വാഷിങ്ടണ്‍: അഫ്ഗാനി സ്താനിലെ നാറ്റോ താവളത്തില്‍ ഖുര്‍ആന്‍ കത്തിച്ച സംഭവവുമായി ബന്ധപ്പെട്ട് ആറ് അമേരിക്കന്‍ സൈനികര്‍ക്കെതിരെ ഭരണതലത്തിലുള്ള ശിക്ഷ നടപ്പാക്കും. ആര്‍മി ബ്രിഗേഡിയര്‍ ജനറല്‍ ബ്രയാന്‍ ജി.വാട്സന്‍ നടത്തിയ അന്വേഷണത്തിന്റെ റിപ്പോര്‍ട്ട് കഴിഞ്ഞ ദിവസം യു.എസ് സെന്‍ട്രല്‍ കമാന്‍ഡ് പുറത്തു വിട്ടു. എന്നാല്‍, സൈനികര്‍ക്കെതിരെ ക്രിമിനല്‍ കേസെടുത്തിട്ടില്ല.
ഖുര്‍ആന്‍ കത്തിച്ചതിനെതിരെ ലോകമെങ്ങും ശക്തമായ പ്രതിഷേധമുയര്‍ന്നിരുന്നു. ഇതേതുടര്‍ന്ന് യു.എസ് പ്രസിഡന്റ് ബറാക് ഒബാമ മാപ്പുപറയുകയും ചെയ്തു. കാബൂളിലും മറ്റുമുണ്ടായ അക്രമസംഭവങ്ങളില്‍ 30 അഫ്ഗാന്‍ പൗരന്മാരും ആറ് യു.എസ് സൈനികരും കൊല്ലപ്പെട്ടിരുന്നു.