തിരൂര്: എസ്.കെ.എസ്.എസ്.എഫ് മജ്ലിസ് ഇന്തിസാബ് പ്രചാരണാര്ത്ഥം ബി.പി. അങ്ങാടിയില് നടന്ന ജാഥയ്ക്കുനേരെ കൈയ്യേറ്റം. അക്രമത്തില് പരിക്കേറ്റ് തിരൂര് മുന്സിപ്പല് എസ്.കെ.എസ്.എസ്.എഫ് വൈ. പ്രസിഡന്റ് ഹസീം ചെമ്പ്ര(21)യെ തിരൂര് താലൂക്ക് ആസ്പത്രിയില് പ്രവേശിപ്പിച്ചു. ആക്രമത്തിനുപിന്നില് എസ്.ഡി.പി.ഐ പ്രവര്ത്തകരാണെന്ന് എസ്.കെ.എസ്.എസ്.എഫ് ഭാരവാഹികള്പറഞ്ഞു.
വൈകീട്ട് നാലുമണിയോടെ ഹസീം ബിപി അങ്ങാടിയില് പ്രസംഗിച്ചുകൊണ്ടിരിക്കെ ഒരുപറ്റം ആളുകള് വന്ന് കൈയേറുകയും ഹസീമിനെ മര്ദിക്കുകയുമായിരുന്നു. സംഭവത്തില് ആറ് എസ്.ഡി.പി.ഐ പ്രവര്ത്തകര്ക്കെതിരെ കേസ്സെടുത്തതായി തിരൂര് പോലീസ് അറിയിച്ചു.