കോഴിക്കോട് : എസ് കെ എസ് എസ് എഫ് സില്‍വര്‍ ജൂബിലിയുടെ ഭാഗമായി സ്പീകേഴ്‌സ് ഫോറം സംസ്ഥാന സമിതിയുടെ ആഭിമുഖ്യത്തില്‍ കോഴിക്കോട് കുറ്റിക്കാട്ടൂര്‍ യമാനിയ്യ അറബിക് കോളെജില്‍ നടക്കന്ന പ്രഥഭാഷക ശില്‍പശാല ഇന്ന് (ഡിസംബര്‍ 31) ബുധനാഴ്ച്ച നടക്കും. കേരളത്തിലെ വിവിധ ദറസ് അറബിക് കോളേജുകളില്‍ നിന്നുള്ള 200 പ്രതിനിധികളാണ് ശില്‍പശാലയില്‍ പങ്കെടക്കുന്നത്. രാവിലെ 9 മണിക്ക് രജിസ്‌ട്രേഷന്‍ ആരംഭിക്കും. സമസ്ത് ട്രഷറര്‍ ശൈഖുന ജിഫ്രിരി മുത്തുക്കോയ തങ്ങള്‍ ഉദ്ഘാടനം ചെയ്യും. പ്രഭാഷക കല, പ്രഭാഷകന്റെ മന:ശാസ്ത്രം, പ്രഭാഷകന്റെ ഡയറി, സമസ്ത സത്യപാത എന്നീ വിഷയങ്ങളിലായി ശാഹുല്‍ ഹമീദ് മേല്‍മുറി, സുബൈര്‍ ഹുദവി ചേകന്നൂര്‍, സത്താര്‍ പന്തലൂര്‍, ശൗക്കത്തലി വെള്ളമുണ്ട എന്നിവര്‍ ക്ലാസെടുക്കും.
വൈകുന്നേരം 4 മണിക്ക് നടക്കുന്ന സമാപന സെഷന്‍ സയ്യിദ് അബ്ബാസലി ശിഹാബ് തങ്ങള്‍, ആര്‍.വി കുട്ടിഹസന്‍ ദാരിമി, റഷീദ് ഫൈസി വെള്ളായിക്കോട്, മമ്മുട്ടി മാസ്റ്റര്‍ വയനാട് പങ്കെടുക്കും. എസ് കെ എസ് എസ് എഫ് സംസ്ഥാന ജന.സെക്രട്ടറി ഓണമ്പിള്ളി മുഹമ്മദ് ഫൈസി പ്രമേയ പ്രഭാഷണം നടത്തും.
- SKSSF STATE COMMITTEE