റമദാന്‍ കാന്പയിന്‍ : കുവൈത്ത് സിറ്റി



കുവൈറ്റ് സിറ്റി : ധര്‍മ്മ പ്രാപ്തിക്ക് ഖുര്‍ആനിക കരുത്ത് എന്ന പ്രമേയവുമായി കുവൈത്ത് ഇസ്‍ലാമിക് സെന്‍റര്‍ ആചരിക്കുന്ന റമദാന്‍ കാന്പയിന്‍റെ ഉദ്ഘാടനം എസ്.വൈ.എസ്. സംസ്ഥാന സെക്രട്ടറി സി.കെ.കെ. മാണിയൂര്‍ നിര്‍വ്വഹിച്ചു. പ്രസിഡന്‍റ് ശംസുദ്ദീന്‍ ഫൈസി അദ്ധ്യക്ഷം വഹിച്ചു. കാന്പയിന്‍റെ ഭാഗമായി പ്രഭാഷണങ്ങള്‍ , സെമിനാറുകള്‍ , കുടുംബ സദസ്സുകള്‍ , റിലീഫ്, ഇഫ്താര്‍ മീറ്റുകള്‍ വിജ്ഞാന പരീക്ഷകള്‍ എന്നിവ സംഘടിപ്പിക്കും. സിറ്റി സംഘം റസ്റ്റോറന്‍റ് ഓഡിറ്റോറിയത്തില്‍ വെച്ച് സംഘടിപ്പിച്ച പരിപാടിയില്‍ അഷ്റഫ് ദാരിമി പ്രമേയ പ്രഭാഷണം നടത്തി. ഇല്‍യാസ് മൗലവി സ്വാഗതവും ഇ.എസ്.അബ്ദുറഹ്‍മാന്‍ നന്ദിയും പറഞ്ഞു.