- SUNNI MAHALLU FEDERATION
സുപ്രഭാതം ക്യാമ്പയിന്‍ വിജയിപ്പിക്കുക: SMF
ചേളാരി: സമസ്ത കേരള ജംഇയ്യത്തുല്‍ ഉലമായുടെ മുഖപത്രമായ സുപ്രഭാത്തിന്റെ ഏഴാം വാര്‍ഷിക ക്യാമ്പയിന്‍ നടന്നുവരികയാണ്. കൂടുതല്‍ വരിക്കാരെ ചേര്‍ത്ത് ക്യാമ്പയിന്‍ വിജയിപ്പിക്കുവാന്‍ സുന്നി മഹല്ല് ഫെഡറേഷന്‍ ജില്ല / പഞ്ചായത്ത് / മേഖല കമ്മിറ്റികളും മഹല്ല് ജമാഅത്ത് കമ്മിറ്റികളും സജീവമായി രംഗത്തിറങ്ങണം. ആശയ സംരക്ഷണം, ഇന്ത്യന്‍ ഭരണഘടനയുടെ പരിരക്ഷ തുടങ്ങിയ നിരവധി കാലിക വിഷയങ്ങള്‍ ഏറ്റെടുത്ത് നടപ്പിലാക്കാന്‍ സുപ്രഭാതത്തിന്റെ പേജുകള്‍ ഉപയോഗപ്പെടുത്തേണ്ടതുണ്ട്. ധാരാളം വായനക്കാരെയും വരിക്കാരെയും കണ്ടെത്തി വിജയിപ്പിക്കാന്‍ ആവശ്യമായ പരിപാടികള്‍ നടപ്പില്‍ വരുത്തുവാന്‍ സുന്നി മഹല്ല് ഫെഡറേഷന്‍ സംസ്ഥാന പ്രസിഡണ്ട് പാണക്കാട് സയ്യിദ് ഹൈദറലി ശിഹാബ് തങ്ങളുടെ അദ്ധ്യക്ഷതയില്‍ ചേര്‍ന്ന ഓണ്‍ലൈന്‍ യോഗത്തില്‍ തീരുമാനിച്ചു. എസ്. എം. എഫ് സംസ്ഥാന സെക്രട്ടറി ചെമ്മുക്കന്‍ കുഞ്ഞാപ്പു ഹാജി, വര്‍ക്കിംഗ് സെക്രട്ടറി യു. മുഹമ്മദ് ശാഫി ഹാജി ചെമ്മാട്, സെക്രട്ടറിമാരായ പിണങ്ങോട് അബൂബക്കര്‍, അബ്ദുസ്സമദ് പൂക്കോട്ടൂര്‍, സി. ടി അബ്ദുല്‍ ഖാദര്‍ തൃക്കരിപ്പൂര്‍, പ്രൊഫ. തോന്നക്കല്‍ ജമാല്‍, കോ-ഓര്‍ഡിനേറ്റര്‍ എ. കെ ആലിപ്പറമ്പ് എന്നിവര്‍ പങ്കെടുത്തു.
- SUNNI MAHALLU FEDERATION
- SUNNI MAHALLU FEDERATION
