ചട്ടഞ്ചാല്‍ : മലബാര്‍ ഇസ്‌ലാമിക് കോംപ്ലക്‌സ് ദാറുല്‍ ഇര്‍ഷാദ് സ്റ്റുഡന്റ്‌സ് അസോസിയേഷന്‍ (ദിശ) ബലിപെരുന്നാളിനോടനുബന്ധിച്ച് പുറത്തിറക്കിയ അല്‍ ഇര്‍ഷാദ് മാസിക പള്ളിക്കര സംയുക്ത ജമാഅത്ത് ഖാസി പൈവളിഗ അബ്ദുല്‍ ഖാദര്‍ മുസ്‌ലിയാര്‍ മല്ലം സുലൈമാന്‍ ഹാജിക്ക് നല്‍കി പ്രകാശനം ചെയ്തു. പരിപാടി എം.ഐ.സി പ്രസിഡന്റ് ത്വാഖാ അഹ്മദ് മൗലവി ഉദ്ഘാടനം ചെയ്തു. ദാറുല്‍ ഇര്‍ഷാദ് മാനേജര്‍ ഖത്തര്‍ അബ്ദുല്ല ഹാജി അദ്ധ്യക്ഷം വഹിച്ചു. പള്ളിക്കര സംയുക്ത ജമാഅത്ത് ഖാസി പൈവളിഗ അബ്ദുല്‍ ഖാദര്‍ മുസ്‌ലിയാരെ ത്വാഖാ അഹ്മദ് മൗലവി ഷാള്‍ അണിയിച്ച് ആദരിച്ചു. സമസ്ത സെക്രട്ടറി യു.എം അബ്ദുറഹ്മാന്‍ മൗലവി, മൊയ്തീന്‍ കുട്ടി ഹാജി ചട്ടഞ്ചാല്‍, ചെറുകോട് മുഹമ്മദ് ഹാജി, മല്ലം സുലൈമാന്‍ ഹാജി, എം.പി മുഹമ്മദ് ഫൈസി, ഇബ്‌റാഹിം കുട്ടി ദാരിമി കൊടുവള്ളി,അബ്ദുള്ള അര്‍ശദി ബി.സി റോഡ്, സിറാജുദ്ദീന്‍ ഹുദവി, നൗഫല്‍ ഹുദവി എന്നിവര്‍ പങ്കെടുത്തു. റാശിദ് തൃക്കരിപ്പൂര്‍ സ്വാഗതവും ഇബ്‌റാഹിം പാണത്തൂര്‍ നന്ദിയും പറഞ്ഞു.
- Disa Mic
