കണ്ണൂര്: സമസ്ത വൈസ് പ്രസിഡന്റായിരുന്ന സി.എം.ഉസ്താദിന്റെ ഘാതകരെ പിടികൂടുക,കേസ് സി.ബി.ഐ.യെകൊണ്ട് അന്വേഷിപ്പിക്കുക, തെളിവ് നശിപ്പിച്ച പോലീസുകാര്ക്കെതിരെ നടപടി സ്വീകരിക്കുക എന്നീ ആവശ്യങ്ങളുന്നയിച്ച് എസ്.കെ.എസ്.എസ്.എഫിന്റെ നേതൃത്വത്തില് പ്രക്ഷോഭ സമ്മേളനം നടത്തി. പി.കെ.പി.അബ്ദുസ്സലാം മുസലിയാര് ഉദ്ഘാടനം ചെയ്തു. മാണിയൂര് അഹ്മദ് മുസലിയാര് അധ്യക്ഷനായി. സയ്യിദ് ഹാശിം, പി.പി.ഉമര് മുസ്ലിയാര്, അബ്ദുറഹ്മാന് കല്ലായി, വി.കെ.അബ്ദുള്ഖാദിര് മൗലവി, അശ്റഫ് ഫൈസി കണ്ണാടിപ്പറമ്പ്,അഹ്മദ് തേര്ളായി തുടങ്ങിയവര് സംസാരിച്ചു. സിദ്ദിഖ് ഫൈസി വെണ്മണല് സ്വാഗതവും ഇബ്രാഹിം എടവച്ചാല് നന്ദിയും പറഞ്ഞു.