 |
| മലപ്പുറം സുന്നിമഹലില്‍ ഇന്നലെ നടന്ന ബാബരി പ്രാര്‍ത്ഥനാ ദിനാചരണത്തില്‍ നിന്ന്‌ |
മലപ്പുറം: ബാബരി മസ്‌ജിദ്‌ തകര്‍ക്കപ്പെട്ടതിന്റെ 21 - ആം വാര്‍ഷിക ദിനമായ ഇന്നലെ രാജ്യത്തിനകത്തും പുറത്തുമുള്ള വിശ്വാസികള്‍ അമര്‍ഷം ഉള്ളിലൊതുക്കി പ്രാര്‍ത്ഥനയില്‍ മുഴുകി.
ബാബരി മസ്‌ജിദ്‌ തകര്‍ത്തതിന്റെ വാര്‍ഷികം പ്രാര്‍ത്ഥന ദിനമായി ആചരിക്കാനുള്ള സമസ്‌ത, SYS, SKSSF നേതാക്കളുടെ ആഹ്വാനം മാനിച്ചാണ്‌ കേരളത്തിനകത്തും പുറത്തും ഗള്‍ഫ്‌ രാഷ്‌ട്രങ്ങളിലുമുള്ള വിശ്വാസികള്‍ വിവിധ കേന്ദ്രങ്ങളില്‍ പ്രാര്‍ത്ഥനാ ചടങ്ങുകള്‍ ഒരുക്കിയത്‌.
പതിവില്‍ നിന്നും വ്യത്യസ്‌തമായി, ഈ വര്‍ഷത്തെ ഡിസംബര്‍ 6, വെള്ളിയാഴ്‌ച കൂടിയായതോടെ സമസ്‌ത, ഇസ്ലാമിക്‌ സെന്റര്‍, സുന്നിമഹല്‍, ക ശാഖാ ഓഫീസുകള്‍ എന്നിവക്കു പുറമെ രാജ്യത്തിനകത്തും പുറത്തുമുള്ള വിവിധ പള്ളികളിലും ബാബരി ദിനാചരണം പ്രത്യേകമായി പരാമര്‍ശിച്ച്‌ പ്രത്യേക പ്രാര്‍ത്ഥനാ സദസ്സുകള്‍ നടന്നു. ഇന്ത്യക്കു പുറമെ യു.എ.ഇ, സൌദി, ഖത്തര്‍, ബഹ്‌റൈന്‍, കുവൈത്ത്‌, ഒമാന്‍ എന്നീ ഗള്‍ഫു രാഷ്‌ടങ്ങളിലും പ്രാര്‍ത്ഥനാ ചടങ്ങുകള്‍ നടന്നിരുന്നു.
