ശിഹാബ്‌ തങ്ങള്‍ സ്‌മാരകം: സബ്‌ കമ്മിറ്റി രൂപവത്‌കരിച്ചു - മലപ്പുറം

മലപ്പുറം: സമസ്‌തയുടെ നേതൃത്വത്തില്‍ മലപ്പുറത്ത്‌ നിര്‍മിക്കുന്ന പാണക്കാട്‌ മുഹമ്മദലി ശിഹാബ്‌ തങ്ങള്‍ സ്‌മാരകത്തിനായി സബ്‌കമ്മിറ്റി രൂപവത്‌കരിച്ചു. മുസ്‌ലിം ലീഗ്‌ സംസ്ഥാന പ്രസിഡന്റ്‌ പാണക്കാട്‌ ഹൈദരലി ശിഹാബ്‌ തങ്ങള്‍ ഉദ്‌ഘാടനം ചെയ്‌തു. കെ. ആലിക്കുട്ടി മുസ്‌ലിയാര്‍, പി. കുഞ്ഞാണി മുസ്‌ലിയാര്‍, ചെമ്മുക്കന്‍ കുഞ്ഞാപ്പു ഹാജി, വാക്കോട്‌ മൊയ്‌തീന്‍കുട്ടി ഫൈസി, എരമംഗലം മുഹമ്മദ്‌ മുസ്‌ലിയാര്‍, എം.കെ. മൊയ്‌തീന്‍കുട്ടി മുസ്‌ലിയാര്‍, എന്നിവര്‍പ്രസംഗിച്ചു. സ്‌മാരക കമ്മിറ്റി ഭാരവാഹികളായി ടി. മുഹമ്മദ്‌ ഫൈസി (കണ്‍.), കോട്ടുമല ടി.എം. ബാപ്പു മുസ്‌ലിയാര്‍, ഹാജി കെ. മമ്മദ്‌ ഫൈസി, യു. മുഹമ്മദ്‌ ശാഫി, കെ.എ. റഹ്‌മാന്‍ ഫൈസി, പി.എ.ജലീല്‍ ഫൈസി, കാടാമ്പുഴ മൂസഹാജി എന്നിവരെ തിരഞ്ഞെടുത്തു.