കല്പറ്റ:
ആദര്‍ശവത്കരണത്തിലൂടെ ഇസ്‌ലാമിക പൈതൃകം
സംരക്ഷിക്കണമെന്ന് എസ്.വൈ.എസ്.സംസ്ഥാന സെക്രട്ടറി ഹാജി.കെ.മമ്മദ്‌ഫൈസി
ആവശ്യപ്പെട്ടു. എസ്.വൈ.എസ്.ജില്ലാ സ്‌പെഷല്‍ കണ്‍വെന്‍ഷന്‍ ഉദ്ഘാടനം
ചെയ്യുകയായിരുന്നു അദ്ദേഹം. ജില്ലാ ജനറല്‍ സെക്രട്ടറി പി.സുബൈറിന് കൈമാറി
അംഗത്വവിതരണം അദ്ദേഹം നിര്‍വഹിച്ചു.
ജില്ലാ പ്രസിഡന്റ്
ഇബ്രാഹിം ഫൈസി പേരാല്‍ അധ്യക്ഷതവഹിച്ചു. സംസ്ഥാന സെക്രട്ടറി
പി.പി.മുഹമ്മദ്‌ഫൈസി, എം.എം.ഇമ്പിച്ചിക്കോയ മുസ്‌ല്യാര്‍, സംസ്ഥാന
വര്‍ക്കിങ് സെക്രട്ടറി പിണങ്ങോട് അബൂബക്കര്‍ , കെ.എ.നാസിര്‍ എന്നിവര്‍
സംസാരിച്ചു.
