ഐനുല്‍ ഹുദാ ഓര്‍ഫനേജ് കമ്മിറ്റി ഹജ്ജ് ക്ലാസ് സമാപിച്ചു

ഹംസ പയ്യോളി ഉദ്ഘാടനം നിര്‍വ്വഹിക്കുന്നു
കാപ്പാട് : ഐനുല്‍ ഹുദാ ഓര്‍ഫനേജ് കമ്മറ്റി സംഘടിപ്പിച്ച ദ്വിദിന ഹജ്ജ് പഠനക്ലാസ്സിന് പ്രൗഢോജ്ജ്വല സമാപനം. പരിശുദ്ധ ഹജ്ജ് കര്‍മ്മം സ്വീകാര്യമായ രീതിയില്‍ നടത്താന്‍ ഇത്തരം ക്ലാസ്സുകള്‍ സഹായകരമാകുമെന്ന് സമാപനം ഉല്‍ഘാടനം നിര്‍വ്വഹിച്ച ജനാബ് ഹംസ പയ്യോളി പറഞ്ഞു. ക്ലാസ്സിന് പ്രമുഖ പണ്ഡിതന്‍ ഉസ്താദ് കെ എം അബ്ദുല്ലത്തീഫ് നദ്‌വി നേതൃത്വം നല്‍കി. പി.കെ.കെ ബാവ, എ.പി.പി. തങ്ങള്‍, ഖാലിദ് പയ്യോളി, അബ്ദുല്‍ ഹമീദ് ബാഖവി തുടങ്ങിയവര്‍ പ്രസംഗിച്ചു. സമാപനത്തോടനുബന്ധിച്ച് യതീം ഖാന, അക്കാദമി വിദ്യാര്‍ത്ഥികള്‍ പങ്കെടുത്ത ഭക്തി നിര്‍ഭരമായ പ്രാര്‍ത്ഥനാ സദസ്സും നടന്നു.
- ainul huda kappad