Pages
▼
ദാറുല് ഹിക്മ: സൈനുല് ഉലമാ സ്മാരക മന്ദിരം: ശിലാസ്ഥാപനം നാളെ (04 ജനുവരി തിങ്കള്)
ഹിദായ നഗര്: സൈനുല് ഉലമാ ചെറുശ്ശേരി സൈനുദ്ദീന് മുസ്ലിയാരുടെ സ്മരണാര്ത്ഥം ദാറുല്ഹുദായില് നിര്മിക്കുന്ന സ്മാരക മന്ദിരത്തിന്റെ ശിലാസ്ഥാപനം നാളെ വൈകുന്നേരം 3.30 ന് ( 04 ജനു. തിങ്കള്) ചാന്സലര് പാണക്കാട് സയ്യിദ് ഹൈദരലി ശിഹാബ് തങ്ങള് നിര്വ്വഹിക്കും.
രണ്ട് പതിറ്റാണ്ടു കാലം സമസ്ത കേരള ജംയ്യത്തുല് ഉലമായുടെ സെക്രട്ടറിയും ദാറുല്ഹുദായുടെ പ്രിന്സിപ്പാളും പിന്നീട് യൂണിവേഴ്സിറ്റി പ്രോ ചാന്സലറുമായിരുന്ന സൈനുല് ഉലമാ ചെറുശ്ശേരി സൈനുദ്ദീന് മുസ്ലിയാരുടെ പേരില് ദാറുല്ഹുദാ ഡിഗ്രി കാമ്പസിലാണ് സ്മാരകം നിര്മിക്കുന്നത്. സൈനുല് ഉലമാ മെമ്മോറിയല് ദാറുല് ഹിക്മ മന്ദിരത്തില് സെമിനാര് ഹാള്, ഡിജിറ്റല് ലൈബ്രറി, റഫറന്സ് ലൈബ്രറി, റീഡിംഗ് റൂം എന്നിവയാണ് സജ്ജീകരിക്കുന്നത്.
- Darul Huda Islamic University