പുത്തൂര് : ഓണ്ലൈന് ദഅവാ രംഗത്ത് വേറിട്ടൊരു ചരിത്രം സൃഷ്ടിച്ച് മുന്നേറിക്കൊണ്ടിരിക്കുന്ന മിഷന്സോഫ്റ്റ് ഫൌണ്ടേഷന് മറ്റൊരു നാഴികക്കല്ല് കൂടി പിന്നിടുകയാണ്. ഇസ്ലാംഓണ്വെബ്.നെറ്റിന്റെ കിരീടത്തില് ഒരു പൊന്തൂവല് കൂടി ചാര്ത്തിക്കൊണ്ട് സൈറ്റിന്റെ കന്നഡ ഭാഷാ പതിപ്പിന് ഇന്നു തുടക്കം കുറിക്കപ്പെടുകയാണ്.
കര്ണ്ണാടകയിലെ പുത്തൂര് - കുംബ്രയില് പ്രവര്ത്തിക്കുന്ന കര്ണ്ണാടക ഇസ്ലാമിക് സെന്ററില് വെച്ചു ഇന്ന് പകല് നടക്കുന്ന പ്രൌഡമായ സദസ്സില് സമസ്ത കേരളാ ജംഇയ്യത്തുല് ഉലമ കേന്ദ്ര മുശവറാ ട്രഷറര് സയ്യിദ് മുഹമ്മദ് ജിഫ്രി മുത്തോകോയ തങ്ങള് പ്രകാശന കര്മ്മം നിര്വഹിക്കും. ചടങ്ങില് മംഗലാപുരം ഖാസി ത്വാഖ അഹ്മദ് മൗലവി അല് അസ്ഹരി, സമസ്ത കേന്ദ്ര മുശാവറ മെമ്പര് അബ്ദുല് ജബ്ബാര് മുസ്ലിയാര് മിത്തബയല്, സമസ്ത ദക്ഷിണ കന്നഡ ജില്ലാ പ്രസിഡണ്ട് സൈനുല് ആബിദീന് തങ്ങള് കുന്നുംകൈ ഉള്പ്പടെയുള്ള പ്രമുഖര് സംബന്ധിക്കും. കന്നഡ പതിപ്പ് എഡിറ്റര് യുസുഫ് മുണ്ടോള് സൈറ്റിനെ സദസ്സ്യര്ക്ക് പരിചയപ്പെടുത്തും.
- Faisal Niyaz