SYS സമ്മേളനം; പൈതൃക സന്ദേശ യാത്ര ഫെബ്രുവരി 6 ന് വയനാട്ടില്‍

കല്‍പ്പറ്റ : പൈതൃകത്തിന്റെ പതിനഞ്ചാം നൂറ്റാണ്ട് എന്ന പ്രമേയവുമായി ഫെബ്രുവരി 14 മുതല്‍ 16 വരെ കാസര്‍ഗോഡ് നടക്കുന്ന സുന്നിയുവജന സംഘം 60-ാം വാര്‍ഷിക സമ്മേളനത്തിന്റെ പ്രചരണാര്‍ത്ഥം പ്രൊഫ. കെ ആലിക്കുട്ടി മുസ്‌ലിയാര്‍ നയിക്കുന്ന പൈതൃക സന്ദേശ യാത്ര ഫെബ്രുവരി 6 ന് വ്യാഴാഴ്ച വയനാട് ജില്ലയില്‍ പര്യടനം നടത്തും. സന്ദേശ യാത്രക്ക് സുല്‍ത്താന്‍ ബത്തേരി, തലപ്പുഴ, തരുവണ, കല്‍പ്പറ്റ എന്നിവിടങ്ങളില്‍ സ്വീകരണം നല്‍കാന്‍ ജില്ലാ സ്വാഗതസംഘം യോഗം തീരുമാനിച്ചു. ഇബ്രാഹിം ഫൈസി പേരാല്‍ അദ്ധ്യക്ഷത വഹിച്ചു. ടി സി അലി മുസ്‌ലിയാര്‍ ഉദ്ഘാടനം ചെയ്തു. ഇ പി മുഹമ്മദലി, ഹാരിസ് ബനാന, സലീം ബീനാച്ചി, എ കെ സുലൈമാന്‍ മൗലവി, എടപ്പാറ കുഞ്ഞമ്മദ്, നിസാര്‍ ദാരിമി, ഹാരിസ് ബാഖവി, പി സി ഉമര്‍ , മുഹമ്മദലി ദാരിമി, അബ്ബാസ് മൗലവി, അബൂബക്കര്‍ മാസ്റ്റര്‍ , അബ്ദുല്‍ ഖാദിര്‍ മടക്കിമല, കെ കുഞ്ഞമ്മദ് സംസാരിച്ചു. സുബൈര്‍ കണിയാമ്പറ്റ സ്വാഗതവും ശംസുദ്ദീന്‍ റഹ്മാനി നന്ദിയും പറഞ്ഞു.
- Shamsul Ulama Islamic Academy VEngappally