Sunday, October 12, 2014

ഈദ്; സഹന സമര്‍പ്പണത്തിന്റെ സന്ദേശം : SKIC റിയാദ്

റിയാദ് : ഈദുല്‍ അള്ഹ നല്‍കുന്ന ഓര്‍മ്മകള്‍ സഹന സമര്‍പ്പണത്തിന്റെതാണെന്ന് എസ് കെ ഐ സി റിയാദ് ഈദ് സംഗമം അഭിപ്രായപ്പെട്ടു. തനിക്ക് ലഭിച്ചതെല്ലാം സൃഷ്ടാവിന്റെ പ്രീതിക്കായി സമര്‍പ്പിക്കുകയും ചുററിലുമുളള തിന്മകളോട് വിവേകപൂര്‍വ്വം സംവദിക്കുകയും പ്രതിസന്ധികളെ സഹനത്തിലൂടെ അതിജയിക്കുകയും ചെയ്ത ഇബ്രാഹീമി സന്ദേശത്തിന്റെ ഉണര്‍ത്തുപാട്ടാകണം ഈദ് ആഘോഷങ്ങളെന്നും മതത്തിന്റെ പേരില്‍ മതവിരുദ്ധ പ്രവര്‍ത്തനങ്ങള്‍ക്കുളള വേദിയാക്കി ഈദാഘോങ്ങളെ മാററരുതെന്നും ഈദ് സന്ദേശകര്‍ ഉണര്‍ത്തി. വിദ്യാര്‍ത്ഥികളുടെ വിവിധ കലാപരിപാടികള്‍, ക്വിസ്സ് മത്സരം, ഇശല്‍ സംഗമം എന്നിവ നടന്നു. അബൂബക്കര്‍ ബാഖവി മാരായമംഗലം അദ്യക്ഷത വഹിച്ചു. പി വി അബ്ദുറഹ്മാന്‍ ഉദ്ഘാടനം ചെയ്തു. അബൂബക്കര്‍ ഫൈസി ചെങ്ങമനാട്, സലീം വാഫി, സിറാജുദ്ദീന്‍ തുടങ്ങിയവര്‍ പ്രസംഗിച്ചു. അലവിക്കുട്ടി ഒളവട്ടൂര്‍, റസാഖ് വളക്കൈ, ഹബീബുളള പട്ടാമ്പി, സമദ് പെരുമുഖം, അബ്ദുറഹ്മാന്‍ ഫറോക്ക്, മുഹമ്മദലി ഹാജി തിരുവേഗപ്പുറ, ലത്തീഫ് ഹാജി തച്ചണ്ണ, നൗഫല്‍ വാഫി തുടങ്ങിയവര്‍ പങ്കെടുത്തു. ശാഫി വടക്കേകാട് സ്വാഗതവും മസ്ഊദ് കൊയ്യോട് നന്ദിയും പറഞ്ഞു.
- A. K. RIYADH

No comments:

Post a Comment