തൃശൂര്‍
: കോഴിക്കോട്
സിയസ്കോ യത്തീംഖാനയിലെ
പൂര്‍വ്വ വിദ്യാര്‍ത്ഥിനിയെ
വിവാഹം ചെയ്ത് പീഡിപ്പിച്ച
യു.എ.ഇ.
പൌരനെ ഉടന്‍
നാട്ടിലെത്തിച്ച് അറസ്റ്റ്
ചെയ്ത് നിയമ നടപടിക്ക്
വിധേയമാക്കാന്‍ സര്‍ക്കാരും
സാമൂഹിക നീതി വകുപ്പും അടിയന്തിര
നടപടികള്‍ സ്വീകരിക്കണം.
അനാഥാലയങ്ങളില്‍
നടക്കുന്ന വിവാഹങ്ങള്‍ സാമൂഹിക
വകുപ്പിന്‍റെയും ഓര്‍ഫനേജ്
കണ്‍ട്രോള്‍ ബോര്‍ഡിന്‍റെയും
മുന്‍കൂര്‍ അനുമതി വാങ്ങി
മാത്രമേ നടത്താവൂ എന്ന
നിര്‍ദ്ദേശം കര്‍ശനമായി
നടപ്പിലാക്കമം. യത്തീംഖാന
അധികൃതരുടെ ജാഗ്രതക്കുറവു
മൂലം വിദ്യാര്‍ത്ഥികളുടെ
ഭാവി അനിശ്ചിതത്വത്തിലാകുന്നത്
അംഗീകരിക്കാനാകില്ലെന്നും
പെണ്‍കുട്ടികള്‍ക്ക് നീതി
ലഭ്യമാക്കാന്‍ അസോസിയേഷന്‍
ആവശ്യമായ ഇടപെടലുകള്‍
നടത്തണമെന്നും മേലില്‍ ഇത്തരം
സംഭവങ്ങള്‍ ആവര്‍ത്തിക്കാതിരിക്കാന്‍
സര്‍ക്കാരും സാമൂഹിക നീതി
വകുപ്പും കര്‍ശന നടപടികള്‍
എടുക്കണമെന്നും കേരള സ്റ്റേറ്റ്
മുസ്‍ലിം ഓര്‍ഫനേജസ് ഓര്‍ഡ്
സ്റ്റുഡന്‍റ്സ് അസോസിയേഷന്‍
സംസ്ഥാന ജനറല്‍ സെക്രട്ടറി
ബശീര്‍ കല്ലേപ്പാടം ആവശ്യപ്പെട്ടു.
- Muhammed Basheer
