ദോഹ : SKSSF സംസ്ഥാന സെക്രട്ടറി കൊട്ടില അബ്ദുല്ല ദാരിമിയെ കണ്ണൂര്‍ തളിപ്പറന്പില്‍ നിന്നും വഴിയില്‍ കാര്‍ തടഞ്ഞു ആക്രമിക്കുകയും രണ്ട് ലക്ഷം രൂപയും വിലപിടിപ്പുള്ള മൊബൈല്‍ ഫോണ്‍ കവര്‍ന്നെടുക്കുകയും ചെയ്ത സി.പി.എമ്മിന്‍റെ കിരാത രാഷ്ട്രീയത്തിനെതിരെ ഖത്തര്‍ കേരള ഇസ്‍ലാമിക് സെന്‍റര്‍ ശക്തമായി പ്രതിഷേധിച്ചു. സമാധാനത്തിന് വേണ്ടി പ്രവര്‍ത്തിക്കുകയും നിലകൊള്ളുകയും ചെയ്യുന്ന മത സംഘടനാ പ്രവര്‍ത്തകരെയും നേതാക്കളെയും അക്രമിക്കുന്ന ഇത്തരം ഹീന പ്രവര്‍ത്തനങ്ങളില്‍ നിന്നും സി.പി.എം. പോലുള്ള രാഷ്ട്രീയ പാര്‍ട്ടികള്‍ പിന്‍മാറണമെന്നും യോഗം മുന്നറിയിപ്പ് നല്‍കി.
