തിരൂര്‍്: പോരാട്ടങ്ങളില്‍ സ്വാഭിമാനം എന്ന മുദ്രാവാക്യവുമായി എസ്.കെ.എസ്.എസ്.എഫ് നവംബര്‍ 1 മുതല്‍ മാര്‍ച്ച് 31 വരെ ആചരിക്കുന്ന മെമ്പര്‍ഷിപ്പ് കാമ്പയ്‌നില്‍ ശാഖാ തലങ്ങളില്‍ നിന്നുള്ള മെമ്പര്‍ഷിപ്പുകള്‍ ഞായറാഴ്ച തിരൂരില്‍ വെച്ച് സംസ്ഥാന പ്രസിഡണ്ട് പാണക്കാട് സയ്യിദ് അബ്ബാസലി ശിഹാബ് തങ്ങളെ ഏല്‍പ്പിച്ച് കൊണ്ട് തുടക്കം കുറിക്കും. പരിപാടിയില്‍ സംസ്ഥാന ഭാരവാഹികളായ ഓണംപിള്ളി മുഹമ്മദ് ഫൈസി, സത്താര്‍ പന്തലൂര്‍, അയ്യൂബ് കൂളിമാട്, അബ്ദു റഹീം ചുഴലി, അബ്ദുള്ള കുണ്ടറ, മെമ്പര്‍ഷിപ്പ് സംസ്ഥാന സമിതി അംഗങ്ങളായ റഫീഖ് അഹമ്മദ് തിരൂര്‍, ഷാഹിദ് കോയ തങ്ങള്‍ തൃശൂര്‍, കുഞ്ഞഹമ്മദ് പാണക്കാട് തുടങ്ങിയവര്‍ സംബന്ധിക്കും. ജില്ലയിലെ മറ്റു മെമ്പര്‍ഷിപ്പ് കേന്ദ്രങ്ങള്‍: പെരിന്തല്‍മണ്ണ, നിലമ്പൂര്‍, മഞ്ചേരി, കൊണ്ടോട്ടി എന്നിവയാണ്.
