"രാഷ്ട്ര രക്ഷയ്ക്ക് സൗഹൃദത്തിന്റെ കരുതല്‍"; SKSSF മനുഷ്യജാലിക ഇന്ന് 40 കേന്ദ്രങ്ങളില്‍

കോഴിക്കോട്: റിപ്പബ്ലിക് ദിനമായ ഇന്ന് എസ്.കെ.എസ്.എസ്.എഫിന്റെ ആഭിമുഖ്യത്തില്‍ ഇന്ത്യയിലും വിദേശ രാഷ്ട്രങ്ങളിലുമായി 40 കേന്ദ്രങ്ങളില്‍ മനുഷ്യ ജാലിക സംഘടിപ്പിക്കും. 
"രാഷ്ട്ര രക്ഷയ്ക്ക് സൗഹൃദത്തിന്റെ കരുതല്‍" എന്ന സന്ദേശവുമായി പത്താമത് മനുഷ്യ ജാലികയാണ് ഈ വര്‍ഷം നടക്കുന്നത്. ഇന്ത്യന്‍ മതേതര പൈതൃകത്തിനെതിരായി വിവിധ കേന്ദ്രങ്ങളില്‍ നിന്നുയര്‍ന്നു വരുന്ന വര്‍ഗീയ തീവ്രവാദ പ്രവണതക്കെതിരേയും ജനാധിപത്യത്തെ മലിനമാക്കുന്ന വിദ്വേഷ രാഷ്ട്രീയത്തിനെതിരേയും പൊതു സമൂഹത്തിന്റെ ശ്രദ്ധ ക്ഷണിക്കുകയാണ് മനുഷ്യ ജാലിക. 
കേരളത്തിലെ എല്ലാ ജില്ലാ കേന്ദ്രങ്ങളില്‍ ഇന്ന് വൈകിട്ട് 3 മണിക്ക് റാലിയും തുടര്‍ന്ന് 4 മണിക്ക് പൊതുസമ്മേളനവും നടക്കും. 
സമസ്ത-എസ്.കെ.എസ്.എസ്.എഫ് നേതാക്കള്‍ക്ക് പുറമെ സാമൂഹിക സാംസ്‌കാരിക രംഗത്തെ പ്രമുഖ വ്യക്തികളും പരിപാടിയില്‍ സംബന്ധിക്കും.
ദേശീയോദ്ഗ്രഥന ഗാനാലാപനവും പ്രതിജ്ഞയും പ്രമേയ പ്രഭാഷണവും നടക്കും. കേരളത്തിന് പുറമെ കര്‍ണാടക, തമിഴ്‌നാട്, ലക്ഷദ്വീപ്, അസം, ഡല്‍ഹി എന്നിവിടങ്ങളിലും വിദേശത്ത് സഊദി അറേബ്യ, യു.എ.ഇ, ഖത്തര്‍, കുവൈത്ത്, ഒമാന്‍, ബഹ്‌റൈന്‍ എന്നിവിടങ്ങളിലും നടക്കും.
മനുഷ്യ ജാലിക വിജയിപ്പിക്കാന്‍ സമസ്തയുടേയും പോഷക ഘടകങ്ങളുടേയും പ്രവര്‍ത്തകര്‍ രംഗത്തിറങ്ങണമെന്ന് സമസ്ത  പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ആഹ്വാനം ചെയ്തിട്ടുണ്ട്.

മനുഷ്യജാലിക 2017 മുദ്രാവാക്യം

എസ്.കെ.എസ്.എസ്.എഫ് സിന്ദാബാദ്
മനുഷ്യജാലിക സിന്ദാബാദ്
വിവിധ മതത്തിന്‍ പൂക്കള്‍ നിറഞ്ഞ
മലര്‍വാടിയെ പോലെ ഭാരതനാട്
വൈവിധ്യത്തിന്‍ സൗന്ദര്യത്തിന്‍
ഒളിമങ്ങാതെ ശോഭിക്കാന്‍
ഐക്യസ്നേഹ പോഷകമേകാന്‍
പ്രതിജ്ഞയെടുക്കാം സോദരരേ
(എസ്.കെ)....

നാനാത്വത്തിന്‍ ഏകത്വത്തെ
നമ്മുടെ നാടിന്‍ പൈതൃകത്തെ
വിള്ളല്‍ പോറല്‍ ഏല്‍ക്കാതെ
കണ്‍മണി പോലെ സംരക്ഷിക്കാന്‍
അണിചേരുക നാം ഭാരത മക്കള്‍
(എസ്.കെ.)......

ഹിന്ദു മുസ്ലിം ക്രൈസ്തവരെല്ലാം
സൗഹൃദത്തിന്‍ ക്ഷേത്രമൊരുക്കാന്‍
സഹകരണത്തിന്‍ പള്ളികള്‍ പൊക്കാന്‍
സമവായത്തിന്‍ ചര്‍ച്ച്തുറക്കാന്‍
ഒരുമുച്ചൊന്നായ് നീങ്ങട്ടേ
മതഗ്രന്ഥങ്ങള്‍ ആജ്ഞാപിച്ച
സൗഹാര്‍ദ്ധമിവിടെ പുലരട്ടെ
(എസ്.കെ.)......

വര്‍ഗീയതയുടെ വിഷബീജങ്ങള്‍
മതേതര ഭാരത സാംസ്കാരത്തെ
ഭരണത്തണലില്‍ പിന്തുണയോടെ
ഒന്നൊന്നായിത കര്‍ക്കുമ്പോള്‍
ഈ നീക്കത്തെ പ്രതിരോധിക്കാന്‍
നമ്മള്‍ക്കൊന്നായ് മുന്നേറാം
(എസ്.കെ.)......

ഇഷ്ടപ്പെട്ട ഏതൊരു മതവും
തെരഞ്ഞെടുക്കാന്‍ വിശ്വസിക്കാന്‍
മതവിധി പോലെ ജീവിക്കാന്‍
ആമതമിവിടെ പ്രചരിപ്പിക്കാന്‍
അവകാശമു്
നമ്മുടെ നാട്ടില്‍
ഈ സ്വാതന്ത്ര്യം തടയാനുള്ള
കാവി പൊതിഞ്ഞ തന്ത്രങ്ങള്‍
ഭാരതനാട്ടില്‍ നടക്കില്ലാ
(എസ്.കെ.).......

ഇന്ത്യന്‍ ഭരണ ഘടനയുടെ
കേവലം മാര്‍ഗ നിര്‍ദ്ദേമായ
ഏകസിവില്‍കോഡുയര്‍ത്തിക്കാട്ടി
ഇരുപത്തഞ്ചാം ഖണ്ഡിക നല്‍കിയ
മൗലിക അവകാ ശങ്ങള്‍ തടയാന്‍
ആരും ഇവിടെ തുനിയാ
(എസ്.കെ.)..........

മുസല്‍മാനായ കാരണത്താല്‍
ഫൈസല്‍മാരും അഖ്ലാഖുമാരും
അറുകൊലക്കിരകള്‍ ആകുമ്പോള്‍
ഇന്ത്യന്‍ മതേതര സങ്കല്‍പത്തിന്‍
ശവകുടീരം ഉയര്‍ത്തുമ്പോള്‍
മതേതരത്വം സംരക്ഷിക്കാന്‍
ഇന്ത്യന്‍ പൈതൃകത്തെ കാക്കാന്‍
സംഖ് പരിവാരത്തെയൊതുക്കാന്‍
അണിചേരുക നാം സോദരരേ
(എസ്.കെ.)............

നൂറ് കണക്കിന് ജാതിമതക്കാര്‍
ഭാരതനാട്ടില്‍ ജീവിക്കുമ്പോള്‍
ഒരുമത വിശ്വാസാചാരങ്ങള്‍
ഇന്ത്യന്‍ ജനതക്കെല്ലാവര്‍ക്കും
നടപ്പിലാക്കാനുള്ളൊരു നീക്കം
മുളയില്‍തന്നെ നുള്ളിയെടുക്കാന്‍
ഒരുമിക്കുക നാം സോദരരേ
(എസ്.കെ.)......

ഒന്നാം സ്വാതന്ത്ര്യസമരത്തില്‍
ബഹാ ദൂര്‍ഷാ സഫറിനൊപ്പം
നാനാ സാഹിബും മംഗള്‍ പാണ്ഡെയും
താന്തിയാ തോപ്പിയും അണിചേര്‍ന്നെങ്കില്‍
ഗാന്ധിയും നെഹ്റുവും ആസാദും
മൗലാനാ മുഹമ്മദലിയും
നേതൃനിരയില്‍ ഒത്തൊരുമിച്ച്
ഇന്ത്യ സ്വതന്ത്രമാക്കിയെങ്കില്‍
ഈ സൗഹാര്‍ദ്ദം വീെ
ടുക്കാന്‍
അണിചേരുക നാം ഭാരത മക്കള്‍
(എസ്.കെ.).........

സാമൂതിരിക്കുഞ്ഞാലി മരക്കാര്‍
മങ്ങാട്ടച്ചന്‍ കുഞ്ഞായിന്‍ മുസ്ല്യാര്‍
മമ്പുറം തങ്ങള്‍ കോന്തുനായര്‍
ടിപ്പുസുല്‍ത്താന്‍ പുര്‍ണ്ണയ്യാ
ശബരി മലാഅ യ്യപ്പന്‍ വാവര്‍
ഇതാണ് നമ്മുടെ പാരമ്പര്യം
ഈ സൗഹാര്‍ദ്ദം ഊട്ടിവളര്‍ത്താന്‍
പ്രതിജ്ഞയെടുക്കാം സോദരരേ
രാഷ്ട്രത്തിന്‍റെ സുരക്ഷക്കായി
കാവലൊരുക്കാം സോദരരേ
(എസ്.കെ.)......

ഗാന്ധി നെഹ്റു അംബേദ്കര്‍
സ്വാമി വിവേകാ നന്ദന്‍ തുടങ്ങി
ശ്രീനാരായണ ഗുരുവും എല്ലാം
പടുത്തുയര്‍ത്തിയ മതേതര ഇന്ത്യ
സംഖ് പരിവാര്‍ ഭീഷണ യേറ്റ്
വാടിക്കരിയാന്‍ പാടില്ലാ
(എസ്.കെ.)........
.
മുസല്‍മാന്‍ മാരോടിന്ത്യവിടാന്‍
പറയുന്നവരൊന്നറിയാമോ
ഇന്ത്യന്‍ സ്വാതന്ത്ര്യ സമരത്തില്‍
മുന്നില്‍ നിന്ന് പൊരുതിമരിച്ച
രക്ത സാക്ഷികളാണീ കൂട്ടര്‍
പോര്‍ച്ചുഗീസുകാര്‍ക്കെതിരെ
പോരാട്ടത്തിന് നാന്ദികുറിച്ച
ധീരന്‍ മാരാണീ കൂട്ടര്‍
വിദേശ ശക്തികള്‍ക്കെതിരെ പൊരുതി
അടര്‍ക്കളത്തില്‍ വീണുമരിച്ച
ഏക ഇന്ത്യന്‍ രാജാവായ
ടിപ്പുസുല്‍ത്താന്‍ ശഹീദിന്‍റെ
പിന്‍ഗാമികളാണീ കൂട്ടര്‍
(എസ്.കെ.).........

ഒരൊറ്റ മതത്തിന്‍ ആചാരങ്ങള്‍
എല്ലാവര്‍ക്കും ബാധകമാക്കാന്‍
തുനിയുന്നവരെ പറഞ്ഞേക്കാം
ഭാരതമാര്‍ക്കും തറവാട് സ്വത്തായ്
ലഭിച്ചതല്ലെന്നോര്‍ത്തോളൂ
ആര്യന്മാരും മുസല്‍മാന്‍മാരും
ക്രസ്ത്യാനികളും വേറെ പലരും
വിദേശത്ത് നിന്നും വന്നവരാണ്
വന്നവരെല്ലാം ഭാരതനാട്ടില്‍
സംസ്കാരത്തിന്‍ രാഷ്ട്രീയത്തിന്‍
ഭാഗമായി ത്തീര്‍ന്നവരാണ്
ഈ വൈ വിധ്യ ചേര്‍ച്ചയിലാണ്
മതേതര ഭാരത സൗന്ദര്യം
എസ്.കെ.എസ്.എസ്.എഫ് സിന്ദാബാദ്
മനുഷ്യജാലിക സിന്ദാബാദ്.

Manushya Jalika 2017- Poster Download

മനുഷ്യജാലിക-2017 പോസ്റ്റര്‍ ഡിസൈന്‍ ‍ഡൗണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക

മനുഷ്യജാലിക-2017 സര്‍ക്കുലര്‍

മനുഷ്യജാലിക-2017 പ്രോഗ്രാം സര്‍ക്കുലര്‍ ലഭിക്കാന്‍ ഇവിടെ ക്ലിക്ക് ചെയ്യുക

എസ്.കെ.എസ്.എസ്.എഫ് സ്റ്റേറ്റ് കമ്മറ്റി വെബ്സൈറ്റ്

എസ്.കെ.എസ്.എസ്.എഫ് സ്റ്റേറ്റ് കമ്മറ്റിയില്‍ നിന്നുള്ള സുപ്രധാന അറിയിപ്പുകള്‍ക്കും സംഘടനാ വാര്‍ത്തകള്‍ക്കും http://www.skssf.in/ എന്ന വെബ്സൈറ്റ് സന്ദര്‍ശിക്കുക