SKSSF ലീഡേഴ്‌സ് വര്‍ക്ക്‌ഷോപ്പ് പുരോഗമിക്കുന്നു

തൃശൂര്‍: “അണിചേരുക നീതി കാക്കാന്‍” എന്ന പ്രമേയവുമായി ജൂണ്‍ മാസത്തില്‍ ആരംഭിച്ച SKSSF അംഗത്വ പ്രചരണ കാമ്പയിനിന്റെ അടിസ്ഥാനത്തില്‍ നടക്കുന്ന സംഘടനാ തെരഞ്ഞെടുപ്പിന്റെ ക്രമീകരണങ്ങളും പ്രവര്‍ത്തനങ്ങളും വിശദീകരിക്കുന്നതിന് വേണ്ടിയുള്ള ലീഡേഴ്‌സ് വര്‍ക്ക് ഷോപ്പ് തൃശൂര്‍ MIC യില്‍ നടന്നു. സംഘടനയുടെ ഭരണഘടനക്കനുസൃതമായി കുറ്റമറ്റ രീതിയില്‍ തെരഞ്ഞെടുപ്പ് നടത്തുന്നതിന്റെ ഭാഗമായാണ് വര്‍ക്ക്‌ഷോപ്പ് നടക്കുന്നത്. ജില്ലാതല റിട്ടേണിംഗ് ഓഫീസര്‍മാര്‍, നിരീക്ഷകര്‍, തിരഞ്ഞെടുപ്പ് ചുമതലക്കാര്‍, മേഖലാ/ ക്ലസ്റ്റര്‍ പ്രസിഡന്റ്, സെക്രട്ടറിമാര്‍, മറ്റു തെരഞ്ഞെടുപ്പ് ഉദ്യോഗസ്ഥര്‍ തുടങ്ങിയവര്‍ക്ക് വേണ്ടിയാണ് വര്‍ക്ക്‌ഷോപ്പ് നടന്നത്. ടഗടടഎ സംസ്ഥാന സെക്രട്ടറിയേറ്റ് അംഗം ഇബ്രാഹീം ഫൈസി പഴുന്നാന ഉല്‍ഘാടനം ചെയ്തു. ജില്ല വൈ. പ്രസിഡന്റ് ഷഫീഖ് ഫൈസി അദ്ധ്യക്ഷത വഹിച്ചു. സംസ്ഥാന പ്രതിനിധി അബ്ദുല്‍ ഹമീദ് കുന്നുമ്മേല്‍ ക്ലാസെടുത്തു. ഷഹീര്‍ ദേശമംഗലം, സിദ്ധീഖ് ബദ്രി, അഡ്വ. ഹാഫിള് അബൂബക്കര്‍, ജാബിര്‍ യമാനി, ഹാരിസ് ചൊവ്വല്ലൂര്‍ പട, സുഹൈല്‍, മഹ്‌റൂഫ് വാഫി, ഷെബീര്‍ അകലാട് തുടങ്ങിയവര്‍ പങ്കെടുത്തു. ജില്ലാ ജന. സെക്രട്ടറി ഷാഹിദ് കോയത്തങ്ങള്‍ സ്വാഗതവും ഇമ്പിച്ചിക്കോയ തങ്ങള്‍ നന്ദിയും പറഞ്ഞു.
- SAMASTHA KERALA SUNNI STUDENTS FEDERATION Thrissur