ത്വലബാ സംസ്ഥാന സമ്മേളനം; രജിസ്‌ട്രേഷന്‍ ആരംഭിച്ചു

മലപ്പുറം : വിദ്യയുടെ കൈത്തിരി, വിമോചനത്തിന്‍റെ പുലരി എന്ന പ്രമേയവുമായി ജൂണ്‍ 8, 9 തിയ്യതികളില്‍ ചെമ്മാട്‌ ദാറുല്‍ ഹുദാ ഇസ്‌ലാമിക്‌ യൂണിവേഴ്‌സിറ്റിയില്‍ നടക്കുന്ന SKSSF ത്വലബാ വിംഗ്‌ സംസ്ഥാന സമ്മേളനത്തിന്‍റെ രജിസ്‌ട്രേഷന്‍ ആരംഭിച്ചു. പട്ടിക്കാട്‌ ജാമിഅ: നൂരിയ്യ അറബിക്‌ കോളേജില്‍ പാണക്കാട്‌ സയ്യിദ്‌ സ്വാദിഖലി ശിഹാബ്‌ തങ്ങള്‍ നൂറുല്‍ ഉലമാ പ്രസിഡന്‍റ്‌ ജംശീര്‍ ആലങ്കോടില്‍ നിന്നും ഫോം സ്വീകരിച്ച്‌ സമ്മേളന രജിസ്‌ട്രേഷന്‍റെ ഉദ്‌ഘാടനം ചെയ്‌തു. ത്വലബാ വിംഗ്‌ സംസ്ഥാന പ്രസിഡന്‍റ്‌ സയ്യിദ്‌ മുഹ്‌സിന്‍ തങ്ങള്‍ കുറുമ്പത്തൂര്‍ അധ്യക്ഷത വഹിച്ചു. സയ്യിദ്‌ സാബിഖലി ശിഹാബ്‌ തങ്ങള്‍, സയ്യിദ്‌ ഹാരിസലി ശിഹാബ്‌ തങ്ങള്‍, ബഷീര്‍ പനങ്ങാങ്ങര, സലാം വയനാട്‌, റിയാസ്‌ മുക്കോളി തുടങ്ങിയവര്‍ സംബന്ധിച്ചു.