ദുബൈ : ദുബൈ എസ്.കെ.എസ്.എസ്.എഫ് സ്റ്റേറ്റ് കമ്മിറ്റി സഘടിപ്പിക്കുന്ന ഏകദിന പ്രവര്‍ത്തക ക്യാമ്പ് " തന്‍ബീഹ് 2011" ജൂലൈ 8 രാവിലെ 9 മുതല്‍ വൈകീട്ട് 7 വരെ അല്‍ വുഹൈദ സെന്റ്രല്‍ മദ്രസ്സയില്‍ വെച്ച് നടക്കും. മൂന്ന് സെഷനുകളിലായി നടക്കുന്ന ക്യാമ്പിന്റെ ഉത്ഘാടനം കെ.എം.സി.സി പ്രസിഡന്റ് ഇബ്രാഹീം എളേറ്റില്‍ നിര്‍ വഹിക്കും. 'റമദാനിലേക്ക്' എന്ന വിഷയത്തില്‍ അലവിക്കുട്ടി ഹുദവിയും, 'സമസ്തയുടെ നാള്വഴികള്‍' എന്ന വിഷയത്തില്‍ മുസ്തഫ മൗലവി പാലക്കാടും, 'തിരുശേഷിപ്പുകളും തബറുക്കും' എന്ന വിഷയത്തില്‍ ഉസ്താദ് അബ്ദുസ്സലാം ബഖവിയും വിവിധ സെഷനുകളിലായി പ്രഭാഷണം നടത്തും.സമാപനത്തില്‍ ദുബൈ ഔഖാഫ് സീനിയര്‍ സെക്രെട്ടറി മുസ്തഫ എലംബ്ര ഉത്ഘാടനം നിര്‍ വഹിക്കും. പ്രസിഡന്റ് ഹകീം ഫൈസിയുടെ ആദ്യക്ഷതയില്‍ സെക്രട്ടറി അഡ്വ.ഷറഫുദ്ദീന്‍ സ്വാഗതവും, ഓര്‍ഗനൈസിങ് സെക്രട്ടറി ഷറഫുദ്ദീന്‍ പെരുമലമ്പാട് നന്ദിയും പറയും.
