ഷാര്ജ : യു. എ. ഇ ദേശീയ ദിനാഘോഷത്തിന്റെയും എസ് കെ എസ് എസ് എഫ് സില്വര് ജൂബിലി ഗ്രാന്റ് ഫിനാലെയുടെയും ഭാഗമായി ഷാര്ജ എസ് കെ എസ് എസ് എഫ് സംസ്ഥാന കമ്മിറ്റിയും ആതുരാലയ രംഗത്ത് മികച്ച സേവനം നടത്തുന്ന ഷാര്ജ അല് ഷംസ് മെഡിക്കല് ഗ്രൂപ്പുമായി സഹകരിച്ചു ഷാര്ജ ഇന്ഡസ്ട്രിയല് എരിയയിലുള്ള അല് ഷംസ് മെഡിക്കല് സെന്ററില് വെച്ച് നടത്തിയ സൗജന്യ മെഡിക്കല് ക്യാമ്പ് ആയിരങ്ങള്ക്ക് ആശ്വാസം പകര്ന്നു. പ്രമുഖ ഡോക്ടര്മാരുടെ മേല്നോട്ടത്തില് പ്രമേഹം, കൊളസ്ട്രോള്, രക്ത സമ്മര്ദം തുടങ്ങിയവ സൗജന്യമയി പരിശോധിച്ച ഈ ക്യാമ്പ് ആയിരത്തില് പരം ആളുകള് ഉപയോഗപ്പെടുത്തി. പാണക്കാട് സയ്യിദ് സാദിഖലി ശിഹാബ് തങ്ങള് ക്യാമ്പ് ഉദ്ഘാടനം ചെയ്തു. അല് ശംസ് എം ഡി. ശംസുദ്ധീന്, സയ്യിദ് ശുഹൈബ് തങ്ങള്, അബ്ദുള്ള ചേലേരി തുടങ്ങി ഷാര്ജ ഇന്ത്യന് ഇസ്ലാമിക് കള്ച്ചറല് സെന്റര്, എസ് കെ എസ് എസ് എഫ് ജില്ലാ - സംസ്ഥാന നേതാക്കള് ക്യാമ്പിന് നേതൃത്വം നല്കി.
- ishaq kunnakkavu