'ബീവി ആയിശ(റ), അവരാണ് നമ്മുടെ ഉമ്മ' മാതൃക കുടുംബം; SKSSF ജില്ലാ കാമ്പയിന് ഉജ്വല തുടക്കം

എടവണ്ണപ്പാറ : ബീവി ആയിശ(റ), അവരാണ് നമ്മുടെ ഉമ്മ എന്ന പ്രമേയവുമായി എസ് കെ എസ് എസ് എഫ് മലപ്പുറം ജില്ല കമ്മറ്റി ഏപ്രില്‍, മെയ് മാസങ്ങളില്‍ സംഘടിപ്പിക്കുന്ന കുടുംബ കാമ്പയിന് എടവണ്ണപ്പാറ മേഖലയിലെ വെട്ടത്തൂരില്‍ ഉജ്വല തുടക്കം. കാമ്പയിന്‍ കാലയളവില്‍ യൂണിറ്റ് തലങ്ങളിളായി ആയിരം കുടുംബ യോഗങ്ങള്‍ സംഘടിപ്പിച്ച് പുതിയ തലമുറക്ക് നബിയുടെ ഭാര്യയായ ആയിശ(റ) വിനെ പരിചയപ്പെടുത്തുക എന്നതാണ് കാമ്പയിന്റെ പ്രധാന ലക്ഷ്യം.

കാമ്പയിന്റെ ജില്ല തല ഉല്‍ഘാടനം എം പി മുഹമ്മദ് മുസ്‌ലിയാര്‍ കടുങ്ങല്ലൂര്‍ നിര്‍വഹിച്ചു. ജില്ലാ എസ് കെ എസ് എസ് എഫ് ജില്ലാ സെക്രട്ടറി ഷഹീര്‍ അന്‍വരി പുറങ്ങ് അധ്യക്ഷ്യനായി. സയ്യിദ് ബി എസ് കെ തങ്ങള്‍ പ്രാര്‍ത്ഥന നിര്‍വഹിച്ചു. ഇബാദ് സംസ്ഥാന കണ്‍ വീനര്‍ ആസിഫ് ദാരിമി പുളിക്കല്‍ ക്ലാസ്സിന് നേതൃത്വം നല്‍കി. ശിഹാബ് കുഴിഞ്ഞോളം, ഉമറുല്‍ ഫാറൂഖ് കരിപ്പൂര്‍, ശുക്കൂര്‍ വെട്ടത്തൂര്‍, അലിഅക്ബര്‍ ഊര്‍ക്കടവ്, യൂനുസ് ഫൈസി വെട്ടുപാറ, സമദ് മാസ്റ്റര്‍ വാഴയൂര്‍, റിയാസ് ഫൈസി ഓമാനൂര്‍, സിദ്ധീഖ് കാമശ്ശേരി, സി ജെ പി തങ്ങള്‍, ഇര്‍ഫാന്‍ തങ്ങള്‍, അഷ്‌റഫ് ഫൈസി അനന്തായൂര്‍, ഫൈസല്‍ ഫൈസി ചൂളാട്ടിപ്പാറ, വാഹിദ്, ജുനൈദ്, കരീം വി സി എന്നിവര്‍ നേതൃത്വം നല്‍കി.
ഫോട്ടോ: എസ് കെ എസ് എസ് എഫ് മലപ്പുറം ജില്ല കമ്മറ്റി സംഘടിപ്പിക്കുന്ന കുടുംബ കാമ്പയിന് എം പി മുഹമ്മദ് മുസ്‌ലിയാര്‍ കടുങ്ങല്ലൂര്‍ ഉല്‍ഘാടനം ചെയ്യുന്നു.
- Yoonus MP