മലപ്പുറം : വ്യാജ ആത്മീയതയുടെ
മൂടുപടങ്ങള്‍ വലിച്ച്‌ കീറാന്‍ കേരളത്തിലെ പ്രബുദ്ധരായ മുസ്‌ലിംകള്‍ ധൈര്യം
കാണിക്കണമെന്ന്‌ സമസ്‌ത കേരള ജംഇയ്യത്തുല്‍ ഉലമ ജനറല്‍ സെക്രട്ടറിയും ദാറുല്‍ ഹുദാ
പ്രോ ചാന്‍സലറുമായ ചെറുശ്ശേരി സൈനുദ്ദീന്‍ മുസ്‌ലിയാര്‍. ദാറുല്‍ ഹുദാ സില്‍വര്‍
ജൂബിലി മഹാസമ്മേളന സമാപനത്തില്‍ മുഖ്യപ്രഭാഷണം നടത്തി സംസാരിക്കുകയായിരുന്നു
അദ്ദേഹം.
അനര്‍ഹരെ മഹത്വവല്‍ക്കരിക്കല്‍ ദോഷം ചെയ്യും.വിശ്വാസ
വ്യതിയാനത്തിലേക്ക്‌ വരെ അത്‌ നയിക്കുമെന്നും സമൂഹം ജാഗ്രതയോടെയിരിക്കണമെന്നും
അദ്ദേഹം പറഞ്ഞു.
ഇനി നമ്മുടെ പുരോഗമനങ്ങള്‍ കേരളത്തിനപ്പുറമെത്തണം.
ദേശീയോല്‍ഗ്രഥനത്തിനും അഖണ്‌ഢതക്കും കരുത്ത്‌ പകര്‍ന്ന്‌ പുതിയ കവാടങ്ങള്‍
തുറക്കാന്‍ നാം തയ്യാറാകണമെന്നും അദ്ദേഹം കൂട്ടിച്ചേര്‍ത്തു.
