നന്തി ദാറുസ്സലാം വാര്‍ഷികാഘോഷത്തിന് ഉജ്ജ്വല തുടക്കം



ശംസുല്‍ ഉലമ നഗര്‍-(നന്തി) : നന്തി ജാമിഅ ദാറുസ്സലാം അല്‍ ഇസ്‌ലാമിയ്യ 36-ാം വാര്‍ഷികാഘോഷത്തിനും 12-ാം സന്നദ്ദാന മഹാസമ്മേളനത്തിനും പ്രൗഢഗംഭീരമായ തുടക്കം. നന്തി ജാമിഅ ദാറുസ്സലാം പ്രസിഡന്റും സംസ്ഥാന മുസ്‌ലിം ലീഗ് അധ്യക്ഷനുമായ പാണക്കാട് ഹൈദരലി ശിഹാബ് തങ്ങള്‍ പതാക ഉയര്‍ത്തി.


മാധ്യമസെമിനാറും നടന്നു. 'വാര്‍ത്തയിലെ സ്വാര്‍ഥത' എന്ന വിഷയത്തില്‍ നടന്ന സെമിനാര്‍ പാണക്കാട് സയ്യിദ് മുഈന്‍ അലി ശിഹാബ് തങ്ങള്‍ ഉദ്ഘാടനം ചെയ്തു. സമ്മേളന സുവനീര്‍ പ്രകാശനവും അദ്ദേഹം നിര്‍വഹിച്ചു. മാധ്യമം എഡിറ്റര്‍ ടി. അബ്ദുറഹിമാന്‍, നവാസ് പൂനൂര്‍ (ചന്ദ്രിക), പി.കെ. ശിവാനന്ദന്‍ (മലയാളമനോരമ), അബൂബക്കര്‍ ഫൈസി മലയമ്മ എന്നിവര്‍ പ്രസംഗിച്ചു. മനുഷ്യാവകാശം നിഷേധിക്കപ്പെടുന്നവര്‍ക്കുവേണ്ടി മാധ്യമപ്രവര്‍ത്തകര്‍ പോരാടണമെന്ന് മാധ്യമം എഡിറ്റര്‍ ഒ. അബ്ദുറഹിമാന്‍ പറഞ്ഞു.
 ഭരണകൂടങ്ങള്‍ നല്‍കുന്ന ഭാഷ്യം അതേപടി പകര്‍ത്തി നല്‍കുമ്പോള്‍ പല സത്യങ്ങളും മൂടിവെക്കപ്പെടുമെന്ന് അദ്ദേഹം പറഞ്ഞു. സര്‍വത്ര അഴിമതി നിറഞ്ഞ ലോകത്ത്, വാര്‍ത്തകള്‍ സത്യസന്ധമായി നല്‍കണമെന്ന് അദ്ദേഹം പറഞ്ഞു.
സന്നദ്ദാന മഹാസമ്മേളനം നവംബര്‍ 18-ന് നടക്കും. സമാപനസമ്മേളനത്തില്‍ കേന്ദ്രമന്ത്രി ഇ. അഹമ്മദ്, വ്യവസായമന്ത്രി പി.കെ. കുഞ്ഞാലിക്കുട്ടി, വിദേശ പ്രതിനിധികള്‍ എന്നിവര്‍ പങ്കെടുക്കും.