പെരിന്തല്‍മണ്ണ: മദ്യം സമ്പൂര്‍ണമായി നിരോധിക്കണമെന്നും അതിന് രാഷ്ട്രീയ-മത-സാംസ്‌കാരിക പ്രവര്‍ത്തകര്‍ മുന്നിട്ടിറങ്ങണമെന്നും സുന്നി യുവജന സംഘം മണ്ഡലം കൗണ്‍സില്‍ മീറ്റ് ആവശ്യപ്പെട്ടു. സുന്നി മഹല്ലില്‍ നടന്ന കൗണ്‍സിലില്‍ പ്രസിഡന്റ് പി.ടി. അലി മുസല്യാര്‍ കട്ടുപ്പാറ ആധ്യക്ഷ്യം വഹിച്ചു. ഒ.എം.എസ്. തങ്ങള്‍ ഉദ്ഘാടനം ചെയ്തു. പി.കെ. മുഹമ്മദ് കോയ തങ്ങള്‍, ഷംസുദ്ദീന്‍ ഫൈസി, ശമീര്‍ ഫൈസി ഒടമല, സി.എം. അബ്ദുല്ല, നാലകത്ത് റസാഖ് ഫൈസി, പി.ടി. അസീസ് ഹാജി, ഹംസ ഫൈസി കട്ടുപ്പാറ എന്നിവര്‍ പ്രസംഗിച്ചു.
