കാസര്‍കോട് റെയിഞ്ച് ഇസ്ലാമിക് കലാമേള ചൂരിയില്‍

ചൂരി: സമസ്ത കേരള ജംഇയ്യത്തുല്‍ മുഅല്ലിമീന്‍ കാസര്‍കോട് റെയിഞ്ച്തല മത്സരം ഏപ്രില്‍ 14, 15 ന് ചൂരി വാദി ഹുദയില്‍ നടക്കും. റെയിഞ്ച് പരിധിയിലെ 26 മദ്രസകളില്‍നിന്നും തെരഞ്ഞെടുക്കപ്പെട്ട ആയിരത്തിലധികം അധ്യാപക വിദ്യാര്‍ത്ഥി പ്രതിഭകള്‍ സബ്ജൂനിയര്‍, ജൂനിയര്‍, സീനിയര്‍, സൂപ്പര്‍ സീനിയര്‍, മുഅല്ലിം വിഭാഗങ്ങളിലായി 70 ഇനങ്ങളില്‍ ആറ് വേദികളിലായി മാറ്റുരക്കും. ചൂരി സിറാജുല്‍ ഹുദാ യുവജന സംഘത്തിന്റെ 15-ാം വാര്‍ഷികാഘോഷത്തിന്റെ ഭാഗമായി ആധിത്യമരുളുന്ന കാസര്‍കോട് റെയിഞ്ച് ഫെസ്റിന്റെ വിജയത്തിനായി വന്‍ ഒരുക്കങ്ങളാണ് ചൂരിയില്‍ നടക്കുന്നത്.
റെയിഞ്ച് പ്രസിഡണ്ട് സുബൈര്‍ നിസാമി അധ്യക്ഷത വഹിച്ചു. ഖലീല്‍ ഹസീന സ്വാഗതവും ഷാഹിദ് മൌലവി നന്ദിയും പറഞ്ഞു. ബാത്തിഷ മൌലവി ചൌക്കി, അബ്ദുല്‍ സലാം ഫൈസി, സൈനുദ്ദീന്‍ ചൂരി, മുനീര്‍, ജുനൈദ്, നിഷാദ്, ഉസ്മാന്‍, ശരീഫ്, സാദിഖ് സംബന്ധിച്ചു.