നൊന്തുപെറ്റ മാതാവിനെ വലിച്ചിഴച്ച സംഭവം സാംസ്‌കാരിക കേരളത്തിന് അപമാനം: SKSBV

ചേളാരി: മകന്റെ മരണത്തിന് ഉത്തരവാദികളെ കണ്ടെത്താനാവശ്യപ്പെട്ട് സമരരംഗത്ത് വന്ന മാതാവിനെ തെരുവോരങ്ങളില്‍ വലിച്ചിഴച്ച സംഭവം സാംസ്‌കാരിക കേരളത്തിന് അപമാനകരവും പ്രതിഷേധാര്‍ഹവുമാണെന്ന് എസ്.കെ.എസ്.ബി.വി. സംസ്ഥാന കമ്മിറ്റി അഭിപ്രായപ്പെട്ടു. നീതിന്യായ വ്യവസ്ഥയില്‍ വിശ്വാസമര്‍പിച്ച് ജനാധിപത്യ സംവിധാനത്തെ പരിഗണിച്ച് മുന്നോട്ടുപോകുന്ന ജനതക്ക് നേരെയുള്ള അതിക്രമമാണിതെന്നും ഇത്തരം സംഭവങ്ങളിലെ ഭരണകൂടത്തിന്റെ നിലപാട് അപലപനീയമാണെന്ന് എസ്.കെ.എസ്.ബി.വി. സംസ്ഥാന പ്രസിഡണ്ട് പാണക്കാട് സയ്യിദ് അസീല്‍ അലി ശിഹാബ് തങ്ങള്‍, ജനറല്‍ സെക്രട്ടറി അഫ്‌സല്‍ രാമന്തളി, ട്രഷറര്‍ മനാഫ് കോട്ടോപാടം പ്രസ്താവിച്ചു.
- Samastha Kerala Jam-iyyathul Muallimeen