എസ്.കെ.എസ്.എസ്.എഫ് മലപ്പുറംജില്ലാ സര്ഗലയം

മലപ്പുറം: എസ്.കെ.എസ്.എസ്.എഫ് ജില്ലാ സര്ഗലയം ഇസ്ലാമിക കലാസാഹിത്യ മത്സരം വ്യാഴം, വെള്ളി ദിവസങ്ങളില് തിരൂര്ക്കാട് അന്വാര് കാമ്പസില് നടക്കും. സാംസ്കാരിക ഘോഷയാത്രയോടെയാണ് മത്സരത്തിന് തുടക്കം കുറിക്കുക. വൈകീട്ട് നാലിന് തിരൂര്ക്കാട് തടത്തില്വളവ് പരിസരത്തുനിന്ന് ആരംഭിക്കുന്ന ഘോഷയാത്ര അന്വാര് കാമ്പസില് സമാപിക്കും. സ്വാഗതസംഘം ചെയര്മാന് ഹാജി കെ. മമ്മദ് ഫൈസി പതാക ഉയര്ത്തും. വൈകീട്ട് ഏഴിന് മഞ്ഞളാംകുഴി അലി എം.എല്.എ ഉദ്ഘാടനംചെയ്യും. 640 കലാപ്രതിഭകളാണ് മത്സരത്തില് പങ്കെടുക്കുന്നത്. 20ന് വൈകീട്ട് നടക്കുന്ന സമാപന സമ്മേളനം പ്രൊഫ. കെ. ആലിക്കുട്ടി മുസ്ലിയാര് ഉദ്ഘാടനം ചെയ്യും