കാളികാവ്: വിവാദ തിരുകേശവുമായി ബന്ധപ്പെട്ട യാഥാര്‍ഥ്യം ജനങ്ങള്‍ക്ക് ബോധ്യപ്പെടാന്‍ തുറന്ന സംവാദത്തിന് എ.പി വിഭാഗം തയാറുണ്ടോയെന്ന് സുന്നി യുവജന സംഘം സംസ്ഥാന സെക്രട്ടറി അബ്ദുല്‍ ഹമീദ് ഫൈസി അമ്പലക്കടവ്. കാളികാവ് പള്ളിശ്ശേരിയില്‍ എസ്.കെ.എസ്.എസ്.എഫ് സംഘടിപ്പിച്ച ആദര്‍ശ സമ്മേളനത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. ഖാദീസ് അസോസിയേഷന്‍ സംസ്ഥാന പ്രസിഡന്റ് വാക്കോട് മൊയ്തീന്‍ കുട്ടി ഫൈസി, മുജീബ് ദാരിമി, ഫരീദ് റഹ്മാനി, ബഹാവുദ്ദീന്‍ ഫൈസി എന്നിവര്‍ സംസാരിച്ചു.
