KICR_SKSSF: എസ്.കെ.എസ്.എസ്.എഫ് ഐടി വിംഗിനു കീഴില് ഇന്റര് നെറ്റിലെ ബൈലക്സ് മെസ്സഞ്ചറില് പ്രവര്ത്തിക്കുന്ന കേരള ഇസ്ലാമിക് ക്ലാസ്സ് റൂം റേഡിയോ ശ്രോതാക്കളെ കൂടി പരിഗണിച്ച് നൂതന പദ്ധതികളുമായി രംഗത്ത്.
ക്ലാസ്സ് റൂമില് നടക്കുന്ന ചര്ച്ചകളിലും സംശയനിവാരണങ്ങളിലും ഓണ്ലൈന് അംഗങ്ങളെ പോലെ തന്നെ മൊബൈല് റേഡിയോ ശ്രോതാക്കള്ക്കും പങ്കെടുക്കാനാവുന്ന വിധം ഫോണ് ഇന് പ്രോഗ്രാം എന്ന പേരിലാണ് പുതിയ പരിപാടി ആരംഭിക്കുന്നത്.
ഇന്ന് (ബുധന്) വൈകുന്നേരം ഇന്ത്യന് സമയം 5.45 ന് ആരംഭിക്കുന്ന ഈ പരിപാടിയിലേക്ക് ഇന്ത്യയില് നിന്നുള്ളവര്ക്ക് സൌജന്യമായി പങ്കെടുക്കാന് 00966538320306 എന്ന നമ്പറിലേക്ക് മിസ് കോള് ചെയ്താല് മതിയെന്നും മറ്റു രാജ്യങ്ങളിലുള്ളവര് നിശ്ചിത സമയത്തിനു ശേഷം വിളിക്കണമെന്നും അഡ്മിന് ഡസ്ക് അറിയിച്ചു. വിശദ വിവരങ്ങള്ക്ക് www.keralaislamicroom.com, www.skssfnews.com/onlineclasses സന്ദര്ശിക്കുക.