തിരുവനന്തപുരം: എസ് കെ എസ് എസ് എഫ് ജില്ലാ ട്രെൻഡ് സെക്രട്ടറി, ചെയർമാൻ, കൺവീനർ എന്നിവർക്കായി തിരുവനന്തപുരം മരിയ റാണി വെച്ച് മാര്‍ച്ച്‌ 27, 28 ശനി, ഞായർ തിയ്യതികളിലായി സംഘടിപ്പിച്ച നേതൃത്വ ശിൽപശാല ടീം ഡ്രൈവ് സമാപിച്ചു. സംസ്ഥാന ജില്ലാ ട്രെന്റ് സമിതികളുടെ കഴിഞ്ഞ ഒരു വർഷത്തെ പ്രവർത്തനങ്ങളുടെ റിപ്പോർട്ടും വരുന്ന മൂന്ന് മാസത്തെ പദ്ധതികളും ശിൽപശാലയിൽ അവതരിപ്പിച്ചു. ഏപ്രിൽ മെയ് മാസങ്ങളിൽ സമ്മർ ഗൈഡ് എന്ന പേരിൽ നടക്കുന്ന അവധിക്കാല കാമ്പയിൻ പ്രവർത്തനങ്ങൾക്ക് രൂപരേഖ തയ്യാറാക്കി.
സംസ്ഥാന ജനറൽ സെക്രട്ടറി സത്താർ പന്തല്ലൂർ ഉദ്ഘാടനം ചെയ്തു. ഡോക്ടർ അച്ചു ശങ്കർ നായർ, ഷാജഹാൻ ദാരിമി പനവൂർ, ശാഹുൽ ഹമീദ് മേൽമുറി, ഡോ, അബ്ദുൽ മജീദ് കൊടക്കാട്, റഹീം ചുഴലി, റഷീദ് കൊടിയൂറ, ഷാഫി അട്ടീരി, ഡോ അബ്ദുൽ ഖയൂമ്, ബഷീർ ബാഖവി പാലക്കാട്‌, റാസി ബാഖവി, ഷമീർ ഹംസ, വിവിധ സെഷനുകൾക്ക് നേതൃത്വം നൽകി. അനസ് പൂക്കോട്ടൂർ സ്വാഗതവും സിദ്ധീഖുൽ അക്ബർ വാഫി നന്ദിയും പറഞ്ഞു.
ട്രെൻഡ് ടീം ഡ്രൈവ് സംസ്ഥാന ക്യാമ്പ് തിരുവനന്തപുരത്ത് സത്താർ പന്തല്ലൂർ ഉദ്ഘാടനം ചെയ്യുന്നു.
- SKSSF STATE COMMITTEE
