ഹുബ്ബുറസൂല്‍ 2011 പ്രചരണ യോഗം ഉദ്ഘാടനം ചെയ്തു.

കുവൈത്ത് : കുവൈത്ത് കേരള സുന്നി മുസ്‍ലിം കൗണ്‍സില്‍ ഫെബ്രുവരി 11, 12 തിയ്യതികളില്‍ നടത്തപ്പെടുന്ന ഹുബ്ബുറസൂല്‍ മഹാസമ്മേളനത്തിന്‍റെ പ്രചരണയോഗം പാണക്കാട് സയ്യിദ് മുനവ്വറലി ശിഹാബ് തങ്ങള്‍ ഉദ്ഘാടനം ചെയ്തു. ലോക സമാധാനത്തിനും ശാന്തിക്കും വേണ്ടി തസ്വവ്വുഫിന്‍റെ മാര്‍ഗ്ഗം സ്വീകരിച്ച് മുന്നോട്ടുപോകാനും ഹുബ്ബുറസൂല്‍ സമ്മേളനം അതിനുള്ള പ്രചരണ മാര്‍ഗ്ഗമാണെന്നും തങ്ങള്‍ പറഞ്ഞു.

ശൈഖ് അബ്ദുസ്സലാം മുസ്‍ലിയാര്‍ അദ്ധ്യക്ഷത വഹിച്ച യോഗം ചെയര്‍മാന്‍ നാസര്‍ അല്‍ മശ്ഹൂര്‍ തങ്ങള്‍ ഉദ്ഘാടനം ചെയ്തു. സയ്യിദ് ഗാലിബ് അല്‍ മശ്ഹൂര്‍ തങ്ങള്‍, നസീര്‍ ഖാന്‍, സിറാജുദ്ദീന്‍ ഫൈസി എന്നിവര്‍ ആശംസകളര്‍പ്പിച്ച് സംസാരിച്ചു. സെക്രട്ടറി പി.കെ.എം. കുട്ടി ഫൈസി സ്വാഗതവും ട്രഷറര്‍ സെയ്തലവി ഹാജി ചെന്പ്ര നന്ദിയും പറഞ്ഞു.
- അബ്ദു, കുന്നുംപുറം -