Wednesday, February 12, 2014

Zaad 1435 ന് തിളക്കമാര്‍ന്ന സമാപനം

അബുദാബി : ദാറുല്‍ ഹുദ ഇസ്ലാമിക് യൂനിവേഴ്സിറ്റി നടത്തുന്ന ‎കേരളത്തിന് പുറത്തുള്ള വിദ്യാഭ്യാസ സാമൂഹിക നവോത്ഥാന ‎പ്രവര്‍ത്തനങ്ങള്‍ക്ക് ശാരീരികവും മാനസികവും ‎സാമ്പത്തികവുമായ കൂടുതല്‍ ജന പിന്തുണ ‎ആവശ്യമുണ്ടെന്നു യൂനിവേഴ്സിറ്റി വൈസ് ചാന്‍സലര്‍ ഡോ. ബഹാഉദ്ദീന്‍ ‎മുഹമ്മദ് നദ്‍വി പ്രസ്താവിച്ചു. ഇന്ത്യന്‍ ഇസ്ലാമിക് സെന്റെറില്‍ Zaad ‎‎1435 എന്ന നാമധേയത്തില്‍ അബുദാബി ഹാദിയ സംഘടിപ്പിച്ച ഏകദിന ‎ശില്പ ശാല സമാപന സമ്മേളനത്തില്‍ മുഖ്യ പ്രഭാഷണം ‎നടത്തുകയായിരുന്നു അദ്ദേഹം. ‎
കാലങ്ങളായി മത പരവും സാമൂഹികവും സാംസ്കാരികവുമായ ‎മുഴുവന്‍ മേഖലകളിലും പിന്നോക്കം നില്ക്കുന്ന ഒരു വലിയ വിഭാഗം ‎മുസ്ലിംകള്‍ ഇന്ത്യയിലുണ്ട്. മത ഭൗതിക സമന്വയ വിദ്യഭാസം ‎നല്‍കുന്ന
സ്ഥാപനങ്ങള്‍ അവിടങ്ങളില്‍ സ്ഥാപിക്കുന്നതിലൂടെ മാത്രമേ ഈ ‎ഹത ഭാഗ്യരെ രക്ഷിക്കാന്‍ നമുക്കാവുകയുള്ളൂ. ഇത്തരം സ്ഥാപനങ്ങള്‍ ‎സ്ഥാപിക്കുക എന്ന ചരിത്ര ദൌത്യമാണ് ദാറുല്‍ ഹുദ ‎ഏറ്റെടുത്തിരിക്കുന്നത്. ഈ മുന്നേറ്റത്തിനു ആക്കം കൂട്ടാന്‍ സാമ്പത്തിക ‎സഹായങ്ങള്‍ക്കപ്പുറം ഇതിന്റെ നടത്തിപ്പ്, ധൈഷണിക പിന്തുണ ‎തുടങ്ങിയ മേഘലകളില്‍ കൂടുതല്‍ സുമനസ്സുകളുടെ സഹായം ദാറുല്‍ ഹുദ ‎ആഗ്രഹിക്കുന്നു. ‎
പ്രാഥമിക തലം മുതല്‍ യൂനിവേഴ്സിറ്റി തലം വരെയുള്ള പഠന ‎വിഷയങ്ങള്‍ ഉള്‍പെടുത്തിയാണ് ദാറുല്‍ ഹുദ പശ്ചിമ ബംഗാളിലും മഹാ ‎രഷ്ട്രയിലും ആന്ധ്ര യിലും കാമ്പസുകള്‍ സ്ഥാപിക്കുന്നത്. വളരെ ‎ശ്രമകരമായ ഈ പ്രവര്‍ത്തനങ്ങളൊക്കെയും നടത്താന്‍ പ്രവാസികളുടെ ‎അകമഴിഞ്ഞ പിന്തുണ ദാറുല്‍ ഹുദ അഭ്യര്‍ത്ഥിക്കുകയാണ്. ‎
യു എ ഇ പ്രസിഡന്റിന്റെ മത കാര്യഉപദേഷ്ടാവ് സയ്യിദ് അലി അല്‍ ‎ഹാശിമി സമാപന സെഷന്‍ ഉദ്ഘാടനം ചെയ്തു. അബുദാബി സുന്നി ‎സെന്റെര്‍ പ്രസിഡന്റ് ഡോ. അബ്ദുറഹ്മാന്‍ മൗലവി ഒളവട്ടൂര്‍ അധ്യക്ഷത ‎വഹിച്ച പരിപാടിയില്‍, ഇന്ത്യന്‍ ഇസ്ലാമിക് സെന്റര് പ്രസിഡന്റ് പി. ‎ബാവ ഹാജി, അല്‍ഐന്‍ സുന്നി യൂത്ത് സെന്റെര്‍ പ്രസിഡന്റ് സയ്യിദ് ‎പൂക്കോയ തങ്ങള്‍, സെക്രട്ടറി ഇ കെ മൊയ്ദീന്‍ ഹാജി, അബുദാബി ദാറുല്‍ ‎ഹുദ കമ്മിറ്റി പ്രസിഡന്റ് പല്ലാര്‍ മുഹമ്മദ് കുട്ടി മുസ്ലിയാര്‍, വൈസ് ‎പ്രസിഡന്റ് കെ വി ഹംസ മുസ്ലിയാര്‍, ഉസ്താദ് മമ്മിക്കുട്ടി മുസ്ലിയാര്‍, ‎അബുദാബി സ്റ്റേറ്റ് SKSSF പ്രസിഡന്റ് അബ്ദുറഹ്മാന്‍ തങ്ങള്‍, യു എ ഇ KMCC ‎വൈസ് പ്രസിഡന്റ് മൊയ്ദു എടയൂര്‍ തുടങ്ങിയവര്‍ സംബന്ധിച്ചു. മഗ്‍രിബ് ‎നിസ്കരാനന്തരം നടന്ന തക്മില എന്ന നാമത്തിലുള്ള ഈ സെഷനില്‍ ഡോ. ‎സുബൈര്‍ ഹുദവി ദാറുല്‍ ഹുദ നടത്തുന്ന പ്രബോധന പ്രവര്‍ത്തനങ്ങളെ ‎അധികരിച്ച് വിഷയം അവതരിപ്പിച്ചു. യു എ ഇ ഹാദിയ കമ്മിറ്റി ജനറല്‍ ‎സെക്രട്ടറി ഇ പി കബീര്‍ ഹുദവി സ്വാഗതവും സിംസാറുല്‍ ഹഖ് ഹുദവി ‎ഉപസംഹാര പ്രഭാഷണവും നിര്‍വഹിച്ചു. ‎
രാവിലെ ഒമ്പത് മണിക്ക് തുടങ്ങിയ ഉദ്ഘാടന സമ്മേളനം ഉസ്താദ് ‎മമ്മിക്കുട്ടി മുസ്ലിയാര്‍ ഉദ്ഘാടനം ചെയ്തു. ഹാദിയ അബുദാബി ‎ചാപ്റ്റര്‍ സെക്രട്ടറി സി മുഹമ്മദ് ഹുദവി ഒഴുകൂര്‍ സ്വാഗതവും ഹാദിയ ‎യു എ ഇ ചാപ്റ്റര്‍ പ്രസിഡന്റ് സയ്യിദ് റഫീഖുദ്ദീന്‍ തങ്ങള്‍ അധ്യക്ഷ ‎ഭാഷണവും നടത്തി. തഖ്‍വിയ, തസ്കിയ, തന്മിയ, തക്മില എന്നിങ്ങനെ ‎നാലു സെഷനുകളായി വിഭജിക്കപ്പെട്ട പരിപാടിയുടെ ഒന്നാം സെഷനില്‍ ‎പണ്ഡിത ധര്‍മം: ഒരു വിചാരപ്പെടലിന്റെ ആവശ്യകത എന്ന വിഷയത്തില്‍ ‎ഉസ്താദ് തയ്യിബ് ഫൈസി പുതുപ്പറമ്പ് വിഷയം അവതരിപ്പിച്ചു. ശേഷം നടന്ന തസ്കിയ സെഷനില്‍ തസവ്വുഫ്: ചരിത്രവും വികാസവും എന്ന ‎വിഷയത്തില്‍ റഖീബ് ഹുദവി പ്രഭാഷണം നടത്തി. അസ്ര്‍ നിസ്കാരത്തിനു ശേഷം നടന്ന തന്‍മിയ സെഷനില്‍ ഇസ്ലാമിക് ‎സമ്പദ് വ്യവസ്ഥ - ദൈനം ദിന ജീവിത പരിസരത്തില്‍ എന്ന ‎വിഷയത്തില്‍ ഫൈസല്‍ നിയാസ് ഹുദവി ഖത്തര്‍ പ്രബന്ധം അവതരിപ്പിച്ചു. കേരളത്തിനു പുറത്തെ ദാറുല്‍ ഹുദ പ്രവര്‍ത്തങ്ങള്‍ ‎കൂടുതല്‍ അറിയാന്‍ 055 2024095, 050 8046448, 055 3961468 എന്നീ ‎നമ്പറുകളില്‍ ബന്ധപ്പെടാന്‍ സംഘാടകര്‍ അറിയിച്ചു.
- Hadia ABU DHABI

No comments:

Post a Comment