SKSSF ട്രൈസനേറിയം തൃശ്ശൂർ ജില്ലാ മീറ്റ് 21 ന്

തൃശ്ശൂർ: "നിലപാടുകളുടെ കരുത്ത് വ്യതിയാനങ്ങളുടെ തിരുത്ത്" എന്ന പ്രമേയത്തിൽ എസ് കെ എസ് എസ് എഫ് ട്രൈസനേറിയം മുപ്പതാം വാർഷികാഘോഷങ്ങളുടെ ഭാഗമായി സംഘടിപ്പിക്കുന്ന ട്രൈസനേറിയം ജില്ലാ മീറ്റിന്റെ സംസ്ഥാനതല ഉദ്ഘാടനവും തൃശ്ശൂർ ജില്ലാ മീറ്റും 21 ഞായറാഴ്ച കാലത്ത് 10:30 മുതൽ വൈകിട്ട് 5:30 വരെ പാലപ്പള്ളി ദാറുത്തഖ് വ ഇസ്ലാമിക് അക്കാദമിയിൽ നടക്കും. സമസ്ത ജില്ലാ പ്രസിഡണ്ട് ശൈഖുനാ ചെറുവാളൂർ ഹൈദ്രോസ് മുസ്‌ലിയാർ ഉദ്ഘാടനം ചെയ്യും. എസ് കെ എസ് എസ് എഫ് സംസ്ഥാന ജനറൽ സെക്രട്ടറി സത്താർ പന്തല്ലൂർ വിഷയാവതരണം നടത്തും.

ഓഗസ്റ്റിൽ ഡൽഹിയിൽ നടക്കുന്ന ദേശീയ പ്രതിനിധി സംഗമം, സ്വാതന്ത്രദിനത്തിൽ മേഖലാ തലങ്ങളിൽ നടക്കുന്ന ഫ്രീഡം സ്ക്വയർ, സെപ്റ്റംബറിൽ നടക്കാനിരിക്കുന്ന ക്ലസ്റ്റർ കോൺഫറൻസുകൾ, മറ്റു ട്രൈസനേറിയം പദ്ധതികൾ തുടങ്ങിയവ മീറ്റിൽ ചർച്ച ചെയ്യും. പ്രമേയ വിശകലനം, പദ്ധതി അവതരണം, തസ്കിയ, ഗ്രൂപ്പ് ചർച്ച തുടങ്ങിയവയും മീറ്റിൽ നടക്കും.

ജില്ലാ സെക്രട്ടറിയേറ്റ് അംഗങ്ങൾ, ഉപസമിതി ചെയർമാൻ കൺവീനർമാർ, മേഖലാ പ്രസിഡണ്ട്, സെക്രട്ടറി, ട്രഷറർ, വർക്കിംഗ് സെക്രട്ടറി, ഉപ സമിതി ചെയർമാൻ കൺവീനർമാർ, ക്ലസ്റ്റർ പ്രസിഡണ്ട് സെക്രട്ടറിമാർ തുടങ്ങിയവരാണ് മീറ്റിംഗിൽ പങ്കെടുക്കേണ്ടത്. പങ്കെടുക്കേണ്ടവർ skssfthrissur.com എന്ന വെബ്സൈറ്റിൽ ഉടൻ രജിസ്ട്രേഷൻ പൂർത്തീകരിക്കണമെന്ന് ജില്ലാ പ്രസിഡന്റ് മഹ്റൂഫ് വാഫി, ജനറൽ സെക്രട്ടറി അഡ്വ. ഹാഫിള് അബൂബക്കർ സിദ്ദീഖ് തുടങ്ങിയവർ അറിയിച്ചു.
- SAMASTHA KERALA SUNNI STUDENTS FEDERATION Thrissur