ദുബൈ : ദുബായ് മുനിസിപ്പാലിറ്റി സംഘടിപ്പിച്ച "ക്ലീന്‍ അപ് ദി വേള്‍ഡ് 2014" ശുചിത്വ യജ്ഞത്തോടനുബന്ധിച്ച് എസ് കെ എസ് എസ് എഫ് ദുബൈ സ്റ്റേറ്റ് കമ്മിറ്റിയുടെ ആഭിമുഖ്യത്തില്‍ 500 ല്‍ പരം വളണ്ടിയര്‍മാര്‍ ദുബൈ അല്‍ മംസാര്‍ കോര്‍ണിഷ് ശുചീകരിച്ചു. എസ് കെ എസ് എസ് എഫ് യു.എ.ഇ നാഷനല്‍ കമ്മിറ്റി പ്രസിഡന്റ്‌ സയ്യിദ് ശുഹൈബ് തങ്ങള്‍, ജനറല്‍ സെക്രട്ടറി ഹുസൈന്‍ ദാരിമി, ഓര്‍ഗനൈസിംഗ് സെക്രട്ടറി അഡ്വക്കേറ്റ് ശറഫുദ്ധീന്‍ പൊന്നാനി, ഹൈദര്‍ ഹുദവി, ദുബൈ സുന്നി സെന്റര്‍ ജനറല്‍ സെക്രട്ടറി ഷൌക്കത്തലി ഹുദവി, എസ് കെ എസ് എസ് എഫ് ദുബൈ സ്റ്റേറ്റ് പ്രസിഡന്റ്‌ അബ്ദുല്‍ ഹകീം ഫൈസി, ജനറല്‍ സെക്രട്ടറി ശറഫുദ്ധീന്‍ ഹുദവി, ഓര്‍ഗനൈസിംഗ് സെക്രട്ടറി ഫാസില്‍ മെട്ടമ്മല്‍, അബ്ദുല്‍ കരീം ഹുദവി, അലവിക്കുട്ടി ഹുദവി, ദുബൈ സുന്നി സെന്റര്‍ മദ്രസ്സ മുഅല്ലിംകള്‍, വിവിധ ജില്ലാ കമ്മിറ്റി പ്രതിനിധികള്‍, പ്രവര്‍ത്തകര്‍ എന്നിവര്‍ നേതൃത്വം നല്‍കി. പ്രവര്‍ത്തകരുടെ പങ്കാളിത്തവും, ശുചിത്വ യജ്ഞവും കൊണ്ട് ദുബൈ നഗര സഭ സംഘടനയെ മുക്ത കണ്ഠം പ്രശംസിക്കുകയും, നന്ദി രേഖപ്പെടുത്തുകയും ചെയ്തു. അലവിക്കുട്ടി ഹുദവി സംഘടനെ പരിചയപ്പെടുത്തി സംസാരിച്ചു. "സമര്‍ഖന്ദിന്‍റെ സന്ദേശം" എന്നതില്‍ സയ്യിദ് ശുഹൈബ് തങ്ങള്‍ പ്രഭാഷണം നടത്തി. അബ്ദുല്‍ ഹകീം ഫൈസി നന്ദി പറഞ്ഞു. പരിപാടിയില്‍ പങ്കെടുത്ത എല്ലാ പ്രവര്‍ത്തകര്‍ക്കും ദുബൈ എസ് കെ എസ് എസ് എഫ് കമ്മിറ്റി പ്രത്യേകം നന്ദി രേഖപ്പെടുത്തി.
- Sharafudheen Perumalabad
