 |
| വ്യാജകേശം |
കോഴിക്കോട്‌: വ്യാജകേശം ഉപയോ ഗിച്ചുള്ള ചൂഷണം സംബന്ധിച്ച അന്വേ ഷണവും ഹൈക്കോടതിയില്‍ സമര്‍ പ്പിച്ച വ്യാജ സത്യവാങ്‌മൂലവും സംബന്ധിച്ച്‌ മുഖ്യമന്ത്രി ഉമ്മന്‍ചാണ്‌ടി സുന്നി നേതാക്കള്‍ക്കു തന്ന ഉറപ്പ്‌ ഉടന്‍ പാലിച്ചില്ലെങ്കില്‍ കടുത്ത പ്രത്യാ ഘാതം നേരിടേണ്‌ടിവരുമെന്ന്‌ എസ്‌.കെ.എസ്‌.എസ്‌.എഫ്‌ സംസ്ഥാന കൌണ്‍സില്‍ പ്രമേയത്തിലൂടെ മുന്നറിയിപ്പു നല്‍കി.
ഏഴ്‌ ആവശ്യങ്ങള്‍ മുന്‍നിര്‍ത്തി സമരരംഗത്തിറങ്ങിയ സംഘടനാ നേതാക്കള്‍ക്കു മുഖ്യമന്ത്രി ചര്‍ച്ചയ്ക്കു വിളിച്ചപ്പോള്‍ നല്‍കിയ ഉറപ്പു പാലിച്ചേ തീരൂ. സര്‍ക്കാരിന്റെ നടപടിക്രമങ്ങളിലെ സ്വാഭാവിക വൈകലിനപ്പുറം കാര്യങ്ങള്‍ നീണ്‌ടുപോവുന്നതു അംഗീകരിക്കാന്‍ കഴിയില്ല. വിശ്വാസികളെ കബളിപ്പിച്ച്‌ പ്രവാചകന്റെ പേരില്‍ നടത്തിയ ചൂഷണങ്ങളെ കണ്‌ടില്ലെന്നു നടിച്ചാല്‍ അതിനു വിശ്വാസികളില്‍ നിന്നു കനത്ത പ്രഹരം ഏല്‍ക്കേണ്‌ടിവരുമെന്നു യോഗം മുന്നറിയിപ്പു നല്‍കി. യോഗത്തില്‍ സത്താര്‍ പന്തലൂര്‍ അധ്യക്ഷത വഹിച്ചു. ജനറല്‍ സെക്രട്ടറി ഓണംപിള്ളി മുഹമ്മദ് ഫൈസി സ്വാഗതവും റഹീം ചുഴലി നന്ദിയും പറഞ്ഞു. അബ്ദുറഹിമാന്‍ സഅദി, മജീദ് മാസ്റ്റര്‍ കൊടക്കാട്, അബൂബക്കര്‍ സിദ്ദീഖ് ചെമ്മാട്, ഷംസുദ്ദീന്‍ ഒഴുകൂര്‍, ആര്‍.വി അബ്ദുസ്സലാം, ഉമറുല്‍ഫാറൂഖ് തങ്ങള്‍ കാസര്‍ക്കോട്, റഷീദ് ബെളിഞ്ചം എന്നിവര്‍ ചര്‍ച്ചയില്‍ പങ്കെടുത്തു.
