സമ്മര്‍ ഗൈഡ് 2010 വിദ്യാഭ്യാസ കാന്പയിന്‍ ഏപ്രില്‍ മെയ് മാസങ്ങളില്‍

കോഴിക്കോട് : എസ്.കെ.എസ്.എസ്.എഫ് ട്രെന്‍റ് ഏപ്രില്‍ 5 മുതല്‍ മെയ് 31 വരെ സമ്മര്‍ ഗൈഡ് 2010 എന്ന പേരില്‍ വ്യത്യസ്ത പരിപാടികളോടെ അവധിക്കാല വിദ്യാഭ്യാസ കാന്പയിന്‍ ആചരിക്കുന്നു. പ്രൈമറി വിദ്യാര്‍ത്ഥികള്‍ക്ക് അവധിക്കാലത്തിന്‍റെ ആഘോഷമായി കുരുന്നുകൂട്ടം, സെക്കന്‍ററി ഹയര്‍ സെക്കന്‍ററി വിദ്യാര്‍ത്ഥികള്‍ക്ക് ടീന്‍ ടീം കാന്പ്, എസ്.എസ്.എല്‍ .സി. പ്ലസ്ടു വിദ്യാര്‍ത്ഥികള്‍ക്ക് ഉപരിപഠന മാര്‍ഗദര്‍ശനത്തിന് കരിയര്‍ വിന്‍ഡോ; ഗൈഡന്‍സ് ക്ലാസുകള്‍ ; കരിയര്‍ എക്സ്പോ വിദ്യാഭ്യാസ പ്രദര്‍ശനം, സെക്കന്‍ററി ഹയര്‍ സെക്കന്‍ററി വിദ്യാര്‍ത്ഥികള്‍ക്ക് ജില്ലാ തലങ്ങളില്‍ ത്രിദിന റെസിഡന്‍ഷല്‍ കാന്പ് എക്സലന്‍ഷ്യ, മെഡിക്കല്‍ എഞ്ചിനീയറിംഗ് എന്‍ട്രന്‍സ് കൌണ്‍സിലിംഗ് ഗേറ്റ്വേ തുടങ്ങിയവയാണ് കാന്പയിന്‍ കാലയളവിലെ പ്രധാന പരിപാടികള്‍ .

വിവിധ പരിപാടികളുടെ സംസ്ഥാന തല ഉദ്ഘാടനങ്ങള്‍ , കരിയര്‍ എക്സ്പോ ഏപ്രില്‍ എട്ടിന് കാസര്‍ഗോഡ് തൃക്കരിപ്പൂരിലും കുരുന്നുകൂട്ടം പത്തിന് കോഴിക്കോട് കുറ്റിക്കാട്ടൂരും ടീന്‍ ടീം കാന്പ് 15 ന് കണ്ണൂരിലും കരിയര്‍ വിന്‍ഡോ 18ന് മലപ്പുറം തിരൂരിലും നടക്കും. പരിപാടികള്‍ക്കാവശ്യമായ ഫാക്കല്‍റ്റികളെ സംസ്ഥാന കമ്മിറ്റിയില്‍ നിന്നും ലഭ്യമാകും.

ഫോണ്‍ : 0495 2700177, 9895755257