SKSSF വിമോചനയാത്ര; കോട്ടക്കലില്‍ ഒരുക്കങ്ങളായി

കോട്ടക്കല്‍ : ആത്മീയത: ചൂഷണത്തിനെതിരെ ജിഹാദ്‌ എന്ന പ്രമേയവുമായി മംഗലാപുരത്തു നിന്ന്‌ തിരുവനന്തപുരത്തേക്ക്‌ SKSSF സംഘടിപ്പിക്കുന്ന വിമോചനയാത്രക്ക്‌ കോട്ടക്കലില്‍ ഉജ്വല സ്വീകരണം നല്‍കാന്‍ സമസ്‌തയുടെയും പോഷക ഘടകങ്ങളുടെയും സംയുക്ത കണ്‍വെന്‍ഷന്‍ തീരുമാനിച്ചു. ഏപ്രില്‍ 24ന്‌ രാവിലെ പത്തുമണിക്ക്‌ കോട്ടക്കല്‍ ബസ്‌ സാറ്റാന്‍റ്‌ പരിസരത്താണ്‌ സ്വീകരണം. സ്വീകരണത്തിന്‍റെ പ്രചാരണാര്‍ത്ഥം കോട്ടക്കല്‍, വേങ്ങര, വളവന്നൂര്‍ മേഖലകളിലെ ക്ലസ്‌റ്ററുകളില്‍ SKSSF പദയാത്രയും വിളംബരയാത്രയും പഞ്ചായത്ത്‌ തലങ്ങളില്‍ SYS യുവജനസംഗമങ്ങളും നടക്കും. റെയിഞ്ച്‌ ജംഇയ്യത്തുല്‍ മുഅല്ലിമീന്‍റെ ആഭിമുഖ്യത്തില്‍ സ്‌പെഷ്യല്‍ മീറ്റ്‌, SMF മേഖലാ മഹല്ല്‌ സംഗമം എന്നിവ നടക്കും. 13ന്‌ പതാകദിനവും 20ന്‌ വെള്ളിയാഴ്‌ച മഹല്ലുകളില്‍ വിഭവസമാഹരണവും 23ന്‌ മദ്രസകളില്‍ കുരുന്നുകൂട്ടം പരിപാടിയും സംഘടിപ്പിക്കാന്‍ തീരുമാനിച്ചു.

സമസ്‌ത സാരഥി സംഗമം കോട്ടക്കല്‍ ടി.ഐ മദ്രസയില്‍ സമസ്‌ത കേന്ദ്ര മുശാവറ അംഗം പി.പി മുഹമ്മദ്‌ ഫൈസി ഉദ്‌ഘാടനം ചെയ്‌തു. സ്വാഗതസംഘം ചെയര്‍മാന്‍ എം.പി മുഹമ്മദ്‌ മുസ്‌‍ലിയാര്‍ കടുങ്ങല്ലൂര്‍ അധ്യക്ഷത വഹിച്ചു. കല്ലില്‍ സൈതാലിക്കുട്ടിയില്‍ നിന്നു തുക സ്വീകരിച്ചുകൊണ്ട്‌ ഫണ്ടുദ്‌ഘാടനം പി.പി മുഹമ്മദ്‌ ഫൈസി നിര്‍വഹിച്ചു. SKSSF ജില്ലാ സെക്രട്ടറി റഫീഖ്‌ അഹ്‍മദ്‌ തിരൂര്‍ മുഖ്യപ്രഭാഷണം നടത്തി. യു.എ മജീദ്‌ ഫൈസി ഇന്ത്യനൂര്‍ സംഘാടക സമിതി പാനലും റവാസ്‌ ആട്ടീരി കര്‍മരേഖയും അവതരിപ്പിച്ചു. പാണക്കാട്‌ സയ്യിദ്‌ ഹാശിറലി ശിഹാബ്‌ തങ്ങള്‍, സയ്യിദ്‌ സി.പി.എം തങ്ങള്‍, മുഈനുദ്ദീന്‍ ജിഫ്രി തങ്ങള്‍, കെ.കെ.എസ്‌.ബി തങ്ങള്‍, ആശിഖ്‌ കുഴിപ്പുറം, തോപ്പില്‍ കുഞ്ഞാപ്പുഹാജി, കെ.എം സൈതലവിഹാജി, യു. മരക്കാര്‍ഹാജി, കെ.പി.കെ ബാവഹാജി, കെ.കെ നാസര്‍, സാജിദ്‌ മങ്ങാട്ടില്‍, വി. ഉസ്‌‌മാന്‍ ഫൈസി, അബ്ദുല്‍ ഖാദിര്‍ഹാജി വേങ്ങര, കെ.വി ജഅ്‌ഫര്‍, അലി കുളങ്ങര പ്രസംഗിച്ചു.