ങിയവര്‍ പ്രസംഗിക്കും. സുപ്രഭാതം ഓണ്‍ലൈന്‍ ചാനല്‍ പരിപാടികള്‍ സംപ്രേഷണം ചെയ്യും
- SAMASTHA PRAVASI CELL

മതചിഹ്നങ്ങളോടുള്ള അവമതിപ്പ് ഗുരുതരമായ പ്രത്യാഘാതം ഉണ്ടാക്കും: ജംഇയ്യത്തുല്‍ മുഅല്ലിമീന്‍

ചേളാരി: മത ചിഹ്നങ്ങളോടുള്ള അവമതിപ്പും അപകര്‍ഷതയും വെറുപ്പും വര്‍ധിച്ചുവരുന്നത് രാജ്യത്തിന്റെ ഉന്നത സംസ്‌കൃതിക്ക് ഗുരുതരമായ പ്രത്യാഘാതം ഉണ്ടാക്കുമെന്ന് എസ്.കെ.ജെ.എം.സി.സി. നിര്‍വ്വാഹക സമിതി യോഗം ഉണര്‍ത്തി. ഹിജാബിനെ കുറിച്ച് രാജ്യത്ത് നടക്കുന്ന കോലാഹലങ്ങള്‍ അവസാനിപ്പിക്കണമെന്നും മതചിഹ്നങ്ങളെ ആദരിച്ച പാരമ്പര്യം ഭാരതീയ സംസ്‌കാരമായിരിക്കെ അത് നിലനിര്‍ത്താന്‍ ഉത്തരവാദപ്പെട്ടവര്‍ ഉണര്‍ന്ന് പ്രവര്‍ത്തിക്കണമെന്നും ഹിജാബ് മൗലികാവകാശമായതിനാല്‍ ഈ അവകാശ സംരക്ഷണത്തിന് എല്ലാവരും കൈകോര്‍ക്കണമെന്നും യോഗം ആവശ്യപ്പെട്ടു.

ചേളാരി മുഅല്ലിം ഓഡിറ്റോറിയം മീറ്റിംഗ് ഹാളില്‍ ചേര്‍ന്ന യോഗത്തില്‍ പ്രസിഡണ്ട് ഡോ. ബഹാഉദ്ദീന്‍ മുഹമ്മദ് നദ്‌വി അദ്ധ്യക്ഷം വഹിച്ചു. ജനറല്‍ സെക്രട്ടറി വാക്കോട് മൊയ്തീന്‍കട്ടി ഫൈസി ഉദ്ഘാടനം ചെയ്തു. ഡോ. എന്‍.എ.എം. അബ്ദുല്‍ ഖാദിര്‍, കെ.എം. അബ്ദുല്ല മാസ്റ്റര്‍ കൊട്ടപ്പുറം, കെ. മോയിന്‍കുട്ടി മാസ്റ്റര്‍, കെ.കെ. ഇബ്‌റാഹീം മുസ്‌ലിയാര്‍, പി.കെ. അബ്ദുല്‍ ഖാദിര്‍ ഖാസിമി, അബ്ദുസ്സ്വമദ് മുട്ടം, എം.എ. ചേളാരി, പി.ഹസൈനാര്‍ ഫൈസി കോഴിക്കോട്, ബി.കെ.എസ്. തങ്ങള്‍ എടവണ്ണപ്പാറ, നിയാസലി ശിഹാബ് തങ്ങള്‍ പാണക്കാട്, മാണിയൂര്‍ അബ്ദുറഹ്മാന്‍ ഫൈസി കണ്ണൂര്‍, സി. മുഹമ്മദലി ഫൈസി മണ്ണാര്‍ക്കാട്, ടി.കെ. മുഹമ്മദ്കുട്ടി ഫൈസി പട്ടാമ്പി, എ.എം. ശരീഫ് ദാരിമി നീലഗിരി, എ.അശ്‌റഫ് ഫൈസി പനമരം, എം.കെ. അയ്യൂബ് ഹസനി ബാംഗ്ലൂര്‍, വി.എം. ഇല്‍യാസ് ഫൈസി തൃശൂര്‍, എം.യു.ഇസ്മാഈല്‍ ഫൈസി എറണാകുളം, കെ.എഛ്. അബ്ദുല്‍ കരീം മുസ്‌ലിയാര്‍ ഇടുക്കി, എ.അബ്ദുല്‍ ഖാദിര്‍ മുസ്‌ലിയാര്‍ കോട്ടയം, പി.എ. ശിഹാബുദ്ദീന്‍ മുസ്‌ലിയാര്‍ ആലപ്പുഴ, ശാജഹാന്‍ അമാനി കൊല്ലം, അബ്ദുല്‍ ലത്തീഫ് ദാരിമി ചിക്മഗളുരു സംസാരിച്ചു. സെക്രട്ടറി കൊടക് അബ്ദുറഹ്മാന്‍ മുസ്‌ലിയാര്‍ സ്വാഗതവും കെ.ടി. ഹുസൈന്‍കുട്ടി മൗലവി നന്ദിയും പറഞ്ഞു.
- Samastha Kerala Jam-iyyathul Muallimeen

സ്ത്രീകളുടെ വിവാഹപ്രായം ഉയര്‍ത്താനുള്ള ബില്‍ പിന്‍വലിക്കുക: സമസ്ത

കോഴിക്കോട്: സ്ത്രീകളുടെ വിവാഹപ്രായം 21 ആക്കി ഉയര്‍ത്താനുള്ള 'ദപ്രൊഹിബിഷന്‍ ഓഫ് ചൈല്‍ഡ് മാര്യേജ് (അമന്റ്‌മെന്റ്) ബില്‍-2021' പിന്‍വലിക്കണമെന്ന് സമസ്ത കേരള ജംഇയ്യത്തുല്‍ ഉലമാ പ്രസിഡണ്ട് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, ജനറല്‍ സെക്രട്ടറി പ്രൊഫ.കെ.ആലിക്കുട്ടി മുസ്‌ലിയാര്‍ എന്നിവര്‍ സംയുക്ത പ്രസ്താവനയില്‍ ആവശ്യപ്പെട്ടു.

പെണ്‍കുട്ടികളുടെ വിവാഹ പ്രായം 21 വയസ്സായി ഉയര്‍ത്തുന്നതിനുള്ള ബില്ല് പരിശോധിക്കുന്നതിന്റെ ഭാഗമായി പാര്‍ലിമെന്റ് സ്ഥിരം സമിതി പൊതു ജനങ്ങളില്‍ നിന്ന് അഭിപ്രായം ആരാഞ്ഞിട്ടുണ്ട്.

സ്ത്രീകളുടെ വിവാഹപ്രായം 21 ആക്കി ഉയര്‍ത്തുന്നത് വ്യക്തി സ്വാതന്ത്ര്യത്തിനെതിരെയുള്ള കടന്നുകയറ്റവും സാമൂഹ്യ വിപത്തുമാണെന്നിരിക്കെ ഇതിനെതിരെ പ്രതികരിക്കേണ്ടത് പൊതു ജനങ്ങളുടെ ബാദ്ധ്യതയാണ്. 15 ദിവസത്തിനകം ഇത് സംബന്ധമായ അഭിപ്രായം രേഖപ്പെടുത്താനാണ് പാര്‍ലിമെന്റ് സമിതി നിര്‍ദ്ദേശിച്ചിട്ടുള്ളത്.

rajyasabha.nic.in എന്ന വെബ് സൈറ്റില്‍ 'കമ്മിറ്റീസ്' എന്ന ലിങ്കില്‍ കയറി ബില്ലിനെതിരെ പൊതു ജനങ്ങള്‍ അഭിപ്രായം രേഖപ്പെടുത്തണമെന്നും നേതാക്കള്‍ പ്രസ്താവനയില്‍ പറഞ്ഞു. ഇത് സംബന്ധമായി 28-ന് വെള്ളിയാഴ്ച ഖത്തീബുമാര്‍ പള്ളികളില്‍ ഉല്‍ബോധനം നടത്തണമെന്നും പൊതു ജനാഭിപ്രായം രേഖപ്പെടുത്തുന്നതിന് സംഘടന പ്രവര്‍ത്തകര്‍ ഹെല്‍പ്പ് ഡെസ്‌ക്കുകള്‍ സ്ഥാപിക്കണമെന്നും നേതാക്കള്‍ അഭ്യര്‍ത്ഥിച്ചു.
- Samasthalayam Chelari

ജാമിഅഃ സമ്മേളനം മാറ്റിവെച്ചു

പെരിന്തല്‍മണ്ണ : ജനുവരി 28,29,30 തിയ്യതികളില്‍ നടത്താന്‍ നിശ്ചയിച്ചിരുന്ന പട്ടിക്കാട് ജാമിഅഃ നൂരിയ്യഃ അറബിയ്യഃ 59-ാം വാര്‍ഷിക 57-ാം സനദ് ദാന സമ്മേളനം മാറ്റിവെച്ചതായി ജാമിഅഃ ജനറല്‍ സെക്രട്ടറി പാണക്കാട് സയ്യിദ് സാദിഖലി ശിഹാബ് തങ്ങള്‍ അറിയിച്ചു. കോവിഡ് സാഹചര്യവും സര്‍ക്കാര്‍ നിയന്ത്രണങ്ങളും പരിഗണിച്ചാണ് സമ്മേളനം മാറ്റിവെക്കുന്നത്. കോവിഡ് വ്യാപന രൂക്ഷത കുറയുന്നത് അനുസരിച്ച് ഏറ്റവും അടുത്ത സമയത്ത് തന്നെ സമ്മേളനം നടത്തുന്നതാണെന്നും അദ്ദേഹം അറിയിച്ചു.
- JAMIA NOORIYA PATTIKKAD

അന്താരാഷ്ട്ര ഖുര്‍ആന്‍ ഗവേഷണ കേന്ദ്രം പ്രൊജക്ട് ലോഞ്ചിങ് നിര്‍വഹിച്ചു

ഖുര്‍ആനിക പഠനങ്ങളെ സമീപ്പിക്കേണ്ടത് ആധികാരകതയോടെ: സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ കോഴിക്കോട്: ഖുര്‍ആനിക പഠനങ്ങളെസമീപ്പിക്കേണ്ട രീതി ശാസ്ത്രം ആധികാരികവും ഗഹനവുമാവണമെന്ന് സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍. ശംസുല്‍ ഉലമ ഇസ്ലാമിക് കോംപ്ലക്‌സിന് കീഴില്‍ മുണ്ടക്കുളത്ത് ഒരുക്കുന്ന ഇന്റര്‍നാഷണല്‍ റിസര്‍ച്ച് ഇന്‍സ്റ്റിറ്റ്യൂട്ട് ഫോര്‍ തഫ്‌സീര്‍ അല്‍ ഖുര്‍ആനിന്റെ (ഇരിതാഖ്) പ്രൊജക്ട് ലോഞ്ചിംഗ് നിര്‍വഹിച്ച് സംസാരിക്കുകയായിരുന്നു അദ്ദേഹം. ഇസ് ലാമിക പഠനങ്ങള്‍ക്ക് ആഗോള തലത്തില്‍ സ്വീകരിക്കപ്പെടുന്ന അഹ്‌ലുസുന്നയുടെ പ്രാമാണിക തഫ്‌സീറുകളെ അവലംബമാക്കിയാവണം ഇത്തരം പഠനങ്ങളെ സമീപ്പിക്കേണ്ടതെന്നും ഇത്തരം പഠനങ്ങളിലൂടെ ഖുര്‍ആനിന്റെ സത്യ സന്ദേശം സമൂഹത്തിന് ബോധ്യപ്പെടുത്തേണ്ടത് പണ്ഡിതന്മാരുടെയും വിശ്വാസികളുടെയും കടമയാണെന്നും അദ്ദേഹം കൂട്ടിച്ചേര്‍ത്തു. ഈ വലിയൊരു ദൗത്യത്തിനാണ് ശംസുല്‍ ഉലമ ഇസ്ലാമിക് കോംപ്ലക്‌സ് ഒരുങ്ങുന്നത്. ഖുര്‍ആനിന്റെ ആഴമറിഞ്ഞ പണ്ഡിതനായ ശംസുല്‍ ഉലമയുടെ അന്ത്യാഭിലാഷമാണ് ഇതോടുകൂടി പൂവണിയുന്നതെന്നും അദ്ദേഹം പറഞ്ഞു. ഭാഷ അറിഞ്ഞത് കൊണ്ട് മാത്രം ഖുര്‍ആനിനെ കൃത്യമായി വ്യാഖ്യാനിക്കാനാവില്ല. ഭാഷയെ പോലെ തന്നെ ഖുര്‍ആനിന്റെ ആശയങ്ങളും ആഴത്തിലറിഞ്ഞ് വേണം ഖുര്‍ആനിനെ വ്യാഖ്യാനം ചെയ്യാന്‍. യോഗ്യരായ പണ്ഡിതന്‍മാരെ വാര്‍ത്തെടുക്കുകയാണ് ഇരിതാഖിന്റെ ലക്ഷ്യമെന്നും അദ്ദേഹം പറഞ്ഞു.

കോഴിക്കോട് ഹൈലൈറ്റ് ബിസിനസ് പാര്‍ക്കില്‍ നടന്ന സംഗമത്തില്‍ എസ്.എം.ഐ.സി പ്രസിഡന്റ് സയ്യിദ് പാണക്കാട് അബ്ബാസലി ശിഹാബ് തങ്ങള്‍ അധ്യക്ഷത വഹിച്ചു. നമ്മുടെ ജീവിതത്തില്‍ കൈവന്ന വലിയൊരു സൗഭാഗ്യമാണ് ഇരിതാഖെന്നും അന്താരാഷ്ട്രതലത്തിലേക്ക് യോഗ്യരായ പണ്ഡിതന്‍മാരെ വാര്‍ത്തെടുക്കാന്‍ ഈ ഉദ്യമത്തിലൂടെ സാധിക്കുമെന്നും അദ്ദേഹം പറഞ്ഞു.

മലായ യൂണിവേഴ്‌സിറ്റി സീനിയര്‍ പ്രൊഫസര്‍ ഡോ. സയ്യിദ് മൂസ അല്‍ ഖാളിമി തങ്ങള്‍ മലേഷ്യ ആമുഖ പ്രഭാഷണം നിര്‍വഹിച്ചു. മാനു തങ്ങള്‍ വെല്ലൂര്‍ പദ്ധതിയുടെ വിഡിയോ പ്രകാശനം ചെയ്തു. എക്‌സിക്യുട്ടീവ് കമ്മിറ്റി പ്രഖ്യാപനം കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി നിര്‍വഹിച്ചു. സമസ്ത മുശാവറ അംഗം അബ്ദുസ്സലാം ബാഖവി പദ്ധതി വിശദീകരിച്ചു. ബോര്‍ഡ് അംഗങ്ങളുടെ പ്രഖ്യാപനം മുസ്തഫ മുണ്ടുപാറ നടത്തി. സമസ്ത മുശാവറ അംഗങ്ങളായ എം.പി മുസ്തഫല്‍ ഫൈസി, ഉമര്‍ ഫൈസി മുക്കം, ഡോ.എന്‍.എ.എം അബ്ദുല്‍ ഖാദര്‍, അലവിക്കുട്ടി എ.കെ ഒളവട്ടൂര്‍, പൂക്കോയ തങ്ങള്‍, സിദ്ധീഖ് ഹാജി എറണാകുളം, ഡോ. കെ.പി ഹസന്‍ ശരീഫ് വാഫി സംസാരിച്ചു. ശംസുല്‍ ഉലമ ഇസ് ലാമിക് കോംപ്ലക്‌സ് ജന.സെക്രട്ടറി അബ്ദുല്‍ ഗഫൂര്‍ ദാരിമി മുണ്ടക്കുളം സ്വാഗതവും പി.മുഹമ്മദ് കാമില്‍ കരിപ്പൂര് നന്ദിയും പറഞ്ഞു.
- Jamia Jalaliyya Mundakkulam

കൂട്ടിക്കല്‍ ഉരുള്‍പൊട്ടല്‍; സമസ്ത നിര്‍മ്മിച്ചു നല്‍കുന്ന വീടുകള്‍ക്ക് 21-ന് ശിലയിടും

കോട്ടയം: കോട്ടയം ജില്ലയിലെ കൂട്ടിക്കല്‍ കൊക്കയാറില്‍ ഉരുള്‍പൊട്ടല്‍ മൂലം വീട് നഷ്ടപ്പെടവര്‍ക്ക് സമസ്ത നിര്‍മ്മിച്ചു നല്‍കുന്ന വീടുകളുടെ ശിലാസ്ഥാപനം ജനുവരി 21-ന് വൈകുന്നേരം 3 മണിക്ക് നടക്കും. ശിലാസ്ഥാപന കര്‍മ്മത്തോടനുബന്ധിച്ച് കൂട്ടിക്കല്‍ നാരകംപുഴ മദ്റസ ഹാളില്‍ നടക്കുന്ന ചടങ്ങില്‍ സമസ്ത കേരള ജംഇയ്യത്തുല്‍ ഉലമാ ജനറല്‍ സെക്രട്ടറി പ്രൊഫ. കെ.ആലിക്കുട്ടി മുസ്ലിയാര്‍, സമസ്ത കേരള ഇസ്ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്ലിയാര്‍, സമസ്ത കേരള ജംഇയ്യത്തുല്‍ ഉലമാ കേന്ദ്ര മുശാവറ മെമ്പര്‍മാരായ ഐ.ബി ഉസ്മാന്‍ ഫൈസി, ഇ.എസ് ഹസ്സന്‍ ഫൈസി, വിദ്യാഭ്യാസ ബോര്‍ഡ് എക്സിക്യൂട്ടീവ് മെമ്പര്‍മാരായ ഇസ്മായില്‍ കുഞ്ഞു ഹാജി മാന്നാര്‍, അബ്ദുസ്സമദ് പൂക്കോട്ടൂര്‍, ജനറല്‍ മാനേജര്‍ കെ.മോയിന്‍കുട്ടി മാസ്റ്റര്‍, സമസ്ത ഓര്‍ഗനൈസര്‍ ഒ.എം ശരീഫ് ദാരിമി, മഅ്മൂന്‍ ഹുദവി വണ്ടൂര്‍, അബു ശമ്മാസ് മുഹമ്മദലി മൗലവി, കുമ്മനം നിസാമുദ്ദീന്‍ അസ്ഹരി, സിറാജുദ്ദീന്‍ അല്‍ ഖാസിമി, പി.കെ സുബൈര്‍ മൗലവി, അയ്യൂബ് ഖാന്‍, ഇല്ല്യാസ് മൗലവി, ഒ.കെ അബ്ദുസ്സലാം, അസീസ് ബഡായില്‍, സക്കീര്‍ ഹുസയിന്‍ ചിറക്കല്‍, അബ്ദുല്‍കലാം, ആരിഫ് പരീദ് ഖാന്‍, കെ.എ ശരീഫ് കുട്ടി ഹാജി തുടങ്ങിയര്‍ സംബന്ധിക്കും.
- Samasthalayam Chelari

മമ്പുറം സ്വലാത്ത് ഓണ്‍ലൈനില്‍ മാത്രം

തിരൂരങ്ങാടി: കൊറോണ രോഗവ്യാപനം വര്‍ദ്ധിച്ചു വരുന്നതിനാല്‍ മമ്പുറം മഖാമില്‍ വ്യാഴായ്ചകളില്‍ നടന്നു വരാറുള്ള മമ്പുറം സ്വലാത്ത് മറ്റൊരു അറിയിപ്പുണ്ടാകുന്നത് വരെ ഓണ്‍ലൈന്‍ സംപ്രേഷണം മാത്രമേ ഉണ്ടായിരിക്കുകയുള്ളൂ എന്നും സ്വലാത്തില്‍ പങ്കെടുക്കുന്നതിനായി മഖാമില്‍ വരേണ്ടതില്ലെന്നും വിശ്വാസികള്‍ സഹകരിക്കണമെന്നും മഖാം മാനേജ്‌മെന്റ് അറിയിച്ചു.
- Darul Huda Islamic University

മദ്റസകള്‍: ജനുവരി 21 മുതല്‍ പൊതുപരീക്ഷ ക്ലാസ് ഉള്‍പ്പെടെ മുതിര്‍ന്ന ക്ലാസുകള്‍ പ്രവര്‍ത്തിക്കും

ചേളാരി: കോവിഡ് വ്യാപനം ശക്തമായത് മൂലം സംസ്ഥാനത്ത് നിയന്ത്രണങ്ങള്‍ ഏര്‍പ്പെടുത്തിയതിനാല്‍ ഇനി ഒരറിയിപ്പ് ഉണ്ടാവുന്നത് വരെ സമസ്ത കേരള ഇസ്ലാം മത വിദ്യാഭ്യാസ ബോര്‍ഡിന്റെ മദ്റസകളില്‍ 2022 ജനുവരി 21 മുതല്‍ പൊതുപരീക്ഷ ക്ലാസുകള്‍ ഉള്‍പ്പെടെ മുതിര്‍ന്ന ക്ലാസുകള്‍ ഓഫ് ലൈനായും മറ്റു ക്ലാസുകള്‍ ഓണ്‍ലൈന്‍ ആയും പ്രവര്‍ത്തിക്കും. കോവിഡ് പ്രോട്ടോക്കോള്‍ പാലിച്ചും ആവശ്യമായ ക്രമീകരണങ്ങള്‍ വരുത്തിയുമായിരിക്കും മദ്റസകള്‍ പ്രവര്‍ത്തിക്കുക.
- Samasthalayam Chelari