തിരൂര്‍ : എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ ആഭിമുഖ്യത്തില്‍ ആഗസ്ത് ഒന്നിന് തിരൂരില്‍ ശിഹാബ് തങ്ങള്‍ അനുസ്മരണം നടക്കും. 'ശിഹാബ് തങ്ങളുടെ ദര്‍ശനം' എന്ന പ്രമേയത്തില്‍ ടൗണ്‍ഹാളില്‍ നടക്കുന്ന സെമിനാറില്‍ പ്രമുഖര്‍ പങ്കെടുക്കും.
സ്വാഗതസംഘം രൂപവത്കരണ യോഗത്തില്‍ കെ.കെ.എസ്. തങ്ങള്‍ വെട്ടിച്ചിറ അധ്യക്ഷതവഹിച്ചു. ബഷീര്‍ പനങ്ങാങ്ങര ഉദ്ഘാടനംചെയ്തു. എ. മരക്കാര്‍, ഹസീബ് തങ്ങള്‍, വി.കെ.എച്ച്. റഷീദ്, സ്വലാഹുദ്ദീന്‍ വെന്നിയൂര്‍ എന്നിവര്‍ പ്രസംഗിച്ചു. പി.എം. റഫീഖ് അഹമ്മദ് സ്വാഗതവും ഇ. സാജിദ് നന്ദിയും പറഞ്ഞു.
സ്വാഗതസംഘം ഭാരവാഹികള്‍: കെ.കെ.എസ്. തങ്ങള്‍ വെട്ടിച്ചിറ(ചെയ.), പി.എം. റഫീഖ് അഹമ്മദ് (കണ്‍.).
