2021 മാര്ച്ച് 19നാണ് സമസ്ത കൈത്താങ്ങ് നാലാംഘട്ട പദ്ധതിക്കുവേണ്ടി ഫണ്ട് സമാഹരണം നടത്തുന്നത്. കൈത്താങ്ങ് പദ്ധതിയില് നിന്നും മഹല്ല് ശാക്തീകരണം, കോവിഡ്-19ന്റെ ജീവകാരുണ്യ പ്രവര്ത്തനങ്ങളുടെ ഭാഗമായി മുഅല്ലിംകള്, മുദര്രിസുമാര്, ഖത്തീബുമാര് എന്നിവര്ക്ക് ധനസഹായ വിതരണം, മറ്റു സംസ്ഥാനങ്ങളിലെ സംസ്കാര പ്രവര്ത്തനങ്ങള്, സാഹിത്യ പ്രചാരണം, ജീവകാരുണ്യ പ്രവര്ത്തനങ്ങള് എന്നിവക്ക് കോടിക്കണക്കിന് രൂപയാണ് ഇതിനകം സമസ്ത കൈത്താങ്ങ് പദ്ധതിയില്നിന്നും ചെലവഴിച്ചത്.
മലപ്പുറം സുന്നി മഹലില് ചേര്ന്ന സമസ്ത കൈത്താങ്ങ് പദ്ധതി സമിതി യോഗത്തില് സമസ്ത കേരള ഇസ്ലാം മത വിദ്യാഭ്യാസ ബോര്ഡ് ജനറല് സെക്രട്ടറി എം.ടി. അബ്ദുല്ല മുസ്ലിയാര് അദ്ധ്യക്ഷനായി. ഡോ. എന്.എ.എം. അബ്ദുല് ഖാദിര്, അബ്ദുല് ഹമീദ് ഫൈസി അമ്പലക്കടവ്, ഇ.മൊയ്തീന് ഫൈസി പുത്തനഴി, കൊടക് അബ്ദുറഹിമാന് മുസ്ലിയാര് പ്രസംഗിച്ചു. കണ്വീനര് അബ്ദുസ്സമദ് പൂക്കോട്ടൂര് സ്വാഗതവും മാനേജര് കെ. മോയിന്കുട്ടി മാസ്റ്റര് നന്ദിയും പറഞ്ഞു.
- Samasthalayam Chelari