SKSSF ബദിയടുക്ക മേഖല കൗണ്‍സില്‍ മീറ്റ്‌ സമാപിച്ചു

ബദിയടുക്ക : SYS സംസ്ഥാന സെക്രട്ടറി അബ്‌ദുല്‍ ഹമീദ്‌ ഫൈസി അന്പലക്കടവ്‌ ആത്മീയ ചൂഷണത്തിനെതിരെ ജിഹാദ്‌ എന്ന പ്രമേയവുമായി 2012 ഏപ്രില്‍ 18 മുതല്‍ 29 വരെ മംഗലാപുരത്ത്‌ നിന്ന്‌ തിരുവനന്തപുരത്തേക്ക്‌ നടത്തുന്ന SKSSF വിമോചന യാത്രയുടെ ഭാഗമായി SKSSF ബദിയടുക്ക മേഖലാ കമ്മിറ്റി കൗണ്‍സില്‍ മീറ്റ്‌ സംഘടിപ്പിച്ചു. പരിപാടിയുടെ ഭാഗമായി മാര്‍ച്ച്‌ 25ന്‌ മുന്പ് മേഖലാ പരിധിയിലെ കുന്പഡാജ, നീര്‍ച്ചാല്‍, ബദിയടുക്ക ക്ലസ്റ്ററുകളില്‍ കൗണ്‍സില്‍ മീറ്റ്‌ സംഘടിപ്പിക്കാനും പ്രചരണ പ്രവര്‍ത്തനങ്ങള്‍ സജീവമാക്കാനും തീരുമാനിച്ചു. മേഖലാ പ്രസിഡണ്ട്‌ മുനീര്‍ ഫൈസി ഇടിയടുക്ക അദ്ധ്യക്ഷത വഹിച്ചു. ബഷീര്‍ മൗലവി കുമ്പഡാജ ഉദ്‌ഘാടനം ചെയ്‌തു. റസാഖ്‌ അര്‍ശദി, ആദം ദാരിമി, ജലാലുദ്ദീന്‍ ദാരിമി, സിദ്ദീഖ്‌ ബെളിഞ്ചം, കരീം പള്ളത്തടുക്ക തുടങ്ങിയവര്‍ പ്രസംഗിച്ചു.