തിരൂരങ്ങാടി: ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റി പൂര്‍വ്വ വിദ്യാര്‍ത്ഥി സംഘടന ഹുദവീസ് അസോസിയേഷന്‍ ഹാദിയക്ക് കീഴിലുള്ള പാണക്കാട്ടെ സെന്റര്‍ ഫോര്‍ സോഷ്യല്‍ എക്‌സലന്‍സ് (സി.എസ്.ഇ) യില്‍ പുതുതായി നിര്‍മ്മിച്ച ഇവന്റ്‌സ് ഹാള്‍ കേരള വഖ്ഫ് ബോര്‍ഡ് ചെയര്‍മാനും സി.എസ്.ഇ ചെയര്‍മാനുമായ പാണക്കാട് സയ്യിദ് റശീദലി ശിഹാബ് തങ്ങള്‍ നാടിനു സമര്‍പ്പിച്ചു. ദാറുല്‍ഹുദാ വൈസ് ചാന്‍സലര്‍ ഡോ. ബഹാഉദ്ദീന്‍ മുഹമ്മദ് നദ്‌വി അധ്യക്ഷത വഹിച്ചു. ഹംസ ഹാജി മൂന്നിയൂര്‍, ഹമീദ് ഹാജി കടമേരി, ഡോ. മുഹമ്മദ് തലശ്ശേരി, ജഅ്ഫര്‍ ചെമ്പാട്, പാലസ് മൊയ്തീന്‍ കുട്ടി ഹാജി, മുസ്ഥഫ ഹാജി തിരൂര്‍ തുടങ്ങിയവര്‍ സംസാരിച്ചു. തുടര്‍ന്ന് ഹാദിയയുടെ കീഴിലുള്ള ഈദ് മിലാന്‍ പരിപാടിയും നടന്നു.
- Darul Huda Islamic University
